c_dan's Profile

今日甘啱黎黃埔買野，見有D餓就係附近搵野食，行過見門面幾企理就入左去，上黎睇先知係新開😂可能成下午四點先入去食，侍應反應比較冷淡，不過唔係無禮貌😆野食都好快上，份量適中，而且夠熱，味道唔錯，價格正常，卡位坐得舒服，又播住日文歌，令我又想起日本，會再有下次…Read More

今日放假一早就去行獅子山，行完山仲係好早，所以就慢慢周圍行下，唔經唔覺就行到去九龍城，甘就一於食番個糖水補充下，當中有兩間自己比較喜歡，其中一間就係金滿堂🍧上次晚上去超多人，估唔到今次日頭去都唔少人😃叫左個必嗌既椰皇燉湯丸，好好味好清香🥥泰迪小熊就好透心涼好啱行到熱辣辣食降下温🧊再嗌左個屋企人鍾意食既銀竹花外賣，呢個銀竹花比普通腐竹蛋正係因為佢d蛋花，係即叫即撞所以好滑🥚個個食完都覺得好滿足…Read More

其實幾年前已經試過神經餵飼😀果次坐上面非常free好似日式甘坐法，好啱同班fd hea下。今次坐下面靠，環境冇變，依舊寧靜，侍應們好似再細個左😂serve我地既女仔幾有禮貌，我叫左個雜菌豆腐飯($7x)，而我妹就叫左個日式雞扒丼($14x)，野飲就叫左latte同dirty,個dirty我預先睇左open rice知道係熱咖啡加落凍奶，幾得意，係我喜歡的味道☺個雜菌豆腐飯辣辣地好惹味，反而個雞扒乾在d,冇乜味…希望呢間食店可以keep住水準同環境，因為一開始的印象很好💛:)…Read More

今日放假一大早起身想去d2 place行下，知道開左好多食店，心裡面有個想試list，十一點太早未想食飯住，所以就去左試下呢間匆當奴喇。叫得匆當奴就一定唔少得burger同薯條啦，我叫左個豬柳強餐，再加雞翼，野飲就試凍咖啡，自己係出面拎野飲，個餐都好快送到。個包好熱辣辣同軟熟，size唔大但好滋味，波浪薯條好食，雞翼都ok，支凍咖啡味道唔錯。最好既一點係枱面上面有消毒液同纸巾，好方便。四周都有好多又靚又funny既圖畫，好適合同一班朋友食野影相傾計打卡…Read More

今日同朋友落聯和墟揾野食,天氣甘熱，朋友想食日本野，於是就search 下open rice睇到呢間外表好日本幾靚下既料理店。間料理店係中學同遊樂場附近，算易揾，入到裡面好寬敞位與位之間算隔得開，坐得幾舒服，冷氣又夠。我地都嗌左魚生丼飯試下，好快就有得食，賣相唔錯幾鮮，又有沙律，湯同果茶，其實算抵食架喇，兩個set加埋百七蚊度，可以坐下傾下食下同影下相，d相個背景仲唔錯添因為店內佈置好日本feel😊下次有機會再食過☺…Read More

之前經鰂魚涌試過佢既火龍果奶蓋茶，果時新開張超多人，尤其係附近番office既，飲過之後一試難忘，可惜唔係成日去果頭。當知道佢地係旺角開左新店，即刻收工買完個麵再趕上旺中睇下仲有冇得賣，好彩差不多九點九去到仲未收鋪，原本想嗌番火龍果奶蓋茶，員工同我推介奶蓋玉露紅茶($34)，其實我最主要係想食個奶蓋啫，因為真係好好味好似減甜版金莎cream甘，所以就照試下。番到屋企，個樣仲好是正，奶蓋冇沉底，配埋個紅茶又幾夾，唔會好"漏"，不過飲完已飽飽地，早知唔使買甘大份麵餐😂…Read More