kwho的个人专页

雖然已經過左10日，但係都係決定補返個食評....第1次到呢間餐廳, 上到樓梯一入門口感覺不錯, 仲諗住係好嘈好酒吧既感覺, 點知一入門口就係OPEN KITCHEN, 見到有幾個廚師喺度整緊D麵糰, 餐廳用左好多紅酒樽去裝飾, 感覺幾RAW但係又幾有特色。星期六中午約2點到, 食客唔多, 梳化位都未坐滿, 揀左坐喺個露天花園仔隔離, 落地玻璃加上陽光, HEA住坐下都幾舒服。叫左2個SET LUNCH, 一個PIZZA同一個PASTA, MAIN COURSE不過不失, 有進步空間, PIZZA太乾, PASTA份量有點少, 但有湯有包有甜品有COFFEE/TEA, 食晒成個SET都OK夠飽既。埋單210蚊, 尖沙咀上樓餐廳又坐得OK舒服, 離開時仲諗住可以多個落腳點。…查看更多

是日落雨，3個同事一齊諗住近近地去公司附近食，呢度新開左冇耐就諗住即管試下。12點半去到唔使等位，坐位都算唔係好迫，但係坐正廚房位置好嘈。3個女子，點左2個蠔仔粥，1個四寶飯，忘記影相。蠔仔粥呢，細碗過屋企個湯碗，我諗D飯加埋都冇半碗，食完之後完全唔覺得有食過野，頂多都係飲左杯蠔仔湯。同事食四寶飯相對飽肚D，但係佢話D米唔好食。蠔仔粥+飲品$45，四寶飯+飲品$48，唔會返轉頭LU。離開後即刻要去附近百佳掃零食，又貴又唔好食仲要唔飽。…查看更多

已經好耐冇寫食評，但經此一役真係難以忍受，不吐不快﹗老細提出訂盤菜返公司團年，因為大榮華就腳所以就一星期前到大榮華預訂外賣自取盤菜12位用一份，價值$1380，另加左9碟小菜同時自取，落柯打時已聲明2012年1月19日中午12時自取。當日同事準時到達大榮華，點知15分鐘後同事打返黎話佢地乜都未準備﹗盤菜又未有小菜又未有，仲要等唔知幾耐﹗等呀等，等呀等，俾晒錢都冇計又冇得走，全公司個個餓住個肚喺度等運到，老細又黑晒面但都冇計，同事仲未返到黎，等到12.30打去問同事都話未有，只好打返去問落柯打時個經理，點知打去話搵榮哥，個亞姐話：佢宜家喺樓上有記者會好忙，你4點後先打黎啦﹗我話我打黎係想問下我今日張柯打，講左12點攞點解仲未有，叫佢幫我跟跟，點知我未講完就收左線又係咁，冇計啦，又只好喺公司呆等。。。。12.45，同事話D餸已經出左D，但係未齊，盤菜又未有我張單寫明係12點到取架﹗1點鐘，其中一個同事拎左個盤菜返黎先，佢話仲差隻雞，同事等齊就會拎埋D小菜返公司。1.15，終於齊人返到公司開餐，點知同事話大榮華同佢講話冇雞，叫佢唔好等，話今日廚房唔得閒整，你拎呢盒點心返去啦﹗唔好喺度阻住我地。同事都只好走，返到公司一睇，真係有冇搞錯，我要一隻雞，140蚊，佢求鬼其俾返2條春卷、2個荔芋酥、2件豆沙角就打發左我同事走﹗仲有，明明菜單上寫明係盤菜同埋白飯一桶，外賣又冇俾白飯訂嗰時又唔講!好，等到4點打返去點都要佢交待下到底咩事，我都未講完個經理回應我：係呀今日好亂，下次俾多次機會啦，今日幫你唔到﹗我都未講完未開始真正投訴佢講完呢句就即刻CUT左我線重點意見：1. 落單時唔講清楚有咩唔包，我已經問左佢係咪菜單上有既都齊，個桶同盤係咪要還經理回應唔使還，冇講過冇白飯供應2. 單據上寫明12點到取，等到1.10都出唔齊單3. 打電話去又冇人跟進，就算有人聽電話都態度差勁，記招大晒呀？4. 一星期前訂1隻燒雞，當日居然話冇雞？﹗求其俾D野就打發你走，其實樓下外賣燒味部仲掛左好多隻雞囉﹗5. 冇意思道歉, 一句唔好意思都冇﹗總結以上，希望各位要幫襯前三思﹗…查看更多

是日假期，之前去過知道呢間早餐供應到11.30，所以11.15去到打算黎個late breakfast，點知等到11.25入座，個主任先話今日係假期我地早餐只係供應到11.20am，但係出面明明有個牌寫明早餐供應時間係早上7時至11時30分囉~ 仲有入面明明好多張吉枱，出面又唔俾人入去坐，話未執好枱，根本就係唔想人地入去叫早餐﹗反正坐低左，都唯有照叫啦，雖然冇咁多早餐既選擇，但係有d相似既餐都係差2蚊，我同男友2個人點左2個lunch：1) 意大利番茄濃湯米線(自選2餸：薄牛扒+煎蛋)配蒜香三角多士+餐飲 $292) 羅漢齋炒河+例湯 $35因為嗰度既侍應唔夠，所以佢出返張單俾我嗰時寫左入單時間係11:43分，坐喺度等左大約5分鐘，先出左一杯熱飲，又等左5分鐘，黎埋個蒜香多士，打後10分鐘都冇起過菜，同枱搭枱既食客都已經問左好多次幾時有野出，我都提左佢好多次，你未有野食都上左個例湯先吖，侍應話廚房都未出喎。如果d野食未ready，你就唔好咁快轉晒做午餐既menu啦~ 早餐都未出晒! 我地等左25mins，對面既食客已經唔耐煩走左，我再問佢，佢都話已經幫我追左，但係廚房未出，轉頭就出左個羅漢齋炒河同埋例湯。但係應該最快出到既湯麵呢，到我bf食左一半都未有，跟住忍唔住叫佢幫我cancel左個餐，我俾返個飲品錢你，咁侍應就收左我張單，5分鐘後都冇返黎。然後，bf食食吓停左，叫左個侍應過黎bf：阿姐呢隻咩黎架?侍應：咩黎架？係咪食食吓飛左落去架？換過碟俾你囉....跟住我叫阿姐叫經理黎....點知又話經理唔喺度，咁阿主任就過左黎主任：咩事呀小姐...我：你可唔可以話我知呢隻係咩黎架主任：你都差唔多食晒咯，你想點....？係咪飛落去架？我換過碟俾你囉？我：係咪應該你地餐廳要提供返一個衛生既環境俾食客架？主任：咁你想點吖...我幫你cancel左佢囉到最後，主任取消左成個單冇收到錢，但係真係食到一肚氣囉，明明係你地既問題，飛落去又如何？要求左主任俾返張單既copy我，有咩肚胃唔妥我真係會保留追究權利﹗唔會再幫襯﹗…查看更多

上次唔記得左講食左幾錢添~食左咁多野埋單都係$136咋~…查看更多

以前都喺雜誌同電視見過呢間食店，平時好少去香港島，都係咁啱遊行完搭車去到北角先搵到佢。酸辣湯好味~!酸同辣都控制得好好，多料，有水準!炸排骨菜飯-夠腍，入味，但有少許咸，不過撈埋d菜飯又好啱味~蕃薯苗餃-好多汁，好大粒，而且新鮮嫩雞餵麵-ok白汁蕃薯鍋餅-最欣賞佢呢個~入口好香蕃薯味，有蕃薯蓉加埋蕃薯粒，唔甜，又大件又扺食~$32等於人地兩客豆沙鍋餅咁大~最欣賞呢個~…查看更多

除左d服務差少少之外...味道都唔錯…查看更多

我星期日去左尖沙咀小熊國隔離間萬福食,唔係好得呀!一黎唔知係咪因為係星期日既關系,好多人呀,而且佢D 位太迫喇,自問都唔係肥人,但係佢人又多,條路又窄喎，呢方面唔係咁好呀~<br>問題最大既就係質素差左好多呀(同銅鑼灣間比)本來我覺得佢最好食就係d 烏冬，以前我去銅鑼灣間食既時候，佢係由雪柜出黎既，但係宜家佢變左係一包包既，唔好食呀!!!! 湯又冇以前咁香...唯一我覺得佢比銅鑼灣好既就係佢有個雪糕柜，大約有八九種唔同味道可以揀，呢個就係佢比銅鑼灣好既地方。<br>如果你係生日前後去食既話，你全人就可以當日免費入去小熊國玩，但係講真....我覺得都係一家大細先會去架...<br>如果真係想去萬福食，我建議你都係去返銅鑼灣間好d，多左野食佢就冇以前咁好喇.$218 一位架~又唔係咁係咁平喎....…查看更多

但係我上次只係去飯早茶...所以我覺得都ok，不過佢d野就係細碟左d既。但係我食過佢d煎腸粉好得呀~真係好脆好香，而且d腸粉都好滑架!不過其他野就一般咁囉...…查看更多

我地幾個人已經證實左之前係食物中毒中既係沙門士菌呀你地去食既時候都係唔好order 佢既芝士餅呀~身體要緊呀各位~!!!…查看更多

妹記既粥我由細食到大架~由我細個麥花臣球場附近既大排檔到佢地上到去街市，我都一直咁支持?!!!無他既~因為佢d粥實在好食~我男朋友由唔鐘意食粥，到因為上去食完之後變得之後叫我同佢上去食，你話佢有幾大吸引力呢~佢地d肉丸同埋魚云粥係最出名既，不過呢，其實做得最好都係佢d粥底。唔好以為佢地下午三點就收之後就好得閒呀，佢地其實今日下午就要準備好聽朝要賣既粥架喇~我次次都會食佢地既白粥，真係好好味，仲有就係叫豬潤粥，一定要推介俾大家呀!雖然佢地既環境真係麻麻，但係自問鐘意食粥，但係冇去過呢間既話，咁你就唔可以話自己鐘意食粥喇~!!!真係要去試呀~佢地朝早六點開，多數三點前就賣晒架喇~…查看更多

佢仲有一間分店旺角洗衣街架...洗衣街個間d野好食過花園街個間架，唔...應該話佢既水準高好多，都keep得幾好，起碼我以前日日都去食lunch?都keep都!值得一提係佢地既set lunch，真係好抵食架~$26有湯有飯有野飲，而且仲唔收加一(星期一至五)我最鐘意佢地個羅宋湯，好濃好好味~雖然佢地既環境可能係黑d，但係都幾好feel架~黑媽媽都幾romantic~d waitress呢...洗衣街間d人都幾cool架，但係你開口問佢都會俾你囉，好似要加汁咁，佢地都即刻會俾你架(食set lunch咋喎~唔係食扒餐呀)真係好抵，而且又好食喎，我一定會再去架…查看更多

我十．一國慶日夜晚去食，佢都仲有套餐，但係人勁多呀，等左半個鐘左右啦﹗入到去我order左個魚腐米線，唔知係咪因為出面人多既關係，所以我覺得師傅好似比平時"拿西"左好多，d魚腐同平時d完全唔同左味既...怪怪地咁架!不過碟菜就大左好多囉...整體都ok既，雖然比平時多左人，地方冇咁乾淨同埋冇以前咁好食，因為佢抵食，所以都仲會去試多次既.…查看更多

我地七個人order左以下既食物:<br>1.Shrimps Oreganata <br>2.Bread Soup<br>3.Classic Pizza<br>4.Angel Hair with Vegetables & Tomato Cream Sauce <br>5.Rosemary Roast Chicken <br>6.Fettucine Alfredo with Broccoli <br>7.Tiramisu<br>食物都ok 既...平均一個人一百三十蚊左右，但係我地七個人入面有五個都食完第二日肚瀉...不過我地o個晚見到向海嵐...<br>提一提，果度d waiter 都唔係咁smart.…查看更多

唔止呀~<br>當佢旺角開第一間舖既時候我已經開始幫襯佢，我覺得佢個鮮奶撻($4) 都做得好好，其實最緊要係佢夠熱同新鮮...<br>以前我覺得旺角銀城隔離o個間做得最好，宜家o個間close 左都幾年，我覺得o係新都城二期o個間都做得唔錯~(百人一朱隔離)…查看更多