午夜美食家的个人专页

第一次幫襯，兩個大人叫咗二人餐加個冬陰功湯，食到好飽！-星期六晚，八至九成滿座，因為有預約，所以唔需要等位，環境裝修充滿泰式風味-焗黃咖喱軟殼蟹麵包，麵包鬆軟，咖喱香口，軟殼蟹酥脆，唔錯-無骨豬手煲，豬手炆到好入味，皮軟肉滑，本人覺得唔點泰式醬更好味-蟹肉炒飯，個飯炒得好乾身，香口，調味簡單，蟹肉味不太突出，不過不失-冬陰功湯，材料豐富，有一隻蝦，味道不錯，本人覺得可以再辣多少少，可能比較偏向香港人口味-整體不錯，有機會想再嚟些吓其他菜式…查看更多

咁啱入開元朗，之前間中係小紅書見到有人推呢間嗦爸螺螄粉，所以諗住去試下。-平時返大陸都會周圍試下唔同鋪頭既螺螄粉，而且都會買返屋企自己煮，所以大概都知螺螄粉係咩味道。-首先落單已經冇大陸咁方便，要去排隊落單，而且得一個人係度，又要一邊出外賣、出餐、整廚房野，又要一邊落單，最後我企左係度等左最少10分鐘，因為前面都有其他客人落單，重點佢唔係落單先，係要你等佢整好晒啲野先幫你落單....客人個口緊係話唔緊要啦🤭-價錢正常比大陸貴都真心明白既，始終香港租金貴、人工貴。-有自助酸蘿蔔食，拎左少少試下，我平時都鍾意食酸辣野既，亦都識自己整酸蘿蔔，但佢啲酸蘿蔔係勁軟、又重醋酸味、而且偏咸，一食就知咩料，所以都冇再添食。-等左二十分鐘左右，我地碗粉終於到啦，賣相係唔錯既，叫左小辣，辣味正常，粉係煙韌既，配菜冇乜味，而且湯底都冇乜味，同大陸既差得遠。-炸蛋偏油、冇蛋香味，溏心蛋食落口凍凍地，唔似啱啱炸出黎，而且個心唔係流心，已半凝固，可惜唔記得影相...-臭豆腐味道同大陸一樣，豆腐係脆口既，$25有6件。-虎皮豬手就不知所謂啦，完全都冇炸過，咁都可以叫虎皮豬手真係笑左，想問下老闆你有冇去過柳州食過螺螄粉做下功課架，個豬手得個咸字，難食過普通廣式豬手囉！-之後第二朝我開始肚痛，最後屙左三次，我平時都會返大陸食野掃街，但係都冇試過肚痾，如果平時自己煮印尼撈麵就會肚痾，可能對佢啲化學調味料敏感，可能舖頭用嘅唔係天然調味料，不過算啦，唔會再有下次。Ps同行人冇肚屙既，即係唔關衞生問題事，佢平時食印度撈都冇事，因為當天係假期，我地全日食既野都一樣。-另外我都見到舖頭有塊板寫住如果喺小紅書度出食評，喺一個月內有50個like嘅話，就可以任食舖頭入面$400內嘅野，並且可以帶一位朋友，怪唔之得間中喺小紅書見到啲食評啦....…查看更多

平日中午午市放題揀左美國牛胸腹肉加一後每人可減$40共可食100分鐘，時間上綽綽有餘可以慢慢食唔洗急-牛肉質素正常呢個餐可揀肩胛翼板肉同牛胸腹肉上菜速度快可能我果段時間冇乜人店員係門口傾計要求換網要出去叫店員幫手-炸甘薯、豆腐好味！-雞翼唔入味-多春魚正常鯖魚唔好味-乳酪雪糕+窩夫不敢恭維兩樣分開食應該冇咩問題但唔好整張野係餐廳入面等人有所期待乳酪雪糕+窩夫真係得個酸字完全唔好食唔係講玩...-兩人折扣後$466…查看更多

預約了星期二晚五至七的時段，$248加一，新會員註冊可以有$20優惠。餐廳五點後開始放人入場，我早到了幾分鐘，外面都有十幾人排隊。環境很寬闊，2人會俾4人枱，用餐時感覺較舒適，因為有些放題2人只會給2人枱，枱面很窄小，根本不夠地方放食物，而且這裏的店員收碟的速度也很快，不會堆積很多碗碟在枱上。出餐速度正常，不會太慢，邊吃邊傾偈，速度剛剛好。自助區的選擇很多，飲品選擇也很多，有凍飲雪櫃、熱飲櫃、咖啡奶茶機、清酒 等。雪糕櫃也有很多選擇，也有軟雪糕機👍🏻兩人折扣後$526，以日式放題的質素黎講，已經唔錯，而且店員的態度也不錯呢。…查看更多

約咗平日5:30入座，已經有人食緊。有好多食物揀：牛柳粒、泰式雞柳、雞翼、墨魚仔、秋刀魚、午餐肉、芝士腸、扇貝、青口、蝦等等。熟食亦都好多選擇，有炸蝦、炸蠔、蒜蓉蠔、炸軟殼蟹包等等。小食有泰式無骨鳳爪，好味！食咗好多牛柳粒，店員都好歡迎食多啲😂扇貝新鮮又大隻，加蒜蓉一齊燒正！雪糕雪條、飲品都多選擇，平日5:30入咗仲有九折，兩個成人$396，食得好飽好開心🥳…查看更多