estdollar的個人專頁

之前食過呢間d鵝幾好味，見屋企人生日，一於外賣半隻鵝加餸啦！見師傅切嘅時候拎起聞一聞，已經打個突，見師傅又照交貨，都係唔好多疑啦～返到屋企，一打開個盒臭嘅食評就無喇，食都無食就丟咗，街坊生意，咁唔老實，無下次喇…查看更多

擔心會落大雨，決定喺商場入面嘅餐廳食飯！見評分幾高，又無咩喊喊，就試下啦！由小食到中菜都中規中矩，menu個甜品又幾吸引，吐司啫，好難伏嘅...... 應該結果一上菜，呆咗！一塊硬硬地嘅厚麵包以為嗌錯，再望下個menu，咁㗎喎！侍應問甜品好唔好食，同朋友對望咗吓答佢“麻麻”，估唔到侍應再追問，我答咗句“有待進步”侍應好好心，介紹下次可以試其他，我心諗，見過鬼，仲唔怕黑咩BTW侍應服務好好當普普通通食飽，唔好試甜品，錯唔哂嘅～…查看更多

八十幾蚊一隻燒雞的確係幾抵，但係返到屋企打開個外賣即刻扣一扣分:(黑椒汁呢？ 唔通個蓋唔實？拎起個蓋一望，扁嘅？ 唔知係Chicken Factory個蓋同一般餐廳唔同，定係隔左大半個鐘先打開，個蓋熱到溶咗手多試吓蓋返好，完全蓋唔到個盒😑唯一好彩嘅係，膠質紙袋防漏做得好好雖然無黑椒汁，隻雞夠哂味，而且份量十足，呢個價錢算比足功課😎…查看更多

朋友喺附近返工，佢建議閒日開門前早15分鐘去排隊就得Openrice同Googlemap都係寫3點開門，2點40分去到，果然未有人排，50分左右開始有多2個人，終於到3點！燈都未開！ 唔通3點半⁉️ 3點45⁉️最尾，係等到3點50先開門係有驚喜嘅，老闆亦有講唔好意思要等咁耐，但係呢個飄忽嘅開門時間，就算好味到識飛，無下次喇～…查看更多

經開新蒲崗見到間新開車仔面，裝修幾新淨而且四餸一面都係39蚊，就入去試下啦！一入到門口老闆娘已經好nice咁打招呼！隨便搵咗個位坐底，就同老公一人叫咗一碗四餸面冬菇牛筋豬頸肉墨丸薯粉冬菇好入味，牛筋炆到好焾，豬頸肉煎得好香口，墨丸就普通凍肉舖野，薯粉都係一般無驚喜！另一碗 : 豬腸牛腩牛柏葉雲吞河粉豬腸同牛腩都好焾好入味，牛柏葉爽口，雲吞夠新鮮都算大粒多蝦，河粉有驚喜，唔似出面果啲一夾就斷，但係又好咬口又滑，而且佢樣樣餸都有自己既味，唔似好多車仔面，款款都同一個味，絕對有誠意！我本身唔食辣，我老公為咗就我，所以叫老闆娘另外上辣汁俾佢，老闆娘都好樂意另上我老公話個辣汁好攪笑，唔係濕既汁，係乾既醬，要加少少車仔面湯黎化開佢，一食完佢就話夠辣好香，老闆娘見我老公鍾意辣，就叫我地試下佢個秘製菜甫，我老公試咗話有驚喜，入面有櫻花蝦，有鮮辣既感覺，我唔食辣所以我都唔識，唯有佢講乜我寫乜啦！兩個四餸面加兩個野飲埋單90大元，兩個都飽到反晒艇！總結黎講車仔面44蚊四餸連野飲係抵既，而且大大碗好足料，款款餸都有各自味道呢樣已經加爆分，加上老闆娘又平易近人好相處，下次經開一定再幫襯！…查看更多

路過見到成堆人喺到等，既然有時間，梗係停一停，試一試啦！波霸厚醇奶 好香濃既黑糖味，至於珍珠偏淋，要飲到尾先夠Q！用4.3特濃牛奶果然係唔同d，夠哂香，效果比起一般鮮奶有明顯出入！總括黎講，比起要排半個鐘以上既過江龍，呢間CP值比較高！值得再黎試埋其他款式！…查看更多

朋友一直係圓圓既fans，成日聽到佢提有幾好味，今日終於到我去試喇！圓圓炭焙烏龍奶茶(微甜小冰)珍珠Q度適中，最驚喜係一杯茶兩款味道既珍珠！以為深淺色珍珠只係gimmick，估唔到淺色珠帶有陣陣茶香味另一杯係呢期好hit既黑糖珍珠鮮奶同其他鋪頭一樣，甜度冰度都係定左，飲開微甜既我就覺得偏甜，蓋過左奶香味，值得一讚係珍珠食得出黑糖味，咬咬下好香口！朋友果然無介紹錯啊！…查看更多

朋友相聚，Olive會係黃大仙區少見有水準，又靜靜地既西式餐廳！一早喺團購買左$498一份30oz炭燒美國牛扒+一支紅酒，另加$70.6加一費，去到睇menu先知，原來本身個牛扒都只係$498，早知唔買團購啦！好彩既係，支紅酒唔差，幾易入口，after taste唔差，唯有當$70買左支紅酒，安慰自己啦！30oz牛扒同行朋友唔習慣medium，要左medium well，難得喺香港要medium well唔會煮過龍！切到厚身既位置仲只係medium添啊，一次過滿足哂我地想食medium同medium well既慾望啊個set跟左3個sauce，原味gravy，檸檬草味gravy同埋香草味gravy，加少少喺牛扒點綴下，又係另一番風味啊ribs+煎三文魚ribs中規中矩，無咩驚喜，反而煎三文魚意外地香口！三文魚煎好啱啱好，個皮會帶少少脆，而魚肉又迫走左d油，加埋少少檸檬汁，食完唔會覺得"漏" 帶子大蝦長通粉比起前面2道菜，呢道普普通通，個蝦仲要有d霉，睇黎都係食扒食肉保障d埋單每人接近$250，環境寧靜又坐得舒適，過時過節喺到嘆下都幾抵唔錯吖！…查看更多

經過見到大大隻字“貓山王” ，作為榴槤愛好者，梗係要試一試啦！店員話，呢到所有榴槤食品都係用貓山王製作，今日仲有星期五六日先有既榴槤軟雪糕，一於就試下啦！$60杯，齋睇價錢偏貴，但係食第一啖，即刻覺得抵左！好滑好重好香榴槤味，睇介紹話加左奶去製作，但係唔覺奶味，反而似成杯榴槤溶，一定要試啊！迷你榴槤瑞士卷話哂第一次幫襯，梗係試迷你版先啦！卷身好軟好棉，我就覺得味道偏淡，老公就覺得咁樣無咁滯仲好，如果鍾意少少淡淡榴槤香既，可以試下！店員仲有推介法式焦糖貓山蛋，下次又有藉口再黎試過！…查看更多

對於品牌開既餐廳一向都無咩信心，知道ralph's lauren開左間咖啡店，都無打算試！有日同朋友喺海港城食完lunch，佢話有2張咖啡卷問我有無興趣陪佢試新野，免費試新野，梗係好啦！去到門口先知，原來係ralph's coffee！LATTE出乎意外既驚喜！咖啡好香，奶亦打得好棉好滑！估唔到品牌開既咖啡店會有咁好水準而且全店主要外賣，得少量企位，所以好靜好舒服咖啡店仲有豆同朱古力賣，就黎到中秋仲有月餅！但係價錢唔平，我都係飲咖啡算lu…查看更多

喺小店食burger好多時都會充滿驚喜！有次經過見到呢間小店得bar枱，坐得唔算舒服，竟然都坐滿人，一於bookmark定試下啦！星期六中午，好好彩只係得一位客人，我地一行3人先至有位咋！食完個陣，成間小店已經坐滿哂，又企滿哂等外賣喇！講返漢堡先，話說偷望到個漢堡唔算大，心大心細要經典牛肉漢堡定係特級牛肉漢堡，好彩唔貪心！漢堡+芝士薯條+bless果汁，飽到爭d食唔哂啊！經典牛肉漢堡個包烘到脆脆地，但係中間仲係軟架至於牛肉稍為淡味，對於鐘意食原味既朋友係一件好事，但係如果鍾意食濃味，會覺得唔夠香口！漢堡果然係快餐食品！我食野太慢既關係，食到尾個陣，漢堡既熱令到生菜有d熟左，而蕃茄太多汁，底個片包已經濕哂下次要食快d先得！特級牛肉漢堡呢個係老公點既，大件到連佢都話好飽！而且高到無可能一口咬落去，要分開2 part咁食今次一似過試埋薯條、薯格同蕃薯仔，三樣都不過不失啦！話哂黎呢到為左食burger，sides正正常常就ok喇！又加芝士，又轉bless果汁，埋單每人$100，呢個價錢CP值好高！下次經過諗唔到食咩，再黎食下先！…查看更多

一直想試台灣既老虎堂，可惜上次去台灣未有機會！難得開黎香港，試下係咪傳說中咁厲害先！閒日既早上，前後用左20分鐘，虎虎生風厚鮮奶就到手喇！第一啖，失望！飲多幾啖，越飲越失望！！老虎堂既重點係黑糖珍珠，偏偏呢樣野做得好差！！珍珠食唔出黑糖味，部分好淋，部分又偏硬，完全無Q彈可言！！至於個奶，一開始飲係好重奶香味，可惜唔比少冰，當d冰溶左一半，成杯野變得好淡口好水！！朋友話淨係排20分鐘係好好彩！我就話莫講20分鐘，下次唔洗排隊都未必再買啊！！…查看更多

姊妹飯局，難得有朋友提意試新野，梗係好啦！唔洗我諗丫嘛自從迷上左九龍城街市既牛，就好少出街喇！第一次見到呢種兩用湯殼，真係好方便啊！經openrice訂枱送既龍蝦湯底，有半隻龍蝦架！湯一滾，職員叫我地飲左碗湯先，“龍蝦湯有龍蝦味咁啦”，再每人分少少龍蝦肉，留返隻龍蝦鉗繼續煲！手切肥牛肥牛雪花唔靚仔，牛味唔重(可以關湯底事)，亦都偏鞋！深明唔可以同街市買既肥牛比較，但係開得$388呢個價錢，都幾失望架！西班牙黑毛豬豚肉好過食肥牛。 (無其他喇，因為本人麻麻地豚肉片)牛汁芝士丸入面超多芝士！睇個樣以為好乾，意外地好juicy！芝士味好濃，要分開食先食到牛味！炸響鈴跟埋碟甜酸汁！可惜每件響鈴除左頭尾係脆，中間部分都係未炸透！老友鬼鬼、炸魚皮呢兩款又炸得幾香口喎！未開始打邊爐已經掃哂，用黎當餐前小食都唔錯！另外仲叫左2款餃，個餃皮淋到爭d成隻餃喺個鍋到散哂！總結！個湯底係送，埋單每人$355！如果齋睇食物，我覺得唔抵食！以呢個價錢黎睇，食物真係一般！好彩今晚入座率得7成，坐得舒舒服服，客人少，服務跟得足！今次都滿意既，但係再黎就唔會喇！…查看更多

早喺Pan De Pain新開既時候，就試過一次！今日朋友主動提起好耐無食，就佢啦閒日既下午茶時間，排左20分鐘就有位喇！TIRAMISU PANCAKE好香濃既tiramisu味，蓋過哂pancake本身應該有既香味，而且連口感都似，塊pancake濕到好似食tiramisu咁！如果期待食pancake可能會失望，但係如果只為tiramisu陣味，係好味既！原味梳乎厘比起第一次食，係失望架！已經無以前咁鬆軟，個底仲有d硬期間限定既芝士奶蓋蘋果茶芝士奶蓋有陣淡奶香味，而蘋果茶亦都好香，仲好多蘋果粒，可惜夾埋芝士奶蓋效果麻麻地！可能第一次食太驚喜，今次期望太高，覺得質素好一般！如果要排隊，試埋今次唔試lu~…查看更多

自從喺北京食過煎餅之後，一直對佢念念不忘！祖籍北京既老公話，喺北京都好難搵到好食既煎餅，估唔到今日誤打誤撞，竟然喺灣仔食到間連佢都滿意既煎餅！開放式廚房，睇住師傅由落漿，打蛋，上甜面醬，落芫荽、青瓜絲、甘荀絲、薄脆、生菜，再捲起入袋，望到都已經流哂口水啊！仲睇到d薄脆係新鮮炸起添啊！孜然羊肉煎餅外軟內脆，成個煎餅充滿住孜然既香味，羊肉亦比得好足料！老公話佢細個喺北京食既煎餅無生菜，係依家先有，呢到個煎餅夠唔夠傳統就真係無從稽考，但係多左青瓜生菜，食落會無咁膩仲好啦成個煎餅我都好滿意，唯一可惜係甜面醬溝得甜左d，如果片皮鴨可能比較夾！師傅見我地食完，會問下覺得味道點樣，仲出黎送客！估唔到一間細細既鋪仔，除左收埋令人懷念既煎餅，仲收埋左一位好友善既師傅！…查看更多