Jessica W.的个人专页

鋪頭開左好耐，但我第一次食😬😬估唔到咁有驚喜😊😊💰價錢由幾十蚊入門級，到百幾蚊，幾百蚊都有得揀，有牛🐮、有豬🐷仲有雞🐔揀，牛扒都有唔同款式，有西冷、有肉眼、有和牛😋😋今次先揀肉眼扒，之前食過另一間啲肉好韌，都有小小擔心😅，不過！！😳😳呢間完全無呢個問題🤩🤩，啲肉燒到最後都仍然好腍，好似我咁唔鍾意咬野既人，都覺得感覺非常好！讚👍🏻👍🏻👍🏻👍🏻👍🏻係自助區，沙律🥗、白飯🍚同湯🥣任添，飯可以加紫菜碎，仲有燒肉汁、辣汁得醬汁揀。🤭唯一我唔係咁鍾意既位置係，佢要係門口揀左餐先可以入座，對於有選擇困難症既我😮‍💨，一路揀一路又驚阻到後面既人，都無好睇清楚餐牌，就揀左最穩陣既肉眼試左先😬😬如果可以坐低先慢慢揀，咁就perfect啦😌😌…查看更多

🤩九龍區第一間日之苑🤓尋日經過佐敦，見到有間壽司鋪🍣，驟眼睇以為係「爭咩」啲朋友，但入去後發現，原來唔簡單！🤨除左壽司之後，仲有魚生便當、沙律🥗、刺身、飯團🍙等各式各樣！而且除左生野，佢仲有新鮮即製熟食便當🍱、飯類🍚同手卷！估唔到佢鋪頭細細，可以有咁多野揀！👍🏻除左多選擇，佢仲要唔貴，😙以熟身便當為例，大約$70，有主菜有飯，仲搭多兩款小食，🥟🍢小食都好多款，你仲可以選擇加錢食啲靚啲特別啲嘅都得。😃我今次就先試佢哋嘅壽司🍣，一打開個盒，真係嘩😲左出聲，咁大件嘅！🤭🤩以佢同「爭咩」差不多價錢，但但佢大嚿好多，而且質素都幾好，啲肉質都新鮮😋。想試平靚正壽司嘅朋友仔，可以去試吓啦！😉…查看更多

🤓話說早排係社交平台見到Outback Steakhouse Hong Kong (Official) 晚市外賣有9折優惠，於是我就襯熱鬧去食下。😋😋落單前我就先上OpenRice Hong Kong App 睇吓個餐牌，點知俾我發現！🤨🤨🤨原來係OpenRice app 入面用佢地個外賣自取功能仲抵啲！🤩🤩🤩拎佢地個牛扒龍蝦二人餐做例子，直接係Outback落單，要$740，而係OpenRice 落單就只需要$666！😳😳😳同時仲可以儲OpenRice積分，或者恆生Cash Dollar。精明嘅你，下次叫外賣自取，記得上openrice睇吓先啦😉😉😉…查看更多

🤗抗體系列之唔打邊爐對唔住自己今日揀左位於黃埔嘅 MouMouClub 牛涮鍋事前上左佢地專頁睇，原來暫時只有三間分店重啟，營業時間亦都有調整，要去食嘅朋友仔就要留意返啦😃😃比我想像中多人，好多都係好似我咁一個人黎食，大家係咪都係無敵體人士🤣🤣🤣疫情之下，餐廳質素仍然保持得好好，火鍋料同以前一樣咁多選擇，菜都好新鮮鮮甜👍🏻👍🏻肉質都非常之好！餐廳同事有嚴格執行防疫措施，有檢查食客嘅打針紀錄，唔符合要求嘅就唔俾入😬😬…查看更多

話說知道第五代纜車🚋要退休啦，所以就揀左去Tram View Cafe食午餐🍽，一邊食，一邊欣賞纜車最後的風采🤩。由於全餐廳，就只有果個窗口位可以見到纜車，窗口後面係兩張長枱，每張可以坐8個人，所以如果你要一邊食一邊睇景，就要預啲時間等位啦🤨。食物質素正常發揮，不過我都係為左睇纜車姐🤣🤣🤣餐廳入面仲有香港特色精品，可以食完慢慢睇，慢慢揀🛍。而家想要一路食，一路睇纜車，就要等約半年啦，等第六代纜車投入服務，到時大家可以黎試吓呢間餐廳啊😃😃…查看更多

🤓平時打邊爐，唔係係屋企🏠，就可能係酒樓，或者🐮牛咩。你有冇諗過，打邊爐都可以好lady💁🏻‍♀️，好優雅？🤗今次介紹嘅係網紅火鍋店🫕 - 香江花月！佢由裝修，到食物全部都好適合打卡📸，除咗座位、牆身同燈飾💡好靚之外，佢仲特登有兩個位俾你打卡，一個係好似舞台嘅位置，一個係有好多白色波波⚪️嘅幻燈鏡房，一次過滿足你食😋同打卡📱嘅需要。不過話晒都火鍋店，除咗打卡，最重要都係食😌！一坐低，餐廳會先送上一杯welcome drink，係一杯龍眼茶🍵，清清甜甜，夠晒涼爽開胃🥳！之後就點個湯底，因次今次聚餐多女士👩🏼‍🤝‍👩🏻，所以揀咗養顏保身嘅係日本牛乳玫瑰🥛🌹！食物方面主要都係點佢嘅重點款式：香江拼（牛🐂）、花滿園（豬🐖&羊🐑）、三色丸、三菇陸菌🥬🍄，仲有魚片頭🐟同炸蠔🦪。個香江拼真心正🤩，都無試過食牛食到咁仔細，全部都超水準發揮，真係嫩滑，真係充滿牛味架喎😍，而家仲要擺盤擺得咁靚🥰！其他都非常好食，我地一行四人，個個都食到好滿足！絕對推薦俾擁有少女心💖、想打卡、想偷得浮生半日閒😚嘅你！好好享受視覺同味覺嘅極致體驗。…查看更多

今日介紹呢間好好味嘅韓燒餐廳😃😃香港有好多韓燒餐廳，由任飲到單點都有，今次呢間我非常推薦，因為真係好好味啊！😌😌🤩位於海港城嘅雪下覓炙，佢提供一般韓式午餐，另外仲有燒烤餐。我果日就揀左燒烤餐，分別點左🐮和牛西冷同一個特選燒肉🐂。🤗一開始餐廳先送上經典韓式前菜，然後就再送上牛肉、飯同湯。餐廳職員即都會從旁指導，點樣煎先最好。😉😉個特選餐啲肉已經好好架啦：用料靚，口感正！😎😎點之一併埋和牛度，即刻被比下去。啲和牛真係入口即融架！真係痴鬼線公司🤣🤣淨係睇相見到啲雪花分布，就知佢咩料啦。😏😏所以大家有時間，就記得去試吓啦😋😋…查看更多

🤨成日經過呢間餐廳，都覺得好靚，好想入想食嘢，今次終於有機會啦！我講嘅就係灣仔「Tha Pawn」。🤗😃餐廳前身係和昌大押，樓高四層，有逾百年歷史！置身其中，別有一番風味。🤩今次無點佢個set lunch，而係散叫。分別點左🐖肉丸、🍝卡邦尼意粉、🦀蟹肉意粉同🥔薯蓉。三個字：好好味！😋😋真係唔係講笑，原本以為呢啲餐廳，都係食下環境，食下服務，但原來食物質素非常高！🥳🎊肉丸鬆軟有咬口，襯埋新鮮蕃茄醬汁，絕配。卡邦尼好好食，但芝士味可以重手少少。蟹肉意粉就勁正！蟹肉鮮甜，蟹籽咬落卜卜聲，好治癒。薯蓉又係好好食，襯埋少少蒜蓉，鹹鹹香香咁。🎊無論係食嘢定打卡，我都非常推薦呢間餐廳！👍🏻👍🏻👍🏻👍🏻👍🏻👍🏻…查看更多

係尖沙咀，望住個海，嘆返個悠閑的午餐，真係人生一大樂事！☺️☺️我今次點嘅係咖哩雞🐔飯，配🥥椰子雞湯。椰子雞湯好香椰子味，清甜之中有點點辣🌶。咖哩好滑，唔會太辣，仲有椰奶嘅香甜😋。個🥭芒果糯米飯真係抵，平時係餐廳點一個都要六十蚊以上，而家只係需要加$38，而家份量十分充足😌。侍應服務超好，未開聲已經幫我安排芒果糯米飯後上，掂啊！食到飽一飽，又望下窗外波光粼粼嘅海面🌊，真係有啲睡意，好啦，唔講住啦，我去休息下先😴😴…查看更多

試食中環新店話說去開中環，咁就睇吓有咩好食啦，然後發現呢間新開張嘅餐廳😃😃午市套餐可以有A, B, C三個大選項，係A, B, C之下又有好多選擇，隨你個人搭配，唔同搭配唔同價錢。我就揀左A + B + C，粟米魚 + 松露炒蛋 + 卡邦尼，送多杯飲品，盛惠$68，新張期內仲送多枝特飲添！講吓個味道先，個粟米魚我覺得乾同硬左少少，個蛋係有淡淡嘅松露香，卡邦尼中規中矩，都幾好食。枝特飲酸酸甜甜幾有趣，但又飲唔出係咩味道，應該係柚子果啲朋友🤔🤔整體感覺良好，可以一試！…查看更多

｛唔該要個姜B啊🙋🏻‍♀️｝話說我尋日終於試咗姜B餐啦！🤩🤩咁姜B餐包咩呢？首先係一個煙肉Big Mac + 4件麥樂雞 + 加大薯條 + 加大Coke Zero，傳說呢幾樣食物係姜濤去麥記必食，所以就叫姜B餐。🤨🤨💁🏻‍♀️餐入面最特別當然係新出嘅煙肉Big Mac啦，係原有Big Mac以外，再加入煙肉，令味道同口感更豐富。呢個新包係好食嘅，因為個醬汁酸酸地夠清新，所以加埋煙肉都唔會好濟。😋😋見有啲人話好少煙肉，但我食果個係足料嘅，我諗真係一間間分店，或者整包果個手勢唔同。🤔🤔😃除咗姜B餐，我仲試埋佢個煙肉Big Mac二人餐。呢個餐有一個煙肉Big Mac + 板燒雞腿包 + 加大薯條 + 兩個蘋果批 + 兩杯汽水。份量非常充足！🤣味道就無咩特別好講，咁多年大家都食過晒啦，我係覺得個外賣盒好得意囉，可以拎嚟打卡添啊。😍😍…查看更多

位於彌敦道嘅土耳其餐廳我本身好鍾意食肉卷，所以成日都周圍去試食。今次就俾我搵到係彌敦道嘅土耳其餐廳，佢地有轉轉燒肉肉卷！價錢唔太貴，幾十蚊有大大條肉卷，又有薯條，又有汽水，真係夠晒飽肚。肉卷非常足料，一打開個錫紙包裝，啲牛肉多到跌出嚟，🤣🤣除左肉仲有洋蔥、蕃茄同生菜，加埋酸酸甜甜嘅醬汁，簡直係絕配！口感同味道都一流，值得推薦！…查看更多

之前食石磨腸粉，食黎食去都係濃姐，今次一於試吓第二間。餐廳名係「鳳鳴石磨腸粉」，位於黃埔。我就試左蛋腸同牛肉腸，蛋腸搭配清淡蛋香，牛肉腸鮮嫩唔韌，襯埋佢哋獨門醬汁，又提升左一個層次。加多少少錢仲可以飲桂圓紅棗茶，自然甜味，清新可口。不過我就覺得份量少左啲⋯⋯食完兩盒都肚空空咁。下次可能要加埋燒賣先夠飽！有別於一般石磨腸粉，佢係可以揀紅米同黑米，高纖又得、補血氣又得，得左！腸粉可以加蛋、粟米、菜脯，加埋蟲草花都仲得！千百萬個搭配任你選擇，下次再食一定要再試吓啲新野先！…查看更多

話說早兩日係同老公結婚3周年紀念，咁一於去食好少少啦😃😃我哋揀左位於尖沙咀Marco Polo 酒店入面嘅意大利餐廳 - Cucina 🤨。🍽午市套餐可以揀2️⃣ course, 3️⃣ course（頭盤、主菜、甜品）, 4️⃣ course都得（兩個頭盤、主菜、甜品）。❤️頭盤揀左Parma Ham 同鵝肝。Parma Ham 就都係果啲味架啦，但我真係好鍾意食芝士🧀，所以我好鍾意個頭盤😍！而於鵝肝呢，我就真係唔太識得欣賞，有冇人可以教下我點食😬🧡主菜就揀左意大利飯同辣三文魚籽意大利粉🍝。意大利飯口感濃郁，又有菇類🍄嘅香氣，但食晒都完全唔會漏。意大利粉微辣，令到個味道層次更豐富🥳！💛甜品就揀左焗蛋白配Vanilla 雪糕🍨同沙巴翁配士多啤梨雪糕🍓。個焗蛋白擺盤真係好吸睛，好似一個藝術品咁，未食都已經好開心😳！恕我見識少，今次係我第一次認識同食沙巴翁，完全打開左我個新世界。軟滑微暖嘅沙巴翁配冰凍雪糕，一個字：正😋！💜餐廳超sweet☺️，因為知道我哋係慶祝3周年，特別送多個甜品俾我哋，仲加多個朱古力牌寫：Happy 3rd Anniversay。呢下真係驚喜同窩心嘅🥰！最後，成個環境、坐位同服務都非常好！侍應會好關心我哋食得開唔開心，好唔好食，另外因為我坐窗邊，佢哋又會問下我曬唔曬👏🏻👏🏻👏🏻。我覺得我一定會再嚟架！下次等星期六、日試吓佢個半自助餐先得！🤩🤩…查看更多

🙋🏻‍♀️今日介紹返位於逸東酒店LG層美食廣場嘅「Eaton HK-Flower Years 花樣年華」，真係睇個名都覺得好有詩情畫意😎。我今次試咗佢地個classic burger🍔，餐廳用安格斯牛肉🥩搭配車打芝士🧀，仲有洋蔥🧅同芥末蛋黃醬，另外原本佢仲有酸瓜，但因為我唔鍾意食🤭，所以我叫左佢走酸瓜。原本以為得一個漢堡加薯條🍟，點知佢仲有蕃茄🍅同生菜🥬，佢算係沙律🥗？不過我就當係diy 漢堡材料，將佢夾埋落個包度一齊食！加咗蔬菜嘅清新同爽甜，即刻無咁漏😋。我就好鍾意呢個搭配，少少diy，令個包好個人化，又可以玩下咁🤩。漢堡扒係每個漢堡嘅靈魂，而呢個漢堡嘅牛肉非常好食，嫩滑多汁😍。最後要講嘅係，佢哋啲薯條🍟。天啊！點解可以咁大一袋🤣🤣佢係好食，不過真係好多，搞到我都食唔晒🤣。整體感覺良好，下次可以再試其他食物😃😃…查看更多