enjoy my_life的个人专页

新開張無耐，見佢寫住星馬菜喇沙龍蝦麵🦞有優惠，其他餐牌都無望多一眼都無～唔使我多講就知勁嘢，一上枱超大碗嚇親，隔離枱既人都望住，龍蝦肉都算大隻，而且蝦膏都唔少，一啖龍蝦一啖麵多滋味，而個湯底就偏向就香港人口味，唔係好辣，剛剛好，豆卜吸收哂湯底，一口爆汁而媽媽就叫左素喇沙，佢都話好好味，而且蔬菜都唔少！同埋佢岩岩新開，嘢飲買一送一，或者買一杯嘢飲減8蚊，我就叫左杯茶走冰，可惜無走同埋味道一般食物比飲品質素高！…查看更多

難得同朋友聚會，要好好享受美食一直想試終於試到，先講個大斧頭扒，要訂位個時預先order，一上枱急不及待切扒，7成熟仲有肉汁，側邊配有三種調味料，食落去好滋味，而我薯條新鮮炸，好好味😋而意粉就係煙三文魚南瓜意粉，一開始無咩特別期望，因為我非南瓜愛好者，點之一食落口，少少creamy配南瓜清甜，好上隱再黎小食拼盤，雞翼其實點煮都好少出錯，最重要熱辣辣～薯條仲有兩款，兩種都新鮮熱辣，好味！豬仔骨多入面，唔會過咸～…查看更多

岩岩病好，想食返d健康食物，唸起湯加有淮山麵，所以就去食，叫左個牛肉豬潤淮山麵蕃茄湯底，先講湯底，正常，感覺就無味精既，而淮生麵比起一般麵，佢接近米粉一點，加埋牛肉同豬潤，感覺很補血同健康。…查看更多

第一次食嘢食到發脾氣，打工仔午膳得一個鐘，行得去都得返45分鐘，叫左個什錦米，等到遲過我黎既人都有喇，我咪出聲，女侍應話整緊，叫我等等，20過去我又再問，都係等，終於等左半個鐘出現，人地再遲過我黎個批都差唔多食哂。我仲吟我碗什錦米有幾厲害，點之魚蛋一粒，蛋半隻，菜一條，又唔係特別好味，望住碗嘢想講粗口，最後我既用餐得10分鐘！埋數我錢都唔使佢找，我驚要等半個鐘。我呢一世都唔會再去幫親豈有此理！好食都話，又唔係特別好…查看更多

因為要拎網上團購所以到始創，順便食埋晚飯，唔太肚餓，所以淨係叫左個擔擔麵，麵一到，首先份量好足!麵係正宗既麵，好掛湯麵，因為個湯本身杰杰地，所以每啖麵都有味，湯辣辣地，而且唔太喊，但唯一我認為可以改善地方係個湯可以多返少少花生醬，因為依加個感覺係辣味蓋過了花生醬既味，整體不錯。環境就好靚好乾淨，碗筷都好精美!可能因為新開張關係，樓面服務員都係到試緊點接客，感覺對工作認真，有機會黎多d人既話都想試下多d菜式~…查看更多

周圍行，發現左間自家麵，好奇下入左去，樓面空間不大，但用木色裝修，感覺還可，講返食物，叫左個肥牛幼麵清湯，一上湯，個碗size都幾大，男士應該都夠食，湯底清湯有d似某米線集團個味，所以無太大驚喜。麵方面就要一小讚，可能成日食米麵關係，所以一食落口就感覺好唔同，首先麵都算掛湯，麵質可能硬少少，感覺同油麵個種幼麵唔同，少一仈油膩感，算清新肥牛方面唔錯肥，但份量唔多，當中有幾條生菜同菇作為配菜。整碗感覺係健康，因為菜肉都有少許，價格可接受，下次經過會試下其他口味。…查看更多

上網見評價唔錯，所以就同媽媽去食，點之唔試又止何，一試就中伏…前菜:冷盤蝦，蝦係夠爽脆，但無蝦味，配料係有點油既蒜，但竟然都係無味，椰菜都係伴碟，無汁醬，仲之成碟菜係無味…點心:抹茶流心包，呢個算唔錯，夠熱同好多醬流出黎，而且唔太甜，不錯!主菜:黑松露e麵，一上枱就好閃，因為未食已經見到好油，一食真係非常油同好咸!要即刻飲茶去油，到依加過左成3個鐘，個肚仲好滯…配料菇得幾條…毛豆得幾粒，仲要無調味…無松露味，成嚿水，唔值呢個價!甜品:陳皮燉雪梨，上枱一望好精緻，但一食落口，超甜，飲左一淡就放棄，兩個人都食唔哂，因為食到起痰!陳皮味係有，但唔係清香果種，似有加工過果種…總結:成餐三百幾蚊，我覺得唔太值…查看更多

是日同媽媽試新嘢，叫左素餃子，瑤柱豬肉餃子，上海麵同雞翼。素餃子以為會清淡無味，估唔到都清甜有汁，如果想濃味少少可以沾佢枱面提供既醋，四川辣油等，食左即刻又唔同哂!瑤柱豬肉餃相對就比較濃味，食落去仲有d肉汁，內有芹，金姑，瑤柱，豬肉等，好味道上海湯麵湯底就比較普通，好似水加左醋既湯，但麵既話，媽媽就話好滑，岩佢口味。最後雞翼，雞翼好入味，同鹵水有少少差別，多了一分甜味!飲品就叫左山楂雪梨茶，酸酸甜甜幾開胃，但標明孕婦不能飲用啊~P.S食完先見佢拎酸蘿蔔出黎…都食飽準備埋單!希望改善一下……查看更多

都已經食過唔炸次，都算公司飯堂~記得黎食之前book位~今次我就叫左個厚切豬扒配蘋果蓉~先講豬扒，豬扒雖然有少少本身個豬味，但我又接受到，而佢個肉質就軟硬適中，有口感得黎唔會咬唔到，而且配合佢薄荷蘋果醬幾清新，個薯蓉個牛油味都適中，成碗食哂飽哂~唔記得講個餐湯 佢waiter話蕃茄湯，但我地飲落去係南瓜湯，哈，可能一時口快講錯，個湯既南瓜味道都算出，而最重要夠熱辣辣~最後餐飲就叫左oreo 朱古力，佢個朱古力係double chocolate,面仲有oreo，oreo粉同綿花糖，整體外觀好靚，但味道真係好甜…其實可以唔要綿花糖，咁應該會好d!…查看更多

呢碗合桃露係上水聽就聽得多，食既都係第一次，究竟佢有咩咁吸引令到咁多人食？連電視都播過佢真人整合桃露方法，個人係電視上見到都幾真材實料，難得經過梗係要一試!合桃露一碗有請，先講外觀，哈，真係普普通通，無咩特別花巧，真材實料既點會靠外表呃人~一口放入口，合桃味都算重，食得出合桃既本身味道，除左口桃味，仲有少少妤香味，甜味，有少少糊仔質感，食落去都飽肚，整體真係唔錯，唔太甜又有保留到自己合桃味，值得再試，下次要試下杏仁糊先~…查看更多

黎茶木排隊是常識吧，不過間間排法都唔同，呢間就係門外排隊無得禁飛仔，無得行開排排排，終於到我地。是日點左黑松露手工麵，媽媽係食素，所以配料一律走，所以食起上黎就好清淡 不過就係因為咩都走，所以松露味好出。姐就叫左個炸雞排手工麵，雞排新鮮炸，熱辣辣，味道正常~我就叫左果水餃冬菇手工麵，水餃同一般街外食既差唔多，反而係個冬菇驚喜，有兩大隻仲好淋好入味最後仲叫左糖心蛋~飲品就叫左芒果蘆薈沙冰，桔仔茶同玫瑰咖啡，個人叫既桔仔茶都唔錯，暖粒粒，酸酸甜甜，其實就無試，不予評價。…查看更多

一星期食第三次譚仔，如果有會員積分計劃，我相信自己都可以儲唔少，講返正題，今次同家人叫左碗過橋米粉清湯同蒜泥白肉一齊食。過橋米粉黎講同其他分店一樣無咩特別，都係貪佢夠大碗咩餸都有可以食，係配料相對於旺角個間就少左d,不過分量配搭上夠哂飽肚。而且仲加左個細既蒜泥白肉，個個一向鍾意食蒜，而且食完直接返屋企唔使出街，唔驚有口氣問題可以放心食，呢到既蒜泥白肉相對於上海xx黎講比較多油，但佢既肥肉就比較肥味同香，唔會乾巴巴，所以我都唔介紹佢比較油一d~以呢個價錢不能要求太多~p.s個個位風口都好大，一路食d風一路吹落個頭到，做生意又唔使開口趕客招數？!…查看更多

又黎寫deli and wine食評，今次係比較常餐裝修前同裝修後分別。裝修後叉燒意大粉轉左通粉，個人都係比較鍾意意粉，雖然食得有d不便，但我認為夾d,因為通粉是硬邦邦個種，又感覺唔到特別吸湯。不過叉燒仲保持到水準。至於餐包方面，以前係長方形脆卜卜，依加係普通麵包加牛油，麵包軟淋淋，同牛油唔係咁配，失望…火腿同炒蛋就無變到，正正常常，仲有一杯餐飲附送。但對我黎講，我都係鍾意以前既常餐多d,所以encore機會就不太……查看更多

Foodcourt難得新開餐館，梗係要試下新嘢。北正宗越南菜，我當然最想試下越式河粉，因為佢同香港差別在於粗幼，軟硬，而且相對於香港既河粉，佢少左一份油膩感。至於牛肉腩方面，我就選擇左全熟，個人比較鍾竟熟d,但熟唔代表佢好硬，食落去適中。而湯底方面個人黎講就普普通通，無咩特別，不過以foodcourt食物黎講，佢算唔錯。下次有機會可以試下佢個海鮮粉先，應該都唔錯。價錢方面，佢其實加多4蚊就有個套餐，有碟菜同小食，但個人黎講食碗粉都好夠飽~…查看更多

裝修好無耐已經過黎幫親，今次已經係第四次，都算常客仔，以往未裝修前都有食過焗豬排飯，新舊差別在於多左隻太陽蛋，太陽蛋煮得岩岩好，仲有少少流心效果，配合美味既蕃茄汁底既炒飯好滋味，而且個面仲有熱辣辣既芝士，真係好好味。但有一個地方好失望就係主角豬排，一咬落去除左好硬仲好乾，真係一路食一路要飲水送豬排，個人真係未食過咁乾既豬排，可能有d焗過火，希望下次再試有改善，話哂豬排都係主角黎嫁!其它都無咩好挑剔喇!…查看更多