Eunicemon的个人专页

去馬灣探朋友之前不嬲都冇咩好食今次朋友仔推介可以試米九十所以一試我哋去食late lunch, 14:45到都坐滿等咗15分鐘，終於有位叫咗個吉列海鮮定食、和牛定食同埋西班牙蛋餅仲嗌咗幾杯嘢飲嘢食嚟到第一時間俾個份量震撼咗好豐盛！啱晒大食餓底人士我哋果日去到由於茶碗蒸同白飯都賣晒所以轉左做吉列蠔同埋三文魚釜飯其中要改進嘅係吉列海鮮伴碟嘅椰菜絲質感同味道都有進步空間嘢飲中規中矩三個大人一個小朋友最後埋單$600同埋可以帶狗狗去會再有下次😆…查看更多

朋友仔生日與其去連鎖品牌買蛋糕倒不如支持吓小店已經唔係第一次訂蛋糕上次試咗香芋味今次本來係預留咗八味盒但去到舖頭拎蛋糕嘅時候見到有開心果味臨時轉軚好彩店家好好人，可以轉款Crepe皮好薄再夾埋香濃開心果味嘅滑滑忌廉忍唔住一啖接一啖咁食卡路里同減肥都要擺埋一邊正所謂唔食邊有力減😂…查看更多

次次嚟都見到大排長龍所以一直都淨係食過一次外賣上次食吉列豬扒配沙律外賣都好好食所以終於嚟到現場朝聖排咗一陣間隊就安排入座半島冰室人氣高，所以要搭枱都預咗不過啲位真係有啲迫好彩食物好味搭夠半島公司三文治超級好味😋睇相就見到有幾足料仲有邪惡嘅午餐肉三文治烘得好鬆脆👍🏼👍🏼👍🏼啲醬汁份量都啱啱好加咗$12有一大兜粗薯條啱啱炸起外脆內軟🤤🤤🤤是日午餐A-香辣酸菜大蜆滑雞鴛鴦米非常惹味開胃蜆同雞嘅份量都相當多仲配咗好多超入味同淋嘅白蘿蔔片連湯都一滴不留😆既然難得去到 就叫埋個西多士裏面嘅花生醬d花生粒係脆卜卜嘅雖然好飽 但好滿足☺️☺️☺️大家去食要留意營業時間呀因為公眾假期佢係唔開㗎…查看更多

第二次嚟食星期四晚出奇地唔爆場等朋友仔到嘅時候，一邊食住小菜等😋平時無咩機會食菜所以可以免費refill波菜同芽菜好開心😆當然唔少得泡菜 係偏酸甜嘅泡菜 I like it!本來想食醬油蟹可惜朋友仔唔食 唯有食其他嘢叫咗一份三花肉(即係豬五花)半份黑毛豬梅肉半份澳洲和牛牛板腱(4片 $148）同埋豆腐海鮮鍋個和牛雖然得4片 但好好味！入口油脂融化喺口 我最鍾意燒肉點鹽食 果種好味嘅程度 簡直係next Level☺️☺️☺️豬都好味 正常發揮👍🏼我同朋友仔都係蒜頭怪 Encore咗兩轉免費嘅蒜片喺個爐度燒到金黃色少少脆 再夾埋啲肉一齊食 正到爆🥳豆腐海鮮鍋嘅豆腐數量都多同埋好滑 少量海鮮 但有兩隻沙白無開口 我哋都冇食到 不過個湯熱辣辣同醒胃都正嘅連埋兩罐可樂埋單$541好彩果晚唔多客 同朋友仔傾到10點幾所以食完成頭成身都係油煙味😂但都會再有下次😃…查看更多