Saamice的个人专页

《蟹膏蕃茄湯檬》 呢個湯檬基本上係大鼠每次嚟到餐廳都必點嘅菜色😍配菜有蕃茄 扎肉 豬紅 香菜 芽菜 生菜 同埋主角蟹膏餅🦀先講佢嘅湯底 有好濃郁嘅蕃茄同埋蟹膏味 非常入味 飲晒都無問題！而蟹膏餅就更加之出色 因為佢嘅質地類近海綿狀 咬落去好軟熟 而且索曬濃郁嘅蟹膏味 係成碗湯檬嘅亮點如果覺得唔夠食 仲可以追加多份蟹膏餅添㗎.《烤豬肉法包》大鼠以前其實係食開越式法包 但係因為自己本身唔太喜歡食札肉 所以就試吓叫一個新嘅口味 點知又有驚喜喎！餐廳好貼心 法包可以選擇原條上 開2/3/4 而大鼠為咗方便食用 就揀咗開4 (以前試過開2 但係覺得體積稍大 會食得論盡)烘暖咗嘅法包口感鬆脆 配有烤豬肉 醃蘿蔔 青瓜絲 同芫荽等等 風味十足因為佢哋烤豬肉比較Juicy 所以個人認為比起越式法包嘅扎肉更勝一籌.《總結》呢間餐廳起初在深水埗興起 直至近期搬咗去油麻地大舖 大鼠都一直默默支持~ 以前真係要排好長龍先可以食到 雖然依家都要排隊 但係已經減少咗好多時間大鼠覺得佢哋越做越出色 而且都keep得住啲食物水準 好推介大家嚟食…查看更多

《韭菜餅》 如果要提到土瓜灣名物 點可以唔講韭菜餅架由於鋪頭係即叫即整 所以攞到手嘅時候仲係熱辣辣 大家要小心唔好焫親嘴呀！！韭菜餅嘅外皮非常薄 仲要煎到脆卜卜添 有d似食緊煎鍋貼咁內餡更加係非常之足料 每一啖都食到滿滿爆汁嘅韭菜！！韭菜迷千祈唔好錯過呀由於菜嘅比例相對豬肉多 所以食落都唔會覺滯 同埋罪惡感都冇咁大.《總結》咁岩經過土瓜灣會推介大家嚟試吓 細細件好適合當下午茶或者小食店舖係專做外賣 所以唔會有堂食嘅位置 不過就咁拎住係大街上邊行邊食 都別有一番風味~…查看更多

《The Upside Down》 雪糕店每日都會有兩款隱藏口味嘅雪糕俾大家試食同估 大鼠當日嘅隱藏口味係番茄汁同埋沙律醬估中曬隱藏口味買雪糕就會有優惠 所以只係叫咗杯裝雙球雪糕 但總共可以食到三款唔同口味 真係好開心The Starcourt Surprise (Macaroni & Cheese) - 既然係怪奇物語嘅限定口味 就梗係要食啲得意啲嘅味道啦 呢款Mac Cheese有好濃烈嘅鹹香味 大鼠認為好夾下面嗰兩種生果口味嘅雪糕 可以食到又酸又鹹又甜嘅味道 幾特別Strawberry Eleven (Strawberry Balsamic) - 呢款係店員當日特別向我哋推介嘅口味 除咗士多啤梨味好出之外 都會食到少少草青味 會有一種好清新嘅感覺 絕對唔係藥水味!Max's Mango Madness (Mango Black Pepper Sorbet) - 呢款芒果雪糕係大鼠認為最驚喜嘅口味 本身諗緊芒果配黑椒會唔會好奇怪 但原來係出奇地夾 食落第一啖係甜甜地嘅芒果 黑椒味嘅後勁原來會更加突顯芒果嘅甜味 推介大家一試.《總結》作為Stranger Things嘅忠實粉絲 覺得餐廳可以還原到劇集入面嘅雪糕店真係好興奮只要購買雪糕就會送一頂水手帽 而且餐廳都有特別設計一個小corner俾大家買下周邊產品同埋影相打卡由於係期間限定 所以大家要把握機會係12月31號之前去朝聖啦…查看更多

《瑪瑙瑙麵》 鋪頭主打以雞做主題嘅拉麵 所以連湯底都係用雞湯做底 雞味非常濃郁　上菜前仲會打一層泡沫係面 令到湯底更加細滑 大鼠飲晒碗湯都唔會覺得口乾配菜方面有 青蔥 京蔥 竹荀 同埋辣椒絲 當然都唔少得主角 雞胸同埋雞肉叉燒最驚喜係雞胸 因為店舖係用慢煮嘅方法處理 所以非常嫩滑多汁 同平時食開嘅口感有明顯嘅分別餐廳提供白麵或者黃麵 大鼠就揀咗白麵 非常之掛汁 每一啖食落都有湯嘅鮮味同埋麵嘅爽口感建議可以因應個人口味加入餐廳嘅蒜粉同黑椒 同拉麵非常夾.《黑蒜雞白湯拉麵》呢款拉麵同上面嗰款拉麵樣貌上並無分別　主要係碗底多咗黑蒜油 大鼠覺得黑蒜油有少少蓋過本身雞湯嘅味道 如果你係第一次嚟食 或者唔係特別重口嘅人士 會比較推介瑪瑙瑙麵~.《總結》店主係日本人 每一位入座同離座嘅客人 佢都會親自打招呼 都幾親切睇到舖頭嘅環境 就會知道店主係一個貓奴 因為除咗滿滿嘅貓貓裝飾之外 連碗同埋餐具都係貓做主題設計而成 如果你都係愛貓人士 一定會好開心另外要提醒大家 前往餐廳之前 要留意佢嘅社交平台動態 因為有時會出現突發情況 需要休息一天 …查看更多

《第一招：麻辣雞煲》 雞煲可以揀辣度 因為我地有同行嘅鼠鼠唔係好食得辣 所以淨係揀咗bb辣 都好夠味同好惹味平時食雞煲都無乜機會自己動手 呢度食可以自己炒下 都係一個唔錯嘅體驗雞煲可以無限追加 但係大鼠建議唔好心急 一定要留肚食後面嘅重點食物.《第二招：海鮮盛宴》根據非正式統計 每一台嚟食斗滾嘅客人都係為咗呢一個海鮮拼盤 IG打卡絕對唔失禮海鮮拼盤包括 鮑魚 蟶子 扇貝 海蝦 龍躉 花蜆 同埋烏冬每一樣海鮮都係非常之鮮甜 而且用咗非常夾海鮮嘅蒜頭嚟調味 略嫌海蝦有少少遜色 其他都係中上水平大鼠好鍾意食佢嘅烏冬 因為佢索曬所有嘅精華 可以食得出海鮮嘅鮮味 Nice!.《第三招：滋補火鍋》雖然四人同行可以免費升級做烏雞湯 但係大鼠都係鍾情於清湯安格斯牛腩湯首先可以飲吓佢哋嘅湯 非常之清甜 飲完又唔會覺得口乾 而且佢個安格斯牛腩都好出色 又冧又重牛味 唔會話因為攞咗嚟煲湯就好靭飲完湯就可以攞呢個湯底打邊爐 只要喺斗滾嘅社交平台留言就可以任食佢哋嘅手切牛頸脊 一定滿足到作為食肉獸嘅大家出邊嘅雪櫃仲擺咗唔同嘅火鍋配料 同樣都係任食 而且種類都好多.《甜品：椰汁雪燕》食完任食雞煲同埋打邊爐已經好飽 但係都唔好錯過呢個甜品皆因呢個甜品係非常之足料 每一啖都可以食到滿滿嘅雪燕而且佢嘅椰汁甜度都適中 作為一餐嘅收結係非常之滿足.《總結》呢個價錢可以食到咁多嘢絕對物超所值 而且可以一次過滿足晒想食雞煲 海鮮 同打邊爐嘅朋友 晚市其中一個時段仲可以食到夜晚12點 非常適合一大班人嘅聚會值得一提嘅喺餐廳環境比較逼夾 所以大家要坐得親密少少…查看更多

《前菜：流心芝士原種蕃茄沙律》 被驚艷到的前菜沙律😋Burrata Cheese配黑醋沙律真係好夾好creamy嘅芝士融和咗黑醋嘅酸味 一啖食曬口感好飽滿(**另外想分享 大鼠嗰日有留到少少Cheese配佢提供嘅西餐麵包 成件事好夾).《精選美國頂級牛扒》作為牛魔王既大鼠 當然揀咗自己最鍾意嘅五成熟牛扒餐廳提供咗三款芥末 適合唔同人口味牛扒本身既質素就幾好 肉同脂肪分佈平衡 而且係炭烤方法烹調 所以一上枱就聞到一陣炭燒既風味餐廳處理牛扒同烹調時間都做得好好feel到有充足嘅rest time 所以切開啲時候唔會有過多嘅血水 搭配焗過嘅蒜頭更加和味.《蜜糖芥末汁烤豬鞍》豬肉比較緊實 所以食落去感覺啖啖肉 口感唔錯 附上一個超級夾嘅蘋果醬 油脂同果醬既口味混合 十分開胃 仲提升咗豬鞍嘅味道 絕對滿足到重口味嘅食客另外值得一提的是它的薯蓉 好creamy又唔會太膩 越食越過癮.《油封鴨脾配格仔鬆餅》油封鴨脾之上有一隻煎得岩岩好嘅太陽鴨蛋 大鼠表示超鍾意 因為流心嘅蛋液係最好食鴨脾肉質非常嫩滑 唔洗用刀都切得開啲肉鴨脾+鴨蛋+格仔鬆餅三合一一啖食曬感覺好滿足 蛋液同鴨脾嘅肉汁好juicy 加上香脆既鬆餅 非常有口感如果要挑剔嘅就係鬆餅得兩塊 唔係好夠食 如果可以加多兩塊就更好.《海蝦配龍蝦汁扁意粉》都算合乎期望嘅扁意粉 略嫌龍蝦汁偏少 所以食落有少少乾身 不過因為餐廳都落得夠cheese 所以味道唔算太淡海蝦嘅份量都岩岩好 唔會話唔夠喉 整體不過不失.《肥腩早餐精選》食到最後 覺得呢個All day breakfast用嘅食材同上面食嘅食物有少少重複 所以建議大家share食就唔一定要叫呢個set不過重點一提就係佢嘅漢堡扒幾juicy 大鼠都係同上面牛扒一樣揀咗五成熟.《總結》大鼠嗰日係星期日黎食個late lunch 店員安排咗樓上雅座 好有私人空間嘅感覺 適合成班朋友一齊have a chill dayBrunch Menu可以加錢飲Free flow嘅紅酒 白酒 同氣泡酒 鍾意飲酒嘅大家就唔好錯過…查看更多

《醬油雞清湯拉麵》 附有雞叉燒 味玉 香蔥 大蔥 紫菜湯底用5款唔同既醬油 加上煲咗20個鐘嘅雞湯製成 味道偏向清淡 完全無落味精同埋好鮮甜 麵質比較硬身 而且夾雜住少少麥味 感覺都幾唔錯 有口感又好食店員建議食到一半可以落黑椒調味由於大鼠係比較重口味 所以覺得落咗黑椒之後更加好食咗有別於平時油脂feel重嘅叉燒 呢度用嘅係黎自熊本嘅雞肉叉燒 呢款叉燒好滑 口感唔錯 值得一試!.《唐揚炸雞》黎之前已經知道呢款炸雞係必食之選炸雞即叫即炸 粉醬一啲都唔厚 所以食落唔會成口粉同太滯外皮相當薄脆 雞汁完全鎖住喺塊雞件入邊 雞件本身都好嫩滑 每一啖落去都有好滑好Juicy嘅感覺雖然本身雞件已經有少少調味 但另外唧啲檸檬汁同埋點沙律醬會有額外風味.《總結》一到達舖頭 店員會先詢問乘客有冇到訪過餐廳 需唔需要為食客介紹餐牌亦會好耐心逐一介紹同解釋每款拉麵嘅分別上菜嘅時候都會再向食客提供建議嘅食法 埋單嘅時候都會細心聆聽每位食客嘅食評 睇得出真係好有心機有機會大鼠都會想二訪去試其他拉麵同埋再食多次份炸雞…查看更多