Foodforthought21的个人专页

是日去咗一間烘焙店整蛋糕 整完幾個鐘有啲餓因為見到呢間拉麵店係人氣熱店 所以就去咗食 去到六點鐘左右唔使點等位 等咗大概十分鐘到就有位佢嘅拉麵款選擇唔多 所以對於有選擇困難症嘅人嚟講係一個好消息基本上都係揀湯底為主 我哋就試咗堅魚同埋燒海蝦味 燒海蝦豚肉拉麵 $88呢一個嘅配料就係一啲好似蝦乾仔嘅海蝦仔 豚肉（一大塊）同埋糖心蛋 雖然我揀咗少醬汁但係我覺得口味都係有啲太鹹 其實食唔到啲咩鮮甜味 過一百蚊有找嘅拉麵嚟講都唔可以要求太多 值得一讚就係啲拉麵都算夠熱 就算用個碗裝住都唔會話好快變凍 鰹魚豚肉拉麵83蚊呢一個反而有特色風味多啲個湯底嘅味道濃沃得嚟都幾特別 但係如果平時食唔慣鰹魚絲嗰陣味嘅話就可能會覺得唔係好習慣…查看更多

呢度個主打呢就係個location都算方便就係利園附近一入去成個感覺好grand 同埋都好寬敞就算係假日都唔會話好迫人 因為聽人講將軍澳分店為例假日係人頭湧湧嘅見到個menu好似好多選擇 每一款都別出心裁有好多材料咁青口（mussle pot)係呢間餐廳嘅招牌菜式 有五款口味今次揀咗個喇沙味 (laksa) 個汁係有啲青咖哩嘅感覺 如果有啲飯可以撈下其實都幾惹味其實啲青口望落就好似好大隻但係粒肉好細粒以$245 半公斤嘅價錢嚟講實在都唔係幾抵伴碟嘅有啲薯條 分量都唔係話好多 同埋有少少唔係好夠熱 不過呢佢有啲洋蔥蛋黃忌廉醬用黎點薯條crab tian $135係openrice度見到好多人推介呢一個 其實佢係似他他（tartare) 佢仲有steak tartare and salmon tartare 呢一個係黃牌所以要咗呢個 裏面有一絲絲嘅蟹肉 牛油果 青瓜絲其實佢嘅精華係啲檸檬汁同埋佢嘅醬汁 係一道涼拌嘅菜式但係配個啲麵包呢就麻麻地 冇咩香味最後叫咗個pizza份量就ok大份嘅 但係其實冇咩特別出色嘅地方 只係一個普通蕃茄芝士味pizza 個皮有啲厚 總括嚟講呢個價錢其實食放題都得 不過勝在有個地方舒舒服服歇下腳下次可能會試下佢啲steak…查看更多

之前已經食過呢間麵館一次，佢啲湯底唔係話好濃，冇其他餐廳咁重味精味，所以就算食麵飲埋啲湯都唔驚好唔健康。餐牌上寫住佢嘅麵湯底標榜係用豬骨嚟淆，所以可能會有豬肉嘅油脂。今次就揀咗呢個牛展湯麵。佢嘅湯麵全部都有跟炸醬，京式炸醬係呢間小店嘅特色，係呢間店特製嘅。鍾意食炸醬嘅朋友可以一試。其他配料就有椰菜絲，莞茜。佢啲面有啲似刀削麵，食落係幾煙韌。我本身因為鍾意食煙韌的麵，所以都幾鍾意佢呢種麵嘅質感。至於啲牛展就唔係話特別林或韌，都係一般牛展嘅水準。總括嚟講我覺得40蚊一碗麵喺出面食都差唔多，呢一間就勝在麵嘅質感有咬口，配埋熱辣辣嘅湯底，先稱得上食麵嘅風味。…查看更多