食物出得快，又好食，選擇又多，仲有好多稀有食物，好回味既松葉蟹腳，磯煮冷鮑魚，生蠔，雞泡魚乾.
刺身好吸晴，好豪華，打卡一流，
有生蠔，松葉蟹腳，磯煮冷鮑魚，三文魚，每樣都好新鮮，鮮甜.驚喜有大閘蟹，蟹膏味道非常濃郁，質地綿滑濃稠，蟹肉鮮甜.
壽司一樣好豪華有龍蝦沙律軍艦，黑松露珍寶帶子壽司，海膽壽司，真係高級，好鮮美，超好食.
海老天婦羅，松葉蟹棒天婦羅，外脆內軟.榴槤炸彈，爆槳，榴槤味好重，好好味.燒牛舌，牛舌軟熟，牛味濃，好味!…查看更多
餐廳有7個鐵板燒位置同兩張枱,所以要早啲book枱我地叫左一個入門八道菜廚師發辦套餐和散叫左東星斑,A5和牛厚燒&焦糖牛油多士配吉士十勝紅豆蓉.兩位大廚都好親切,每上一道菜都會同我地介紹前菜:煙三文魚包沙律菜, 配上檸檬柚子打成的泡泡,食落酸酸甜甜,好醒胃.乳酪Parma Ham,入面包住粒菠蘿,仲有菠蘿蓉,味道好清新.鐡板海鮮兩品:黑松露扇貝, 味道鮮甜,充滿黑松露牛油香味南非孔雀鮑魚多士:鮑魚彈牙可口,底部多士吸收晒鮑魚和蒜蓉汁,好好味東升斑: 煎得好香塊皮又好脆口,魚肉又好滑多汁鐡板肉類一品: 澳洲牛柳,牛柳肉質粉嫩,又唔會鞋,又多汁A5和牛厚燒,入口超軟滑,牛味好濃郁,配上蒜片和wasabi一齊食,口感好豐富仲有麵豉湯&海膽炒飯,份量好多,飯炒到粒粒分,好惹味紅豆吉士pancake,餅皮好鬆軟,紅豆味香濃,甜度又啱啱好焦糖牛油多士配吉士十勝紅豆蓉,多士煎得好脆,好好味我地仲叫左麒麟啤酒 &梅酒,真係太滿足啦…查看更多
天氣轉涼,就帶我去打返個滋補邊爐^^.店員安排左張大枱比我地2個,坐得好舒服,我地叫左個花膠雞二人餐,配料好豐富.超香濃厚花膠湯,一上枱,金黃色既濃雞湯.店員好nice咁話先試試個湯,一滾起已經聞到超香濃既雞味,忍唔住要即刻試下個靈魂,湯底鮮甜,膠質豐富,滋陰養顏,有半只雞,肉質軟稔,吸收晒湯,連雞肉都好有骨膠原,好食.花膠好厚身,真係好有霸氣,口感爽滑,滿滿骨膠原,食完仲有膠質黏係口既感覺.美國安格斯封門柳,份量超多,肉質好幼嫰,牛肉味濃,油脂分佈均勻,絶對係上等牛肉,牛魔王一定愛上.手打鮮蝦丸同手打鮮墨丸,手打系列果然口感非常爽口彈牙,鮮蝦丸好新鮮,鮮甜,2種丸都好出色,好味.黑松露花膠水餃,黑松露配鮮蝦,花膠,估唔到可以咁爽,更加帶出鮮蝦既鮮味,口感又爽彈,真係好正.白鱔係厚切,肉質肥美,刀工好好,完全無骨,勁,入口滿白鱔既油香,超級好食.響鈴質地鬆脆,索晒D花膠雞湯既精華,好正,打邊爐真係無得輸.食埋生菜同皇帝菜,淮山麵,真係大滿足,淮山麵都好有驚喜,麵質好爽滑.仲有個3.6牛乳奶凍,估唔到個甜品都咁出色,滑溜creamy,入口軟滑,奶香十足.…查看更多
D餐具好靚,打卡一流,普洱茶,茶色紅濃明亮,飲落甘甜順口,醃蘿蔔酸酸甜甜又爽脆,好醒胃,估唔到仲有醃話梅^^鮮茄海鮮泡脆米飯~服務員好窝心咁教我地點食,泡飯個湯底一定係靈魂所在,好鮮甜,飲得出係用大量魚淆出來既高湯,一D都唔油膩,係好清新既鮮甜,有大量蕃茄粒,蝦肉,增加湯底鮮甜,加上脆米,脆卜卜,好特別又好食既泡飯,真係好有驚喜,最重要係食完唔口渴,係完全無味精,好健康,好好食.秘制柱侯牛筋煲~份量好多,牛筋軟滑,超級入味,柱侯醬滲曬入牛筋度,充滿膠質,蘿蔔好清甜,食完覺得骨膠原爆燈,好好味.環境舒服,服務員友善,食物質素高,份量又多,下次會試埋其他食物同點心.…查看更多
環境真係超級正,好多卡通擺設,動漫迷一定好鐘意,原來仲有Mirror店員好好傾,原來逢星期六晚7:30有本地band現場表演,枱與枱之間好闊落.我叫左個安格斯烤菇牛肉漢堡配薯條餐set,包牛油法包,忌廉蘑菇湯,coffee.忌廉蘑菇湯,口感香濃綿滑,好濃郁既蘑菇味,好好味.安格斯烤菇牛肉漢堡 - 牛肉好厚身肉味濃,好有肉汁,大啡菇烤得好香,仲可以保留到Juicy,切落去D汁不停流出來,見到好治癒,仲有生菜,蕃茄,一D都唔膩,好好食,薯條都炸得好脆.Coffee好順滑,好香濃,聽住播緊既小清新音樂,成個人都好Relax,下次搵個星期六去睇下live band.…查看更多
掃code落單好方便,串燒種類超多,除左串燒仲有小炒,鐵板,麻辣燙,真係超多選擇,實有岩食既^^我地叫左蒜蓉燒茄子,燒韭菜,燒冬菇,醬燒鷄脾菇,燒一口甜薯,燒五花腩,錫紙燒肥牛,燒棉花糖多士,家鄉炒米粉.我叫左唔辣,店員好好話可另上辣粉.蒜蓉燒茄子,超多爆過既蒜蓉,濃郁蒜香,好厚一絲絲既肉,口感軟嫩,仲有少少微辣,超級惹味,必食之選.燒鷄脾菇,燒得岩岩好,口感彈牙,燒冬菇,好軟淋,入面仲keep到濕潤,冬菇既香味燒過更加突出,超級好食.燒五花腩,醃得好入味,燒過既油脂特別香,好好食.錫紙燒肥牛,份量都好多,肥瘦均勻,D秘製醬汁好惹味,肥牛仲燒得嫩滑,牛魔王必食.家鄉炒米粉,米粉好多汁,好有驚喜,看似好簡單既材料,好夠鑊氣,米粉好多醬汁,加上腸仔粒,蛋粒,好好味.最後整返個甜品,燒棉花糖多士,多士燒得好脆,棉花糖軟綿綿,好滿足.燒一口甜薯,味道香甜,軟糯,幼滑軟綿,真係越食越上癮.整體串燒唔會落好多味精,味道岩岩好,證明材料新鮮,下次再encore^^…查看更多
餐廳地方闊落,無壓迫感,最重要係無油煙味,播住輕快韓文歌,好chill,好有去左韓國既感覺.^^配菜有沙律,醃青瓜,蘿蔔,泡菜,D泡菜係特別好食,辣中帶甜,爽脆,好醒胃,仲可以refill^^我最鐘意既護心肉,知道呢個部位好矜貴,肉味濃郁,肉質有彈性,完全無筋,燒出來有少少油份,好好味.爐邊蛋有泡菜同芝士2種口味,我都好鐘意食,仲可以添加.石鍋牛肉拌飯,份量十足,配料好豐富,有紫菜,芽菜,蘿蔔絲,半熟太陽蛋,牛肉好有油香,好嫰滑,飯粒好有麻油香,有光澤,好軟熟.成個飯好好食.…查看更多
^^近灣仔A3出口,好方便.門口掛住色澤好靚滷水鴨&鵝,仲有好多滷水野…我叫左滷水鴨半只,蛋,豆腐,鵝翼,鵝腸.滷水鴨半只, 半只份量好多,鴨肉滷得入味,又唔會鹹,無鴨蘇味,肉質夠厚又嫩滑,滷水汁味道香味回甘,好好食.滷水豆腐,大件夾抵食,內裏好軟嫩,好有豆腐味,滷水味同豆腐味好平衡,滷水蛋唔會硬,都好入味.
滷水鵝翼&鵝腸好出色,鵝翼超級大只,皮好有骨膠原,好滑,好入味. 鵝腸一樣好入味,好爽口,真係好好味呀.…查看更多
今晚要OT就同同事買呢間既外賣,我地叫左鹽酥雞肉燥飯加宇治抺茶鮮奶,滷水雞翼麵加青蘋果緑茶.鹽酥雞肉燥飯~鹽酥雞炸得好香脆,但又唔會油膩,肉質依然好juice,嫩滑,唔乾身,好出色.肉燥調味得好好,滷蛋好入味,成個飯好豐富,好好味.滷水雞翼麵~有4隻雞翼,色澤好靚,滷得入味,肉質嫩滑,麵條似刀削麵,好爽滑,同事話好好食,以後可以當飯堂^^宇治抺茶鮮奶~口感好順滑,奶味同抺茶balance得好好,唔會太甜,仲有粒粒紅豆,超好飲.青蘋果緑茶,跟餐半價,超大size,酸酸甜甜咁,好fresh.…查看更多
交通好方便,油麻地站行幾分鐘就到.車仔麵有樣好就係可以配搭自己鐘意食既配料.殿。龍蝦湯伊麵配牛筋,墨魚手指~哇....好霸氣既半只龍蝦,大過只碗,好多膏,D膏好甘香, 龍蝦肉好鮮甜,啖啖肉,配埋龍蝦湯底,更加提升龍蝦既鮮味,牛筋軟滑,充滿骨膠原,墨魚手指,炸得外皮脆脆地,墨魚肉好彈口,伊麵爽口,好掛汁,正!凍奶茶都好好飲,茶味同奶味都好blance.冬菇,豬紅,豬皮,牛草肚龍蝦湯伊麵~冬菇厚身,入味,豬紅唔腥,好滑,豬皮好入味,係我車仔麵必叫既.牛草肚爽口,加上濃郁龍蝦湯底,真係無得輸.…查看更多
樓底好高,卡位坐得好舒服.點心來得快,仲要熱辣辣,好新鮮.晶瑩鮮蝦餃,皮薄,晶瑩通透,大大隻蝦,鮮美爽口彈牙,水準一流.原隻蝦燒賣,豬肉味濃,肉質結實,大蝦爽彈,加上蟹籽更加鮮味,好好食.欖仁馬拉糕,口感好牽蓬鬆,柔軟,蛋味,牛油味都好足,正.欖仁榴槤酥,外皮金黃色,酥皮非常鬆化,榴槤味好濃郁,下次要再encore.炭燒山楂鴨絲包,賣相好型格,竹炭外層似菠蘿包既皮,好酥脆,煙燻鴨絲加上山楂,好惹味.卡通流心芋蓉包,賣相好可愛,吸睛,包皮軟綿,好有芋蓉香,半流心狀態,好味.最後來返個甜品,榴槤雪媚娘,原來係榴槤糯米滋, 糯米皮軟綿綿,好煙韌,包住超creamy既忌廉同新鮮榴槤蓉, 榴槤控一定超鍾意.…查看更多
可以任食刺身,滿屋一直都係我既首選,D野新鮮,種類又多,咁岩大埔新開左無幾耐就去試下.環境乾淨,坐得舒服,有個自助區有冷盤,甜品,熱食,清酒,飲品區,好多野食.落單轉用掃QR Code,覺得好方便,介面易用,唔怕漏單,又知道點左D咩,唔做大嘥鬼.第一時間梗係點刺身啦,三文魚,北寄貝,赤貝,北海道帶子,蟹棒,大赤蝦,泰式生蝦. 三文魚係厚切,食落油脂豐富. 北海道帶子肥美.北寄貝,赤貝爽口彈牙. 大赤蝦同泰式生蝦都好新鮮,甜.見到創作壽司都好吸引,雪燕魚籽花之戀,鵝肝拌帶子壽司,鮑魚壽司,雪燕高級配魚籽既鮮味,好正. 鮑魚大大隻,又入味,GOOD.朋友係芝士控,覺得芝士燒蟹棒,火炙燒芝士鰻魚,黃金燒扇貝都好好味.西京燒比目魚又係我必點既,外皮脆脆,肉質嫩滑,點埋沙律醬.正..鮑汁燴花膠又係好好食,花膠大大塊,吸收曬上湯,正.我最愛既榴槤炸彈同炸鮮奶,炸得超鬆脆,超流心香濃榴槤湧出來,好食到每次都會encore好多次. 食埋個哈根大師同movenpick雪糕真係無得輸. 大滿足.…查看更多
芋泥肉鬆三文治+烘底~三文治好足料,爆多芋泥和肉鬆,芋泥係用新鮮既芋頭打成泥,口感好綿密.三文治烘得好香好脆.士林台式香酥蛋餅~入面有芝士,煙肉,黑椒蘑菇, 蛋餅煎得好脆,濃濃既蘑菇香味加上煙肉真係絕配,芝士仲可以拉絲.真係好好味. 椒鹽炸燒賣~炸得好酥脆, 椒鹽香大大提升燒賣既味道.薏米水~甜度適中, 好清甜,又可以去水腫.羅漢果水~清熱解暑.…查看更多
環境好舒服,老闆娘又好Nice,為我地推介食物. 我地叫左岩燒火焰吐司套餐,椰子熱情果蛋糕, 咖啡布甸, Mocha,洋甘菊花茶.岩燒火焰吐司-吐司用丹麥方包上層鋪滿芝士&柚子蜜,中間夾有肉鬆,好特別既配搭,柚子既清新加上肉鬆,芝士既鹹香,味道好夾,層次好豐富.吐司烤到外脆內軟.真係好好味.椰子熱情果蛋糕-賣相好吸引,椰子味好濃郁,熱情果味又好突出,酸酸甜甜好好味.咖啡布甸-甜度適中,咖啡味香濃.Mocha-咖啡同朱古力配搭得啱啱好,奶泡好綿密,好滑.服務好,環境又舒服,真係hea &傾偈既好地方.…查看更多
