younell的个人专页

極度失望！嗦嗦 Dzo Dzo 嘅越南粉 - 又貴又難食，絕對伏！ 真心冇諗過一間越南餐廳可以難食到咁嘅地步！今日去咗嗦嗦 Dzo Dzo，叫咗嗦嗦火車頭（$168！），點知係我食過最差嘅pho，完全係中伏！ 湯底淡而無味一碗好嘅越南粉，靈魂就係個湯底。但呢度嘅湯完全冇香味，淡茂茂，連少少牛骨味都，自己加咗辣椒醬同魚露都救唔返，真係失望到極點！ 牛𦟌韌到咬唔開，離晒譜 啲牛𦟌硬過皮鞋底，咬極都咬唔爛，最後要吐返出嚟！$168一碗粉，牛肉竟然咁嘅質素，仲衰過茶餐廳嘅牛腩！ 河粉口感差正宗越南粉嘅河粉應該滑溜彈牙，但呢度嘅河粉極為普通，似係煮完擺咗好耐先上枱，完全唔合格！ 性價比極低，明搶錢！ $168一碗粉，份量一般，味道仲要差成咁，同區大把更好選擇！呢個價錢去錦麗或者芽莊食好過，起碼人哋真係似越南粉！ 總結：伏到爆，永不回頭！ 服務普通，環境一般，但最致命係食物難食！如果諗住試吓，真係慳返啦，貼錢買難受！ 推薦指數：0/10 － 絕對唔會再幫襯！ 一句講晒：伏店一間，大家小心！ …查看更多

翠華回歸中環後第一次幫襯，一般食開咖哩吉列豬扒飯，一坐低就點。佢攞張單來嘅時候，個豬扒飯要$168，真係嚇親我。我只可以怪自己無睇餐牌無睇價錢就點，貴到傻左，比起以前起碼貴左一倍。豬扒質素係維持到，但係整個豬扒同飯嘅份量少得可憐。完全對唔住呢個價錢，以翠華作為高級快餐/茶餐廳，呢個價錢對我個人來講係唔合理。除左呢個豬扒飯外，我見其他午餐都係定價係$150左右，好可惜見到返來中環之後，諗住可以定期去食，經過今次之後唔會再回頭，再幫襯，bye bye. …查看更多

未試過咁難食嘅越南菜。即食Pho Bo 好食過佢一百倍，湯底係一碗水加雞粉，個Pho 嘅粉係一半筷子咁粗，如果滿分係100分，佢可以有1分。個檬粉係散收收，竟然可以咁難食，真係難得。仲要懶係因為愉景灣獨家關係，所以貴到唔合理，70-80蚊一碗難食嘅 Pho. 求其一間越南餐廳都好食過佢。入到來愉景灣，奉勸千奇唔好入來呢間 VBT.叫左個雞PHO, 牛肉Pho 同豬扒撈檬，樣樣都consistently terrible. 垃圾…查看更多