Wildchildcarol的个人专页

真係大鄉里出城，原來而家中環街市有咁多餐廳，款式仲要好多元化。週末同另一半嚟咗食日本嘢，呢間魚がし日本一個個都讚性價比高，即管試下餐廳位於中環街市地下，開放式吧枱設計，週末近下午茶時間人流唔算多，食客坐得輕鬆的。餐牌供應單點壽司、刺身、手卷、幾款小食、壽司刺身盛合，午市更加有幾款丼飯，價錢合理。另有兩款廚師發辦套餐，定價$398/ 688，呢個價錢食到啲季節食材、日來直送嘅海鮮，中環地段，同意性價比係幾高嘅廚師特選壽司 $398點咗入門嘅廚師發辦，會有10款壽司、1件手卷、同埋茶漬麵豉湯，相當豐富吞拿魚、魷魚、帆立貝、池魚、海膽、鯛魚等全部都非常新鮮，尤其海膽甜滑。拖羅蓉手卷料足，壽司唔會太酸或者太黏，我就覺得真係不錯呢。店員細心，見我哋食到差唔多，就送上茶漬麵豉湯，以雞、鯛魚熬製，有誠意的。最近餐廳推出咗名為Sake Flight嘅清酒體驗，88蚊試到3款清酒，淺嚐嚟講，真係抵的。當日試到嘅福壽純米吟釀、真野鶴純米吟釀、七賢風凜美山純米之中，最鐘意後者，口感好清爽！…查看更多

大約年半前第一次到訪呢間咖啡店，十分喜歡佢哋自家製嘅pastries因為近公司，所以期間都時不時回訪，外帶鬆餅番屋企做早餐。鬆餅：原味｜泰奶｜披薩 $25-28士多啤梨醬、clotted cream +$15鬆餅堂食固然正，就算外賣再自行回烤質素都一樣呢最近仲有鹹口味pizza鬆餅添，外脆內鬆，唔會乾或散，好鬼香，而且大大粒.ᐟ.ᐟ我自己就好鐘意呢種質地。(加配嘅奶油同果醬都好有誠意)芝麻巴斯克芝士蛋糕Strawberry Shortcake芝麻蛋糕口感軟滑，芝麻與芝士味好平衡。仲試埋士多啤梨蛋糕，如果你追求唔係太甜嘅蛋糕，呢個好啱你，士多啤梨忌廉偏酸少少的，配埋香甜果肉，都好fresh，嘻！Matcha Coffee LatteAmericano…查看更多

呢間餐廳其實bookmark咗一段時間，估唔到拖下拖下而家先嚟。咖啡店位於中環伊利近街，落住細雨嚟到，都有唔少客人。咖啡店以淡黃色為主調，店內簡潔明亮而且算寬敞。開放式廚房設計，煮食嘅時候都唔會話好大陣味。呢度主打brunch，全日早餐、酸種麵包、牛角包窩夫、acai bowl等都有，定價$99-148。飲品有咖啡，非咖啡類有茶、果昔、牛奶等，一律單點。Croissant French $99下午茶時間嚟，點咗一甜一鹹，牛角包窩夫擺盤幾精緻的。一份三件，口感幾酥脆，厚身帶啲柔韌感。跟咗ricotta cheese同唔係太甜嘅藍莓醬，算不錯吃。蜜糖會另上，加少少已經好夠Chicken Mustache $145另外點咗飽腹感比較強嘅炸雞扒酸種麵包，視覺效果滿分，好澎湃咁。希臘乳酪炸雞扒外皮硬脆，層皮有明顯嘅甜味，幾香口的，唔會皮肉分離。雞肉未至多汁，幸好跟咗一兜仔自家製嘅蜜糖芥末醬，點嚟食幾好味酸種麵包兩片，略嫌偏薄身同埋硬。Pineapple Cobbler $48Flash Green $65呢杯係好健康嘅果昔，以牛油果、羽衣甘藍、菠蘿、蘋果、香蕉、青瓜等製成。…查看更多

呢個鋪位前身都係咖啡店嚟，接力嘅係賞島咖啡屋，其實喺附近做嘢，都有留意過，不過都係今日先嚟試下。湖水綠門面，座位唔算好多；估唔到平日都幾多人，聽到隔離枱仲係回訪添。晚市嚟到，唔諗咁多，直接點咗二人餐，包咗餐湯、沙律、意粉、主食、甜品同飲品。慢煮雞胸柚子汁沙律都有誠意的，雞胸肉唔柴，沙律菜新鮮。意粉4選1，揀咗蒜油花椒蜆肉意大利麵，唔係初次食呢個配搭，我鐘意㗎麻辣同意粉幾夾的，呢度唔會調味得好重手 (可以多少少辣 仲正) 蜆肉就都係咁上下啦。主食有西京燒比目魚 另有羊架 /豬鞍 /牛板腱；比目魚兩件，口感扎實都滑的，日式醬汁帶甜，不錯吃。甜品揀咗自家製提拉米蘇，跟餐嚟計我要求唔會太高，份量大，質地滑，略欠酒味同浸得唔夠透。畫花𠱁得朋友好開心跟餐仲包飲品，點咗Flat White同Yuzu Soda (唔洗加錢添)。今時今日嘅標準，消費唔貴，而且好飽肚。…查看更多

週日喺西營盤呢間開咗唔係好耐嘅cafe食晏。全店面積唔算好大 (驟眼望到仲有個後花園)。裝潢以黑色為主，走型格路線，有種咖啡加bar概念。主理人都好後生，又有禮貌，對呢度印象幾好午市有套餐 (西式、日式)，另有小食、甜品，晚市嘅單點餐牌會比較豐富，有機會再嚟試下。雞肉意大利飯 配紅菜頭湯 $128紅菜頭湯打到好綿滑，完全冇渣㗎！意大利飯用咗珍珠米，口感幾煙韌的 調味比較清 雞肉粒偏瘦 但唔會乾柴啊Combo Set $118 (前菜、烏冬/飯、小食、兩款主食)另一個餐好日式，小食揀咗明太子玉子燒；主食嘅照燒雞肉丸幾香口。蒲燒鰻魚(+$15) 正常發揮。脆糖香草吉士Croffle $78甜品不錯，牛角包窩夫扎實酥脆，加埋香草吉士醬同雪糕，微甜可以接受，收貨Black Purple $43Cafe Latte +$20芝麻芋泥沙冰幾好飲！芋泥保留芋粒，唔太甜又清爽。Latte都啱飲，nutty口味~…查看更多

爵樂印度餐廳係尖沙咀嘅老字號印度菜，原來曾經拎過米芝蓮推介添，餐廳裝潢幾華麗，座位舒適。入座時候尚早，所以得兩枱食緊晚飯；哇，離開𠴱陣全店滿座 (我諗7點零鐘呢啲時間係peak hour，最好訂枱)餐牌選擇非常豐富，小食、湯、沙律、印式燒烤、素菜、海鮮、雞肉、羊肉、特色飯同印度烤餅等，份量適合三至四個人食，可以試到多幾款。點餐後，陸續上菜，上枱時全部都係新鮮熱辣的Tacos Time/ kerala spiced crabmeat $158/4pcs印度夾餅真係唔少得，夾餅柔軟，點咗蟹肉餡，入面撈咗洋蔥，仲有好輕微好輕微辣嘅醬汁，作為前菜，滿意呢Fish Amritsari $138炸皮比較薄身，唔係硬脆𠴱種，食落有淡淡香料味，魚肉都幾嫩滑，我自己就另外再dip蒜蓉蝦嘅醬汁食，正！！Prawn in hot garlic sauce $188辣椒蒜蓉蝦好味喎，蝦球大大粒，sauce係亮點，蒜香之餘又夠辣。(我會用番個汁嚟送其他嘢)Saag Paneer $138點咗兩款配飯式者配烤餅都好夾嘅菜式，其中一款條菠菜蓉芝士，菠菜熟透，香料味較溫和。而中間有粒粒芝士，芝士好得意，口感似硬豆腐，好有彈性呢！Mrugh Zafrani Korma $158另一款配roti一流嘅係腰果奶油紅花忌廉雞，奶油雞好香，呢道菜不帶辣味，反而多一層茄酸嘅層次，唔會膩口；雞肉份量不少，滑嫩不柴。Virgin Mojito $48Virgin Colada $48雖然餐廳非常繁忙，店員服務都ok，尤其是我哋倒瀉咗其中菠菜蓉芝士，要麻煩店員清理，真係唔好意思呢。…查看更多

就快可以出發去台中，呢排Keep住好心情，最近呢個星期日終於唔打邊爐喇，去咗西營盤呢間居酒屋晚餐餐廳面積唔算好大，近入口位仿日本庭院設計，有個獨立區域，好似間咗房仔咁。其他係吧枱、2-4人枱。餐牌選擇多，小食、炸物、串燒、刺身、壽司、丼、壽喜燒等都有，消費中上。到訪日正值restaurant week，所以佢哋都好full，記得訂位！尤其週末，walk in應該冇位嚕。壽司杯 - 竹 $128壽司杯 - 梅 $108兩款壽司杯都好適合相機食先，有滿滿鹹鮮嘅三文魚籽。海膽份量慷慨，吞拿魚蓉香滑，以金箔裝飾，賞心悅目壽司八貫 $268/ 廚師發辦當日嘅壽司有赤身、赤貝、赤蝦、魷魚、三文魚籽等，基本上都好新鮮。蔥吞拿魚牛油果他他 $168吉列廣島蠔 $128炸蠔夠脆；另外點咗份吞拿魚蓉牛油果他他，口感好滑！雞皮 $28日本青椒仔 $38士多啤梨豚肉卷 $48岩鹽燒雞肉 $48免治雞肉串 $68厚切牛舌芯 $78串燒以免治雞肉丸、士多啤梨豚肉卷同牛舌最好味…查看更多

週末嘅太平山街好熱鬧，間間咖啡店都排隊。特別係新店Goose' Chocolate (即係西營盤Half & Half) 鋪面以復古綠色為主調 綠色珠簾、古董燈、貓貓同鵝嘅裝飾🥰面積唔大，有幾張2人枱同幾個吧枱位，座位唔算好緊逼。二人作業，候餐需時，但店主都照顧到每枱客人，細心介紹餐牌，又會問及用後感，久違呢種小店嘅溫暖窩心！💕招牌朱古力以73%可可製作，入口有明顯果酸。辣味朱古力過癮🫶🏻黑椒碎辛辣尾韻長，口感濃厚。全日早餐幾豐富，focaccia薄脆帶少少煙韌感。煙三文魚正常發揮，另有乳酪、流心蛋、沙律。brioche bun有雪糕加焦糖醬，係預期中嘅好味😋布丁賣哂，點咗啫喱，都幾得意，啫喱扎實又爽。有明顯咖啡香，面頭仲有軟嫩嘅青檸啫喱！加埋脆脆，多重口感。等少人啲啦，一定再訪ˏˋ♡ˎˊGoose’ Breakfast $128Twisted Brioche Bun $78Single Origin Coffee Jelly $58Goose’ Chocolate $65Chili & Pepper Chocolate $75…查看更多

華都到屯市、VCity都冇間似樣嘅咖啡店，年尾見到VCity地下圍咗板裝修中，知道Cupping Room準備進駐，都幾期待最近終於開始試業喇，鋪面開揚，裝潢貫徹品牌簡約風格，以木色傢俬為主；靠近電梯嘅位置對住商場落地玻璃，有自然光透入，所以有唔少人喺度打卡餐牌供應意粉、蛋糕，仲有新店獨有嘅9款crêpes，有鹹有甜，亦都可以on top再追加鐘意嘅配料。泰式香辣忌廉炸軟殼蟹意粉 $162慢煮手豬腩肉配水波蛋 鹹可麗餅 $118肉桂蘋果金寶 甜可麗餅 $108我本身好鐘意帶少少辣嘅意粉，呢個好味喎，泰式蝦𠴱隻香辣，好惹味！軟殼蟹大隻脆口，仲有少少羽衣甘藍可麗餅點咗一鹹一甜，鐘意後者喎。餅皮厚薄適中，忌廉輕盈，跟埋一球雪糕。蘋果粒爽甜，金寶夠脆，如果再重啲肉桂味仲正！Coconut Matcha Latte $65Espresso Tonic $55Tiramisu口感實淨咗少少，爭啲酒香。對我哋嚟講，位置太方便，肯定會回訪。…查看更多

過年前去附近嘅life¿已經留意到對面街有間新嘅咖啡店 - FIKAFABRIKEN。不過當日未有太多食物選擇，所以等到過咗年先試。咖啡店鋪面頗大，以水泥色作主調，招牌係個瑞典「小旅孩」，原來呢個係日本品牌！(店主曾喺瑞典留學)室外有個幾啱打卡嘅位置，當日見到兩隻狗狗呢。 (店家有供應狗狗餐牌)餐牌供應pastries例如肉桂卷、蘋果批、扭紋麵包，另有多士、雞肉丸、湯等。Cinnamon Swirl $48Meat Ball with mashed potato $68肉桂卷微溫，食落幾香肉桂味，又唔會太甜。雞肉丸有彈性，墊底嘅係新鮮薯仔做嘅薯蓉，保留少少薯仔口感 (全日早餐入面都有半份肉丸，所以好夠飽)Hojicha Latte $45 (+$8 Oat milk)Iced Black $40飲品方面除咗咖啡，另有拿鐵、湯力、茶等。咖啡豆選用哥倫比亞、埃塞俄比亞、秘魯的，口味偏nutty。焙茶拿鐵大杯，順滑味唔算濃。咖啡店仲有唔少產品 餅乾、掛耳包、環保袋，我試咗掛耳包，咖啡味好濃，一樣都係偏nutty的。…查看更多

中咗招之後，終於又再次可以堂食喇，週末都有機會去下啲想去嘅咖啡店，最近去過灣仔近汕頭街嘅café t.w.i.g，質素唔錯喎！距離公司又唔算好遠，絕對會回訪咖啡店位於汕頭街，鋪面以白色為主，門口一張藤椅好搶眼，增添咗啲悠閒氣氛兼成為一個打卡位店內裝潢簡約，以純白色為主，一邊吧枱，其餘都係2-4人枱。朝早11點零鐘嚟到，唔算好多人，好舒服！餐牌有甜品例如蛋糕、布丁，仲有美式鬆餅、蛋糕仔等，另有窩夫搭配主食。飲品有咖啡、茶，價錢唔貴 (早、午、下午茶時段有組合價添)Scone: 原味、藍莓、伯爵茶味 $20-25Banana Cake｜Chocolate Cake $35/2推薦呢度嘅鬆餅啊個頭不小，同款兩件仲有優惠。口感係我喜歡嘅類型，外層脆度相當高，內層鬆化，唔會乾口或者散，原味帶淡淡牛油香、藍莓都足料。自家士多啤梨醬清爽微甜，clotted cream厚實 (加錢配)。蛋糕仔都唔錯、好鬆軟，早餐跟杯40蚊樓下嘅飲品有組合價，性價比幾高。我隔日就己經回訪咗，再食炬哋嘅scone，帶番公司當早餐一流Chocolate ShortcakeBasque Cheesecake三層海綿蛋糕夠軟熟，夾層忌廉柔滑，仲加咗啲朱古力碎同黑加侖子果凍，味道濃郁，甜度算幾適中。芝士蛋糕用咗幾款芝士調配而成，質地軟滑，雖然不至於半熟或者流心，但食落都好creamy。Matcha Coffee LatteSalted Lotus Latte飲品當中嘅lotus latte好有冬日感覺，就好似將lotus餅「飲」落肚咁。整體印象良好，我隔日就已經回訪咗，再食佢哋嘅scone喇，嘻！…查看更多

橫睇掂睇都係我鐘意嘅餐廳類型，點解咁遲先嚟呢，種種原因啦，總之第一次嚟，服務比想像中好好多！店員態度殷勤，又好主動介紹餐牌同餐點。店面唔細，裝潢帶日本味道，光線柔和，木枱、麻布簾、食器等配合，好有日式風味晚市坐到呢個榻榻米位，私隱度更高，除咗落單之外，店員都唔會打擾，好啱情侶或者同三四個朋友聚聚。方便起見，最好梗係先喺佢哋網站預約啦，咁就唔洗怕walk in安排唔到。餐牌方面，午市主要供應日式定食，例如三文魚啊、焢肉飯等。晚市嘅悄悄會轉為居酒屋模式，選擇唔算好多，但對於第一次食晚市嘅我，已經好足夠，直頭要再訪先試到多啲嘢鮮魚湯鍋係新品，另有兩款炊飯，小食、炸物、關東煮、茶漬飯等。晚市每位最低消費一款食物及一杯飲品，另收加一，預人均約$400。飲品有SAKE、啤酒、tea cocktail、燒酎等，無酒精嘅有果汁、可爾必思、冷泡茶。三重烤粟米 $88烤粟米係最近嘅新品，佐酒一流粟米一開四，方便食，sauce帶微微微辣，加埋面頭嘅脆片，調味有少少似食緊粟米脆餅。山椒高湯清酒煮蜆 $138清酒煮蜆係見唔少人推薦㗎，好味喎！首先蜆肉夠大粒，好好肉地，數過有13隻，滿滿高湯汁入味，連蘿蔔絲都索哂湯。比起一般嘅清酒𠴱種清爽味，呢個會更濃郁同鮮甜啤酒炸漿炸雞 配蜂蜜wasabi醬 $88炸雞都係期待以久，店員介紹配上本地農場龍眼蜜同芥末製成嘅醬。炸雞大件，外皮算幾薄脆，又唔會話十分油膩，肉質保持到滑溜而唔乾，不錯清酒粕味噌燒A4和牛tataki $345呢個價錢幾進取，我都掙扎緊要唔要放棄呢道菜，然後點牛舌芯，最後都係點咗，哈哈。和牛切成薄片煎香，油脂平均，入口滑嫩，醃料頗重手，偏鹹少少同酒味好強。醬油吞拿赤身高湯炊飯 $228炊飯係幾個嚟過悄悄嘅朋友都推薦㗎，果然好好味喎！高湯煮起嘅飯粒粒分明，唔會太乾，吞拿魚赤身上枱時係生嘅，同個飯撈勻先食，入口柔軟又濃味雪梨酒桶威士忌黑糖醬燒鳳梨 $48黑糖醬燒鳳梨好鬼香甜，作為呢餐嘅尾聲，好滿足。Lemonnade $48蘋果接骨木花燒酎Sour $108…查看更多

連假真係食得夠誇張，除咗新店，其實心目中都有一兩間咖啡店係想回訪的。其中有九龍城嘅YOI，二訪日雖然係公眾假，但由於時間尚早，人流唔多。而家早餐時段有三文治，包一杯熱啡，亦可以加錢轉其他飲品。另有全日早餐、漢堡、吐司 (自家製麵包)、果昔碗同少量甜品。北非沙卡蔬卡 配意大利香草麵包 $108開心果修女泡芙 $68抹茶X焙茶雙色卷蛋 $58北非蛋最近老是常出現，YOI嘅都好啱我胃口呢番茄酸度、香料味剛好，唔會太高水份，有少量辣椒，加埋辣肉腸帶到少少層次感，我鐘意佢夠惹味！  麵包4片，好香，外皮薄脆唔乾硬，氣孔大，有彈性。修女泡芙係encore之選，依然好味，口感鬆脆。反而卷蛋普普通通，外皮濕潤，忌廉輕盈，但味道好淡啊。Espresso Tonic $55White $45/Peru…查看更多

襯放假嚟長洲行個圈，去咗兩間cafe之後，其實都飽飽哋，不過行到近沙灘附近，見到呢度外牆幾靚，又入去睇下啦。呢間咖啡店幾特別，以鹿角蕨植物為主題，大開眼界啊！店內空間感強，只係得幾張木長凳仔，短暫停留歇一歇ok。Menu除咗啡，仲有啲抹茶同一啲佢哋嘅特調，例如陳皮咖啡、柚子梳打咖啡等等，價錢偏貴嘅。試咗陳皮咖啡 ($68)同matcha espresso latte($78)，前者幾特別嘅，配咗fruity豆，帶淡淡陳皮香，唔會太酸，兩者又幾夾。後者認真普通，抹茶味唔夠，咁嘅價錢可以skip。…查看更多

多得Cohee 2.0，我哋先發現到樓下原來有一班神早巴士直達粉嶺(笑)分店地方比錦田店大咗，落地玻璃採光一百分。室內有兩組榻榻米位，亦有室外座位。枱凳密麻，假期預咗會嘈少少，不過整潔度要再注意，咁早嚟都成地頭髮同食物碎。餐牌供應沙律、酸種包、貝果、全日早餐、意粉、蛋糕。飲品有咖啡、手沖、幾款拿鐵、朱古力同茶定價相宜。每次去錦田店都會點帶子農村包，呢度得酸種包或貝果咋，酸種包薄身，食落比較韌，配料新鮮。帶子咁煎法一定好味 (我都係鐘意農村包多啲)意粉沾滿明太子，口感creamy唔膩，小龍蝦少咗啲麻糬卷蛋伯爵茶香味好重，麻糬黏身，表現中規中矩。北海道帶子、三文魚籽、炒蛋洋蔥酸種包 $98 明太子小龍蝦扁意粉 $98伯爵茶麻糬卷蛋 $48Pour Over $58/ El SalvadorEspresso Tonic $48…查看更多