cman174的个人专页

蕃茄烤魚得個咸字，仲要咁咸都腥，飲品叫少冰都係成杯冰，飲開心果鮮奶多冰到唔知飲緊咩，啖啖都有碎冰，仲要啲野未食完就趕住收，差啲無得食，我食左一陣就想趕人走咁，食到好有壓力:(卜左枱都要等差唔多30分鐘…查看更多

啱啱出糧緊係要食好啲啦！去左入麵叫左個蕃茄湯底燒汁牛肉麵，估唔到個麵會有咁多料，咁多牛肉，仲可以飲白桃烏龍茶，呢間野無論係野食同野飲都同平時台式食店都唔係好一樣，白桃烏龍茶無論係白桃同烏龍茶味都好濃，如果食厭左紅燒牛肉麵，不妨試吓食入麵。…查看更多

假日黎到觀塘，買到成手野，成身汗所以決定簡間最近最易平民嘅大快活食晚餐，好彩咁啱有人食完霸到張枱，唔使等位，簡左個海陸空雜扒餐同埋經典牛扒鐵板餐，食物等左幾分鐘就有專人送到，唔使點等，牛扒都幾好食，有質素，但係雜扒餐個魚柳就差少少，完全唔脆，好似走左氣咁、整體黎講都算係不過不失，係快捷之選！…查看更多

今日放假遲咗起身唯有揀屋企附近呢間酒樓先可以飲到早市特價。如果唔係茶癮起又太晏起身一定唔會揀呢間酒樓！首先服務態度非常惡劣，枱布污糟叫佢玩都完全唔想玩，黑晒面，仲要專登大大力放低啲嘢。跟住我就點左兩個孖寶1.客家茶粿樣子不討好，但食落去幾特別幾煙韌鹹鹹地都算幾好食。2.蟹籽燒賣完全食唔到有客！淨係食到肥肉，而且啲肉好鞋好鹹好難食。3.狗仔粉嚟到近乎凍連微暖都稱唔上，仲要根本唔係狗仔粉只係普通銀針粉，好林又好難食。4.客家釀豆腐以為呢啲咁容易整嘅應該唔會好難食點知啲魚肉又腥又咸好難食整體黎講啲野真係好難食…查看更多

好耐冇去過銅鑼灣啦，發現有好多新嘅舖頭都同以前唔同。一出地鐵站就比我發現到一間茶飲店叫茶先生，天氣咁熱梗係要叫返杯啦。因為我係抹茶空所以我就叫咗杯抹茶你試試另外再叫埋哈哈哈蜜瓜，因為名字太特別，加上見到有人抓住製成品，所以好吸引。整體來講，抹茶偏甜沒有特別，哈哈蜜瓜反而好飲好多唔會太甜，果味清新飲完覺得即刻涼晒，好舒服，下次會再叫呢杯！…查看更多

為咗可以食呢間火鍋店嚟幫細妹慶祝生日我預早半個幾月訂咗。之前完全未試過成功食過呢間野，因為實在太多人排隊，今日終於有機會。點知book咗位都仲要等，等咗20分鐘先入得。入到去就見到全場坐滿晒人，不過佢嘅通風系統就唔係好掂好似有啲局唔係好流通有待改善，我哋揀咗B餐特選安格斯牛，淨係落單都等咗好耐先有人理，人手嚴重不足。樂園單呢就好快又嘢食啲嘢食嚟到就明白點解咁多人等因為啲牛真係好靚質素好高就連加單嗰啲質素都一樣冇變過。用呢個價錢可以食到依個質素嘅牛肉真係好難得。佢仲有啲手工丸同手工九質素都好好平日，呢個質素好難可以喺任食都食到所以下次一定都會再去！…查看更多

今日係細妹生日，妹夫訂左個生日蛋糕俾佢，一睇個盒咩包裝都無都唔止仲要連刀都無把就諗住唔會係好野，一定有伏。點知一打開竟然係抹茶千層蛋糕，即刻變得充滿期待，唱完生日歌影完相就即刻切蛋糕，一切就有抹茶流心，而且切起黎仲好堅固，完全唔會散，見到都知一定好好食，果然不出我所料，一放入口，就有特濃抹茶香味，對於抹茶控黎講就算要減肥都無法抗拒，呢間嘅抹茶味比LadyM做得更出色，可能我飲慣濃茶所以我平時嫌LadyM啲抹茶味唔夠濃，呢間對我黎講啱啱好，食完都仲好掛住陣味，一定會再幫襯！…查看更多

每次食晏經過呢間茶店都見到好多學生喺度等，不過睇價錢係有啲貴，但係飲落你就會明白點解都仲會有市場，我簡左季節限定嘅桃桃四季春，我一攞上手以為自己眼花，啲桃多到好似差唔多放左成個桃落去咁，即刻諗會唔會飲唔到茶味，點知真係好好飲，將桃味同四季春發揮到最夾最夾，茶味香濃桃味清新，一試即刻愛上。之後一定會再買黎飲…查看更多

每次經過新港中心都見到呢間食店有好多人等位，咁啱今日夠早，就決定等到佢5點半開門，咁就唔使等差死先有得食，好耐未試過咁早就食晚餐喇，睇完點心紙真係好吸引，叫左幾個點心同酸菜魚。點心各有特色，外表特別，成個山竹咁，但入面竟然係蟹肉，但都好夾，好好食，跟住就緊係要試吓佢個招牌泡沙包，蛋黃味好香，甜度啱啱好，所以唔會好膩，跟住要介紹吓我嘅最愛酸菜魚，真係好好食，做得比點心更出色，好少係街可以食到酸菜魚係用斑片整。唯一令我失望係個D24兔仔，外表靚但食落去啲榴槤味好假，下次唔會再叫。…查看更多

呢間翠園好細所以比較難等位，等左半個鐘終於有位，等人開茶等左好耐先有人理，遞點心多過樓面，所以點心黎嘅速度好快，但加水同埋單就耐。我叫左以下四樣野，二十分鐘都唔使。1. 椒鹽魷魚鬚： 呢個係我每次必叫，但係50蚊黎講真係幾細碟，必叫原因係無咩炸粉，平時啲酒樓一般都好多粉，但呢度就好少，但係真係好貴。2. 牛油果沙律蝦角： 完全食唔到個名嘅牛油果同沙律，簡單黎講得黑淑味，啲黑淑多到攻喉，有芥末醬就叫沙律，一啲失望3. 帶子菜苗餃： 有帶子有茶苗但唔知點解有陣怪味，好似有啲油益，唔知係咪食油嘅問題4. 芋角： 無咩特別，但比較細件整體黎講，賣相可以但係味道差啲，價錢太貴，無咩服務可言，啲枱擺得好密，同隔離嗰枱貼埋咁滯，令人失望！…查看更多

估唔到喺今時今日嘅香港，仲要係喺荃灣廣場嘅一田，竟然可以用100蚊多啲就食到個好飽嘅二人餐，開喺旺區都做到咁平，相當難得，佢個饅魚飯係最受歡迎，因為分量多味道就一般啦，不過佢嘅蝦味魚糕同粟米味魚糕都好好食，而且份量夠曬男仔食，值得再去。…查看更多

今日專登計劃定5點左右去食任食，所以食完早餐就無食野，4點9左右上去排隊，排隊的座位經已差不多坐滿，相當受歡迎，簡左最貴嘅極上和牛套餐，啲和牛黎到真係令我好失望，極上和牛肥肉多到超過一半，一啲都唔似和牛，最後變左用和牛價錢叫次一級嘅牛，因為我腸胃較差太肥真係會頂唔住，下次一定唔會再簡呢個餐，牛大人菜類唔算多但丸類就較多而且都好特色，佢嘅小食係最出色，好有台灣風味，甜薯同埋鴨血都好好食，有120分鐘食，相當充足。…查看更多

難得放假緊係要陪下媽咪去酒樓飲返個下午茶啦！估唔到就嚟3點都仲有好多人等位，等左半個鐘終於有位。打開點心紙竟然見到有我最愛嘅榴槤酥，即刻叫黎試下黎到賣相唔錯但好細件，食落去令人大失所望，首先唔熱，係凍，擺入口得個甜字，一啲榴槤味都無，建議大家唔好試，但係冰室紅豆糕反而有驚喜，椰汁同紅豆味道夾得啱啱好，仲要係孖寶，相當抵食，值得一試！…查看更多

今日天氣特別熱，葵芳一落車就即刻衝過去葵涌廣場買台式飲品，假期這邊很旺，特別人多，我在眾多飲品店中選了李圓圓，因為見到佢現場煮緊啲黑糖珍珠，感覺好新鮮同埋特別，當然叫杯招牌黑糖珍珠鮮奶，但係無得簡甜度，可能我太鐘意飲咁甜所以有點失望，但係珍珠真係好煙韌，如果係珍珠迷就一定要試吓喇！…查看更多

而家d飲品店名真係愈來愈特別，所以我就忍唔唔住去買黎試試喇，茶飲店黎講佢真係好多選擇，連啲飲品名都特別過人！我簡左不分青紅皂白火龍果烏龍茶，巴芭閉樂草莓四季春，朋友指定要我必叫佢嘅小食，海苔鹽酥雞，啲茶好抵飲每啖都飲到果肉，不過火龍果那杯有點令人失望，只喝到茶味，果味被茶味完全蓋過，芭樂那杯就好飲好多，果味同茶味都飲到，好好飲，建議大家可選擇走冰，這樣整杯的味道都濃很多。最值得推薦係佢個紫菜鹽酥雞，真係好好食，直頭會食上癮，我覺得可以用嚟做鎮店之寶…查看更多