Kurrry0104的个人专页

第一次認識sir berwick係係IG上面。同香港常見簡約文青風唔同，佢大膽嘅美式混日式視角非常吸睛，更令人印象深刻係食物嘅相……見到第一眼已經下定決心，第二個星期就去左探店。舖頭location 係西營盤一個安靜嘅小橫街，一入到去店員姐姐就主動帶位，重親切咁同新顧客介紹menu。我因為怕膩就無叫到店員推薦嘅waffle 野飲set, 而係叫左waffle加咖啡。咖啡是可以refill的，加分。食物好快就上桌。首先必須要講，佢IG誠不欺我，IG張相有幾精緻，食物實際就如宣傳圖……窩夫，炸雞，太陽蛋，樣樣都係新鮮製作，咬落去更不得了，窩夫100分，食物嘅質感勁match。更驚喜係佢唔膩，調味相對溫和，就算食到七八成都停唔到口，每一樣食物無論點搭配都出色，蛋配窩夫，奶油配雞，雞配蛋……上面糖粉都好出眾，可以話每一樣野食佢地真係諗過度過先combine 一齊，勁掂。食到最後非常滿足，唯一遺憾係無飲到店員推薦的野飲，不過唔緊要，已經plan緊encore。可以做到宣傳店面視覺同食物質量都咁出色嘅小店唔多見，一定可以越做越好👍👍👍…查看更多

本身耐無食小菜，疫情關係諗住叫個foodpanda 外賣，見到呢間野下晝開始提供小菜，就抱住好奇心試下。點知中大伏。叫左三樣野，椒鹽鮮魷，薑蔥霸王雞，金銀蛋浸時蔬。先講椒鹽鮮魷。咬落好似食鞋底咁，根本咬唔開，魷魚本身唔新鮮，調味偏淡反而暴露左缺點。炸得唔脆都算，重好重油味，食到反胃。唯一優點係份量夠多。第一次食到咁難食嘅椒鹽鮮魷，都叫大開眼界，比一星都嫌多。薑蔥霸王雞。食落唔知關薑蔥乜事。雞身上面舖左大量蔥，但食落就係硬身白切雞。唔叫難食，不過都唔係好食。金銀蛋時蔬。好難可以難食，佢都的確整得好好睇睇，料足，味道正常。不過白菜中間夾左兩條頭髮，少少想嘔。影左相，但已經食到無心機整得好好睇睇。呢個價求其食間茶記都贏佢幾條街，重唔洗比呢個價。無乜野都唔洗試，有人約都唔好試。真係好耐無食野失望到打差評，你係第一間。…查看更多

晚餐都無食，陰差陽錯同朋友走左入嚟食甜品充飢。原本頹頹地，無諗過食到出色嘅甜品真係可以令人即刻開心返曬！同朋友各叫左一個甜品，先送到嘅係梳乎厘，不過不失，勝在質感鬆軟同唔會死甜，不過兩個人食真係好似食空氣咁驚喜嘅係芒果法式杏仁酥，原本以為份量會偏少，點知佢隨左芒果同雪糕，重有大量微熱嘅杏仁酥同雪葩(？)舖滿一碟，淋上芒果慕絲，滿足感十足！一個人食略多，兩個人食啱啱好！極之推薦！隨左食物，店員姐姐真係好熱情！同佢傾足全程，真係越傾越開心，無諗過食個甜品都咁有人情味！我地遲d就返嚟幫襯呀！…查看更多