GiantPeach的个人专页

第三次去柴灣呢間家嫂，頭兩次係同同事十幾人去，今次就同夫人兩個人去，食物質素一樣好，服務質素亦比美以服務出名的海X撈。個人認為要改善的是，如果人少可以轉細份就更加好！家嫂最正之處係，你基本唔駛諗要點咩黎食。佢有四個主題（階段？）第一段係前菜，一共有七味，好食到你食到半飽（咁就洩哂底）。第二段係刺身，不過不失，最唔好係無得添加。第三段係雞煲，係主菜？又真係好味嘅！識食一定食辣！第四段先係邊爐，一定要訂台提佢留花膠湯底，只有完成到第四段，你就會覺得400蚊一位係何其抵食。總有，識飲一定要叫佢地啲特飲，唔好剩係掛住拎櫃入面啲涼茶呀！！！總括而言，你叫哂啲大食朋友去，佢地一定會滿足…查看更多

清明節和夫人出嚟行街，經過翻新左幾年嘅灣仔地標利東街，就係附近搵好野食。翻新後的利東街有很多新店，最重要係翻新後，亦為附近的街道帶來各式各樣的特色食肆，今次食嘅古晉喇沙，亦係其中次一。入正題，喇沙的湯是煲出嚟嘅！唔係開粉嘅！食過唔少喇沙，開粉的味精會好重，食完會好口渴，但呢間就無喇。但要求高的夫人，就話，雖然好食，但未係最好食🙄 我就好期望佢帶我去食最好食架喇！佢話唔駛去馬來西亞喎！最後，要讚係食店環境和上菜用的鐵碟，的確有馬來西亞風味！我最鍾意重有佢哋嘅三色奶茶，表面有層奶，中間有層茶，最底有黑糖，堅特別！唔係其他地方有得飲 記得去到Try Try 佢。…查看更多

難得和監督夫人二人世界，就過海去到平日成日爆棚嘅京笹食個午飯。入到去餐廳，一個人都無嘅？ 原來要再入玄關先至係食飯嘅地方。餐廳佈置非常日式，連幾位侍應都是日本人，說著正宗日文，又會說有口音的廣東話，但一貫非常有禮的日本🇯🇵風情。未食，都已經對餐廳印象加分。入正題！食物整體都好有水準，叫左4樣野食加杯黑加侖子汁！ 330蚊埋單。價錢合理，但就似去左日本，係日本的居酒屋食左一餐正宗日本餐一樣，令人回味。10分推介，猶其係掛住鄉下嘅人呀！ 一定會再黎！I’ll be back. …查看更多

夫人：串燒好味！先生：環境舒適的泰國菜我和夫人來到我最鍾意的太古城，太古城吸引之處在於通道夠大，店舖路線定位親民，由服裝、電器、運動用品、百貨公司、超級市場、誠品書店、戲院到溜冰場，應有盡有，一句到尾，就係「好行」。那接著的問題就是有無「好食」。我的答案是：「有。」但你要接受「好食」的價錢定位較高，因為不止是「食」食物，也食「環境」，太古城內餐廳的環境普遍也是比較舒適的。今天晚上決定食泰菜，最後來到Mango Tree。叫了4道菜，有老婆喜歡的鳳爪，也有我和她也想試的魷魚。總括一句，食得過。有水準的食物加舒適環境，加上是太古城內唯一泰菜店（美食廣場好像也有？），我認為食得過。 為什麼要不時提環境，是因為普遍泰菜店（九龍城的，街邊的）都比較細，位比較窄。但這間就比我過往去過的都較寛敞。好！講食物。鳳爪：不要試，除非好想食。串燒：好味，調味沙嗲或醋都好食。金邊粉：一般貨色。魷魚：打星招牌菜，賣相非常吸引，但酸酸的汁配上肉餅就怪怪的，魷魚也煮過龍？因為用蒸？而唔係炒？ 值得一試的菜。經常都覺得。係商場冷氣環境內，要食熱辣辣的食物有難道，這一次都是，總是食不到很熱的食物，是商場冷氣的原因嗎？…查看更多

夫人：好味；先生：夫人揀得好！想吃好味的日本料理，又怕太貴？位於銅鑼灣的築地日本料理是我和夫人的大力推薦。店舖雖小，但和大部分日式料理店一樣有著精緻的裝潢。侍應有本地人，也有日本人，令人有去了日本的感覺。一共吃了五味菜：芝士玉子燒 - 好味！味道不會過濃，蛋亦夠滑，可惜唔夠熱。甜蝦刺身：正！新鮮甜美！可以再大隻啲。壽司：叫了多款壽司，味道比得上千兩，好過和民，亦好過元氣。我和夫人最愛都是芥辣八爪魚🐙。三文魚籽亦非常新鮮。炸墨魚咀：比較大粒的墨魚咀。香口新鮮，咬下爽快，我非常喜歡。牛肉壽喜燒：不記得影相，但是是好味的，不過是一般好味，不知是因為我和夫人沒有等它滾，還是它的火不夠熱，還是它的煲太厚？就是不夠熱。自製荔枝酒：最有驚喜的清酒🍶荔枝香，而且沒有我最怕的藥水味！益時能！特別一提，服務非常滿意，不時有人加茶，爭在沒有人問味道如何，哈哈......想再和夫人來哦！…查看更多

夫人：牛丸好食；先生：魚蛋好食要食好西，大家都會懂得去東大街。今次夫人說要試新東西，於是就在街裡頭逛，看看有什麼我們未品嚐過的好野。我印象中，潮陣這間食店是近一兩年進駐東大街。要在東大街開食店，就似在佛山開武館一樣，若不是有一兩樣看家絕活，你就別在其他行家面前獻醜。一街都是食店，不吃你的，就吃別的，能做下去的店都不會差。潮陣是吃潮洲粉麵，看家絕活是自製牛丸，潮洲滷水鵝。牛丸河粉 - 看家本領不是流的，單是牛丸就足夠叫客人返頭再吃！秘製撈麵 - 不錯，但未算最好食，不夠熱，始終會和街尾的某間粉麵會有比較。酸辣鳳爪 - 倒是有驚喜，味道調得非常好，個人喜歡吃辣一點，但夫人卻讚不停口。牛丸是這店的鎮店之寶，東大街又多了一間好店。…查看更多

夫人：第二度食唔到；先生：車仔麵代表難得來到深水埗，一定要試試文記車仔麵，座落於地鐵站出口附近，黃金電腦商場旁邊，一連三間地鋪的文記車仔麵，食過之後就明白，點解可以五個鋪位距離內開三間分店是什麼玩法。車仔麵店，三個字，多選擇。好食是基本，但要客人難忘，要人一食再食，就一定要夠多選擇，多選擇自然多配搭，多配搭自然多新意多口味，餸，湯底，麵款，醬汁，你無過千配搭就不如唔好開檔！選擇多，味道唔差，普通車仔麵店都令人想一試再試。跟麥當勞定時出新口味包一樣原理。我說他是車仔麵代表是因為他除了多配搭，更有10多款代表餸食，傳統有的老水雞翼及苟菜餃，到上湯花膠，係深水埗做得住腳開三間地鋪，你話佢無實力？ 食過之後，我知道香港地代表食物係車仔麵，而車仔麵代表，就一定係文記。懶，不想講太多。如夫人所講，其他地方食不到。…查看更多

九龍城出名多美食，難得和夫人來到這裡，當然要留低食晚飯啦！泰菜，清真菜都是九龍城非常出名的美食，今日夫人就推薦我嘗試一間又平又好味嘅泰國菜，興隆泰國美食。我們叫了六道菜，串燒：雞翼、牛肉、豬肉各一。味道不錯，不會燒燒得太乾太硬。豬肉生菜包：極品！食過最好食嘅生菜包。生菜新鮮是基本，豬肉碎加入左飯焦粒？所以比其他店做得更香及有粒粒脆的感覺。力推！蟹肉炒飯：上品，有鑊氣，蟹肉亦清香，新鮮蟹肉嗎？不知道，但是夠好味了。青木瓜沙律：一般，食不出櫻花蝦，也沒有蝦肉，木瓜不夠清爽。青咖喱雞：上品，夠香，不太油，夠辣，有水準之作蒜蓉包：極品，又香又脆又熱，即整即食，沒有在其他餐廳食過如此美味的蒜容包。極力推：豬肉生菜包及蒜蓉包滿足地走出店外，我知道我和夫人會再來的。…查看更多

夫人：CP值高先生：平 食咩都好！最緊要夫人喜歡。 今晚去到「隨您鍾意」，一睇個名都覺得改名之人係個隨性之人，如果連食都無得揀，人生重有咩意思！「食咩好呀？」「隨你鍾意。」 叫左一盤壽司，蛋、墨魚、希靈、鰻魚......都係個啲野啦！亦叫左一個手卷。 必食推介...就芥辣八爪魚啦！因為無點貴野。 看著樓面大叔一個人忙得不可開交，但都會說聲多謝，我係無乜要求喇，但聽得出多謝是由心而出。 總括，手製壽司，味道不錯，便宜價錢，又隨你鍾意，唔錯，唔錯！值得再試。…查看更多