happykabi的個人專頁

又係無限OT時間搵野食，好彩可以中午出去慢慢食，咁就搵啲小店食飯啦。去到等左5分鐘左右就可以坐喺度慢慢諗食乜嘢好～呢個Masala  安格斯牛肉飯真係喜出望外，睇住餐牌以為佢係普通野，點知原來咁好味嘅！今次個湯係紅菜頭湯，還可以啦。…查看更多

約到朋友出嚟食飯，緊係要搵啲與眾不同嘅食店啦！去到點知超多人等緊位，又落雨喎！咁當然要好有耐性等位，等足個半鐘都值得嘅！加咗$38要咗個餐，包埋湯，碗湯有櫻花架！可惜冇要多條「金魚」（其實係明太子，金魚樣嘅餃）。蛋都超正，好味！呢個浦燒原條鰻魚飯真係不得了！條鰻魚好大大大條呀！啲秘製飯素好正！鰻魚咬落去好有口感、好juicy，唔係乾架！同埋啲飯一齊食，超級好味！必食推介！櫻花汽水真係少見啦！多數鋪頭得綠茶汽水。…查看更多

係無限忙、又冇得去台灣旅行嘅疫症時間，腦海浮現附近一間出名嘅台灣食店咁又唔可以放低工作慢慢享用，咁就只好外賣啦咁今次食嘅係：滿漢牛肉麵，一次過滿足三個願望！又可以食到台灣野，又可以食到佢個清湯牛肉麵，又可以食到紅燒牛肉！佢嘅外賣有分開湯、麵、餸架，而且盡量用紙製品，好環保！呢個清湯冇味精架！個牛展好好味，麵超啱我心水，啱啱好！唔會因為外賣關係變差咗！呢個係紅燒牛肉好好味！啲牛腩牛筋好正！同埋我唔覺得佢辣…查看更多

粉嶺新開嘅熱狗店，其實粉嶺得呢間專賣熱狗，緊係去食啦！去到好多人排隊買同等，點知到我落單時差唔多乜都賣晒，咁睇佢有乜best seller，有三款嘅，淨返「澳式風情熱狗」仲有賣，咁就試吓啦！咁好食嘅熱狗，香港難搵呀！入面條香腸都幾大下架，上面有菠蘿，芝士。另外叫咗炸魚薯條，啲薯條炸到啱啱好，好好味！炸魚柳都好正！我一買完冇耐，又有一款熱狗賣晒啦！因為新開好多人買，我落完單45分鐘左右先到手。鋪頭有張紙講最好買咗拿上手即食更好味，如果好似我咁外賣走，返去用微波爐叮下佢啦！…查看更多