Muimui TKO的个人专页

環境5分：隱蔽麵檔細細間，光猛空調足，用餐區域同廚房一眼睇曬，樓面好高，高櫈有個腳踏位都好容易上座，車仔麵店黎講算高級，畀五分。衛生5分：枱面乾淨企理，旁邊放咗不同調味料，完全冇話黐立立，衛生一樣滿分。服務5分：服 務員爽手唔囉唆，唔識電子點菜都歡迎用筆圈响菜單紙上，落單時即付款，上菜快，效率高，滿分。味道5分：1)    滷水五拼麵有牛筋，牛腩，蘿蔔，豬腸，滷水蛋，一共五款餸。湯底好濃郁，啲麵好彈牙，牛腩有好多舊，牛筋好煙韌，隻滷水蛋同兩大嚿蘿蔔非常入味，豬腸非常乾淨，帶啲肥膏最正，好食。2)    跟麵送飲品，冷熱都得，叫咗杯凍柚子蜜好清潤。3)    自選湯麵中嘅米粉柔軟輕巧，湯底一樣濃甜，自選嘅三隻魚皮餃好鮮嫩，三隻韭菜餃好惹味，多件牛筋淋滑有彈性，鮮製豬紅結實得黎好滑，隻溏心蛋順滑香濃，勁足料。4)   跟餐加九蚊要咗杯微甜清涼嘅凍檸茶。5)    韭菜一碟份量非常多，食落好嫩口。6) 沙嗲金錢肚十分爽脆惹味。抵食5分：車仔麵大大碗，份量超級足又飽肚，抵食滿分。…查看更多

環境5分：潮州舖門面夠搶眼，行過都已經見到一隻隻鵝吊曬出黎，睇頭十足。入面大堂一目了然，有個電視播住歌，散座都幾好坐，環境舒適可以畀五分。衛生5分：地舖全店連開放式廚房都一樣乾淨光鮮，枱上面有自助餐具同啲調味醬汁，完全冇黐立立，仲有任用紙巾，衛生一樣畀五分。服務5分： 服務員健談有禮貌，仲好肯介紹招牌菜，落單上菜都好有效率，態度好好，滿分。味道5分：1)    埋位每人先送咗一碗清甜足料嘅老火湯。2)    細滷水雜錦拼盤基本上乜都有，包括鵝肝，紅腸，粉腸等；入面啲腎同脷有趙頭得黎完全唔韌；豬耳脆卜卜；豬大腸，豬頸肉同豬腩肉三樣都好爽；滷水蛋好入味；舖底仲有啲外脆心嫩滑嘅滷水豆腐，$108咁多料絕對超值。3)     獅頭鵝肉飯有咸酸菜同滷水豆腐墊底，有成十舊鵝肉，Ｄ鵝肉好嫩好juicy，層皮厚身得黎好滑。4)     潮州蠔仔粥一大碗，入面D蠔仔細細粒但係好肥好滑，味道好鮮甜，粥入面加咗Ｄ魷魚絲同豬肉碎，份量好足。抵食5分：平均每人百幾蚊食個咁飽肚嘅潮式晚餐超級抵食，見到佢地Ｄ外賣做過不停，師傅冇停過手，食物去得快，質量保證新鮮，抵食絕對值五分。…查看更多

環境5分：平民扒房格局，樓底好高，鐵色內籠好乾爽，一邊梳化非常舒服，牆上面D牛扒相好簡單，但到題，可以畀滿分。衛生5分：地方乾淨企理，冇油煙味又夠光，一目了然，非常衛生，一樣畀滿分。服務5分：服務員快手快腳唔囉嗦，埋位即畀水你飲，態度好，自己响張紙度落單，非常快捷方便，服務滿分。味道5分：1)  跟餐加十蚊叫左壺蜜桃茶，個蜜桃味好香，茶又夠清潤。2)  跟餐加十蚊亦可以揀個多片檸檬兼超級多冰嘅凍檸檬可樂，食到最尾Ｄ冰都未溶曬。3)  安格斯級封門柳足二百克，啱啱煮到五成熟，食落唔韌又冇血水，時間控制得好好，封門柳本身唔肥，牛扒好厚身但Ｄ肉好腍，跟左任食薯條拼茄汁同黑椒汁，Ｄ薯條好鬆脆，而且唔會油淋淋，非常好味。4)  美國安格斯肋眼牛排都係足二百克，依個大大塊但薄身少少，多D肥膏所以好juicy，薯條都係任食，非常滿足。抵食5分：兩百蚊据個靚牛扒，包埋個半鐘頭任食薯條，唔洗加一，非常抵食，滿硬分。…查看更多

環境5分：樓上餐廳成層咁大，有房有獨立空間，四周圍都有好多懷舊韓星poster，D枱隔得好開，一Ｄ都唔迫，飲品自己有兩個雪櫃，環境可以畀五分。衛生5分：枱面有煮食餐具，紙巾盒，濕紙巾，牙籤，乾淨企理畀五分。服務5分：電子落單簡單快捷，侍應生加湯快手，主動調整火速，爽手唔囉唆，老闆好客到請我地食小食，態度熱誠，滿硬分。味道5分：1)  埋位即有三款任添嘅前菜，海帶，泡菜同蘿蔔，本人最愛就係海帶，又好味又健康。2)  大大枝Hoegaarden$45銅鑼灣區算抵飲。3)  老闆好傾到送左碟熱辣辣，脆卜卜嘅燒魚皮比我地送酒，就咁食或者點湯都咁好食。4)  韓國釜山海鮮鍋入面有超級多海鮮好多料，絕對有資格叫做海鮮鍋，因為實在太多，包括成隻又嫩又鮮甜嘅大蟹，兩隻爽彈嘅韓國虎蝦，好鮮嘅韓國元貝，成半打冇沙又好鮮甜嘅釜山白蜆，有咬口又煙韌嘅釜山鮑魚，連吸咀嘅釜山魷魚，好新鮮嘅釜山青口，細粒但爽脆嘅韓國小墨魚，好彈嘅蝦丸同魚丸，蔬菜類仲有爽甜嘅粟米，娃娃菜同金菇。5)    飲多兩杯再送埋國民拉麵，好客到呢，臨走再飲多枝。抵食5分：埋單每人竟然三百蚊有找，大大煲海鮮鍋，又有啤酒，非常滿足嘅晚上，抵食畀硬滿分。…查看更多

環境5分：樓上日式居酒屋格局，吧枱前面有好多公仔勁cutie，散枱整齊闊落又唔迫，入面仲有間VIP房，原來炮台山分店都一樣有，背景播住D日文歌好輕鬆，格調好好，可以畀五分。衛生5分：室內地方同後樓梯廁所都好乾淨企理，衛生一樣畀五分。服務 5分：未落單先有熱茶飲，侍應生好好心機介紹Asahi Sour有不同水果味，落單上菜快捷爽手，效率高，服務滿分。味道5分：1)   Asahi Sour個果香好出，有酒精畀大人，無酒精畀細佬，係人都啱飲。2)    Orion生啤全天買一送一，細啤清爽解渴。3)    油甘魚刺身一客四件，非常厚切，師傅絕不姑寒，好肥好爽。4)    究極丼入面有齊三文魚，油甘魚，帶子，魚籽，海膽，蝦，吞拿魚蓉，燒左口魚邊，炸紫菜，望落非常震撼，另跟特製紫菜蛋醬，好足料，又有層次。5)    炸半熟玉子外表好脆，蛋白好彈牙，半熟蛋黃好潤，伴隨粉紅色嘅鹽夠簡單，少少就已經吊到味。6)    天使蝦連殼都可以食得落肚，脆卜卜，好香口惹味，師傅好功夫冇炸過濃。7)    自家製炸雞伴洋蔥沙律啲洋蔥好爽好多汁，炸雞全部冇骨，外脆內嫩。抵食5分：每人三百幾蚊有酒飲有魚生炸物食，豐富飽肚，有好歌聽，抵食滿分。…查看更多

環境5分：酒吧餐廳就响世貿隔離，地點非常方便。餐廳地方唔算特別大，但係個樓面勁高，有梳化位有皮凳位，兩樣都好舒服，播D歌好輕鬆，格調好好，可以畀五分。衛生5分：梳化位同散枱都非常整齊，枱面同餐具好乾淨企理，衛生一樣畀五分。服務5分：侍應生好好心機介紹佢地主打嘅雞尾酒，落單後即畀左大大樽水，備菜上菜都咁快，效率好高，滿分。味道5分：1) 第一杯Smoky Ume “梅” 雞尾酒個威士忌味好出，酒量足，而且甜度啱啱好。2) 第二杯Wachini “山” 雞尾酒（$138）非常美麗嘅裝飾擺設，杯酒有紫蘇葉嘅味道，旁邊有青瓜同紫菜，紫菜有wasabi味道，好醒神，非常特別。3) 叫左個十一品嘅二人前套餐，包左前菜，串燒，逸品料理，太卷，主食同甜品。a)  前菜拼盤有三樣野。芥辣八爪魚煙煙韌韌。炙燒北海道帆立貝好鮮甜，配埋Ｄ檸檬汁落去好開胃。炙燒三文魚都幾厚肉，燒完都唔乾身。b) 串燒拼盤有溏心蛋豚肉卷，紫蘇雞腿肉，明太子山藥，金菇肥牛卷。個溏心蛋非常成功，蛋黃流曬出嚟，瞵豚肉包住好有層次又有肉味。紫蘇雞腿肉啖啖肉冇骨，一串有兩大舊。明太子山藥好爽脆，上面D明太子又唔係好鹹，仲有燒左嘅芝士，三樣嘢加埋好夾。金菇肥牛卷中間D金菇非常大抽，D肥牛又唔韌。c) 逸品料理包左個好鬆又多汁嘅唐揚炸豆腐。d) 逸品料理另外揀左個蜜糖柚子雞翼，細細條又香又脆卜卜，送酒好鬼正。e) 太卷有兩款壽喜燒牛肉卷同牛油果芝士卷，每樣有四小舊，個牛肉好香甜，個牛油果芝士卷芝士忌廉非常多，差唔多佔三分之一，好潤好特別。f) 主食揀左壽喜燒牛肉烏冬，Ｄ牛肉好爽好juicy，烏冬好粗好滑份量多。g)  甜品揀左烏龍茶牛奶布甸，個牛奶布甸本身好柔軟，仲一D都唔甜，個烏龍茶味好輕，連埋個雲呢拿雪糕食會更加香滑涼快，有生果食好健康。抵食5分：每人四百幾蚊邊飲邊食個咁豐富嘅二人套餐，有好歌聽特別享受，抵食滿足。…查看更多

環境5分：樓上麵店好大地方，非常光猛，卡位非常闊落，可以望住D旅客上上落落，不停打卡，好過癮，畀五分。衛生5分：枱面放咗辣椒油同豉油，紙巾同牙籤，非常乾淨，衛生一樣滿分。服務5分： 服務員好親切，主動介紹食物，上唔到網落單仲樂意人手寫野，點菜上菜一樣咁快手，效率高，滿分。味道5分：1)    滋潤蜂蜜綠茶少少甜，好滋潤，熱辣辣嘅天氣飲落去一流。2)   宜蘭金桔檸檬蜜好清涼，鹹鹹地又唔會好過火，飲完喉嚨好舒服。3)   鹽酥小拼盤入面個鹽酥雞同花枝丸炸到好香脆，最緊要啖啖肉冇骨；Ｄ脆薯係番薯嚟嘅，好甜。4)   綜合滷味拼盤Ｄ豬耳卜卜脆，大腸夠鬆，一隻滷水蛋切開一半，空口食都唔會覺得好鹹。5)   總鋪師私房牛肉麵有齊金錢𦟌，牛肋條，牛筋，牛肚絲，好多料。啲牛肉非常淋，同有牛味，個湯頭非常清甜，碗麵有一個紅蘿蔔，一個白蘿蔔，同樣都係非常之淋。6)   金錢肚牛筋麵只係有金錢肚同牛筋，件數自然多D，兩件牛筋又粗又滑，好有趙頭，Ｄ金錢肚絲好爽。抵食5分：唔洗100蚊一碗正宗台灣牛肉麵，都非常之化算，抵食滿分。…查看更多

環境5分：樓上西餐廳响舊樓一樓入面，近地鐵站夠方便，地方好大好四正。門口果邊有好多野賣。坐响度望住玻璃出面嘅行人天橋人來人往都幾過癮，感覺自己正在慢活嘅節拍，可以畀五分。衛生5分：梳化位非常整齊闊落，廁所响𨋢位隔離，非常獨立。點完餐會有個搖控器，等响就可以去落野食，牆邊有任攞飲用水，餐具同紙巾，好乾淨企理，衛生一樣畀五分。服務 5分：侍應生解釋咖啡飲用次序好清楚，落單同備菜時間都快，效率高，滿分。味道5分：1)    個啖啖蜆肉辣味明太子意粉份量足，Ｄ意粉好al dente，蜆肉超級多，鮮甜肥美，少少辣味帶起個胃口，非常好食。2)    個秘製辣醬炸雞芝士漢堡配黑松露醬薯條個漢堡包大大個，視覺上非常震撼，包夠鬆，面層有大大塊芝士黐住，雞扒好脆又唔嚡，中間仲有幾圈紫洋蔥，生菜同蕃茄，全部夾埋黎食非常豐富飽肚。另外上嗰個黑松露醬好重菇味，點薯條一流。3)    熱Black Sesame Charcoal Latte拉隻狗仔花非常得意，個芝麻味好重但又唔搶，有少少奶香，一定要encore。 4)    杯凍木瓜乳酪味Columbia Hand Drip Coffee清香又清涼，飲完成杯咁清澈嘅咖啡晚黑都瞓得好好。5)     甜品威士忌提拉米蘇好軟熟，少少甜又唔溜。抵食5分：每人兩舊幾水响非常舒適嘅環境食飯嘆咖啡，有得畀手機叉電，自己個人都可以叉埋，心靈同個胃都一樣咁滿足，都係滿分。…查看更多

環境5分：樓上西餐廳响舊樓入面但都好四正，成行卡位非常整齊闊落，廁所响餐廳入面好獨立，可以畀五分。衛生5分：Ｄ枱有枱布，每次上菜前都會換囇D餐碟同刀叉，好乾淨企理，衛生一樣畀五分。服務 5分：侍應生解釋得好清楚，原來紅白酒同啤哂都有happy hour買一送一，响中環蘭桂芳黎講價錢非常開心。伙計不停加水，自動又快手，落單上菜效率高，滿分。味道5分：1)    焗法式地道古也洋蔥湯上枱好熱，洋蔥湯個洋蔥味非常濃郁，入面有塊好淋嘅法包同埋足料古也芝士，每一啖都有拉絲嘅效果，好香好甜。2)    法式焗蝸牛一碟有六件，每件下面都有薯蓉，蝸牛好淋同好滿香草，入面Ｄ汁點埋D薯蓉非常惹味。3)     慢火煮紅酒和牛面肉配法包個醬好濃郁，和牛面肉非常之淋同鬆，入面有蘑菇，紅蘿蔔同蕃茄，食完Ｄ肉剩餘嘅汁用黎點法包好入味。4)     日本鮮帶子檸檬汁初榨橄欖油意粉有四隻大帶子，非常鮮甜同嫩口，蕃茄仔又爽又多汁，蒜片好惹味，Ｄ意粉好彈牙，煮嘅時間啱啱好，個檸檬汁又夠清新。5)    酥皮蘋果批配雪糕個蘋果批新鮮焗出好熱辣，個酥皮夠薄同脆，雪糕入面有nuts，脆卜卜好得意。抵食5分：每人幾舊水响中環食個靚西餐，坐成晚都冇人趕你走，有湯有肉有意粉同甜品，非常抵，都係滿分。…查看更多

環境5分：燒味店都算好光線企理，卡位舒服冇野可以嘈，廚房落地玻璃，可以睇住大廚斬大舊叉燒同斬燒鵝，好有快感，食慾大增，可以畀滿分。衛生5分：枱面乾淨，枱上有筷子，匙羮，紙巾，牙籤，調味料任用，不經人手，自助形式，非常乾淨，滿分。服務5分：服務員爽手唔囉唆，落單上菜非常快手，都畀滿分！味道5分：1)     叫餐即送老火例湯一碗，青蘿蔔紅蘿蔔煲豬肉，清甜無味精，真材實料。2)     叉燒雙蛋飯有六大舊叉燒配兩隻太陽蛋，將啲蛋黃撈埋一齊食，非常惹味，叉燒厚身同好爽嫩，碗飯仲配埋油菜中和一下味道同口腔。3)     明爐燒鵝1/4隻下莊皮脆肉鬆非常有油香。4)     豬油撈飯以為好肥膩但食落好香口。抵食5分：百幾蚊有靚叉又有四份一隻下莊連燒鵝肶，非常豐富飽肚，真係同餐廳名一樣咁發達，抵食滿分。…查看更多

衛生4分：外賣包裝正常乾淨，可以畀四分。服務5分：接線生親民落力，講明新張期內，散叫全部有八折，孖寶因為已經好特價，所以冇折打，問多兩句都好有耐心一一解答。外賣自取果然十五分鐘內準備好，完全唔使等，效率高，可以畀滿分。味道5分：1)    $33一盅臘腸滑雞飯夠飯夠雞肉，Ｄ厚雞肉都幾滑吓同唔嚡，條臘腸就好潤，而且好夠味，另上果D甜豉油個味教得好好，淋哂落個飯剛剛好。2)     香菇燒賣皇一客有四件，顏色靚又爽脆，仲好食過附近幾間名牌酒樓！抵食5分：$55食咗一盅飯同一籠點心，飽肚好食，真心抵玩，新店一定畀滿分支持，聽日繼續八折一定再食。…查看更多

環境5分：正常麵舖格局，D位分隔得都好開，都幾闊落，畀五分。衛生5分：筷子，醋，辣椒油，牙籤，紙巾放响枱上任用，餐枱乾爽唔會黐立立，衛生滿分。服務5分： 見到有職員响埋邊好熟手地包雲吞，非常專業。侍應生好好人，爽手唔囉嗦，有問有答，點菜上菜一樣咁快，效率高，滿分。味道5分：1)    麻辣雲耳細細粒好爽口，麻辣程度啱啱好，非常開胃。2)    上湯松茸娃娃菜好大顆，大大條同埋好甜，Ｄ葉好嫩，個菇味好香。3)    嫩雞白布湯闊麵套餐個乳白雞湯底有清香清甜嘅雞味，有Ｄ似牛奶咁滑，Ｄ麵粗闊得好似又大又長嘅雲吞皮，口感好滑，入面係切碎左嘅小棠菜同埋雞絲，份量非常足。4)    套餐加十蚊要左杯好清潤嘅凍小吊梨茶。5)    牛骨餃子麵套餐包左四隻韭菜餃，韭菜餡多好扎實，好惹味。牛骨麵係牛尾骨，有大舊有細舊，仲有幾舊超大嘅蘿蔔，入味又淋，湯麵Ｄ麵幼身同好滑，食落似米線，牛骨湯底好清甜但就唔奶。6)    牛骨餃子麵套餐入面包埋熱嘅西施燉蛋，微甜唔實，食完都唔溜。7)    加十六蚊要左杯凍香茅香水檸檬茶，個檸味好出，非常清新。抵食5分：晚餐每人一碗大大碗嘅湯麵，仲叫多左兩個蔬菜小食同飲品，加埋都係百幾蚊一個人，非常豐富，抵食滿分。…查看更多

環境5分：潮州店中裝修得幾高級，完全唔似傳統打冷店，大堂有個電視，圓枱最啱一大班人或者一家大細，仲有房同卡位，好舒適，環境可以畀五分。衛生5分：新舖非常之乾淨同光鮮，衛生一樣畀五分。服務5分： 年輕服務員爽手唔囉唆，落單，加茶，上菜都好有效率，態度好好，滿分。味道5分：1)    半份鵝粉肝同鵝片一隻碟拼左上，大大件鵝肝厚身但潤滑，Ｄ鵝片黐埋層皮先最好食，好鬼juicy同軟淋，個調味教得好好，响低果D花生同豆腐入曬味最正，配埋白醋一絕。2)    蝦棗拼蟹棗每樣各四粒，炸到脆卜卜，蝦味蟹味好濃郁，一上碟熱辣辣，炸到好通透，點個甜醬好好食。3)    汕頭煎蠔烙成隻碟咁大，好似pizza咁一開四，煎到金黃色，Ｄ蠔仔大大粒有蠔味唔腥。4)    煎韮菜粿一碟有四隻，煎到好靚，韮菜餡都好多，個韮菜味好濃烈好香。抵食5分：平均每人三百幾蚊非常飽肚，地方咁好坐，又有咁正宗傳統潮州菜的款式，抵食絕對值五分。…查看更多

環境5分：上電梯已經可以望到外面風景，非常興奮，天后頂樓餐廳個景冇得輸，裝修骨子，室內光猛，吧位對住個廚房，望住D師傅煮野一目了然，畀硬五分。衛生5分：地方企理乾淨，廚房衛生，一樣滿分。服務5分：服務員同師傅都一樣咁爽手，不停加熱茶同介紹食物，非常專業同好招呼，服務滿分。味道5分：1)     季節前菜三點有清甜嘅京都豆腐拼栗子，酸甜醒胃嘅蟹肉拼沖繩水雲，同香濃嘅慢煮鮟鱇魚肝拼鱈魚片。2)     刺身有四塊好香松露味又夠清潤嘅薄切鯛魚肉。3)     壽司兩件都調好曬味，完全唔使點豉油，右邊件大池魚壽司好肥美，左邊件鰈魚邊壽司好幼嫩軟滑，兩件都好惹味。4)     自家製漬物好清爽。5)     野生生猛龍蝦係澳洲龍蝦，由魚缸生勾勾拿出黎非常生猛，煮熟左食特別爽。6)     三文魚籽配北海道帆立貝刺生級嘅帶子燒到好香，加上超新鮮超彈口嘅三文魚籽好好食。7)     美國牛柳大大粒，好淋好有牛味仲好juicy。8)     鐵板炒飯睇住師傅生打D雞蛋炒，新鮮熱辣香噴噴，响面果D櫻花蝦非常香口同脆卜卜。9)     鐵板炒什菜好新鮮同爽。10)  季節濃魚湯係用鯛魚餚出，魚味非常之濃，熱辣辣非常好飲。11)  是日精選甜品係抹茶味布丁，個抹茶味又醇又厚又濃，中間果粒黑豆仲好甜。抵食5分：感謝祭限定大激賞鐵板燒套餐由原價每位$1150減到$800，有前菜，刺身，壽司，海鮮，靚牛，菜，飯，湯同甜品，豐富飽肚，抵食滿分。…查看更多

環境5分：餃子連鎖店規範格局，散枱分佈响兩旁，空氣夠流通，地方幾大幾寬敞，內牆貼左D手劃公仔poster好得意，畀五分。衛生5分：筷子，醬油，醋，辣椒油，醬油碟，牙籤，紙巾放在枱上，仲有免費醬瓜蘿蔔任食，個架好乾爽唔會黐立立，非常衛生，滿分。服務5分： 侍應生爽手唔囉嗦，點菜上菜一樣咁快，半小時內食完走人，滿分。味道5分：1)    湯餃子至尊松茸豬肉餃，中份碗有八隻，皮夠薄，隻隻入面Ｄ豬肉大大舊，豐滿又紮實，中間食到有松茸。附送果碗狀元九鼎湯非常之清香，入到喉嚨好舒服。2)    日本龍鳯蛋一碟兩隻，預先一開二變咗四個半隻，分一半黑松露一半白松露，隻蛋凍凍地，有少少流心又溏心，非常特別。3)    煎餃子芫茜豬肉餃大碟有十隻，每隻都好實正，個芫茜味好濃好出，煎到餃子兩邊外皮金黃色，好脆好香口。4)    上湯松茸時蔬好多條菜心，大大條但都好嫩，個菇味好香，杞子夠甜。5)    凍自家製山楂雪梨水獨立一枝枝好衛生，飲唔完都可以方便攞走，個樽仲可以循環再用，開頭好清甜好潤喉，越飲越開胃。抵食5分：一餐飯每人百幾蚊有蛋有菜有餃子，仲有埋野飲，非常豐富同健康，抵食滿分。…查看更多