tsangalice的个人专页

今日朋友帶我到深水埗吃上海菜，居然吃到口味正宗的上海菜，非常有驚喜。～酸辣湯雲吞大大碗酸辣湯，酸辣恰到好處，六粒大雲吞，爽滑豬肉餡料，令人回味無窮，份量非常大，三至四人吃也足夠。～ 涼拌雙拼選了海蜇和上海熏魚，熏魚三大件，海蜇份量亦不少，做頭盤冰涼又開胃。～ 鮮肉生煎包一客有五隻，上枱時候熱辣辣，底部煎得金黃香脆，餡料爽滑不肥膩，讚！～ 豆苗炒蝦球（客飯餐）先要提一提係有八隻蝦，隻隻彈牙，豆苗份量多，性價比極高。最重要提一提加$15可以飯轉酸辣湯或者擔擔麵，份量絕對是我估不到的大，應該係正價size的份量，就算加錢來轉，亦絕對超值。味道香口、花生味帶點Spicy，唔食得辣都絕對冇問題。味道令人回憶起兒時吃到的上海菜口味，不花巧，大件夾抵食，值得推介。員工亦十分friendly, 見他們跟客人傾偈也有講有笑。總括來說，性價比高，大件夾抵食，下次嚟深水埗我也要再來幫襯。…查看更多

今日同家人一齊去試開業冇幾耐的酒樓，早上10:00到酒樓等了10分鐘，剛好趕及10:30截單早茶優惠。的而且確有啲驚喜，份量用料以及味道都值得一讚。當中有一道叫做人蔘通蝦餃只是$8.8，上枱樣子好像是灌湯餃差不多，人蔘湯中有蟲草花，還有一些人蔘鬚，味道是有點人心味的，但以價錢來說還可以要求什麼？擂沙炸煎堆，亦是我推介之一，見到每枱都叫當然有原因我也不輸蝕來一客，奶奶大人也也說好味。其他點心味道也十分不錯，潮州粉果、香西牛肉腸粉、鳳爪、鳳爪排骨飯、柴魚花生粥、馬拉糕等等也可以在早茶優惠的餐單中找到的確不錯。而環境方面也是不錯的，座位不是太迫，而上菜時間亦相當快。四個大人，叫了10個點心大概$250以下ok，以這樣的價格絕對性價比高，所以我們一定會再來幫襯。…查看更多

同同事經過呢間新開嘅日本餐廳，見有午餐定食，就決定試吓。豚肉壽喜燒：等了60分鐘才現身的壽喜燒，豬肉有五片，但十分硬，而且壽喜燒汁完全不是壽喜燒的味道。而當中的蔬菜，份量不太多。吉列豬扒滑蛋飯等了45分鐘的滑蛋豬扒扒飯，正正常常，份量嘅正常，中規中矩，$98價錢，味道方面性價比就不算太高。定食當中有茶碗蒸，可能是全個套餐入邊味道最正常的一樣食物。麵豉湯上枱時候不是太熱，但等了相當的時間，有什麼變吃什麼。總括而言，不是10分愉快的一餐，坐低45分鐘開始才有食物。真心說環境是不錯的，可惜想食物製作時間太長的話，午餐絕對冇下次。…查看更多

今日去觀塘搵食，朋友介紹了這間日月堂，其實位置都幾難搵隱藏於一座工廠大廈入邊。可能係星期六中午，所以不是太多人，我們兩個人叫了兩個午餐：1）紅燒牛肉麵下單沒有5分鐘就已經送上枱，急不及待試一試味，真係有驚喜，很久沒有在香港吃過比較似樣的台灣牛肉麵。牛肉有三大片，軟滑又腍，值得一讚。而面種係刀削麵麵條粗粗的，掛汁一流。2）炸排骨滷肉飯排骨有手掌咁大，滷肉飯亦都鋪滿成個碗，味道意想不到，都好好味，超讚！性價比算高，－個男人絕對食得飽。冬瓜茶味道就似蜂蜜綠茶咁，反正係送嘅OK啦！估唔到工廠大廈內居然有隱世高手，我哋由最初入餐廳只有兩三台客，直至走嘅時候已經坐滿八成，難怪大家也會搵到上樓。…查看更多

今日終於試咗More Yogurt, 終於明白點解。我本身超喜歡芒果🥭，所以揀咗一杯芒果乳酪奶昔，其實這是必喝推介之一僅次於牛油果乳酪奶昔。我的芒果乳酪奶昔超大杯，飲品容量完全是高過個杯，佔據咗半個蓋嘅位置，頂部有至少半個新鮮芒果肉，一見到即刻流晒口水，用料十足，毫不吝嗇，滿足我想食芒果、乳酪和飲奶昔嘅願望。整杯飲品芒果味濃郁，沒有要求少甜，對怕甜的我仍然剛好，重要係天然芒果味，不是人造香精甜味，絕對係健康飲品之選，凍冰冰的乳酪奶昔在30度嘅天氣簡直是一大享受。等候時見到很多客人選購牛油果、水蜜桃和火龍果味，其實已經超出我對奶昔嘅認知。下次再幫襯我一定要試吓抹茶糍粑乳酪奶昔，絕對會滿足我再多一個願望。 😋🥤…查看更多

去太古坊開會，同事帶我去食台灣菜，估唔到的確有驚喜。我們兩個人order了幾樣食物：1）台灣手工水餃選了高麗菜豬肉餃，啖啖豬肉，真材實料，配埋特調嘅豉油，味道恰當好處，一客有十隻，性價比高。2）招牌牛肉炒飯真心推介，真材實料，每口飯都充滿牛肉、青蔥和洋蔥的味道，恰到好處，十分有鑊氣和家的味道。牛肉腍又入味，令人回味無窮。我本身平時吃很少飯，也吃了一碗半😅。 份量十足，又一性價比推介。3）芋圓仙草奶凍食台灣菜，又點可以缺少芋圓？芋圓、番薯粉圓、珍珠和仙草，已經滿足了四個願望。好味！太古坊雖然是商業區，居然周邊有這家台灣美食小店隱藏在其中。總括而言，十分美滿的一餐晚飯，下次有機會搵多幾個朋友再試多幾樣美食。😋…查看更多

紅磡有好多間餃子店，琴日經過見到一間裝修比較新派，急不及待試試。夜晚8:00 ，一推開門已經坐滿人，令我好期待。兩個人試咗幾樣食品：1）前菜：香辣菜脯，超惹味，記得要食呀！😋😋2）鮮蝦帶子餃併椰菜豬肉餃鮮蝦帶子餃真材實料，除咗蝦同帶子之外，加入咗粟米，帶出一份甜味。椰菜豬肉餃椰菜夾豬肉，椰菜爽脆，豬肉嫩滑，絕對冇粒粒肥肉嘅情況。越食越有驚喜，就係湯餃碗雞湯，淡白色嘅雞湯，味不太濃，勾起有花生雞腳湯嘅感覺，好有家的味道，最後我係捧住成碗湯飲晒。（後記：飲晒之後都冇口渴，應該冇味精）👍🏻👍🏻3）煎大蔥牛肉餃，拼鮮蝦帶子餃煎餃子上枱時是一排煎出嚟，見到外皮煎到十分香脆大蔥牛肉口味比較新鮮，蔥香肉嫩，冇牛肉臊味，下次會再叫鮮蝦帶子餃跟湯餃口味是一樣，但煎出嚟嘅口感絕對是兩樣，值得一試3）胡麻撈麵（跟餐叫）配煎餃一齊嗌，份量適中。面配以胡麻醬，加上青瓜絲，感覺不太膩，反而有一份新鮮感。4）煎紅豆麻糬餃喜歡食麻糬嘅朋友一定啱，豆沙份量不吝嗇，食起嚟似加咗麻糬嘅豆沙煎餅，唔太甜！以食物來說，整體性價比十分高，真材實料。下次有機會一定要試吓啲特色飲品，琴晚大部份都售罄。其實我哋一路食飯嘅時候都發現餐廳人流不錯，夜晚8:30打後還是坐滿人。環境方面風格帶點簡約輕日風，店內不停播着日文歌曲。而最有趣的是店內有很多細細隻貓figure公仔，都幾得意。…查看更多

朋友生日揀咗IFC呢間西班牙餐廳，完全沒有心理準備嘅情況下book咗，發現原來係一間高級餐廳。7:30到場室內已經差不多坐滿，好彩有book位。兩個人叫咗幾五六樣嘢，叫多啲Tapas, 細細碟可以試多啲嘢。Starter: ~ La Anchoa Boqueron鬼佬鹹魚，好唔好食見仁見智~ Avocado Lobster餐廳推介之一，影相效果一流。口味清新，食落都似食緊壽司嘅感覺。~ Uni Pancetta雖然有日本海膽，但當然唔可以同日本餐廳相比，成個presentation靚嘅，海膽下面有好似薯蓉嘅口感夾喺中間，加上名貴黑魚籽，最底層就係有塊多士。~ Cod FrittersTapas 都係細細件，食到有薯蓉，味道似食緊薯波波，味道都唔錯。~ Wagyu Bikini和牛三文治，中間牛肉似係慢煮牛肉多啲，就感覺唔到成日式和牛嘅嗰種油香，但味道都好味嘅。~ Calamari Refrito焗魷魚中間釀左啲鹹香嘅餡料，有成隻魷魚，切開五六件份量都幾大。~ Virgin Mojito ~ Divine Light飲品正正常常，高級餐廳價錢當然差不多$100一杯~ Creamy Cheesecake朋友生日，所以訂位時已講咗慶祝，上堂時候員工就準備咗手揸煙火，影相效果一流~ Churros 上枱時候熱辣辣，擺明新鮮做嘅，推介推介總括嚟講服務一流，訂枱時可以訂室內或者係露台，露台位可以睇維港景色，我哋今次選擇坐室內因為呢幾日落雨。價錢方面就比較高，但餐廳地區位於中環IFC所以性價比未必最高。…查看更多

位於太子花墟附近呢一間街坊點心店，點心即叫，即蒸絕對有誠意。我們兩個人選了五款點心：1）得獎蝦餃：蝦餃餡料由蝦和筍為主，爽口彈牙，略嫌蝦味不夠，有少許酸味，價格平均也要$9一粒，未算平2）潮州粉果：另一推介，冬菜香茜味濃，花生亦有很多粒，潮州人都好味3）香西牛肉腸粉：牛肉餡料出乎意料之多，有見到的厚度，腸粉皮方面略厚，豉油味都OK4）醬皇蒸鳳爪：好味喎，夾雜微辣的豉椒香，推介推介5）叉燒包：正正常常， $20. 三個，性價比高冇得輸總括嚟講性價比算高，此店位於另一家米芝蓮點心店附近，那間店有好多遊客在門口排隊，但得閒飲茶絕對係地道街坊幫襯首選。店舖少少有十幾張張枱，星期日你夠11點已經開始門口有人排隊，就算不是米芝蓮推介也絕對是街坊推介！…查看更多

朋友知道我喜歡吃日本菜，今日特登帶我去試佢讚口不絕嘅居酒屋。先叫了兩個飲品，打卡超靚的Fuji Mountain 和Mata Punch。兩款果味香濃亦相當清新。兩個人試了幾道菜，真心有驚喜。1）炸日本明蝦白蝦來自北海道，炸得鬆脆甘香，可以連殼一齊食，加上海鹽，佐酒一流。 2）雞胸軟骨串平時外面叫雞軟骨串就只係得雞軟骨，但今日食的是一塊軟骨一塊肉串起來，兩種質感加埋又沒有燒得太乾仍然保留到肉汁，好味! 3)海膽汁燒蠔驚喜之作，汁燒三大隻生蠔，不是普通日式醬汁，而是海膽製作的汁醬放在生蠔上來汁燒，生蠔淡淡的鹹鮮，加上甘甜香濃的海膽，每一口味道也有不同層次，兩者交集在一起堪稱絕配。4)爆蔥慢煮牛舌丼份量都幾驚人，厚厚的一層日本大蔥，下面四件有成cm厚的牛舌鋪在飯面，份量相當充足。店員介紹由食材處理直至慢煮完成，全程大概需要三個多鐘，烹調手法傳統，係手工菜。牛舌口感軟嫩，單獨會吃到吃到淡淡的麵豉味，但夾雜大蔥一齊食又各有風味。牛舌的脂香加上大蔥嘅清新，真心推介。絕對不能不提碗飯，日本麵豉嘅味道就響呢度發揮更明顯。整體幾樣食材嘅味道各有特色，又不互搶，但加起嚟嘅層次威力就絕對感覺到大廚嘅誠意。5)花生酥超讚！愛吃花生之人一定喜歡。哈哈！我就是其中之一！😋服務方面也十分體貼，每道菜店員也給我們簡單介紹當中亮點，真的感受到那份誠意。總括來說，由一開始serve的不是綠茶，而是玫瑰花茶，以至到食物方面真心感覺到食材製作用心，味道一絲不苟，又一次證實高手隱藏於民間。…查看更多

朋友生日揀咗呢間餐廳，食物係印度fushion菜，未必人人都啱，但係勝在搞花臣，而家Restaurant Week, 晚餐都係有特價，頭盤四樣食物已經包埋，另外再揀一個main, 都有幾個唔同菜式𢵧。餐廳本身都係serve素食，食肉獸就未必啱。講到服務，從亞畢諾道入口其實都唔係餐廳正門，係佢哋上面嘅酒吧，但真正服務員其實係喺樓下，所以每次想搵waiter嘅時候就冇, 要人打電話落去叫上嚟，但最慘係服務員真的唔係好熟餐牌，有啲乜係包同唔包都完全答唔到唔。既然係朋友生日揀嘅食完就算。…查看更多

早兩日約朋友到D2 place 人氣居酒屋晚飯，我們約了6:30，食餐時段是1 個半鐘。由我們6:45開始，直至到我們7:44埋單，員工催我們八點要交枱少三~四次，無論食物幾好，下次一定唔會再去。餐廳環境非常有日風，食物亦有相當水準日式醬油燒飯團：上枱時候外面卜卜脆燒紫菜年糕：份量雖然唔多，但濃濃醬油都值得讚嘅鰻魚玉子燒：餐廳推介之一，味道好，好有蛋香，但略嫌唔夠熱還叫了幾樣其他串燒，都不錯。由我們坐低至下單已經催了兩次8:00交枱，再好味食慾都冇晒，如果大家唔介意要食快餐居酒屋嘅就可以考慮呢間餐廳。…查看更多

早幾天情人節購買了一個晚餐套餐，諗住簡簡單單吃一頓。最後感覺自己是在高級餐廳吃高級快餐，60分鐘已經預多咗時間。情人節套餐包了幾道菜：- 軟麵包，冇得輸- 香芒蟹肉塔- 外表精緻，味道淡淡的，有少量蟹肉- 法式龍蝦湯：湯碗小到一個點連湯匙也差點放不下，味道是香濃的- 免翁牛柳：份量也可以，奈何上枱未夠熱，味道也不錯-玫瑰慕絲蛋糕：外表好看，一個是普通玫瑰形狀，另一個是有白朱古力蓋住，用木槌仔揼開朱古力便見到玫瑰慕絲，（其實兩個內容味道是一樣）老實說，味道完全不可以接受，慕絲內外都沒有味道。總括來說，以$1088這個價錢在情人節吃一頓飯是不錯的，餐廳在高級的K11內也是賣點之一，奈何商場實在太旺丁，一邊吃飯旁人來人往的確破壞了什麼情人節浪漫氣氛 😅，但如果以打卡的角度、又或者趕時間來說還是可以接受的。…查看更多

之前上幫襯佐敦那間出名的雲吞麵店，但奈何遊客越來越多，每次經過都大排長龍，最近網上有些關注組介紹這間雲吞麵店，昨天路經太子決定去試一試一。單看價錢已經完勝佐敦那間名店，食物上枱時的確有驚喜。一碗雲吞麵（$38）有四粒大鮮蝦雲吞，的確是皮薄餡靚，蝦肉新鮮彈牙，麵上更灑上蝦子粉，大地魚湯底上倍添香濃蝦子味味道。而店舖有免費酸蘿蔔供客人享用，的確有心思。總括而言，店舖內環境以地道小店來說也算不錯，自助下單亦十分方便，論價錢性價比亦算高，所以肯定會再來幫襯。…查看更多

平時經過呢間日月茶點，都見有好多人，早兩日終於食到。店內位置不是太多，所以時常都是滿座的。我們兩個人叫了幾個點心：蝦腸：（忘記影相）唔係講笑，三條腸粉各有兩隻蝦，蝦size絕對大過個5蚊硬幣，爽口彈牙，不花巧只有蝦和韭黃，唔錯唔錯！馬拉糕：一成個圓形切開六件，味道正正常常，不太甜潮州粉果：略嫌韭菜味濃，餡料仍是滿滿的豉汁蒸鳳爪：鳳爪都算幾大隻，雖然未夠入味，但係有好多粒花生托底都算係咁叉燒包：好食，叉燒沒有太多肥肉，肉汁香總括而言，性價比亦相當高，所以一定會再幫襯。…查看更多