JanLiu的个人专页

對於不好辣, 不愛魚, 不喜歡打邊爐的我譚魚頭這名字實在沒有太大的吸引力. 第一次食完全是因為一班朋友的友誼飯局, 不過卻因此令我對此餐廳慢慢改觀. 這裡除了打邊爐原來仲有唔辣的小菜, 而且慢慢發現川菜的麻辣其實都唔錯. 是日約了一班朋友一圍九人, 包了廂房一試新上場的菜式和點心.涼菜:涼伴蟲草花***** - 蟲草花是一種口感與菌類相似的植物, 口感爽爽的伴上麻辣汁非常受歡迎.青雲直上***** - 原來是買相精緻的青瓜層層疊, 配上桂花糖清新開胃仲可以解辣!樟茶鴨*** - 肉質嫩滑而且份量大, 值得一試翡翠白玉**** - 白玉原來是花生去衣煮至半熟, 不淋不硬剛剛好. 加埋芫茜味道相當匹配點心自從知道這裡的點心是由師傅每天在各自餐廳新鮮製造而非工廠式大量生產便非常期待, 始終今時今日這個資本主意的社會下願意不計增加成本堅持食物質素的酒樓又有多少? 宮保雞丁酥**** - 見到佢漲卜卜個樣己經知一定對版 一咬開果然皮薄餡多, 可見師傅功力. 內餡是有少少辣的雞粒, 非常特別的創意點心如但整體略為乾如餡料濕潤一點會更為理想. 始終是新上場點心相信會不斷改進.核桃藍莓叉燒酥***** - 酥皮相當鬆化好好味, 大家都忍唔住食晒成個! 上面加上核桃藍莓點綴又靚又有益. 個酥有手掌心咁大, 平時一客有三個食完即刻飽咗完全唔乎合生意原則呀.脆皮奶黃包***** - 唔係炸流沙包有少少失望但原來內餡花程流質狀而且富有蛋黃香味, 好鍾意~ 有一人咬內餡四濺亦有人獨吞兩個可見奇吸引力!火鍋燒雞公鍋**** - 一鍋兩吃, 先食鍋內的麻辣雞然後加入麻辣湯變成火鍋湯底. 越燒越濃愛麻辣的人一定會迷上.鑽石忌廉鍋*** - 照顧到不吃辣的朋友安排了這個用上忌廉, 木瓜而成的湯底, 第一次用木瓜打邊爐原來都幾得意而且唔會太熱氣, 不過始終雞公鍋野味啲.配料溏心鮑魚丸***** - 野面真係有鮑魚粒和肉汁!安格斯肥牛*** - 有啲似豬肉諗過會唔會係黎錯咗, 不過食落又幾濃肉味唔錯呀譚家自製豆腐***** - 豆腐的小孔吸入大量湯汁, 絕對是火鍋良伴. 入口先是非常濃郁的豆味慢慢開始感到一陣類似燶味. 幸好店方曽預先解釋四川豆腐會有一種不是人人能夠接受的生鐵味, 我想這便是那獨特的味道. 細問下原來為了保存正宗四川豆腐的味道店方堅持自設工場還派師傅親到四川學習正宗做法. 很欣賞他們的堅持亦很喜歡這個豆味~川菜麻辣龍蝦**** - 第一啖是龍蝦的鮮味, 然後慢慢感到嘴角麻痺. 非常刺激的一味, 喜歡麻辣的朋友必選. 欣賞它龍蝦保持肉汁不會乾淨淨.雞汁蘿蔔**** - 蘿蔔吸收了上湯的精華沒有不好吃的理由.泡椒桂花蚌*** - 初見以為用上番茄仔, 識貨的友人解釋原來是一種比較少有麻而不辣的椒. 友人津津樂道的吃了幾棵.四川泡飯**** - 加了午餐肉, 蛋, 番茄粒, 瓜粒的湯飯. 白飯以外的一個好選擇. 甜品紅豆桂花糕**** - 桂花不規則的飄浮在糕內, 紅豆緊緊的黏在一起. 簡單而甜美.皇牌雪糕 – 估唔到會有HD雪糕送, 用佢黎解辣最好不過. 平時食中餐最唔開心就係冇啲好令人滿足既甜品, 今次真係幾開心~無論水準, 環境, 服務都是令人滿意的一餐. 用心的廚房相信食客是可以感受得到的, 下次要黎試下~…查看更多

一早約好要去試agnes b的sandwich 和froyo. 六點幾去到京士頓街的agnes b店, 沿著樓梯上一樓的cafe, 哇...好香呀, 原來agnes b florist就係cafe旁邊. 的花好靚呀, 諗起8支紅玫瑰~ 呢一刻花比食物吸引 Citibank creditcard a la carte menu buy 1 get 1 free, 可以係menu內的salad, coffee, sandwich.晚飯時段好多sandwich 都sold out啦, 想要的兩款都冇唯有選了:BBQ chicken baguette** ($45) - 法包好乾, 雞好鞋Smoked ham and gruyere cheese toasted sandwich**** ($55) - 好味呀因為有好多芝士, 而且個包邊皮香脆中間軟棉, 有質素.Froyo**** ($30) - 要咗原味加palmier crumble和creme brulee sauce. yogurt滑但唔夠酸, palmier crumble好多甜甜地脆脆地都好, 個creme brulee sauce係個waiter推介佢話特別喎 又真係幾得意酸酸甜甜有d蛋味我幾鍾意. 最唔好就係太細杯, 唔多抵.…查看更多

在the mira上完堂八點幾, 與友人十萬分肚餓便到就近的the one醫肚. 見到呢間唔使等位即入.環境不錯, 是cafe style的餐廳沒有一般西餐廳的拘謹. 位於較低層所以只有樓景, 浪費了兩邊的大玻璃窗.三個人要了:Chicken masala linguine*** - 意粉有咬口, 番茄base所以味道較清淡, 是健康的選擇. 雞如大部份的西餐用了胸肉, 非常鞋.Spaghetti Carbonara***** - 不太健康的我當然選擇最肥膩的carbonara啦~ 上次喺element個間1882食過好多油, 今次這裡質素非常好, 唔油, creamy, 意粉有咬口, 煙肉香, 有蛋味, 我食唔停口~ 不過咁夜食真係勁guilty.Pepperoni pizza** - 薄底但中間淋晒而且比較油, 非常一般!雖然好飽但緊持要了想試好耐的signature dessert:Tiramisu***** - 超級推介. 濃滑, lady finger 濕潤有酒味和咖啡味. 好鍾意呀! 朋友唔鍾意食甜品, 我一個人食晒~這兒有很多特式飲品, 下次一定要試~…查看更多

每一次想食burger都會諗起burgeroom因為一年前第一次食覺得它真的極美味, 絕對是best in the town. 可皆它位置比較偏僻所以再到訪已是一年後. 因己有一定名氣所以客人源源不絕亦因此餐廳增加了很多桌椅感覺比以前商業化, 失去了當初悠閒的餐廳文化要了:Curly cheese fries**** - 一見到覺得好似唔夠cheese喎, 所以加 $8要extra cheese佢就比咗一杯溶了的chadder cheese我dip, 超肥.Double decker**** - 朋友order時加$8要extra cheese其實冇需要因為本身已有芝士. 呢度的burger真係ok, 好juicy, 不過今次比較咸有少少失色而且真係幾油食完超級guilty... order時要求不要把burger分開一半但可能太多人店方未能像以往般照顧客人需要, 這便是成名的代價?…查看更多

第一次探路豚王失敗後過兩日晚上再碰碰運氣, 六時半左右到達, 好似唔係好多人.望真的對面街點解咁多人? 哇, 唔係呀, 成三十幾人排緊隊...即時放棄, 又係行前幾步見到呢間俾佢既 roasted prime ribs吸引咗.Spaghetti Carbonara**** $98 - crispy bacon and sauteed onions tossed with cooked spaghetti, beaten eggs and parmesan cheese. 好靚既presentation, 濃郁的蛋汁掛在軟硬適中的意粉上, 幸福~ 美中不足是bacon沒有煙燻味Prime rib original sandwich, westwood size** $98 - U.S.D.A. prime rib, creamy horseradish on ciabatta bread. - prime rib 有一半係肥, 唔熱, 冇肉汁. 幻想一下把凍的肥肉放入口...真係極難食. 伴碟有幼薯條和一個原個蘋果. Chocolate brownie with ice-cream*** $58 - using 66% Pur Caraibe chocolate. 個名好似好professional咁當然會有的期望啦, brownie比較鬆唔係我喜歡的chewy而且朱古力味唔濃. 最重要係brownie唔熱, 令個dessert失色不少!!! 唯一欣賞是vanilla ice-cream見到有vanilla seed所以一入口都好香, 但只維持短時間很快便出現一種冰感, 相信是水份太多奶和cream太少.* menu選擇不多, 連主打的rib steak都唔得相信唔會再幫襯. * 有一位女wairess落order時態度麻麻, 食物到咗但有客人所以叫我地轉枱, okay冇所謂啦做生意我明白. 但等咗好耐都未安排好新位置, 都唔知食唔食好令我個carbonara凍咗d, 非常annoying. 最重要係態度依然唔係咁好!…查看更多

早在豚王未成名前已相約朋友一試, 為避免中午時段的人潮而安排了一個early lunch. 十一時半左右到達, 遠望看不見人龍不禁暗喜, 行近一點...咦未開喎... 再行近的老板便向我們: 'su-e-ma-ser'. 原來拉麵師傅不滿意自己當天的湯底質素所以決定中午暫停營業...我同朋友都呆咗...可能太過失望個腦完全諗唔到附近有咩好味所以行前幾步見到食pasta既Te就入咗去, 唔想再行, 亦唔想諗, 唔想排隊.Te - 日式意粉速食店有十五個選擇左右, 看圖選好, 排隊俾錢, 把號碼放在桌上, 五分鐘內送到.朋友的 tomato shrimp spaghetti $58- 冇咩味, 佢用悶來形容這個意粉. 食咗一隻蝦, 還幸是爽口有蝦味的.我的spaghetti carbonara $50 - 唔creamy但都唔算乾, overall唔算太差起碼spaghetti有咬口. 不過食完冇幸福同滿足的感覺. garlic bread是淋的, 失望.呢餐真係好灰, 我食個pret sandwich可能會開心的.* 中等價錢, 份量合理. 以速食心態它是達標的, 但如非必要唔認為有需要試, 亦冇再光顧的理由.…查看更多

係雜誌見到銅鑼灣開了一間新cake shop, 因為chief 係來自 Grand Hyatt加上深怕佢好快又會像其他cake shop 如tony wong, paul lafayet, thomas trillion出了名便變成天價, 所以便決定即日一試.位於食街的它室內有一個小bar, 枱室外亦有數張桌子供客人慢慢品嚐咖啡和蛋糕~ 環境唔錯, 食完飯同朋友黎食件蛋糕飲杯咖啡一樂也.晚上7時左右到達, 仍有十多款蛋糕, 件件都好精美好吸引店員好好人見我有選擇困難症便給了apple studel我試食. 呢個係拿破倫的變奏版, 鬆化甜美. 之後店員又俾咗d曲奇我試, 幾香牛油味, 沒有jenny bakery般鬆但比曲奇四重奏的化.紅豆綠茶蛋白卷$29**** - 選這個全因grand hyatt之名. 蛋糕非常鬆軟, 綠茶味清香與紅豆各領風騷絕不奪去對方風頭.辣味朱古力$32*** - chocolate truffle外層加入pepper和cinamon所以有辣的味道, 中間有一層chocolate sponge cake和一層脆脆, 底部是果仁brownie. Truffle唔算滑而且唔鍾意辣味...我都係唔應該太勇敢試新野...下次要試埋其他cake, 仲有佢都有出售麵包, 個cheese bread都好吸引!…查看更多

2010年最後一日男朋友一早便在這兒book了位與我一起食午飯.落地玻璃雖然沒有美麗的海景, 但空間感足夠絕不嘈吵, 客人可以悠閒地享受美食. 一坐下男朋友便order熱咖啡, 我要熱水. 熱咖啡濃而不苦不澀, 欣賞體貼地用上熱奶更欣賞那特別的糖瓶落order後waiter 便送上Welcoming bread: cheese scone - 超好味!!! 微暖, 伴上牛油和鴨肉豬肝醬, 忍唔住食曬~ 之後waiter問需唔需要refill...每人再encore多件 Lunch set:Appetiser: Foie gras and pork terrine. Warm brioche, date puree - 冇welcoming bread 個scone和醬咁好味~ 法式曖包唔係太暖而且比較硬. 個鵝肝豬肉醬亦唔夠香.Main courseWaygu, pancette & chese burger. Creamed horseradish - 餐廳自動把burger一分為二, medium cooked做到剛剛好. 一咬肉汁湧入口, 唔會太油, 幾好! 不過個包上層就比較乾, 好似隔夜咁...下層好d因為邊位微脆而且吸了牛肉油汁, 好味. DessertWhite chocolate creme brulee. Seasonal berries. - 焦糖厚度適中, 燉蛋不像lafayet的軟滑反而是比較厚身的, 不同的口感不同的美味食到好飽啦, 突然waiter捧出一個圓形炸彈, 哇好大個呀!ja***, ja****, ja***, ja***, ja******原來男朋友一早預訂咗呢個甜唔驚喜~放完煙火之後我就開始研究佢, 初時以為係一個大mousse/truffle所以不停咁想督開佢, 但個chocolate shell好厚督極都督唔入...終於有人忍唔住幫我把個shell拿起, 原來裡面係我最鍾意既心太軟!!!濃郁的朱古力流心, 圍邊的蛋糕外脆內軟~ 十萬個好味!!!唯一係個香芧味的雪糕比較奇怪, 我相信店方係想用香芧去match番chocolate bomb呢個主題, 但始終心太軟都係應該配vanilla味! 個chocolate shell 係valrhona 65% 製成, 食唔晒打包咗返屋企慢慢食~ 一個好悠閒滿足的lunch, 甜美的驚喜為2010作完滿的結尾! :)…查看更多

係上環食完晚飯好飽, 散下步行行下就去咗西環, 諗起朋友提過的甜品堂試決定一試. 完來好近BBQ.小店裝潢十足課室, 相信店主target懷念校園時代的成年人而非每天只想離開課室的學生.其實好多選擇都幾吸引, 好辛苦先擇出呢兩種.人手唔夠, 等咗好耐都冇人得閒take order. 好彩有部電視, 全場食客都望到實.Tiramisu***** - 好moist, 酒和咖啡味充足, 入口溶為一體, 我鍾意mascapone芝士層香滑足料, 見唔見到一粒粒vanilla seed? 好幸福~心太軟*** - 呢個甜品足足等咗差唔多45mins! 相信係因為店內只有一個非常細少的家用焗爐每次只可焗一至兩件... 唔太流心, 朱古力味唔夠濃, 雪糕是牛記出品, 冇fantasy…查看更多

一直想試位於街市的ABC kitchen~ 因為喜歡西班牙菜, 更加想試一試是否如眾人所說的美味.始終是街市, 不要對環境和服務有不設實際的期望, 但不用擔心起碼食客全是斯文人.餐包*** - 熱上, 不過不失. Seafood paella**** - 飯粒有咬口, 充滿salami的煙燻味, 唔錯. 海鮮新鮮但蜆內有沙要扣分!Roasted suckling pig**** - 乳豬個皮最外層極脆之後是滑滑溜的肥膏然後是嫩滑的豬肉, 好欣賞個皮~ 不過得兩件而且其中一件係八成肥, 應該改善一下. 薯蓉非常滑相信落咗好多牛油不過唔理咁多食唔停口~兩個人食完真係好飽, 要散下步先可以再食甜品.*都幾full, 最好打個電話留定枱以免失望.…查看更多

星期四晚上約了兩位靚靚甜魔掃銅鑼灣. 第一站先到Yogo試食近來勁hit既yogurt.Yogo 位於銅鑼灣St. Paul 附近, 地點雖不算正中心 但顧客卻有不少. 除了年青人, 還有小朋友, 大朋友, 一家大小 好不熱鬧.經店主解釋後知道店子每天供應多種不同味道yogurt和三十多款配料, 目的是滿足不同客人需要. 當天yogurt味道有: 原味、士多啤梨、芒果、綠茶及荔枝, 當店員主動邀請我們試味時, 貪吃的甜魔老實不客氣一次過試勻全部味道! 此店yogurt味道比坊間的較淡, 不是不夠甜而是乳酸味不夠凸出. 店主表示希望配合大部分香港人不接受太甜和太酸的口味, 加上出品沒有加入人工香料 全天然成份, 所以味道會偏淡. 最後我們選擇了最為討好 清新香甜的荔枝味. 終於可以選配料了, 三位甜魔面對眼前多種選擇興奮莫名. 幸好這兒的yogurt 和配料是以重量計, $15/100g任擇一次試多幾款絕對適合貪心的我. 一輪左指右點後要了芒果粒、奇異果粒、藍莓、oreo餅碎、杏仁碎、朱古力粒、mochi及椰果. 混和配料後荔枝味已被淹蓋, 不過配料香脆新鮮而且會不定期加入特別款式, 如當天便有新出品mochi (小粒糯米滋)煙煙韌韌 足以令我吃得笑咪咪. 其實都好底, 呢杯都係$35咋. 而且如果顧客肚餓可以要多的, 細食可以要少的, 越諗越覺得呢個收費放法好體貼!非常欣賞這裡堅持天然健康的味道和配料的選擇, 但如果天然的乳酸味能夠強一點對我來說會更合胃口呢!…查看更多

年初八, 甜魔元朗拜年掃街日新年路過後街驚見西灣河竟然開了一間靚靚餅店, 既然係甜魔聚當然要買來做手信給大家試試啦本想買蛋糕但因太早沒有供應, 只好買brownies 和 cookies代替.一打開包裝袋, 濃郁的朱古力香散開吸引各甜魔的注視. 一輪拍照後急不 待立即試味:Walnut brownies**** - 58%朱古力, 正宗外脆內軟. 沒有Mrs Fields 的chewy和濃郁但味道經已很不錯. (另有沒有果仁的80% brownies, 老板娘好好人俾我試食, 質感比較軟不太合個人口味) 不過一包得六小粒, 略為有點不值.Peanut butter chocolate cookies*** - 有很多不同味道選擇, 第一次試選了比較安全的花生醬味. 這裡的曲奇多數是脆身的, 而這個中間有軟的花生醬粒. 每件一口大小, 是不錯的小吃. 店內有兩個小瓶放滿朱古力, 細問下原來不是店子自製亦不是用來出售的 而是老板娘給客人品嘗的小小心意, 很窩心呢!下次一定要試試這兒的蛋糕和其他特別味道的曲奇.…查看更多

曾經多次尋找位於尖沙咀的韓國街不果, 原來我一直誤到金巴利道, 非金巴利街.門面不光鮮不起眼, 以敞門式設計有點像韓劇內的家庭式小店.地方不大, 只有三張枱大慨十多個坐位. 由一對韓國夫婦經營, 他們會用簡單的英語和客人溝通. 老闆笑容非常親切, 浦坐下便會放低印了食物相片的menu和一張格仔紙. Order 食物完全不受語言阻隔, 因為每種食物都有一個號碼, 只需在紙上選擇數字便可.裝飾簡陋的店竟然有一個非常特別的鐘, 有趣.三小碟前菜：泡菜、辣蘿蔔、蘿蔔片 - 最特別是蘿蔔片, 又爽又甜.烤牛肉飯***** - 牛肉原汁非常美味, 配料有紅蘿蔔絲, 椰菜, 洋蔥等, 加上韓式辣醬和有咬口的飯粒, 伴混後啖啖都是豐富滿足的. 這是朋友點的我卻十分喜歡.炸醬麵*** - 老闆一放下便叫我們要吃了這個先, 我想是因為麵涼了會不好吃吧, 很細心. 這個麵沒有我在韓國時吃到的有彈性, 不過還算煙韌和軟滑. 炸醬裡有很多洋蔥和少許一粒粒較硬我估是肉的物體. 這個醬是甜的而且有點像麵豉味. 我點的朋友竟然比較欣賞~每碟$50, 冇加一. 始終是家庭式經營食物選擇不會太多, 但我很喜歡這種地道的韓式住家感覺, 親切美味~…查看更多

12月26日 - boxing day lunch一直聽聞柏廷坊有很多好餐廳, 今次朋友選擇了這間主打地中海菜 La Brezza Bistro. 這裡佈置充滿歐陸風情, 感覺舒適. 可能因為是假期所以只有三枱客, 非常寧靜令我們也不大好意思大聲說話.Set lunch:- Bread- House special salad (unlimited refill)- Daily soup ( 薯仔豆蓉)- Main (有四種選擇: 豬, 羊, 魚, penne)- Coffee or tea (include mocha, cappocino, latte)- Daily dessert法包夠熱外脆內軟, 但不是應該配湯嗎Salad 很豐富, 鴨胸非常美味. 火雞雖然比較鞋但十分應節, 欣賞餐廳的心思. 整體較乾需要另外要求意大利油醋. 服務員哥哥見我們吃得差不多便問需不需要refill.... 吃完這個沙津已有半飽, 不用了吧.薯仔豆蓉湯, 很滑很香牛油味, 不錯. 但這個時候包已放涼變硬了芝士忌廉汁蟹肉penne***** - 本來是跟tomato suace 但我特別要求轉做cheese cream sauce. 醬汁看似不多但其實足夠伴和所有長通粉. 濃郁的汁, 啖啖蟹肉, pasta 有咬口, 美味.蟹肉番茄汁長通粉**** - 和上面的一樣, 只是汁底不同. 本人還是較喜歡忌廉汁.羊腿配忌廉白汁伴薯蓉 - 我不吃羊, 朋友說味道普通. 我反而很欣賞在底下的薯蓉, 既香亦滑.Char grill pork rib***** - 出乎意料的好. 肉爽而且juicy, 很驚喜的一味.熱cappocino 和凍mocha - 兩者都有點過苦, 還可以吧.Daily dessert 是creame brulee, 另可加$40可轉 心太軟/panna cotta. 心太軟 - 裝飾十分漂亮. 外面微脆, 中間流心雖然不多但有朱古力味. 雪糕不夠香滑. 最重要是太細個, 不滿足.Creame brulee*** - 焦糖厚薄得宣, 燉蛋還算滑. 不過整個是冰凍的, 像從雪櫃出來, 感覺有點怪. 實在太飽我們無法完成.這個餐大慨$14x, OR coupon 仲有折, 最後大慨$130, 超值~…查看更多

隱蔽的餅店, 美味的蛋糕.全英語對話, 不懂嗎? 可指手劃腳買cut cake, 但絕冇法order whole cake. 雖然它們的主要客路是外國人, 但始終對很多人不便吧.White chocolate cheesecake***** - 好幼滑, 芝士味香而不膩, 內裏有很多細小的白朱古力粒, 入口輕易和芝士蛋糕一起溶化, 我喜歡. 唯一要彈的是圍邊的餅底過多, 粗糙又唔香, 實在無法完成, 最後餘下整個餅邊冇人食.整體十分推介這款蛋糕. 另外亦吃過這兒的chocolate truffle cake. 好滑, 好濃朱古力味. 不過真的太膩, 好像把一大件朱古力磚放進口. 連極度喜歡朱古力的我亦不能吃太多.兩種蛋糕我認為前者較佳.…查看更多