Athena668的个人专页

充滿情懷嘅齋腸合益泰係中學時期成日都會黎食嘅名物估唔到而家仲要排哂長龍！但一場黎到當然要照排隊回憶一下！店舖同以前一樣都係咁多人咁逼枱貼枱咁但呢到始終唔係食環境就冇所謂啦腸粉一如既往咁滑溜最鍾意合益泰嘅地方係可以自由加醬同芝麻混醬達人當然加返夠本滑潺潺嘅腸粉加上甜醬麻醬加芝麻實在係完美配搭！基本上黎到人人都有腸粉係枱燒賣都係推介之一大大粒燒賣有咬口又唔會過份肥膩個人認為燒賣本體比金x燒賣更出色！粉果就正正常常！好少餐廳仲可以任由客人自由加醬！懷舊之選…查看更多

百里香烤雞（半隻）成日叫外賣叫到唔知食咩好，咁啱見到chicken factory 做緊優惠於是就試下啦！點知一試就有驚喜！半隻百里香烤雞可以再加兩個配菜，可以揀焗薯仔，焗雜菜，雞油飯等等。。。百里香烤雞十分d 入味，表皮亦好香，淋上牛肝菌汁簡直係perfect match!(除咗牛肝菌汁外仲有黑椒汁，麻辣汁等）選擇十分多，食多幾餐都唔使驚會重複或者係冇選擇～配菜亦都唔失禮，焗薯仔都好惹味，再加埋雜菜中和下又可以懶係健康咁 哈哈…查看更多

沙茶豬軟骨鳳爪台灣麵路過臨記麵家好多次終於入場試下有好多款湯底同麵類選擇揀咗招牌沙茶湯超級濃厚好香嘅花生味平時都唔會飲湯但呢到嘅沙茶湯係會令人飲完一啖又一啖另外台灣麵好有口感好似刀削麵咁有咬口十分推介沙茶湯同台灣麵…查看更多

自從上次食完呢到的香煎鮮嫩雞扒同紐西蘭肉眼牛扒之後，對苡喬一直念念不忘，今日終於有時間再黎食多次今日去到老闆娘推介新菜式─水牛城燒烤二重奏，係牛仔骨同豬肋骨雙拼（老闆娘話今日先推出呢款咋，真係每次去都有驚喜），水牛城雞翼就成日食，牛仔骨同豬肋骨比較少機會食到，個醬汁一流，酸辣惹味，只係個汁都可以撈成碗飯！牛仔骨同豬肋骨都肥瘦適中，唔會瘦得濟太韌或者肥到擺唔入口另外再叫多左個老虎蝦拼豬扒，呢個比較貴要$78，一開始有猶豫過食唔食呢個好（因為好多時係餐廳食蝦都會中伏）但食完只有一個感覺，就係物有所值！老虎蝦食得出係新鮮蝦，唔會有霉霉爛爛的感覺，食落有鮮味，彈牙可口，鍾意食蝦的一定要試！基本上係苡喬都冇中過伏，每次食都覺得好好味！想推介俾更多人識呢間餐廳，但又私心唔想太多人識（因為而家都已經開始要等位）。不過香港好餐廳真係唔多，苡喬絕對食得過！！…查看更多

成日都係facebook ig 見到人地post burgeroom 的美食照，講到好似神級漢堡包咁，於是終於黎到一嘗滋味。星期日lunch time 同朋友一行三人去食，意外地唔洗等位，店內雖然唔算大，但勝在店外仲有室外位，容納到唔少客人Lunch set 加$30就有thick fries 同飲品，價錢都算幾抵下！今次我就叫左個大啡菇牛肉漢堡跟set。雖然好快有位坐，但估唔到等餐時間要40分鐘，友人的鱈魚漢堡食哂我都仲未有得食！不過心想要等可能係因為即場整的緣故吧，點知上餐時d 漢堡同薯條 都 是 凍 的 ！咁點解要等咁耐呢？ 兩層包用牛油煎過，都幾香口，夾著配角生菜蕃茄，同主角大啡菇同牛肉漢堡，整個漢堡好大舊，女生們一口絕對食唔到。味道方面，蕃茄唔算新鮮，牛肉漢堡更令人失望，第一唔juicy, 第二好硬， 好似咬緊橡筋咁，冇乾又韌牛味不足，真不知賣點係邊，整個包最好味的大概係個啡菇，煮得剛好，發出陣陣菇香，亦不會乾爭爭。總括而言，今餐真係希望愈大失望愈大，唔會再有下次…查看更多

碌碌下facebook 咁岩見到有介紹食糖水，而家天氣又開始熱熱地最岩食番d凍野由於店舖比較細，為左令客人唔洗等太耐，店員係商場的走廊加開餐桌，環境尚可，不過唔洗等位都算唔錯啦因為見到有個特別餐牌專食芋圓，所以就揀左個芋泥芋圓豆腐花。雖然揀左凍，但其實係暖暖地，可能係芋圓剛整好，未攤凍吧。談一談味道，芋圓有口感，但味道唔係好夠。相反芋泥就好香，好有芋頭味，而且變成蓉狀，好似乒口。豆腐花都幾滑身，但都係唔夠豆香，加上椰汁，整體都只係算是不過不失。…查看更多

路過見到苡喬餐廳，睇落幾四正，於是同男朋友一試。叫左一個煎雞扒配薯菜$53同紐西蘭肉眼配意粉$68, 呢個價錢包野飲同餐湯簡直係抵到爛！老闆娘仲勁nice 不斷同d 客人傾偈，見我地揀唔落要薯角好定意粉好就話如果叫意粉可以送多幾舊薯角俾我地架！不過最後都係一份意粉一份薯角首先講份煎雞扒，一個字正！簡直係色香味俱全，個皮夠香脆，切時仲格格聲，但肉質仍然保持有汁，唔會乾爭爭，薯角都勁好味！！配埋個汁簡直一流！牛扒亦都好正！超冧冇筋鐵板又夠熱（夠熱好重要，d 汁一淋落去 炸炸聲 正呀！）老闆話特餐個餐牌日日都唔同，好少餐廳會咁做呀！真係次次食都會有新野試！！！P.s. 呢間餐廳除左質素好之外仲充滿人情味，同老闆娘傾下計，輕輕鬆鬆又一餐！一定要黎試下！！！…查看更多