同班姊妹個個禮拜都有個lunch gathering，今次就揀咗嚟鏞記，貪佢環境闊落，坐得舒服，可以慢慢傾計，唔會好似啲新餐廳咁又迫又嘈。午餐嚟講，我哋叫嘅餸都幾精緻。個漁灣風味焗奄仔好有驚喜，一上枱已經聞到好香，蟹膏澎湃，我哋幾個share食啱啱好。個芥末沙律蝦球都幾得意，蝦球夠大隻，個wasabi醬少少攻鼻，好開胃。點心叫咗份叉燒酥，酥皮做得夠鬆化，熱辣辣，唔錯。另外個帶子豆腐就做得幾嫩滑，銀棯醫味道好特別。最後驚唔夠飽，叫多個雞絲炒飯墊下肚，炒得夠乾身，唔會油膩。總體嚟講幾滿意，服務都OK。最緊要係坐得舒服，嘢食又有水準，啱晒我哋呢啲想靜靜地咁傾下計嘅gathering。…查看更多
