Eyk2016的个人专页

經過delifrance，諗住好耐冇食就買外賣食下，點知買2份餐係要比雙倍外賣盒錢，本來4蚊唔係多，但d 態度好少少好似會攞佢命咁，話我企係度等外賣，叫我行去門口等，話多人係果個攞餐位， 咁我咪搵個位坐底等，點知佢整好我份外賣都唔出聲，我要行埋去問佢係咪呢份外賣係我，佢先好悔氣話係！唔明而家香港服務行業點解差到咁，係咪態度好少少你會賺少d? 食物價錢都已經唔平係預左既，但服務仲要咁差，唔會再幫襯！！…查看更多

叫左3樣菜, 黃咖喱蟹肉, 蒜香薄餅, 菠蘿海鮮炒飯, 價錢唔平但係味道十分差劣,黃咖哩蟹肉完全冇咖哩香味而且比較油,蒜香薄餅還可以,菠蘿炒飯都算叫做熱,但係味道都係一般, 有一種唔想招呼你嘅感覺 另外樽裝水係需要收費,到埋單嘅時候先知道原來每一樽水都要收18蚊,之前係冇通知要收費, 而我哋飲嘅只係普通水並唔係有汽水, 呢樣先非常之離譜, 一定唔會再返轉頭, 價錢貴兼且食物唔好食,服務態度差!!!!…查看更多

唔明點解d comment 可以讚得咁好，starter / salad種類非常少，味道還可以，但主菜先係難食，叫左pork belly試，完全冇咩味，感覺似煲湯豬肉，其實賣相唔差，但味道真係唔得，叫2 courses 都成2舊水一位，完全唔覺得抵食同好食，鍾意食煲湯豬肉可以一試！！唔會再食呢間野！…查看更多

入黎食放題，價錢都唔係特別平，$288 一位食90分鐘食物質素味道都ok, 都幾大件而且夠熱，但服務態度都真係幾差，好似落完一次單之後，每次叫d侍應比餐牌再落單都好似唔願意理你咁，咁如果係咁唔想做就一係放個餐牌或者點心紙係枱面囉，咪唔駛每次都要叫你囉，仲有d點心未食晒就收起左，問都唔問你，真係叫都叫唔切佢唔好收我，以咁既價位，可以好多選擇，唔駛一定要食呢間！！…查看更多

前幾日經foodpanda 叫外賣送黎，又送漏杯芒果乳酪，叫左牛肉烤餅卷，牛肉又超韌，雞肉pizza完全係超乾冇汁，好似食緊麵包，最後仲要唔肯退番杯漏左既芒果乳酪既錢，以後都唔會再幫襯，味道加服務都唔得！…查看更多

食物質素普通，雞肉偏鞋而且份量少, 湯較鹹，價錢上唔算貴, 但係服務態度超差, 未食完嘅食物啲侍應急不及待收走, 但在場嘅客人不算多, 唔明白點解要咁急收食具，本人問佢係咪咁急要收走食具，咁樣好騷擾，那位侍應仲要話係按公司嘅要求， 既然咁急收走食具，我就飲完最後一啖檸茶 快速走人，到櫃面埋單嘅時候那位侍應仲要 單單打打話都埋單走人話我地好話佢去執野，比說話我地聽， 簡直不知所謂，又一次比錢買難受，唔會再幫襯，唔怪得知咁少人食! …查看更多

環境算寛敞，座位唔會太密，食物質素較一般，唔算好重牛味，而且牛舌有點 韌 但可接受，服務亦唔算十分好，亦係一般，企係門口成5分鐘都未有人接待，感覺麻麻，而且價錢唔平，個人覺得牛角仲好食…查看更多

問左第二次未黎沙律湯，就黑面回應，咁既態度，唔好做啦，尤其係某一位侍應其態度真係唔想做咁，食物質素再好，都難以嚥下，價錢上亦唔算好抵，只係食物上份量較大較多，感覺上唔會再黎食！…查看更多

試左個lunch set，一款澳洲一款日本牛，質素好普通但唔難食，但最唔中意係佢冇得散叫，lunch 剩係可以叫set, 如果唔夠飽想叫其他，係冇得選擇，而且入黎時候要逼人坐埋一齊，但明明又唔係好full, 要逼住坐，服務好唔得，而且出面有salad bar可以自己拿，又冇講清楚比人聽，價錢上唔算好抵食，食完都唔係好飽，應該唔會番食呢間野。…查看更多

幾有驚喜！4至5月做緊A5+A4和牛任食都係每位$398，原以為只係得A4, 有埋A5都真係算抵食，和牛質素幾好，入口好有油香，當然比起係日本食仲爭一截，但整體都唔錯，刺身都幾新鮮，唯一要彈係d小食比較一般，但炸香芋丸同榴槤波波都幾好食，夠熱，如果專注食燒牛都係唔錯既選擇，試左燒豚就比較一般，牛會比較好食d。至於服務都幾好，有見到我地冇反轉d帶子，走過黎幫我地反一反同講解番，整體都算有禮貌，呢間可以一試…查看更多

個包又硬又乾，入面d饀又少，本來想order三文魚，吞拿魚同碎蛋果個三文治又冇，焗住叫左呢隻咸牛肉芝士三文治，入面只食到少少牛肉，除此之外冇咩饀係入面，價錢上都唔平，仲要81蚊套餐價，唯一係個湯還可以，都算creamy同有幾香蘑菇味，以後都唔再幫襯，正一又貴又唔好食。…查看更多

午市放題148一位，但野食種類又少，又等得耐，人已經唔算多，真係真心冇下次，第一次食放題既種類少到咁，味道一般，寧願比多少少錢揀間質素好d種類多d 既，，唔明而家香港既餐廳點解可以咁求其 ，失敗之中既失敗…查看更多

見好評如潮就試一試，結果高估左呢間野，刺身一般，唔係講到咁新鮮，同超市食既差唔多，松葉蟹腳冇乜鮮味，壽司方面都係冇乜特別，最難食係海膽軍艦，海膽係帶有少許苦兼押味，不過就唔大件，唔會令你食到好飽，熟食方面，有漏單情況，當日人唔太多，唔明點解都有漏單，order左天婦羅，只比沙律醬你而唔係天婦羅汁，但幸好仲係熱同脆，燒牛舌有點韌，羊架好一般而且係比較油，甜品種類唔多，以為有乳豬，結果冇，總之以248蚊午市放題咁既價錢食，絕對唔抵，仲有d侍應好興係人地未食完就收起人地既野，本人認為248蚊有好多選擇，絕對唔會再幫襯…查看更多

午餐時間寫11點開始， 我地11點入去，入到去叫佢比午餐餐牌，又話轉頭比，叫左幾次都冇比，仲要話都要等陣，我見其他枱有餐牌，到我自己攞，佢又話攞比我，但到最後都冇比，跟著我地走人， 仲話我地冇品，我地咩都冇叫，咁叫冇品？請問你有咩損失呢？咁既服務態度，搵鬼食！！！！！…查看更多

叫左既野等好耐都未有， 得刺身較快， 其他熟食等好耐， 係就係比你食到1500, 但中間等咁耐， 真係唔抵囉， 唔怪之得中午咁少人， 總之唔會再黎， 係食過咁多間午市放題最差一間…查看更多