chris_and_jess的个人专页

一家人去食嘢，星期日午餐，其實都冇咩人，餐牌就係網上嗰啲，選擇唔多，都係沙律，意大利飯，牛扒嗰啲，冇咩驚喜。本身環境都幾靚，有戶外位可以影相。好可惜的服務差到不得了。啲人啲態度好差，亦都係全部好似生手咁，一啲都唔識做嘢。我哋冇為意餐飲係寫住齋啡，於是上啡嘅時候問佢攞奶，佢話要煲熱等都唔緊要，不過等到杯咖啡都凍咗啦都仲未嚟。另外再上嘅咖啡再問佢拎，跟住個女侍應竟然喺度反白眼我哋。領班嗰個走來解釋話餐牌係寫咗longblack，咁你當我睇唔到，又第一次嚟，你問吓人哋要唔要奶，呢啲都係好正常卦？最後其中一杯茶包茶，到我哋埋單杯嘢飲都仲未出嚟。我真係想問吓又唔係多客，咁嘅服務態度真係唔OK囉。香港嘅服務業真係沒落㗎啦。…查看更多

同屋企人復活節假期去食午飯，叫咗三樣嘢試，包括chicken tikka pizza, 墨魚汁意粉同埋risotto of the day (truffle mushroom). Risotto 首先上枱，可惜味道非常之鹹，鹹到食唔到嗰隻🫣，同店家反映之後就換過一兜新嘅，味道就正常好多👍🏻不過稍嫌sauce唔夠濃厚. Pizza 就真係好好食，個批底非常之薄，上面有滿滿嘅雞、芝士、紅蔥頭👍🏻👍🏻👍🏻墨魚汁蜆肉意粉都ok的…查看更多

因為方叔叔執左，又想打中式邊爐，咁啱見到新開張，社交平台同OpenRice d 相睇落好唔錯，所以訂左星期五晚7:30 去試新餐廳。7:30 準時去到，一出lift 呆左，入面得一張枱有人食緊。企左一陣等入面姐姐出黎帶位，見到本訂位簿真係得兩行。果一下唔係無諗過走，不過唔黎都黎左，就算數，照入。的確係好新淨企理，d 位都舒服嘅。waitress 姐姐似乎係得帶位果個，可能慣左方叔叔d 姐姐勁好招呼啦，覺得新鋪又咁靜唔係忙緊黎講有啲冷淡，問佢係咪新開，姐姐話開左十幾日，老闆未正式宣傳😅。問姐姐有咩優惠，開頭淨係話送甜品，後尾指住個牌話like 社交平台會送豆漿，同特飲買一送一。再問姐姐，我見到社交平台話粥底免費，今晚有冇，姐姐話有，蜂巢豆腐同粥底配料免費。Ok, 咁即管試吓啦！野食有一份or 半份選擇，叫左牛、魚，豬、蜆、菜籃試一試。打邊爐講真食材新鮮就唔會差得去邊，好可惜，牛肉好「穌」，魚肉好腥，蜆有3幾粒唔開口，最好食係菜籃同粥底。再講醬料，蔥得半樽，兩下就食完，打開蓋放枱面姐姐都無打算refill… 唯一係請姐姐refill 蜂巢豆腐好快就嚟。後尾差唔多食哂姐姐拎埋粥底配料同介紹煮法，見到個鍋乾哂水咁滯都要開聲先加返少少湯。跟住姐姐時不時會係隔離set 午市枱，搞到好似阻住人收工咁。最後送既冰粉係無咩味，糖水都落唔夠，明白係送既。我哋無要到免費豆漿所以唔知會唔會正常啲。總括嚟講，呢間野似乎未ready 營業所以無咩客，去唔到貨就搞到d 食材唔新鮮，姐姐亦因為無客所以都服務都幾是但。…查看更多

下雨天shopping 後到Dan Ryan 吃晚餐。有戶外和戶內位選擇。本身被安排在地下室內位二人枱，因為係通道位唔可以加櫈擺野，最後要求轉坐室外位。室外位有大雨遮，雖然落雨但都ok, 氣氛仲好好，仲無室內咁焗。室外位成晚都唔滿但係keep 住有翻枱。職員服務一般。野食叫左兩個set, 一個牛扒、一個豬扒，前菜一個clam chowder, 一個salad, dessert 一個mini chocolate sundae, 一個brownie with coffee ice cream. 野食味道正常，偏咸，salad dressing 多得滯，而個豬扒同燒粟米咸到幾乎食唔到。clam chowder 麵包碗上，麵包好un, 湯份量原來唔多。最失望係麵包盤，兩個麵包都係又乾又硬，好似隔夜再不斷reheat, 得個muffin 係正常baking powder 味。跟牛扒既薯條同跟豬扒既蕃薯條都係凍嘅，牛扒只係微暖，燒粟米都係凍嘅，唯一熱少少既係豬扒。甜品係最好食。…查看更多

成日行過都見到入面好多人，不過無特別留意食咩，終於有機會一試，$85/180g 牛肩扒，白飯、羅宋湯、椰菜絲沙律任食。係門口買飛後，牛扒好快送上。水、飯、沙律、醬汁都係自助。熱石非常存熱，上枱勁香。肉質好冧，唔會um, 白飯係珍珠米，椰菜絲沙律好新鮮。熱石一路keep 住熱，擺上燒汁同蒜蓉，好好食！總結黎講，平平地又一定夠飽，味道正常，環境乾淨，職員都友善，係灣仔區黎講都算性價比高，算抵食！趕時間仲可以外賣。…查看更多

食lunch 經過，見到餐廳裝修得幾靚，menu 睇落都唔錯，就入咗去試。lunch set 大概百零二百蚊左右一個，頭盤可選擇有沙律或者是日餐湯，但唔包野飲，可以加錢配甜品同飲品。starter蕃茄湯同麵包唔錯，湯夠熱麵包夠香；主菜三文魚味道ok, 夠軟滑，略嫌配菜薯仔紅蘿蔔洋蔥唔夠味同有d 硬；甜品cream brûlée 又靚又好食。服務非常之好，好有水準。裝修好靚，枱與枱之間空間十足。希望下次再試其他menu。…查看更多

趁聖誕節假期最後一日去食點心放題。之前7月都食過一次，果陣仲有OpenRice 訂位8折，不過呢個promotion 已經完左，OpenRice 訂位優惠只限單點。食物同上次差唔多，點心大致上都keep 到水準，蔥油餅同燒鵝包最好食，炒手第二轉夠熱 好食過第一轉，其他點心都唔差，唯一係小籠包好難食。自取小食既牛肉好食，薯粉都好。$25位茶，叫左香片，係香既茶。食物同上次一樣，但係無左8折感覺上唔抵，短期內應該唔會返兜，除非有折！…查看更多

星期六日有既點心任食放假，$168位茶錢$25，款式唔算太多但款款都好食。點心即叫即蒸，小籠包個皮略厚但味道鮮美，牛肉鍋貼juicy 又脆皮，抄手餡多，蘿蔔糕入面有蝦膠，煎到外脆內軟，蝦餃菠菜餃正常，芋角都好香但少少乾，素菜蒸包同燒鵝蒸包軟熟夠味，自取既白肉、酸辣寬粉、牛肉都好正！仲有普通沙律🥗同豆腐花侍應好有禮貌，添茶收碟都好勤快。比錢果陣侍應話OpenRice 訂位8折做到7月尾，折完$180位，市區算抵食！…查看更多

星期六下午三時多，睇完戲就去吃late lunch. 記得綠茶蛋捲不錯，所以就入內。餐廳不算滿座，不用等位。叫了兩個烏冬餐，一個飯烏冬餐，跟綠茶蛋捲。食物味道正常，海鮮炒意粉叫少油都做到。吉列豬扒暖暖，脆的，但汁太咸又加哂落飯。醬油烏冬正常。綠茶蛋捲很moist 很新鮮。最差的是服務，叫加水叫左幾次都無件事，叫人都扮聽唔到。終於有人肯加水，但加得半杯，叫佢加滿佢話唔夠水，咁我叫佢轉頭再加。點知無件事，仲要直行直過。最後又要叫另外一個人加水。咁既服務，完全0分。…查看更多

search openrice, 相片好靚，於是同同事去食下，睇下是否咁好食，誰知，又伏了。。。。睇中個椰王，賣哂，10：00之麻，仲話推介！唯有食ice cream waffle, 同事叫心太軟。上菜果时好興奮，但個waffle硬到爆炸，又奇怪味，又乾。。。心太軟朱古力味好奇怪, 好cheap的朱古力味。。。伏囉！…查看更多

又有新餐牌，今次try了三文魚忌廉汁意粉。原來有好多菇架！感覺健康d！味道當然是keep到水準啦！好味！仲有火腿薯仔沙律，冰涼好新鮮！！並非一般茶記白色無味沙律醬，而是奇妙醬的感覺！18蚊睇落不算多，不過其實都好夠飽架！…查看更多

天氣炎熱，不想出街食，唯有食外賣。老闆出左新意粉，有三文魚忌廉汁意粉，同黑松露雜菌意粉，同埋鸭胸章粉。今次食左黑松露雜菌忌廉意粉，好香，好好味呀！超多汁，仲有好多菇，30蚊，真的超值！…查看更多

同事生日，叫了到會。叫了幾樣食物。小食沒有春卷，但雞粒也很好味！雞翼如果濃味一點更好！沙律很夠凍和新鮮，如果全部材料撈均更佳！天使面份量十分足！味道也很好！咖哩魚非常好味！十分多魚肉！咁多嘢食都係$450，性價比十分高！會再幫襯！…查看更多

叫外賣返屋企食。都算貴囉其實。。。每件計！成7,8蚊一件！仲要幾細件！我覺得一點也不便宜！魚得細細舊。所有三文魚都有白色邊！！！卷物又細！又係成7,8蚊一粒！唯一係幾新鮮囉！叫左大約29粒（兩個係4件卷物），成220蚊！…查看更多

開OT 買嘢食，買左個外賣肉醬意粉同2隻雞翼。個意粉好好食呀！勁大盒！個肉醬有好多香草同紅蘿蔔碎，唔會好肥！意粉唔會好冧，好有咬口！$25大大盒，去邊度揾？炸雞翼都好香口，肉都幾滑，不過唔太喜歡炸嘢！希望老闆遲下整d唔炸小食啦！…查看更多