foodie717的个人专页

係Ig reels見到油麻地一間特色森系餐廳，裝潢好似童話咁，充滿色彩同木嘅原素，於是拉埋朋友一齊試吓。餐廳同ig一樣，有好多公仔同擺設，坐低忍唔住先打卡🥰白酒忌廉煮青口$98白酒煮過嘅青口鮮甜，配搭口味柔和嘅忌廉，味道一流👍🏻小食拼盤$188平日食cafe好少會嗌小食拼盤，覺得炸物嘅味道都係差唔多。但呢間嘅拼盤色香味俱全，特別係香甜嘅蕃薯條，令人忍唔住一條一條咁食🥰藍莓士多啤梨乳酪沙冰$72酸酸甜甜，味道清新，正好解膩😋墨西哥香辣海鮮意粉$198蝦新鮮彈牙、扇貝煎到啱啱好。意粉掛汁，醬汁辣度把控得好好，令香味突出之餘，又唔會過辣，值得一試😋整體而言，餐廳無論味道同質素都比預期中好，期待下次再嚟試新野🩷…查看更多

呢間餐廳學生時代已經食過，今日特登返嚟重溫下🩷裝潢依然係溫馨嘅風格。座位係沙發式，坐得好舒服。餐廳有設有桌游：如炸彈貓、monopoly，同朋友嚟可以玩下遊戲同傾吓偈。呢間餐廳主食有意粉、risotto、同pizza。我同朋友都俾虎蝦海鮮意粉吸引咗，另外跟餐二人餐$398仲可以嗌pizza、送炸蟹餅、同兩杯飲品。如果嗌特飲都只係需要+$25，我同朋友毫不猶豫咁嗌咗水果茶同沙冰香辣虎蝦海鮮意粉賣相好靚，食落更有驚喜，唔遜色於其他西餐廳。蕃茄加辣醬，食落酸酸甜甜、又不失香味，不愧係招牌之一👍🏻西西里pizza辣肉腸，加上酸甜嘅茄醬、芝士，令人忍唔住一啖又一啖咁食。個人覺得火箭菜係畫龍點睛，係必食之一🥰炸蟹餅味道唔錯，辣醬惹味奇異果沙冰出面嘅餐廳好少見奇異果沙冰，味道幾特別。酸酸甜甜得嚟，又唔會太甜，值得一試水果茶浮上嚟真係有粒粒水果，一壺茶可以斟好多杯，慢慢飲同朋友傾吓計一流❤️食到最後其實已經飽飽地，但係都嗌咗個甜品試吓。香脆嘅吐司配上香蕉同朱古力雪糕，邪惡得嚟又令人忍唔住係咁食，最後我同朋友都清晒盤🥰🥰…查看更多

今日同朋友去一間位於元朗嘅泰國餐廳，餐廳嘅門面好靚，好有氛圍感。🩵餐牌上有好多林林總總嘅菜式，每一樣都好想食。但同朋友兩個人食唔到太多，只好揀符合個人口味嘅菜式。🤩明爐魚鍋魚非常鮮嫩，味道方面比較出乎意料。味道酸酸鹹鹹，食落非常開胃。另外，粉絲同蔬菜都好索汁，超級美味無國界蒜蓉包見到隔籬枱有嗌，賣相又幾吸引，於是就嗌咗。味道比想像之中好食，兩個人食有啲飽，但係味道實在太好，最後都俾我哋清盤沙爹 豬雞牛串串燒非常之惹味，食泰國菜必嗌馬拉盞炒通菜通菜非常之入味，但又唔會太腍，值得一試！芒果糯米飯芒果飯個賣相好靚，特別係心形嘅糯米飯。原隻芒果大大個，超甜超好味，嚟到必定要嗌！新鮮椰青椰青嘅味道好鮮甜，而且店員仲切開咗，可以刮入邊啲椰肉嚟食。我同朋友都食得好開心，鍾意椰子嘅朋友就記得嗌喇！…查看更多

今日同朋友路過尖沙咀，想搵好西食。咁啱喺Openrice見到呢間餐廳，比佢嘅招牌火鍋吸引咗，於是決定一試。餐廳俾我想像中闊落，而且裝潢都唔錯。侍應安排咗我哋坐卡位，卡位嘅位置大概可以坐到四至六個人。我哋嗌咗首先吸引到我哋嘅香濃蕃茄爆蔥鍋，配安格斯牛肉🥰唔可以唔講，佢嘅配菜真係好豐富，蕃茄濃湯都好入味牛好鮮嫩，大推！小時候排骨台灣便當睇相都覺得好精緻，滷肉夠肥夠入味。排骨酥脆可口，仲有小配菜可以解膩同樣推薦綜合滷味拼盤滷味非常入味，最鍾意佢嘅滷蛋。另外豬耳爽脆有咬口，值得一試。鹽酥雞拼夜市小香腸鹽酥雞好酥脆，香腸外脆內軟，亦有輕微嘅蒜味點綴。有時候紅豆珍珠奶茶愛玉Lemon凍飲第一次飲紅豆珍珠奶茶，覺得好有創意。另外檸檬凍飲真係大推食完煎炸嘢之後，酸酸甜甜嘅飲品適合解膩整體而言，下次都會再嚟幫襯。…查看更多

係社交平台見到尖沙咀金巴倫道有一間高質嘅鐵板燒餐廳，同朋友都比佢嘅燒牛肉吸引，於是特意嚟尖沙咀一試💕餐廳設計主要以日式同簡約為主，店員安排我哋坐係吧枱位置，食嘅同時亦可以觀賞煮嘅過程，簡直係多重感觀享受😍我同朋友嗌咗澳洲龍蝦·美國prime肉眼薄燒套餐同紐西蘭肉眼套餐。前菜有帶子裙邊、胡麻茄子、煙醺雞肉、同柚子醬沙律。每一樣都各有特色，淨係前菜已經感受到滿滿嘅誠意❤️食菜望落非常新鮮，未煮已經非常期待 首先嚟嘅係龍蝦燒，旁邊豐富嘅醬汁其實係蝦膏，而紫色嘅係紫薯粉，一樣可以食用。龍蝦鮮甜，配上蝦膏味道一流🥰朋友嘅菜式一樣吸引，牛肉卷配上juicy嘅肉眼，見到都流口水🤤另外仲有鐵板燒日本野菜同鐵板炒飯。炒蔬菜味道清爽，加上木魚條令口感更豐富。而飯炒到粒粒分明，但又唔會太乾身。可以嘅話仲想食多一碗😍除咗上面介紹過嘅食物以外，仲有茶碗蒸。口感十分嫩滑，而且仲有魚子同木耳👍🏻最後仲有焦糖西多士，外脆內軟，非常香甜🥰…查看更多

講到香港出色嘅扒房，不得不說金鳳餐廳。人人都知曉餐廳性價比高，而且味道唔錯😆👍🏻今日就嚟咗尖沙咀山林道嘅分店享用晚餐🩷餐牌上有好多選擇，店員推介咗星級嘅貴族牛扒。表示比起一般牛扒，貴族牛扒嘅口感同味道會更好，而且大份可以二人share🥰店員嘅推薦下，我哋就嗌咗貴族牛扒同招牌焗豬扒飯✨另外一提，仲有二人餐選擇，性價比都幾高😍牛扒餐送餐包同餐湯，餐包口感鬆軟，而忌廉湯味道濃郁，口感creamy💕招牌焗豬扒飯不愧係招牌，炒飯粒粒分明，而且食落好香。另外不得不提巨型豬扒，食完真係好飽好滿足🤤鐵板貴族牛扒牛扒非常大件，切開啱啱好一人一半。厚切嘅牛扒加上juicy濃郁嘅味道，$200左右就食到，真係好抵好滿足😍…查看更多

圓方入面有唔同嘅餐廳選擇，但吸引到我入座嘅就係呢間藍色為主嘅新加坡餐廳。餐廳嘅裝潢設計都幾靚，簡約得嚟又有設計感，就咁睇偏西式風格，但又有中國元素👍🏻。餐牌上有好多選擇，第一次食嘅推介海南雞同燒雞雙拼。兩款都各有千秋👍🏻。天天燒雞$169外皮燒到香脆，雞肉鮮嫩而唔膩。蒜香西蘭花$99西蘭花色澤嫩滑、軟硬適中，蒜香味出眾。黑胡椒蘿氏蝦粉絲$149蝦超大隻，味道鮮甜。黑胡椒味又濃又香，而且唔會太嗆口。小籠包$59第一次食插住小管嘅小籠包，擺盤創意十足。小籠包多汁鮮嫩，咬落去口內充斥住香濃嘅肉汁。恐龍美祿$35美祿味濃，唔鍾意甜嘅朋友都可以選擇嗌其他飲料。選擇都幾多，有茶類/養生飲品，不防一試👍🏻。…查看更多

講到佐敦出名嘅美食，一定唔少得呢一間平民漢堡店。Lunch 時段$50一個漢堡，仲要足料又好食🤤泰色豬頸肉菠蘿漢堡$50豬頸肉食落好juicy，有菠蘿嘅搭配又可以解油膩，十分好味又抵食👍🏻👍🏻…查看更多

Shari Shari 終於喺旺角開分店🎉🎉每次食佢哋嘅刨冰，都會有驚喜。而今日就試抹茶忌廉焦糖味日式刨冰本身以為焦糖味會好甜，但配抹茶加係刨冰上面，甜道啱啱好恰到好處。刨冰有唔同層次，每一層食落都有驚喜，亦係個人咁鍾意Shari Shari嘅原因🩷🩷…查看更多

自從知道IKEA出咗開心果味雪糕之後，一隻好期待嘗試。但今日嘗試咗之後，覺得口感同味道都有啲令人失望。雪糕嘅開心果味唔突出，而軟雪糕本身都同開心果唔夾，感覺一般🤧…查看更多

無論喺旺中或者葵芳，見到真 章要無雙，都會忍唔住買嚟食。比起其他嘅章魚燒店，佢哋嘅章魚燒大大粒，而且真係有大粒章魚係餡入面。章魚燒食落一啲都唔粉，餡料軟硬程度恰到好處。非常推薦🩷…查看更多

放工依舊都係好多人排隊，好好彩買到開心果泡芙。開心果嘅味道濃郁，食落外香脆內香滑，非常好食。P.S.不過要比較嘅話，覺得原味嘅布丁包好食啲，但特別期間限定嘅開心果泡芙都不妨一試😋👍🏻…查看更多

喺銅鑼灣想食韓國嘢但冇idea，就試下呢一間hungry korean。聽講主打平民韓國美食，係打工仔嘅至愛。雞肉石鍋拌飯味道不覺不失，但相比起係昂貴嘅food court，呢一度食到味道唔錯而性價比高嘅韓國美食。有機會可以一試。…查看更多

呢一間餐廳日日都有好多人排隊，而今日終於都試到。白湯烏冬+虎蝦+南瓜烏冬湯底好濃郁，但又唔會過鹹。另外必食虎蝦，只要加$12就有。虎蝦炸到香脆，而食落不失鮮味，十分推薦👍🏻…查看更多

呢一間鳳鳴居喺旺角一向出名，而今日終於有機會嘗試。醉雞米線$60湯底嘅酒味濃郁，有香濃嘅酒味，但又唔會太苦。相反地，飲落十分清甜。醉雞有數幾件，因為有酒調味，食落好清香，十分推薦👍🏻…查看更多