Lo Kum Wing的个人专页

見到廣告話在沙田開業，即刻約個老友去試吓，中午十二點去到，唔使等位，地方乾淨企理，裝修簡約，十分舒服睇吓個menu大部份都係一人定食，選擇多，當然主打係牛，唔食牛真係唔好去叫咗一個最貴嘅$338，有200克A5肉眼，好食到冇朋友老友就叫咗個$188，有6片牛肉，3個不同位置，但全部都係A5級超好食加咗份和牛沙律同買一送一日本生啤(兩個order)埋單每位$400有找加上專業同無微不至嘅服務，絕對超值之選…查看更多

聽老友講香港仔街市和上面的熟食中心好正，今日一行五人就去試吓:)個街市乾淨光猛，海鮮檔多，比美大埔墟，贏晒鴨脷洲選擇多，價錢比上述兩街市更實恵五個人買咗班頭(2斤)赤米蝦(一斤)五條大泥鯭，五隻三點蟹，爆膏，花螺一千有找隨緣到上面熟食中心加工，除咗D泥鯭蒸老咗少少之外，全部都very good加埋蒸白鱔，炒介蘭，干炒牛河，咖啡奶茶，西多士都係五百有找:)服務更是熱情，温馨加尊業，好到不得了鴨脷同大埔墟可以不理…查看更多

呢間過江龍夠胆在旺角挑戰本土傳統美食“煲仔飯”今日一於去會一會佢，星期日，中午十二點半左右到，差不多坐滿，但我一支公執到死雞，剛有一個單丁位，唔使等地方都算乾淨企理，逼咗小小，但香港D租甘貴，合理的。服務恰到好處，叫咗臘味飯，有臘腸，臘肉同臘鴨，有DD湖南臘味風味，但十分好食要強調如果怕肥就叫其它，我極喜歡肥臘味，D油落晒D飯，更令飯焦鬆脆無比，童年回憶返晒來其他本地煲仔飯輸咗幾條街，性價比絕對不弱，只賣$88一定會經常去吃…查看更多

老虎岩在大埔己經開了幾年，主打潮汕食品，近日有新攪作，提供靚茶+點心梗係要第一時間去試吓靚茶$18起跳，要咗壺普洱，提供茶盅，懷舊feel返晒來，品質直迫陸羽，蓮香要咗兩蒸兩炸點心咖哩角+春卷，香脆可口，味道一流蝦餃好過晒一般中央厨房出品，爽肚直的十分爽，味道微la辣好到不得了重有價格十分合理，為此，營業時間延長至晚上九時…查看更多

朋友介紹，話太子呢間燒臘飯店，平民化價錢食到星級食品立即從馬鞍山出太子會一會佢。門面簡潔明朗，柜內燒味見到己經流晒口水，細細間坐位唔多，但難得D待應招呼親切有禮。我一個人，雖然有空枱但仍然安排搭枱，待應嘅良好態度另客人没有一點兒不開心👍當然亦理解現時生意難做，煩忙時間坐迫小小亦在情理之内。講返D出品，燒鵝义燒瀨粉+凍檸水收$58，燒鵝义燒各五件，瀨粉份量唔少，加上湯底清甜美味，重要D餸用碟另上，想話佢唔係星級都唔得全部食物質素都比美高檔酒樓，只可惜重未有酒牌，如果有就啤啤佢，嘆返隻燒鹅肶就天下無敵…查看更多

從來都唔認識彬記，直至第三波疫情爆發，才從電視中見到佢更從被訪問的街方口中，對佢地D出品讚口不絕。開始留意彬記，最近更知道佢絕地返身，從新出發，再現身江湖今天尊程去會一會佢，一入門口，乾淨企理，招呼恰到好處叫咗碟白灼腰潤，水準已上之作，肉碎蠔仔粥，鮮味好極，再加枝啤洒，百零蚊落樓，性價比極高，可以浴火重生真係有佢理由…查看更多

旺角區主打外賣嘅小食店真係多到不得了，但九成以上都係賣熟口熟面嘅魚旦，牛雜，豬大腸，腸粉，台式飲/食品....等等。一D新意都冇今日去完廣華醫院探朋友，就在廣華街見到一個新招牌，五個Q版薯仔十分可愛，行埋去睇吓，原來係小食店，主打兩款薯條，比利時炸薯條同日式炸薯條。賣點係即叫即炸，保證新鮮。我地有幾個人，於事每款order一客試吓，在等待期間，老闆娘十分好頃，話佢地自已從歐州和日本空運薯仔做薯條確保水準質素。好快趣，新鮮熱棘薯條已經炸好，一試果然不同凡響，外脆内輭就唔使講，嗰陣薯仔香味就真的回味無窮，加埋D醬汁就更加好味。因為佢地開始營運不到一星期，暫時只有兩款薯條，很快會加入高質素格仔餅，炸雞，熱狗等等。遲小小一定耍再來…查看更多

朋友介紹，話試過幾好食嘅俄羅斯菜，反正香港俄羅斯餐廳唔多，一試無妨。經開飯訂咗位，快捷妥當:)但原來無此必要，一點半去到得兩檯客，心知不妙。再加上冇乜冷氣，慘如果唔係約咗人，肯定掉頭走。幸好服務員十分熱情有禮，又立即妥排涼風機，心情好返晒:)一睇菜單，原來係上海式俄羅斯菜心情又涼咗一半最後我朋友要了牛扒Set lunch 而我要了羊架，前後三支啤酒，只供應比利時啤酒食物水準一般，埋單$560，都算幾貴一定冇下次…查看更多

大圍金城小厨幾個月前比領展玩謝咗上星期終於在大圍重出江湖，今次地點更就腳，大圍站行幾分鐘就到年尾D老友幾難約，唯有單刀赴會，12點到，已經人山人海，好在一支公，搭檯唔使等新裝修十分簡約，好舒服，見返D熟悉面孔，好warm佢保持返門囗個點心檔，感覺良好。食咗三個點心，咖哩魷魚，黑椒豬小肚，蝦餃加例牌燒鴨，水準完全保持。D茶同以前一樣咁正，只是地方很細，無奈一定要約齊腳來吃晚飯找回往日的舊夢。特別一定要吃佢地個豬肚雞…查看更多

近期靠得住好heat, 在馬鞍山開左店，今日中秋節，晚上做節，中午就簡單D，試吓佢靠唔靠得住。 收到風要排隊，果然，不過5~6個人，但佢有張4人枱，死都唔賣，因為全部1~2位，结果等咗10分鐘開始感覺到D服務可能有D問题。  坐下，原來要搭枱，更唔明白嚸解佢唔賣張4人枱叫咗艇仔粥，水餃麺。上餐時間OK，先來艇仔粥，賣相可以，但一食入口，花生有“益”味，再試一粒，都系一様米芝蓮喔，咁都得？？？ 唯有唔食花生。  魚片重惨，片片都有细骨，重要三叉果種，小朋友就更加危險，忍唔住要影低佢，有圖為証。 水餃麺就中规中矩，OK啦。上面講到搭檯，搭檯無所謂，我坐低時對面人客差不多吃飽，我未落單佢己走，但一直到我走時都冇人埶檯，成堆雞骨對足我成餐，真的米芝蓮服務水平嗎？但價銭就百份百芝蓮發誓以後唔會去…查看更多

清真食品一向都系我的喜爱，但從來都未試過這間。今日有朋友提議，馬上去。 地点十分方便，地鐡太子站E出口行5分鐘就到。入到餐廰，装修普通但清潔舒服，感覺良好。我地12点就到，不用等位，服務一流，清真餐廰有啤酒賣就好贴心。食物方面，先來羊肉和牛肉餡餅，十分好味同爆肉汁，比九龍城十分出名果間D羊肉餡餅更好食，加埋好服務，以後不用去九龍城。羊肉湯清甜可口，無味精。羊肉餃子OK啦，羊肉味淡了一点。羊架好味，肉質鬆軟，不過新疆 feel 欠奉。孜然羊肉好香，羊肉質地一流。最後個咖喱羊腩就真系好到不得了，首先D咖喱香辣味道全部恰到好處，全部都系羊腩，入嗮味，一大碟賣九十六蚊，底到不得了。鵝頸橋街市好出名的清真大牌檔又被比下去了。今日收穫十分大，很快我就會食過反尋味。…查看更多

老虎岩在大埔開業已經超過一年， 食物水準keep得住唔在講，服務水平一路不断提升。加上不時提供一D時令菜式，令食客眼睛一亮，心思思想去一吓。今日就系咁去咗食晏，一坐低老板就行埋來，唔系問我食乜，而系問我飮唔飮啤酒天時暑熱，飮返杯冰涷啤酒，加上老虎岩的美味炸魚皮，牛三寳，三五知己，吹水談心，一樂也下次一於约埋班老友來HAPPY HOUR,，好過去酒吧，重平好多…查看更多

初六老婆外家團拜，看見廣告特價菜$1,888好抵食，而且呢間嘢出晒名抵食，決定一試，訂咗位，要親身去用現金落訂，都冇所謂，行多次啦初六嗰晚一去到，都未坐穩，D伙記埋晒來攞利是，新晶頭，預咗㗎啦，一於周有，希望大家高興D。7點半人齊叫起菜，惡夢就開始了，睇我地嗰檯個伙記都唔知去咗邊，厨房出菜又快，叫部長/經理，就求其掉兩碟上來，攪到D餸凍晒，十點都未上單尾。我地又冇得罪佢地，但個個黑口黑面，早知一封利是都唔比幾平幾抵食都冇用，永遠唔會再去…查看更多

上次試過大埔老虎岩，D粉麵好正今曰又在大埔，幾大都試埋佢地嘅牛三寶同松露雲吞，12點幾到，竟然要等位，無計好食自然人多，好在都轉得幾快，10分鐘左右有位。牛三寶果然正，好味唔在講，冧度啱啱好。松露雲吞睇落冇乜特別，原來禾稈襟珍珠，松露包在雲吞裹面，要一啖咬落去D松露味才出來刺激你的味蕾ㄧ絕。下次專程坐車入大埔食都值得…查看更多

近期想食靚羊腩煲真的好難揾，一般兩百幾蚊得幾舊羊肉，想揾舊腩都幾難。今晚去大埔本來主打自來海鮮，但未坐低就見到超大標語，羊腩煲上市，唔試由自可，一試真的萬分驚喜，$298一煲唔算平，但份量十足，8個人每人起碼兩三件，最少七成腩肉，全部帶皮，唔覺有味精/雞粉，味道非常濃郁。配唐好菜更是絕配，康生菜一樣咁正值得一吃再吃…查看更多