Gigi1027的个人专页

見到有人推個牛舌就想去試，都幾fully卜，係我食5點半先有位!有omakase但我喜歡既食物唔算好多，所以散叫好似好啲!千本漬雞腎，者係醃蘿蔔撈雞腎，全部切到細細粒咁，巴鬼!魷魚沖漬，基本上我最愛所以我唔會彈!食完2個前菜等左半個鐘先再有嘢食，中間先上飲品好鬼慢，白桃紅茶梳打同巨峰柑橘cocktail，2杯味道都好淡，cocktail酒味唔重!燒馬友一夜干，有人好想試馬友話當造，個皮燒得幾好，肉係結實但味道好似銀鱈魚，何解啲人咁愛馬友又咁貴?明太子燒海老，蝦燒得可以但明太子個味太搶，好咸!明太子玉子燒，明太子落得大方，蛋煎得好好，好Q彈!重點燒牛舌扒，人地啲相好粉嫰的囉，質地是軟淋像慢煮已經心下一沉，牛舌扒邊的調味又太多搞到偏咸!燒飯團同柑桔冷素麵，麵係彈牙既但2啖食晒!雖然話食2個鐘，但食埋啖麵仲有半個鐘已經提你用餐時間差不多仲有無嘢想嗌!呀，要比credit card資料取消要24小時前通知!…查看更多

想當年一間錦田摩洛哥風網紅cafe轉左手但裝修無變，而家變左乳鴿專門店😅乳鴿做法都有7種，我地就試下煙燻，好快出菜，煙燻味幾濃，乳鴿嫰但唔係太多肉，價錢都幾進取，成舊水隻!另外2個意粉，法國蟹皇海鮮扁意粉同麻辣大蝦扁意粉，呢個價位用雪藏海鮮我唔ok，意粉同味道都好一般，無set要散叫飲品加埋完全唔值!佢仲有會員價，要150蚊入會有8折，但正常應該唔會有人想入會吧!…查看更多

其實無留意佢食乜，原來是以港式小食為賣點xo醬咸蛋黃煎腸粉，調味勁淡，所謂咸蛋黃係現成無味道既咸蛋黃粉!港式咸蛋黃carbonara，人地話加2舊油炸鬼做乜，咁佢又太偏激了，多2舊嘢頂下肚，又係沈嘢咸蛋黃粉，個carbonara做法你都唔使問，一定係忌廉黎喇!蝦頭油撈麵，是出前一丁😑(好過比唔知咩麵既)，蝦頭油在那搵佢唔到，唯有撈左包麻油佢!炸芝士雞翼，我地諗多左，只是炸雞翼唧pat合成汁上去，雞翼仲要無醃過!西瓜香檸，係溝左水既乳酸，啲小丸子有粉味!OR卜位85折，不過睇怕你都唔會想去!好耐無咁伏過，去隔離葵廣真。掃街好過!…查看更多

好似剛開時一窩鋒，而家靜蠅蠅，睇完個價錢都正路既，比我都留返去日本先食喇，$155一個爛鬼酥皮甜品，雙併味仲要加70+蚊，我都有啲呆L左唔L係呀，search返日本賣緊1300yen，半價有突喎!要左個栗子忌廉+黑加侖子醬味，咁老實講個酥皮又薄又脆係好食既，但栗子味比黑加侖子既酸味蓋過晒就唔太ok，包裝都可以唔會食得太喱迆，但定價真心太過份，聽執!…查看更多

標榜所有定食所用既肉都係和牛，定價閒閒地都2,3百蚊或以上一個仲要唔包飲品，唔係好記得叫左邊隻，但我個款無油香無肉味，完全靠個汁先食得完個飯，我杯mocha仲甜到一個點仲叫自己做特濃!所有嘢都overpriced!而且都幾多限制下，只收現金(如果你賣呢個價位既定食而只收現金我就覺得有點兒那個)/繁忙時間只限食90分鐘/有最低消費每人90蚊!性價比極低，鍾意懷舊景如我都唔建議幫襯!…查看更多

鹵水拼盤（手撕雞,豬大腸,金錢肚）大蜆什菌豆腐湯(洗鑊水🤔)花雕蛋白蒸龍躉球(唔夠味)蒜蓉粉絲蒸蟶子皇白胡椒爆炒南非鮑魚(好濕)流沙黃金蝦(最好食呢味)大蜆燉蛋上湯浸時菜古法八寶鴨(唔知點解食咁多次阿媽都仲要食呢味嘢，我最怕淋pat pat既鴨)蟹油銀芽炒麵(唔夠味)綠茶布甸(黎到個色係慘綠我打個突，我以為係薄荷嘢黎)人頭5百，無記憶點，私房菜黎講算伏!…查看更多

呢間嘢是兼賣花的，所以好岩花痴人士打卡用，個牛還可以，其他由湯到甜品都唔得，湯淡金槍魚無味南瓜栗子羊肚菌雞湯燴飯又係無相關味道，連舊蛋糕都做到實的的，(不過我杯洋甘菊青提茶酒靚得黎又幾好飲，有茶香既酒，個杯仲好有心機黐晒花)，食完發現原來佢大陸有鋪頭，要打卡可以返大陸打，唔使響香港食租!…查看更多

豚骨湯底拉麵，半粒蛋味淡，咁大塊紙菜唔知做乜的，超級韌，可能比你撕碎灑落碗麵度，個麵是幼麵，淋到一個點以為自己食緊蘭州拉麵，跟餐既雞軟骨餃子就好脆既，但個碟會見到成羹油響底…查看更多

今次經驗之後老豆話新開張既唔好叫佢試，混亂到簡直令人髮指🤬🤬-好彩我準時，如果唔係張枱就比左人(唉，早知等佢比左人算)!-個侍應哥哥新到on下on下，抹抹下枱比人叫走塊布就留響到!-當晚無牛舌，原來連set入面既牛舌都無就自己轉左另一款肉(即使價錢貴過原本既牛舌都應該要同客講聲)!-問侍應拎嘢次次一去無回頭/要催幾次!-任飲的麵豉湯大家飲左好多，但唔係因為好飲，係因為野食好耐先到!-嗌左2個2人set/一碟豚肉/一條鰻魚，唔飽再追加個壽喜燒，惡夢既開始，首先黎碟肉，攤左10分鐘再追個鍋，鍋呢，個鍋黎到呀哥仔就想響我隔離撻火，大佬呀，你撻完火我點成個鍋搬去中間呀，已經白眼反上天花板，個鍋其實得水，我唔明點解要搞咁耐，其實仲爭個烏冬架，咁我地追完個烏冬心諗應該有排，就慢煮下啲肉黎食喇(個鍋傳熱勁慢，好心佢用吉野家嗰啲喇)，到啲肉食完，老細望望下話係咪啲菜未比你，原來係有一整兜雜菜架，老細叫廚房即刻執，即刻即是執左十分鐘，個爐啲水由始至終都無乜點滾過，格硬食，最後我頂唔順再追多次個烏冬(係呀，個烏冬20分鐘有多都未黎過呀，搣開個包裝袋咋喎)，叫呀姐唔該叫廚房煮埋比我，呢到個火應該煮到聽朝都唔滾囉!我就真係著晒!-好彩個麵5分鐘左右就到，老豆話係最好食嗰樣嘢!-中間換個一次火種，個哥仔呢夾住個火種去左隔離枱但又無個蓋整熄，佢呆呆咁要響到等個火熄我堅覺得好笑!-食物方面，其實無咩嘢食過，佢sell牛就主力講牛，日本牛食油花，佢一黎到啲marble真心差，食落有啲都偏多筋，老細同佢個frd講話佢自己用熊本牛，比鹿兒島牛靚好多架，一聽就暗叫不妙，你吹大左了吧！generally鹿兒島黑毛和牛贏既比賽比熊本牛要多出好多喎!-呀。。。收人咁貴都唔用日本珍珠米!人均230我真心唔飽!…查看更多

勁伏勁伏勁伏!點餐紙有2大疊，但每張只印有三幾個食物，張圖就佔好大篇幅，所以其實食物選擇勁少!所謂第一輪送既刺身併盤其實可以自己劃，所以我唔知佢送既意思係咪送個朕煙!鐵板燒牛舌同鵝肝算最正常，所以為飽肚食左2轉!基本上點完第一輪之後已經無咩想食!秒飽，啲frd問我做咩食咁少係咪減肥😅😅(我不嬲唔相信食評，自己試過先知真相，無計喇，成日要試新嘢就預左有風險架嘞)…查看更多

呢間嘢睇黎都好快執，第一次黎(當日係星期一)食成晚得我地一枱客，菜式選擇極少，連大路既蝦餅/生蝦都無，食左如圖菜式，除左個濕炒河粉麻麻之外其他都正常!因為下次飯局本來要搵有房既餐廳但人少好難搵，咁最後覺得呢間嘢唔方多人就去返呢到!第二餐係星期五，食成晚連埋我地都係得3枱!個侍應哥仲話係呀，今日星期五，平時星期四多人啲，真係聽到我地r爆頭!返兜既唔想影相，所以第二次無影!生菜包，明明第一次幾好食，第二次食好濕，生菜得4塊，要我地開聲先加碼，又加左豬潤好似怪怪地!有人嗌個"傳統椰汁蝦肉菠蘿檬粉"，睇個名都覺得怪，食落都真係騎呢架，唔知係咪開張咁耐呢咪餸首次開齋!食物選擇少可能因為無咩客唔預備咁多食材掛!侍應哥仲話做左promote架喇響OR呀呢啲飲飲食食app，但你做9折咋，你啲價錢都唔係平，我諗你成晚做半價就差不多!…查看更多

由於荃灣大家都無咩preference，咁就等等下就等左成粒鐘去喇!佢採取先點餐後入座，快餐格又要收我加一!一入坐侍應就擺底托盤，上面有個湯，之後再黎加錢既溏心蛋，我還在嘀咕點解唔係連飯一齊上既時候，就發現原來個飯碗勁滑，撩飯既時候個碗下下咁!一齊上應該會倒瀉晒!個牛舌丼等3個字先黎，係量多呀，妖，韌到我片片都要成片食，根本咬唔開!又無牛舌香!牛肉飯啲肉就正常啲!加60蚊有2隻牡丹蝦刺身，唔加唔是損失，不過其實都預左，只是我地戚起條根想食者!…查看更多

Daily special係栗子，就試一試佢!栗子蓉夠滑，但栗子味唔夠重!分開食還好，同餅底一齊就比朱古力味蓋過!蛋糕底似chocolate brownie但極度硬身，卡住好難一嘢切落底，者係落叉既時候好滑呀啲cream一到蛋糕就戟實左既感覺怪怪，唔夠連戲!同埋偏甜!45蚊既話我覺得唔合格!…查看更多

呢碗80蚊既拉麵居然有2隻蛋是喜出望外，不過朝早已經食左2隻流心蛋，即是今日食左成4隻蛋咁多!連蛋白都有少許流心效果，但不夠味付!麵同湯底不突出，最突出係個叉燒，咸到一個點連咸蟲都招架不住!章魚燒做唔到個粉漿軟糯效果，實的的的!但內裡的章魚就很大粒囉!…查看更多

avocado smoked salmon egg benedict，佢有pat牛油果茸搽響個包度，但對於egg benedict黎講，再溝埋啲hollandaise sauce就太濕，個sauce亦都唔得，無咩香味，煙三文魚有點太細片!漢堡方面不過不失，薯條很熱很脆!啡唔夠啡!…查看更多