Tandice的个人专页

😭無係OpenRice check 食評就買左外賣 。極度後悔 。諗住叫最普通嘅食物，求其一間開得餐廳都唔會太差 。叫左西多士同埋凍咖啡 。係我呢世人食過最難食嘅西多士同埋最難飲嘅咖啡 。都可能係唔啱我口味嘅 。但其他食評都唔好得去邊。西多士同咖啡都無乜味。食兩啖就要放入垃圾桶 。🗑️🚮…查看更多

大角咀都有唔少平民壽司店。食過玥屋（抵食）、活一鮮（新鮮）、壽司郎（最貴）、爭鮮。諗住試埋呢間。不過壽司飯太酸 。toro 好多好多根。食左兩塊，要咀嚼好耐，另外要掉（有圖）。三文魚超市level 算正常。蛋味道正常。但員工/老闆禮貌好好。小店 唔想寫太差 可能其他嘢好食 。但我唔會再幫襯 。…查看更多

以前個酸辣土豆絲好有鑊氣 好好食。而家變到好普通，冇晒鑊氣 。以前個四川擔擔麵都好味啲，湯底都好食啲。起碼幫襯咗20幾次。但係而家已經唔同咗味。冇咗嘢味嘅感覺。樓面由男人轉做女人之後感覺上廚師都好似轉埋。外賣四川擔擔麵包裝都唔同咗。所以好想知其實係咪轉咗老闆，定係轉咗廚房。 我發現味道唔同咗之後，再幫襯多三次。都食唔番以前嘅味道同埋鑊氣 。失望。希望只係廚師走返去九龍城，起碼喺九龍城都食返嗰個味道。之前個廚師真係整得好好食 。…查看更多

喜歡幫襯小店。店舖好細。薑汁芝麻湯圓好好味。係香港暫時食過最好食既。真皮薄餡靚。但好可惜佢生湯圓咁貴。雖然認真真材實料。但堂食真係無得輸。一定會再去好多次。特別係冬天。…查看更多

椰醬飯有顏色但無乜味。班蘭冰都係得個色無乜味。喇沙面就偏淡。米粉唔入味。雞蛋麻麻地。魚蛋唔好食。多士好硬。唔太好食。呢個價錢有更好既選擇。唔知點解可以有咁多間分店。又可能佢係海南雞先好食但我無叫啦 …查看更多

餃子好食！湯餃同煎餃都好好。湯底好好飲！飲完唔會好口渴。老闆好友善！又會問你覺得啲食物點。有心做先會問。芝士蛋糕好味不過有啲細件。一定會再幫襯！排隊要等好耐。如果店舖大啲就好喇！…查看更多

餃子無味湯底難飲重味精。諗住幫襯小店。點知變浪費食物。最後煮合味道杯面。今日叫左外賣。無餐具、醋、辣椒油。等外賣等左好耐。都算。餃子都未熟晒。餃子皮仲係食到粉。餡料唔多。完全無味。諗住個湯可能可以救一救。唔好食都食埋佢啦。點知諗住唔會死既蕃茄薯仔湯底都可以好難飲。飲左兩啖已經感覺到味精好重。好頸渴。最後只好放棄。掉晒佢地。食合味道杯麵無咁嬲。我無試米線。可能佢米線會好啲啦。佢可能考慮主力做米線。唔好再賣餃子。食餃子都係食返山東餃子或者家後好過。…查看更多

超級伏。浪費金錢。真係好難食。我仲要好肚餓食兩啖都放棄唔再食。應該一早上黎睇睇評語先叫啦。一共叫左兩碗麵。每個$68左右。送兩個餐湯。加一個餸。外賣盒共收6蚊。160蚊可以食到好好味啦。呢個價位食上海姥姥、翡翠拉麵都得喇！擔擔面太太太淋。湯底好似溝左水咁。無乜味。送果個餐湯勁少又係好似溝左水咁。上海店你送個水溝雜菜水。你送啲咁既湯不如唔好送啦。希望快啲執左佢。開間好食啲既餐廳啦。都唔明點解咁既質素都可以開咁耐！…查看更多

以為開咗好耐嘅餐廳會好好味先至可以唔執笠。所以入去叫咗應該係最招牌嘅嘢食。排骨擔擔麵。可能因為係舊式餐廳。衛生程度唔會話好好。個湯好淡。個湯底好似加咗水咁。有少少辣味。炸排骨可以完全冇味。係連肉味都冇。完全唔知自己食緊啲乜。炸粉同油。食咗三份一左右就已經要放棄。真係肥得好唔抵。朋友叫咗個清湯牛肉麵。清湯反而濃味。湯底好味過擔擔麵嗰個好多好多倍。所以如果你真係一定要入呢間嘢食嘅話最好避免擔擔面湯底。 …查看更多