BOBO623的个人专页

今日自己一條冷當稔梗食唔食飯好嘅時候，突然望下右邊就見到佢嘅出現，佢開咗咁耐我真係一次都無食過，可能對於我嚟講地點唔太方便，不過因為咁啱經過見到，又成日聽到啲食評話佢好食，又再加上本人確實好鍾意食餃子，於是乎就決定行入去坐低。鋪頭唔算大，人都比較多，不過好彩唔駛等位。見到 menu 餃子款式雖然唔多，不過夠新穎，佢有平常嘅白菜嗰啲餃子，不過我比較唔傳統，所以就叫咗芫茜胡椒及咖哩洋蔥雞雙併10隻，然後又見到椒鹽雞翼好想食就叫咗啦！首先，佢先上碟雞翼，一碟有4隻，成為 $28 ， 外表望落去有啲過咗火，不過堅脆嘅，可惜肉質有啲鞋同有啲梅梅地；味道 ok 唔難食，28蚊係咁上下。餃子我叫咗魚湯，聽聞個魚湯唔錯，一到當然先嚟飲一啖先啦！噢有啲失望，味唔濃有啲淡，不過應該無味精；餃子皮唔厚，夠大隻，我都差啲食唔哂，先講芫茜，料係夠，不過胡椒相對多咗，佢冚咗芫茜嗰味，對於鍾意食芫茜嘅人嚟講可能會覺得失色咗，不過唔太差嘅。咖哩洋蔥唔差，咖喱味重，正 ！ 最後我仲叫咗杯豆漿，唔係話好好飲，不過豆味都重嘅。最後埋單成為 $100 ，價錢嚟講唔算好平，但可以接受。不過有下次，因為仲有其他餃未試，等我搵日再去試埋先。…查看更多

有日老母話食過好好食，於是乎就一家大細一齊去食打開個 menu, 好似好好睇，但一望落去全部都係最基本嘅街坊菜，選擇唔太多。首先叫咗個醉雞，坦白酒係幾香但覺得可以再濃少少，雞肉唔算（鞋）不過值得一贊嘅係夠大隻，平時喺出面食個 size 得個細碗咁大。再嚟就係係雞絲粉皮，無驚喜叫咗2碗擔擔麵，個麵唔錯，唔會好稔有口感，花生味香。奶油津白，奶油滑而且香；最失望係金銀鱔湖，無味，鱔唔算多。小籠包皮唔薄但唔係好厚，湯汁唔算多，不過不失。銀絲卷比較細嚿；最後到豆沙鍋餅，皮好脆，好明顯係即做，呢個可以嘅 ！整體一般無驚喜，但價錢算有啲貴。…查看更多

其實企喺門口睇住個 menu 左睇右睇啲食品我完全唔知係食 Cambodia 嘅嘢，小妹做咗旅遊廿幾年，呢個地方去過 N 次，完全睇唔出係，一望落去以為食馬拉星加坡嘅嘢食，惟一入到去坐底見到嘅就以為係宣傳柬埔寨嘅藝術。言歸正傳食物方面唔係差，唔錯咖啡都比較特別，不過食品類唔算太多，但堅好坐好舒服，嚟呢度傾計 chill 下唔錯我嗰日食咗幾樣嘢1.咖央西多 （堅流心）2.海鮮喇沙 （難得有炸魚皮）少有湯底唔算太濃3.越式扎肉包（越南 feel)4.2杯唔同嘅特色飲品最後終結價錢中上，環境舒服,可推介…查看更多

平時肥仔招牌海南雞真係幾肥，以前都係喺巧明街外賣居多，今日咁啱行開開源道，見可以坐低食咪入去囉見到有花雕雞都想試一試，諗住食個晏啫咪無影相叫餐好快就到，唔駛2分鐘賣相可以，不過一入口，OMG得個鹹字，叫雞完全無花雕味，得啲碟入面食到酒未，啲雞皮好彩有啲脆，但雞堅無平時食開咁滑點解會咁㗎 ！仲收$55蚊唔包嘢飲下次嚟都係食番招牌比較穩陣…查看更多

星期日放假無得飛惟有上網睇下有啲咩新餐廳，有啲咩新地方可以去，就係咁就見到介紹呢間鋪面好有特式嘅台灣店。樓下裝潢已經覺得好有台灣懷舊 feel , 有啲似九份嘅感覺。上到樓上有台灣食品賣，貼咗台灣嘅標誌性嘅圖，播台灣歌，好有台灣 feel坐低後通知用餐一小時，其實6點幾眼見人唔太多，一個鐘雖然正常，但出嚟食飯梗係想慢慢享受㗎啦，個半鐘其實都唔太過份啫好啦 ！ 講下食先。選擇不多不少，有台灣名物 - 麻辣鴨血，台灣牛肉麵，甜不辣，當然唔少得炸嘢啦，滷肉飯…等等我就叫咗炸大腸，麻辣鴨血，乾撈櫻花蝦蔥油麵，鹽酥排骨飯，冬瓜拿鐵，冬瓜薑母茶飲品 ok 嘅，同你平時飲台灣飲品一樣，可以叫少冰，少甜等等食方面覺得比較重口味，除咗鴨血外其他一律覺得太鹹，口感還不錯，賣相都 ok 炸物都酥脆唔太差，如果問有無下次，都有嘅，可以試食其他，因為唔食牛嘅關係真心答唔到牛好唔好食…查看更多

平日真係唔會入天水圍，咁啱嗰日入去做嘢，夜晚又稔唔到食咩，就係咁啱經過嗰餐廳見到啲人食水煮魚同酸菜魚仲好大兜,望落去好似好正咁，疫情後又無得返深圳，所以決定試下佢。由於地方細，人又多，絕對要等位等咗十幾分鐘終於可以坐低，服務員都有禮貌又 nice , 坐低後一打開讓餐牌，嘩 ！ 啲菜式好有深圳 feel 有冷盤,但最主要嘅當然係主菜啦 ~ 麻辣兩條友都嗜辣,所以一見到麻辣嘅嘢異常興奮我地雖然得2條女，但都叫咗4樣餸1）拍青爪 - 爽口但唔辣2）乾扁四季豆 （偏咸）3）水煮田雞 （ 正）4）泡椒豬大腸 （差DD,腸不夠爽口）由於第1次食所以唔知佢嘅辣究竟有幾辣，佢有分BB 辣，少辣，中辣及大辣最終決定少辣，食後發現都明智選擇，我本人覺得就剛剛好，不過如果對於好食得辣嘅朋友，不妨試下中辣。最後當然食唔哂啦！仲帶走返屋企，最估唔到嘅係，埋單都唔駛270蚊，抵到爛…查看更多

放工後兜哂成個 APM 終於諗去好想食泰菜, 咪行入去食囉 ! 以前曾經食過, 見咁耐無食咪又食 ! 打開 meun 我叫咗海鮮炒粉絲 ( 忘記影相 )咖喱麵包軟殼蟹,小食拼盤 ( 因為超過300可以半價叫 ) 香茅雞煲 , 飲品有碟豆花椰奶 , 曼谷特飲 ( 都係唔記得影 ) 初頭一嚟就上炒粉絲, 一食嘩:好好味 ! 對之後嘅滿心昐望。點知……1) 海鮮炒粉絲 呢個好夠鑊氣, 好好食, 好有泰國正式 feel , 加埋辣椒粉落去食, 一流。2)咖喱麵包軟殼蟹賣相唔錯㗎,個咖喱嘅味其實唔差, 不過堅咸囉 ! 最重要我最愛嘅軟殼蟹出哂事, 炸過火直頭蟹腳係燶哂, 食落仲有苦味。救命呀！3) 香茅雞煲無諗過咁的骰囉！舊舊雞丁屎咁細舊, 仲要無味, 又唔辣 ! 唉…4) 小食拼盤有炸雞翅, 春卷, 魚餅, 蔗蝦 , 串燒除咗個魚餅用春卷覺得好食外, 其他都係過咸5) 飲品個奶茶奶味太重, 其他不錯。總括嚟講真係比以前差咗, 一開初個粉絲太好食, 後面不堪回首 ! …查看更多

話說朋友仔話元朗有間好勁嘅咖啡, 世界 500 強 , 一聽到嘩 ! 香港仲要喺元朗竟然有間咁勁嘅咖啡點都要去朝聖下啦！首先由於疫情關係只能最多4人而且要相隔 1。5米, 所以預咗要等一段時間, 去到真係多人排隊, 正常佢有本嘢俾你落名, 有枱會 call 你。最後我地等咗一個半鐘終於打嚟 ! 入到去打開 meun 嘩好多唔同種類嘅咖啡, 啲名仲好得意未見過, 呵……大鄉里出城 ! 想叫嘅時候噢最想點佢嘅冠軍咖啡竟然無, 失望 ! 原來成份 meun 有一半都係無。最後都係點咗 Flat white , 另外食物品種亦唔算多, 因為主要以咖啡為主。 較多品種以 cake 為主, 我就叫咗件 cheese cake , 另外叫咗個包, 有3種選擇 : 鴨肉 , 雞肉素食者專食嘅蕃茄。價錢都算合理, 不過坦白佢地人手唔夠, 同埋佢要人齊先入得。…查看更多

開業咁耐真心想試,今日終於有時間去食個午餐,去到門口好懷念以前嘅事物,去到雖然1點鐘不過好彩唔駛等位坐低之後裝修仍然係最新式餐具就喺枱邊,不過裡面嘅裝潢確實幾懷舊以電車為主題。餐牌裡面嘅食品都係茶餐廳嘅嘢！中午當然有午餐牌,我就叫咗個瑤柱土魷肉餅飯,另一個就叫咗馬來炒貴刁, 當然懷舊嘢唔少得, 茶走同雪山菠蘿冰 ( 即係雪糕菠蘿冰 ) 一嚟到嘩，個肉餅賣相唔錯都算大碟,一般女仔應該夠食有餘因為我都食唔嘥 , 食落去好肯定用咗半肥瘦嘅梅頭肉做肉餅,咁樣係最正,而另一個嘅炒貴刁則唔算太辣色水唔錯,不過味就唔太濃不過都可以嘅 ! 茶走嘅茶味可能落多咗奶唔算太濃.不過最特別嘅係佢地用號碟杯都非常有香港特色。總括嚟講唔差亦可以再嚟！…查看更多

一大班朋友仔一般唔係烚下烚下就嚟個圍爐燒烤,我地咁鍾意食牛就梗係想搵吓有邊度抵食又唔差啦！一上 open rice 就見到呢間堅韓牛, click 入去睇嘩不得了 ! 有全韓牛同美牛,坦白講宜家美牛都少食,有得試下韓牛梗係要食啦！尤其做我地嘅行業就圍去可以食通世界美食,明知韓牛難出口,食揀一定揀韓牛。最重要嘅係佢係可以火鍋+ 韓燒 , 雙管齊下 ! 298 全韓牛 + 全美牛 , 連個服務員都叫我地揀宜個貨錢,因為再上一級就好方便, 518 我都唔記得多啲牛嘅肚位置, 500 絕對唔會係我地選擇。 同其他日式放題一樣都係有分類嘅紙仔俾你剔, 佢有前菜, 韓牛, 美牛, 海鮮, 已煮好嘅熟食, 佢一開結會先送一大碟海鮮俾你, 有鮑魚, 聖子, 蝦, 帶子 , 青口然後再嚟一盤牛 , 唔夠就可以開始自己加;飲品都係自助,個雪糕我一種就係FN 泰國品牌,得一種選擇。 先嚟前菜,我地堅鍾意食泡菜所以無停過口, 不過白菜仔就略嫌咸咗 , 芽菜都得到咗熟食,一口牛好食,稔身唔錯; 仲有韓國最出名嘅泡菜餅好好食不過啲湯就比較淡唔濃 ; 餃子都係一般。牛好香好濃味,尤其個牛仔骨同塊牛排,去扒成塊面咁大,我地唔知咁大塊佢嚟到我地嚇咗一跳,好彩我地有大食積喺度,如果剩係女仕嚟記得唔好一人一塊。其他豬好似五花腩我地就覺得佢切得太薄,其實食五花腩厚切先好食,不過有一點我覺得佢地做得不足嘅係,無蒜頭,無麻油 , 正宗韓式食法係一定有青椒蒜頭, 然後所有肉沾嘅唔係醬油而係鹽加麻油, 咁樣係最好配搭。佢地分3個時間,價錢唔同時段唔同, 1930至2130係最多人,所以記得訂位呀！…查看更多

本來都唔識宜間茶座,今日入大澳只係諗住見路就行,行下行下見到對面有間好古式古鄉嘅裝修,就係咁佢吸引咗我去搵! 終於俾我搵到啦！一去到已經有一大班外國遊客喺度坐老闆娘好好人,原來就快返英國6月就無得再飲㗎啦！坐低咗望下 meun 主要以西茶同 cake 為主,仲有 pizza , 你可以叫餐或散叫我地最後 order 咗薰衣草綠茶玫瑰花綠茶熱朱古力熱檸蜜 ( 非一般熱檸蜜 ) 內含薑嘅成份魚餅老闆娘好窩心,因為天氣開始凍仲有啲風佢好貼心咁俾毛氈我地,而且仲將茶 upgrade 變一大壺俾我地驚我地凍親環境舒適,最緊要個魚餅又好食,啲茶又好飲,尤其熱檸蜜真係值得推介。…查看更多

上次因為訂錯時間而錯失機會去試今日終於訂到啦！果然名不虛傳勁多人排隊,由於地方細細排隊都在所難免。不過訂咗位就唔駛排啦！去到坐低一見到個價錢,嘩好好抵呀！話哂食龍蝦喎，見到佢可以揀自選普通嘢4× , 龍蝦湯 5× 另一個寫住真龍蝦湯睇住堅好笑,真龍蝦湯莫非以上就唔係真龍蝦係假嘅？雖然寫泡飯出名,但由於習慣晚上不吃飯所以就叫咗勝瓜+鯪魚球+雞肉嘅湯米粉而我朋友就叫咗肥牛+豬肉丸+白菜公仔麵等咗應該唔駛10分鐘就有點知咁多可能錯嘢！一碗有龍蝦另一碗竟然放漏,有點失策 !料係唔錯 ! 每碗有半隻龍蝦 , 湯底好濃好好味 , 隻龍蝦係波士頓龍蝦 ! 賣相唔錯不過惟一失敗嘅就係隻龍蝦啲肉除咗個拑外,肉質較強韌 ! 當然如果以唔駛80就食到就真係不能要求太高,而且店員服務都 ok 嘅！不過提一提如果你唔係太大食,其實如果叫飯正常一個女仔應該食唔哂！所以要留意唔好叫太多會浪費。…查看更多

一稔起食咩就係一個字[ 煩 ] , 尤其喺沙田返工更煩 , 因為日返工已經對住嗰幾間,放工後稔食咩就絕對唔想喺附近食。把心一橫不如去遠啲 , 突然稔起馬鞍山裝修不久多咗好多食肆,選擇較多,於是乎就求其揀咗宜間。裝修似茶餐廳但價錢就同酒樓一樣選擇唔算多,都係有2-3張好似點心紙咁比你剔。前後一共叫咗7碟1) 霸王別雞 - 沙薑雞呢碟嘢貌相唔錯,不過一咬落去無咩雞味啲肉仲好鬼實2)桂花蜜瓜豚肉呢個就唔錯,用咗桂花同蜜瓜去煮,啲肉唔(鞋),幾特別3) 四川擔擔麵唔太正宗 ( 始終唔係四川鋪 )但都可以嘅4) 金香四季豆故名思意就係用咸蛋煮四季豆啦！唔錯唔錯味道唔太咸有口感5) 水煮魚唔太辣,合乎港人口味,但由於個人比較喜辣,所以覺得比較淡 ( 水煮魚應該係麻辣但沒有此感覺 )6) 鬼馬流沙包外型有趣鬼馬.可惜太甜7) 南瓜蛋白餃皮非常精形通透,但一挾即皮開肉跌食唔到南瓜味,似蝦餃總括如要求不高還是可以的,但本人則覺得比較一般,價錢唔太值…查看更多

成日聽到啲朋友同事講有幾好食,服務好好,水準唔差可能聽得多,期望非常大 ! 11月15號係我嘅結婚紀念日,所以決定食好啲！去到確實環境係唔錯,service 的確亦唔差,但當我行入攞嘢食一刻,我……呆了原以為好多嘢食,原來一啲都唔多,只能夠講能值回票價嘅就係有我最愛食嘅生蠔甜品都唔錯,中式食物亦比較多,飲品可以加錢任飲,可惜如果以我嘅飲嘢方式絕對唔適合,肯定嘥錢 ! 反正最後都有送咖啡奶茶嚟宜度其實都適合一家大細嚟慶祝生日,當日眼見最少3枱嚟慶祝。失望只因選擇太少 !…查看更多

大埔食泰國菜嘅餐廳本來就唔多,開一間執一間,食過好幾間但大部分都已經唔存在,難得見到又有新開,我地呢啲咁愛泰國嘢食嘅人點都要一試話說我都唔記得係佢初開無耐去食應該係星期六日之類,好彩訂位如果唔係有排等。我地一行8個叫咗都幾多餸,最愛食 [ 弓車NAM 霸 ] - 即生蝦泰文,望到個價錢,咦…唔貴喎,一叫就2碟,可惜蝦唔夠爽,仲要漏單 ! 都算新鮮嘅！烏頭個湯底亦唔錯,條魚大大條好味 !最好味嘅竟然係個冬蔭公湯,唔太辣,同泰國有得揮。炒河粉最緊要夠濕,佢亦剛好其他都唔太差,最重要嘅係價錢唔貴,好過出九龍城咁遠啦！…查看更多