LLLu's Profile

已經幫襯咗幾次，覺得食物好味，環境舒適 服務亦很好，今次一家人食超級長腳蟹套餐， 一般酒樓都只是蒸全蟹，但這裏做法是一蟹三味：蒜蓉蒸蟹腳、蟹身椒鹽炸及花雕蛋白蒸蟹蓋，蒜蓉粉絲蒸蟹腳很鮮甜，椒鹽炸的蟹身夠酥脆，只是花雕蛋白蒸蟹蓋不夠花鵰酒味。山楂拔絲咕嚕肉味道很好酸甜度適中很開胃，套餐中的鮮淮山浸時梳可以選擇自己喜歡的蔬菜，南乳燒雞皮脆肉嫩，幫襯了幾次已變成老顧客，所以甜品給我們選擇，揀了美味的紅豆沙，一家人都很滿意的晚餐，尤其奶奶讚不絕口…Read More

想不到假日都有set lunch ，而且便宜又好味！ 龍蝦湯牛角包很有特色，雖然有湯在內但 個包仲係脆嘅。Main couse點了龍蝦汁蟹肉伊麵，伊麵的味道和質感都很好，另外點了冬陰功海鮮意大利飯，味道濃鬱帶一點點辣，好咪！…Read More

帶爸媽去龍華酒店晚飯等佢哋懷緬過去，點了最出名的乳鴿、 咕嚕肉、豉油王大蝦、椒絲腐乳西洋菜和雞粥。服務是好的，但食物質素真是一般過一般。乳鴿味道只是ok，冇驚喜！皮不脆啲肉仲有啲靭，對這間出名食乳鴿的餐廳感到失望！另一王牌咕嚕肉，啲皮唔脆嘅……豉油王大蝦是冰鮮蝦，蝦肉冇鮮味椒絲腐乳西洋菜，老人家食覺得菜好韌雞粥味道還可以，粥底是很傑的粉漿粥，沒有米粒的晚飯期間有兩位結他手到每一台彈結他唱歌，如果怕嘈請勿坐在室內， 結他聲、唱歌聲再加上 食客傾計的聲音在空內困住曬好嘈！…Read More

幾個師奶仔每月都會相約四出揾食，今次試食呢間羲和雅苑，之前去北京旅遊時在北京食過，覺得環境、服務及食物都非常之好，見香港開咗分店所以去試吓，訂咗間望維景的廂房諗住靜靜地吹下水，但伙記每次入嚟都唔關門要我哋自己去關， 每放低一個餸我哋就要去關一次門真係火都嚟， 講過請順手關門溝完都冇用，因為傳菜有幾個伙記，轉個頭又係要我哋自己關。 片皮鴨上菜時伙記會講解鴨的不同部位配不同醬料，但講解的伙記完全heart，面無表情唔願做咁，唔講好過講！我哋叫咗四人套餐五人食，埋單大約二千七， 套餐份量好多足夠五人分享，所以都算抵食，食物質素亦ok！除咗獅子頭配飯，啲飯完全係生米，我問伙記究竟啲飯係特登著成咁生定係煮唔熟，佢話應該係落少咗水。…Read More

好鍾意食牛，會到不同餐廳睇下邊度有靚牛食，因為其他app有半價所以今日試呢間韓式燒烤，叫咗最貴嘅set有牛舌同三款不同部位的牛肉，諗住最貴肉質會最好，Sorry！係我諗多咗！四款牛得一款入得口，其餘三款都好靭咬唔到要成嚿吞，試咗第一嚿好靭，以為自己烤得耐咗， 但我有入廚經驗而且算是煮牛能手，知道是牛的品質問題，無論煮到幾生肉質唔靚煮得幾叻都冇用。另外叫咗牛油帶子，帶子係冰鮮嘅冇乜鮮味 ，真係試一次就夠。…Read More