Eat is my Need的个人专页

懷舊大排檔係香港其中一個特色，中學時期食到宜家，由唔洗排隊到宜家排半個鐘先食到嘅勝香園，已經成為咗遊客嘅打卡食肆🍅主打蕃茄湯麵，個人比較鍾意蕃茄麵，貪佢掛到啲湯🤫蕃茄牛肉炒蛋通粉呢碗蕃茄湯比較濃郁同杰身，牛肉淋身，食落滿滿嘅維他命C，但炒蛋就比較薄身，食落冇咩特別蕃茄牛肉麵 呢碗蕃茄湯比較稀，但配公仔麵就可以掛住啲湯汁咁食，感覺上比起通粉吸引咖央脆脆之前多數食佢招牌嘅檸蜜脆脆，但有時會覺得佢太酸，所以今次試呢個咖央脆脆，感覺比檸蜜香口，同埋鐘意咖央同麵包嘅組合，下次都會揀返呢個配搭…查看更多

無論去到日本定香港，見到有抹茶雪糕就會忍唔住食下，今次泥到Airside最底層發現原來都有唔少野食，啱啱食完lunch，食返杯雪糕做甜品係人生一大樂事😆抹茶軟雪糕加抹茶朱古力蛋糕軟雪糕顏色誘人，食落香滑，亦都有濃濃嘅抹茶味，今次揀咗抹茶朱古力蛋糕做配料，朱古力蛋糕比較硬身，令人有少少失望，而且抹茶味都唔係特別濃，反而見到人哋嘅蕨餅同埋白玉就比較吸引🙃…查看更多

好耐之前屋企人買過一次返屋企，之後就一路都無食過，今日咁啱經過呢間玉桂卷專門店，又諗住買少少野做tea，就買左一個最大size嘅玉桂卷（聽朋友講最大size嘅玉桂味係最濃嘅🤫）經典玉桂卷佢嘅玉桂卷真係好大個，兩個人share一個做下午茶啱啱好，職員都好細心咁問我地洗唔洗加熱，不過我地唔係即食，所以就無要求加熱😜肉桂卷表面脆脆地，每一圈搽左一層玉桂，每一啖都充滿玉桂味，玉桂卷上搽左一層奶油，全部加埋一齊食簡直係大滿足😌下次一於試下堂食，加熱即食一定更加正😋…查看更多

榨菜牛肉腸有皺褶嘅腸粉，上面鋪左榨菜粒同牛肉碎，調味啱啱好，粉皮夠滑，係我鐘意食嘅質感同味道😋生滾豬潤粥豬潤厚薄適中，份量充足，粥底好軟綿，生滾粥揀豬潤，貪佢滾完之後會有陣肉香味，粥底特別香濃😜生滾魚腩肉丸粥 本身食豬潤粥時已經覺得唔錯，到食左一啖魚腩粥之後，發現豬潤粥有啲被比下去🙈見到廚師會先爆香左啲魚腩（個廚房真係起哂🔥嫁）爆香完嘅魚腩用嚟滾粥，再加上本身會用魚湯滾粥，成碗粥好香魚味，，魚腩份量亦都好充足，肉丸係手打肉丸，食落鹹鹹香香好好味，食完呢個魚腩粥之後，我決定每次去呢間鋪頭無論叫咩餸都一定要配埋魚腩😆…查看更多

呢排天氣涼涼地，晏晝又食得多左啲，就諗住夜晚食下粉麵，輕便啲又可以暖一暖個身🔥 經過好多次，次次都排哂長龍，今次見未係好肚餓就拎張飛仔等下啦，結果當然係無後悔啦😝🍜醉香雞米線湯底有驚喜，飲左成個人即刻暖哂，酒味都幾濃，雞肉好嫩滑，特別一提係佢嘅豉油，豉油甜甜地同啲雞好夾，忍唔住不斷點完又點🤣🍜姬松茸雞湯米線對比之下，呢個湯底相對地無咁濃厚，但又會比較溫和，適合唔鐘意酒味嘅朋友仔，姬松茸菇嘅份量都唔少，但呢碗啲雞就有少少凍，要浸落湯度浸返暖佢🙊…查看更多

行過見到呢間鋪頭人頭湧湧，諗緊買咩早餐就入去睇下，好快就比呢個大菠蘿包吸引左，一路拎返屋企一路聞到香噴噴嘅味道😋🥯菠蘿包皮擺到第二日都係脆脆地，包入面有少量合桃同提子乾，雖然份量唔係多，但係以呢個價錢泥計都算係抵食😜…查看更多

葵芳廣場係咪個掃街嘅好地方，近幾次泥都見到呢間鋪頭排哂長龍，閒閒地都要一個鐘🙈今次早左泥到呢度，聽到排半個鐘左右，就買左兩碗試下😋櫻花蝦濃湯粉絲雖然睇落同鯛魚湯係同一個湯底，但食落比鯛魚湯濃味啲😆粉絲屬於粗身粉絲，索湯程度一流，內含3隻已經剝左殼嘅蝦，方便葵廣呢啲掃街式嘅食法🤫湯底有啲豆腐粒，又有啲量嘅蒜，每一啖口感都好豐富🦐鯛魚濃湯粉絲鯛魚粉絲口感相對無咁豐富，但鯛魚份量好充足🐠另外湯底亦都好濃厚，食食下會忍唔住飲左好多湯🤣不過拎住碗熱辣辣嘅野搵位食就有啲危險，所以你定要拎到實一實🙊…查看更多

自從無向觀塘返工之後，就無得再幫襯佢買早餐😔今日出開觀塘，拿拿臨去解下呢個相思之苦先啦🤣搬左新鋪之後，環境乾淨左，排起隊泥亦都無舊咁危險🙊魚肉燒賣魚肉燒賣好有咬口好彈牙，係回憶中嘅味道，加少少豉油辣油已經好滿足豬肉燒賣豬肉燒賣層次就多啲，有少少豬肉味，同魚肉燒賣食落係唔同質感，所以每次都唔做選擇，我兩樣都要😆…查看更多

多得朋友幫手搶位，終於試到呢間大熱漢堡扒😋見到門口都有人會walk in排隊，但就唔知等得耐唔耐🙈🐂 挽肉と米套餐套餐包括三件漢堡扒、味噌湯同埋隻生雞蛋🥚第一件建議原味品嘗，第二件就建議加上蘿蔔泥同柚子醋，第三件就可以配生雞蛋😆檯面有張紙介紹食用建議，而職員上菜時都會再講一次，所以入到去跟住一步行步做，就可以試足佢咁多種食法啦🤪🐂檯面上有多款醬汁，可以隨意配搭，最鐘意就係豆拌醬油，醬油食落好香濃，淨係醬油都可以食到好碗飯，最開心係白飯任裝，一舊肉一碗飯完全無難度🤣另外要稱讚嘅負責我地個邊嘅廚師好有笑容，令呢餐飯加分再加分😆如果可以最貼近窗邊嘅位，咁就會更perfect啦…查看更多

今次決定6點前就去到，估唔到6點去到已經滿座，都係要排隊🙈好彩最終都食到我地想食嘅野🥳紐西蘭牛仔柳配薯條牛仔柳有兩大塊，份量非常充足🍖你地揀左7成熟，牛柳唔會過生，食落非常淋身😎牛仔柳兩面煎到有少少脆，肉味濃郁，食完大滿足😆炭燒黑毛豬配意粉黑毛豬就無牛仔柳咁大塊，都係煎到好香脆，比起牛仔柳有咬勁，意粉用忌廉汁煮過，感覺上淨係食個意粉都好滿足😋由於兩款肉一齊食，所以感覺上黑毛豬嘅味就係無牛仔柳咁突出，但意粉方法就令佢加返唔少分數🤪入座後會送上一碗餐湯，今次係薯仔湯，餐湯非常足料，有唔少薯仔粒…查看更多

排左一個鐘，比想像中快🙊今次都係叫佢最正嘅炸雞，仲有就係魚肉響鈴同反斗蝦膠豆卜🤪炸物熱辣辣，炸雞食落好juicy，間唔中一次排下長龍都接受到嘅🤣招牌炸雞🐥炸粉好簿，雞肉非常嫩滑，基本上有9成嘅檯都會叫嘅餸，就係擺耐左都仍然係好滑好juicy😆魚肉響鈴🐠腐皮包住大大舊嘅魚肉拎去炸，雖然魚肉食落就唔夠蝦膠咁彈牙，但勝在大大舊，食落啖啖肉，非常滿足反斗蝦膠豆卜🦐反轉嘅豆卜釀入彈牙嘅蝦膠，豆卜炸到好鬆脆，但是覺得會有少少油膩，用泥浸湯食就一流😋蒙古湯銀針粉🥘之前幾次食都無哂銀針粉，今次有就當然要叫啦🤣配埋每次必食嘅蒙古湯，湯底有濃濃嘅孜然味，係出面比較少見嘅湯底，有機會就一定會食佢🤣…查看更多

行入呢間麵包舖，發現麵包種類好多，亦麵有好多近期大熱嘅開心果麵包😆第一眼比呢個外表誘人嘅麵包吸引住，麵包表面鋪上滿滿嘅開心果碎，咬開麵包充滿驚喜😎綠色嘅開心果醬入面有啲好似椰絲嘅餡，咬落有少少脆口，麵包表面又焗到好香口，口感層次非常豐富，係令人食完想再食嘅產品😋…查看更多