sweetcons的个人专页

星期日同朋友共兩人去呢間餐廳食，本身揀呢間見佢有啲特價菜式。我一早訂位，去到發覺都多空位。環境都乾淨明亮，我地兩個坐4人座卡位都闊，可以擺下袋都舒服。野食方面我就覺得一般，我叫左個蟹叉燒烏冬，朋友叫左個安格斯牛烏冬，另外叫左個燒油甘魚同一個灸燒蝦壽司。我個烏冬我覺得好普通，不論樣同味道🙉 味道淡，我覺得同係屋企自己煮差唔多樣。朋友表示同感。🙊呢個烏冬折左約70蚊。朋友個烏冬望落去同我差唔多，不過佢就係變左有3塊熟左嘅肥牛片🙃 壽司普通，食完無咩印象，油甘魚我就無試啦，因為覺得啲食物都應該一般就唔浪費quote食啦。最後餐廳送左個雲尼拿雪糕，味道反而不錯😂， 兩人最後大約用左320蚊啦。…查看更多

終於一試Mamaday 餐廳星期日出開尖沙咀，去左mamaday 食。平時好難訂位，所以果日我地兩個人就早啲去攞位。佢無得叫套餐，只有散叫。甘我地兩個人就叫左個波菜忌廉意大利飯，同埋一個泰式燒豬頸肉。兩道餸份量適中，唔算太大碟，食完唔覺飽不過都可以嘅。意大利飯雖然無咩波菜味，不過都幾好食，飯唔會太硬而且醬好滑。泰式豬頸肉好入味，燒得好香，而且仲有蝦片食，旁邊仲有啲沙律菜酸酸甜甜好開胃。兩個人埋單大約350幾，唔算平不過味道唔錯都值嘅。Rating：😼😼😼😼…查看更多

星期六同媽咪食晏就，緊係要搵間坐得舒服嘅餐廳啦。今次就去奧海城餐廳食。呢間餐廳都幾易搵，星期六都有午餐套餐，大約百蚊頭起，有餐湯/沙律，一個主菜，有個甜品，甘我地就叫左個煎蝦意大利飯同煎三文魚，另外再加左個黑松露薯條。沙律芝士好多呀，煎三文魚都好嫩滑，不過煎蝦意大利飯就冇乜特別啦，薯條都好香脆，而且都有黑松露嘅味道。甜品就有三個細嘅泡芙，味道就冇乜特別啦。雖然我覺得價錢係有少少貴，不過呢都坐得幾舒服，所以都推介嘅Rating：😼😼😼😼…查看更多

呢間餐廳喺佐敦一條細街度，嗰日七點幾去嗰度，已經差唔多坐滿曬人喇😌咁呢間餐廳比較出名都係食佢嘅手打意粉嘅，所以呢都叫咗個意粉啦，要咗個吞拿魚肉碎炒意粉，另外叫咗個芝士意大利雲吞，一個mozzarella芝士沙律，同埋一個tiramisu 😎我覺得佢嘅意大利粉同埋雲吞都好食，佢個粉係比較硬身嘅但係又唔會話咬到好攰。以前我自己又整個意大利粉，其實製成品都有少少偏硬咗😂至於沙律就一般啦，有一大嚿芝士。Tiramisu我覺得有啲偏甜,不過質地係己滑嘅。 呢間價錢都唔算特別平但係我覺得都可以接受嘅，最後好似2個人食左4百幾，但又唔算飽🙈…查看更多

明明間鋪頭係漢堡，不過我就叫無食漢堡，又唔想食甘多碳水化合物，甘就叫左個煎魚餐。午餐套餐可以揀湯或者沙律，另外仲有個雪糕做飯後甜品，雪糕有幾隻味可以揀。雖然有前菜同甜品，不過我都係食唔飽。我見同事食漢堡都幾大份，可能叫漢堡就夠飽。呢個午餐我就98蚊，唔算抵食，味道我覺得就無咩特別甘，個魚都滑，薯條就有啲乾同硬，雪糕嘅味食完除左甜味都唔太食得出其他味 其實個魚份量細唔緊要，餐廳可以俾返多少少薯條，我諗多返10條8條我應該唔會食完都仲有唔飽嘅感覺。Rating: 😼😼😼…查看更多

夜晚想搵間舒服啲嘅cafe鋪坐下，就喺呢間油麻地附近嘅一間樓上咖啡店。佢都有好多唔同嘅野食，價錢我覺得小貴，不過人少都坐得舒服嘅。我哋兩個人就叫咗兩樣嘢喇，我就叫咗個全日早餐，朋友就叫咗個晚餐，一個意粉然後加湯，包同一杯野飲。個全日早餐我覺得發揮一般正常啦，其實我都冇預好好食㗎啦，咁個牛角包就有啲軟，其他都係好難整得難食嘅野。至於個意粉我就無試到，不過見配料都唔太多，都要差唔多200蚊都係少貴🙈Rating:😾😾😾…查看更多

星期日同媽咪出去食晏就，甘老人家鍾意食中菜，而且佢特別鍾意食小籠包，甘見呢間叫上海老家，應該有小籠包掛，甘就入左去。一入到去，個侍應聲氣好似有少少惡，後尾坐底無耐就聽見佢幾大聲爆粗。雖然我聽粗口唔會打冷震，不過假日都想耳根清靜下。然後就睇下菜單，點知睇晒成個menu都無野岩食，無我平時食開上海菜嘅小食，而且啲餸菜好多都係茶餐廳食到，價錢都小貴😥 見佢好似有啲客飯套餐，問起店員佢話下星期母親節，所以提早唔做客飯餐，我心裡真係黑人問號😱最後揀下揀下就叫左呢個雲吞砂鍋半隻雞，150幾蚊好似抵過獅子頭。味道我覺得一般，上海雲吞一撈起就散開，湯有啲味精嘅感覺，雞正常唔會好肥啦…查看更多

諗住食餐好啲，見呢間好評都多，晏就專登同朋友黎呢間食。我地叫左兩個lunch set，一個係慢煮三文魚，另外一個係牛肉漢堡，連兩杯野飲。個漢堡雖然都厚，有塊芝士， 但係完全無牛味仲要無 seasoning， 我唔知自己食左啲咩！😥 個薯條就正常啦～最中伏就係個慢煮三文魚，其實都知唔會俾d新鮮三文魚， 但呢個三文魚食落有陣怪味， 而且質地有少少似咸魚咁霉霉地，食左兩啖又唔好意思換，真心驚會食到肚痛🤢一句講晒，中大伏😫Rating: 😾…查看更多

今日攞左假諗住同媽媽出去食好野，於是係Open rice 搵左呢間食西班牙餐廳，見佢好評都唔錯，點知中大伏🤡首先係服務態度十分差。成間店得一個侍應，而佢係黑口黑面，叫佢落單佢應左我之後但10分鐘都無過黎，但成間店得我一枱客，我唔知佢做緊啲咩🙉 到黎到枱落單，佢啲語氣好差，好似我欠佢錢🙄我地兩個叫左一個無骨黑毛豬同西班牙海鮮飯，一個跟沙律一個跟湯。沙律同個包直徑得5cm。當我個豬扒黎果陣我真係呆左，個豬扒得7cm x 5cm x 0.8cm甘大，配菜有兩條蘆筍 同埋一嚿粟米😿 西班牙飯應該有一碗仔飯，兩舊蝦同帶子青口，而我真係無心情再影相。😣埋單兩個人186蚊，我好似無食過野。🤡…查看更多

而家食點心仲使乜去酒樓喎近排想食點心，就搵一啲專食點心嘅餐廳啦。咁呢間點心到喺佐敦都有分店嘅，咁我今次就去佢旺角洗衣街嗰邊嘅分店啦 咁呢我就食晏晝嘅，我同媽媽兩個人呢總共買咗五個點心一個飯啦。基本上我覺得所有嘢都好好食嘅，比較推介就係佢個馬拉糕 鵪鶉蛋燒賣同小籠包😸，另外嘅粉果，雞扎同雲耳蒸雞飯我就覺得一般啦🙉 雖然食物幾好食，而且價錢唔貴。不過啲侍應們係咁不斷落錯單，唔單止我呢一台呀，隔離嗰幾台都係甘😫該嚟嘅嘢就冇黎過，唔嚟嘅就係咁上枱，搞到我一頭煙呀。 另外佢哋啲服務態度都唔太好，食到一肚氣😿Rating: 😼😼😼…查看更多

JS foodie 嘅班戟一向都好食而且又igable，今次叫左個期間限定嘅栗子班戟，濃濃栗子磨成蓉，再加上中間嘅cream，真係好好食😋另外叫左個牛油果芝士漢堡🍔，牛肉好嫩好有肉汁，薯條好脆，正🍟再加個fish and chip，魚柳熱辣辣又薄粉，配埋個onion sauce，真係一口接一口🤤原個蕃茄沙律有個紫蘇汁，食落好fresh，可以調和一下油膩感不過價錢都偏貴，個pancake都要128蚊🙈Rating: 🐱🐱🐱🐱…查看更多

呢間餐廳係觀塘同紅磡都有分店，今次係去佢灣仔分店食夜晚。我同朋友兩個人叫左：經典凱撒沙律加三文魚🥙🐟有骨豬鞍🐷炭燒椰菜花配蛋黃醬🥗沙律菜好新鮮，另加錢嘅三文魚份量都足夠。豬鞍質地軟熟，好有肉汁，隔離嘅酸菜可以調節一下肉膩感。最好食係個椰菜花，點個蛋黃醬真係一啖接一啖。😋食物質素唔錯，價錢中高，果日隔離枱勁大聲勁嘈但係侍應生係無阻止嘅🤡 而且侍應係勁心急想收我地枱面嘅野，而我地根本未食完。…查看更多

星期六午餐唔想煮，就去附近睇下有咩岩食。見到呢間餐廳有做午餐套餐，而且望落去都坐的幾舒服，唔會逼逼夾夾甘。☺️午市套餐有一個湯/沙律，一個主菜同埋一杯野飲。我同媽咪兩個人就叫左天婦羅二本蟹鉗 辣肉腸蕃茄醬意大利飯同檸檬海鹽烤春雞🐥。我哋兩個都叫咗沙律🥗， 沙律都幾新鮮配啲芝麻醬都好清新。 意大利飯嘅蕃茄味都濃郁🍅，而且仲有一嚿大大嘅蟹鉗， 份量夠大，味道比我其他食過都算中上。 烤春雞非常之軟熟， 而且重保持肉汁豐富，唔會好乾， 皮烤得非常之脆， 再加上半嚿司華力腸，啱曬食肉獸🍗最後埋單200蚊鬆啲~Rating: 🐱🐱🐱🐱…查看更多

同幾個朋友聚下，緊係要搵返間好食餐廳啦～呢間Go Go Rock係我搵左好耐，見佢都好評多，甘就試一試佢啦~我地三個人就叫左一個香燒羊架，一個香燒豬扒同野菌意大利飯。 羊架味道到我自己就幾鍾意，不過啲朋友就覺得有啲So，但多肉汁嘅，而且軟熟~豬扒呢佢就做到七成熟咁，食落去呢都係非常之有肉汁啦，容易入口啦同埋都好有肉味嘅至於意大利飯呢都煮得非常之creamy啦，雖然就冇肉但係都好好食~呢個飯每一粒米都好飽滿，唔會好乾好硬， 而且好入味~最後埋單每人大約200蚊到~…查看更多

正所謂辛苦揾來志在食 其實香港都好多地方嘅3 course set meal 都好高質👍🏻今次走到灣仔一間新落成酒店 @theharihk 試試有咩好食😋 酒店餐廳雖然唔近地鐵站 不過個裝潢都好高級好辛苦 只可惜餐廳嘅景都係望住內街🙈今次其實就叫左一個4 course lunch 再另外叫左一個beyond meat ravioli 都真係幾創新🤪同平時set唔同嘅唔只有得refill嘅麵包， 仲有配上當日嘅新鮮生蠔， 咸咸又鮮甜嘅蠔味真係幾驚喜，甘價錢係貴嘅。一個set要4百幾而appetiser 都有assorted ham with melon加一個蕃茄凍湯，配搭都幾清新，不過我就真係麻麻地凍湯而主就order左青豆醬燒雞，不過雞件燒得有少少乾唔夠juicy 同埋有點兒細件🐥所以另外又叫左個Impossible Meat 意大利餃子，細細粒一啖一口都幾好食。佢個套餐仲包左個甜品，果日就係朱古力流心蛋糕配雪糕🍰…查看更多