Wing_yeeeee的个人专页

每次嚟呢間日料都好期待～今次叫咗幾款心水推介，全部都冇失望👍🍣 特上刺身拼盤：拖羅、海膽、油甘等等，全部都夠晒肥美鮮甜，冇筋又入口即溶，完全感受到新鮮度，擺盤又靚，影完相都忍唔住即刻食！🥒 芝士青瓜三文魚卷：意外地好match，青瓜爽脆、芝士香滑，加埋三文魚一齊食幾清新，唔會膩，打卡又好睇～🌱 長芋生葵漬同 沖繩水雲長芋醋物都係清爽小食，開胃又解膩，特別啱配刺身食。🦀 松葉蟹膏冷豆腐：豆腐滑到好似啫喱，蟹膏味濃唔腥，食完一啖好想再encore～🍶 清酒煮蜆真係hidden gem，湯底超清甜，蜆肉飽滿冇沙，成碗飲晒都唔會鹹，必點！🍣 吞拿魚背壽司：魚脂香濃但唔膩，配埋少少山葵啱啱好。🍤 天扶良系列都好驚喜，海膽蟹鉗炸得酥脆，咬開仍保留蟹肉鮮味；苦瓜天婦羅好特別，外脆內甘，唔會苦口，幾有層次。🐟 燒白鱔：呢個必食！魚皮燒到香脆，油香滲入魚肉，鹽味啱啱好，配杯酒一流。整體環境舒服，服務又細心，每次嚟呢間日料都好期待～今次叫咗幾款心水推介，全部都冇失望👍師傅好有禮貌又會介紹菜式。無論係情侶定朋友 gathering，都係唔錯選擇，下次一定再嚟試其他款！…查看更多

一個月總有幾日想食餃，咁啱今日約到個朋友去油尖旺，就梗係唔放過機會叫佢同我食豐信。不過佢食素，但唔驚！呢度有素餃！素餃有冬菇、雲耳、雪耳，咬落脆卜卜索索聲，係冇豬肉嘅甜，不過係另一種清甜，都幾好食。但我係肉控，一嚟就食咗芝士粟米餃，永遠冇令我失望。甜米係甜的！最驚食粟米餃但唔甜，寧願佢唔好賣。呢度嘅芝士有奶味，同豬肉勁夾，個外皮係脆口，諗起都想再食。個人建議加少少醋，同埋佢自家製辣菜甫！仲滋味最後雖然好飽，都想食多份紫甘藍餃！出面好少有，我唔食紫色嘅菜，因為多數都好苦好甘。但呢度嘅紫甘藍係甜的第一次食完打破韭菜豬肉餃係絕配嘅諗法…查看更多

Encore再encore嘅餃子不論係湯頭、餃子定小食，全部野都好有心，好開心香港仲有呢啲有心嘅小店。先嚟一個皮蛋開胃，真係溏心，酸薑甜辣好醒胃，每次去必嗌椰菜豬肉湯餃，餃子係女仔半個拳頭咁大，餡靚、豬肉冇雪味已經贏人一條街，湯係飲得嘅老火湯。煎嘅粟米芝士餃又係每次必點，好食到暈，有流心效果，幾飽都好，都一定食三四隻。食辣嘅，一定！一定要加菜甫，直接next level！講起又想食，不過如果星期五六日去，真係要8點前。食到咁上下，成日聽到某啲款賣啲…查看更多

香港人真係好鍾意火鍋，熱愛程度係就算夏天開冷氣都要食！一早聽朋友介紹元朗呢間火鍋店，佢哋話湯底好正，咁一於訂位試吓。就算係平日夜晚都幾full booking店員好似澳牛啲員工咁搞笑，佢哋最推薦花膠雞湯，望落價錢唔貴，一於試吓，一上枱好有驚喜，成個湯金黃色，半隻雞原隻上，同埋花膠都係分開上，咁就睇到有幾足料！一嚟就放花膠落去，落配料前先飲湯。雞湯香濃鮮甜，就咁飲都抵。雞肉都好嫩滑，花膠軟腍。因為唔想煩揀咩肉，叫咗份牛肉拼盤。有牛舌有肥牛又有牛粒，啱哂貪心嘅我。雪花牛睇厚薄一切，唔會太薄搞到冇口感，三秒食得，肉香濃郁其餘叫咗手打丸、餃都好出色。最鍾意蟹肉餃，入面真係有蟹粉，好香鮮味，出面都好少見，正！…查看更多

幾年前已經食過蠔站，咁多年嚟都冇加過價，都有$10蠔。今次係愛爾蘭生蠔，叫咗一打過吓癮。好甜冇腥味，不過有肥有瘦，但都叫過到癮。主菜叫咗鹹蛋軟殻麵，鹹蛋有油香，落得好重手，啲麵索哂鹹蛋碎！好有驚喜！！會encore呢個麵，軟殼蟹都好脆，有少少膏另一個主菜係冬蔭公天使麵，泰式風味嘅天使麵第一次試。青口冇雪味，蝦一般冇特別，但天使麵食到有香料味。幾特別。不過如果二揀一會揀返鹹蛋麵。餐廳員工好nice，有禮貌，整體體驗好舒服。…查看更多

有時去到糧尾想食平啲，其實都可以食得好豐富。佐敦呢間小店主打外賣狗仔粉，大件夾抵食。入面有香菇片、自家製嘅西關瀨粉、辣菜脯同埋勁多蔥，有少少似狗仔粉，一樣咁惹味，唔使$20一份，有時都係一個速食嘅好選擇。但菜脯食落有啲辣，要買定豆漿先至得。另外叫咗一份XO醬炒腸粉，唔係間間小店有得食，XO醬俾得多，有蝦米嘅鹹香，食落唔太油。另外黑毛豬炸糭好有驚喜，好似一般舊式粥舖先至會有，冇諗過呢間小店都會有。個外皮炸得好脆，入邊糯米同埋餡料好多好軟糯。除咗佐敦分店仲有葵廣分店，以後掃街就多一個選擇。…查看更多

呢間野好似開咗好多年，印象中好幾年前已經見過朋友打卡，一路都好想試但係成日都比新野吸引咗，前排想食平平地嘅牛，終於醒起佢。星期六日嘅lunch time嚟食，都唔算好多人，所以有個大嘅梳化位可以坐，幾舒服。環境比想像中乾淨，平時睇朋友打卡以為係環境一般般嘅餐廳。呢一份好似二百尾三百頭，燒到坑紋個樣幾靚仔，但係肉質唔算好驚艷，味道叫唔差。唔會好韌，冇乜特別。燒雞反而己有驚喜，好juicy好嫩，醃料入味又香，火候啱啱好。蘑菇湯都好飲，有粒粒蘑菇蓉，價錢中等，味道食物合格，有機會都可能會返轉頭食多次。…查看更多

好耐之前食過西營盤一間尼泊爾餃子，一試就愛上咗。中環呢間前排都幾多人推介，即刻要試啦。平日有lunch set $78，有餃子、卷餅同飲品，得飲品可以自己揀卷餅入面有啲薯仔、薯條、同炸魚嘅物體，不過不失啦，個皮好厚😂餡料同醬汁可以再多啲餃子應該係辣辣地嘅雞肉餡，配兩個醬汁，一個soft d creamy d，另一個少少辣兩個汁配餃子都好好味！$78試到晒幾款嘢食同飲品都幾抵店入邊位置唔多，應該係做外賣為主，下次試多幾款餃子🥟…查看更多

喺海港城睇完電器、行完誠品，未到六點已經好肚餓，用app一搵見到呢間Cafe有主食又有pancake甜品，就即刻拍板。因為太肚餓所以見到澱粉質即刻忍唔住，叫咗芝士漢堡。薯條炸得新鮮熱辣，乾身，有薄鹽調味啱啱好。芝士漢堡嘅牛肉煎得juicy，麵包烘得鬆軟，芝士係超市嗰啲片裝芝士，加埋沙律汁同生菜，係好味道，不過性價比低。去burgeroom用同樣價錢食到好啲質素嘅burger。第二份主食叫咗海鮮天使麵，茄汁偏甜，有粒粒蕃茄，天使麵掛汁，不過連加一$200頭，餸嘅份量同質素唔算多。呢度仲有flippers pancake，之前未食過，食完覺得有得名過於實，冇乜驚艷。如果有得用coupon都ok，但冇得用就覺得偏貴喇…查看更多

成日話黃店難食（其實都唔係嘅），不過呢間就有米芝蓮加持！所以更加難book位，網上預約要好彩先訂到位，其實餐廳座位唔算多，所以要食到都好講運氣。先來有一盆麵包，配橄欖油同埋黑醋，麵包鬆軟叫咗一碗海鮮湯兩個人分，應該係用蝦煮過，好濃郁鮮甜味，不過價錢就有少少貴不過飲得出全碗都係精華叫咗呢個人人都話必食嘅前菜蟹餅，面頭有少少三文魚子增加返個鮮味，下面係一絲絲蟹肉，肉質爽甜好味重頭戲係呢個carbonara意粉🍝見到個色澤已經流晒口水，意粉係自家製，有韌度好掛汁！必食食到好飽好飽都要叫個甜品，因為好難book位但係可能因為太飽，到甜品已經冇嗰種驚喜，但都係好食嘅！如果book到位就一定會再返嚟食…查看更多

如果想去Cafe食下野但係又唔想去市區同人迫，樂富呢間新嘅日式西餐廳就係一個唔錯嘅選擇。開咗半年左右，平日已經full到爆，平時唔係好見有咩宣傳，見到Menu價錢幾抵就試吓海膽意粉放喺Menu嘅最頭，咁應該都係招牌推薦，一定要試吓啦。黎到個樣都唔錯，忌廉汁入面應該都係加咗海膽所以先咁橙紅色，但係其實識落又冇乜海膽味，而且鹹味都冇乜，望落好多汁但係意粉一啲都唔掛汁不過意粉有少少煙韌，同出邊食到嘅口感好唔同。呢份係蟹肉意大利飯，相對地就好味過海膽意粉🍝蟹肉忌廉汁有海鮮味，每一粒意大利飯都好吸味，仲有一束束嘅蟹肉，會encore!!呢個係蕃茄吞拿魚火箭菜沙律，可能我食唔慣，火箭菜有少少甘味，中間個番茄入邊就係吞拿魚肉，好好味！蕃茄好清新，吞拿魚就好match最後叫埋甜品先走，不過不失啦冇乜特別，唔算特別好食，下次會試吓其他甜品…查看更多

見到blogger係咁介紹，有日經開灣仔就上去試埋，順便hea下，地點算就腳唔難搵上到見到呢個裝修，都舒服嘅但冇啲相睇落咁靚同深水埗一帶cafe差唔多，冇乜析別度，啲人推薦呢度嘅cafe，咖啡我唔好就冇嗌，叫咗Nutella香蕉蛋糕，非常失望俾咗錢之後大概等咗10幾分鐘，望落個樣好唔錯，有兩片香蕉同一pat cream食落口感偏濕潤，但係一啲Nutella同香蕉味都冇，係少少都冇，如果Nutella純粹係點綴，咁都算，但係香蕉味理應係主角，都冇最好食係兩片香蕉，焦糖效果但不得不提環境幾乾淨，店員服務幾好，但食物唔ok應該都冇下次…查看更多

大學時期已經成日去生煎皇，嗰時得旺角一間分店，坐得好迫但係已經知係好嘢嚟，因為性價比好高幾年之後嘅今日原來已經咁多分店豬扒菜飯必叫，豬扒有少少蜜汁味，咬落唔會好韌，不過同樣問題，就係菜飯都冇乜菜既😅😅唔講真係都唔知係菜飯雞絲拌麵，呢個係夏天必點，以為係麻醬，其實係少少甜味嘅冷麵汁，雞絲足料，多啲蔬菜就好喇跟餐嘅小籠包，湯汁夠多唔會乾爭爭，肉餡鮮甜孜然雞翼不過不失，有少少香料味，唔太鹹都ok。試咗幾間分店，水準差唔多，會繼續食…查看更多

行開將軍澳海傍，忽然好想食甜品，見到呢間係人氣Cafe店，估唔到將軍澳都有，咁就一定要試吓啦。入到去已經好興奮，因為有好多蛋糕任君選擇，起碼有超過10幾款。因為太想食蛋糕所以一次過叫咗三款，分別係鬆餅、巴斯克蛋糕，同埋招牌熱情果戚風蛋糕。鬆餅唔係傳統英式鬆餅嗰個樣，好似切餅咁三角形，有玫瑰果醬同埋clotted cream，食落口感好鬆化，有牛油香味，面頭仲有果仁碎，唔錯。巴斯克夠厚實，所以食落好有滿足感，最驚係呢類蛋糕整到勁扁勁薄，食落得返空氣咁。招牌戚風蛋糕最失望，熱情果味欠奉，面頭嗰pat忌廉，冇乜口感又冇乜味，唔會令個蛋糕好食左。餐廳鄰近海旁，比起市區嘅Cafe多一份清幽，下次黎會試埋其他蛋糕…查看更多

朋友話想試台式火鍋，見到呢間不斷有人推薦就試下，黎到點都要試酸菜白肉鍋叫咗鴛鴦湯底，一邊係酸菜白肉鍋另外一邊係麻辣鍋，本身兩個湯底入邊都有啲配料。酸菜鍋入邊有豬肉、寬粉、酸菜，而麻辣鍋入邊有凍豆腐、鴨血。配料畀得好足，唔係得一兩件。酸菜白肉鍋夠酸，有少少辣同甜味，配寬粉就最啱，吸哂湯汁。呢度嘅響鈴似係自己炸，全部都好新鮮冇油益味，放落湯到浸5秒已經好正。金菇都好新鮮冇嗰啲草腥味，不過價錢就偏貴，呢度一細紮好似就要40幾蚊，唔抵食。另外叫咗牛肉冇影相，有油香得來肉味濃，好食整體食物都係好食同埋新鮮，但係價錢就真係偏高…查看更多