全文的个人专页

今日係全港的大日子，好多人都和我一樣，即使要排隊仍要投下神聖一票。完成重要使命之後，便和死擋一起去吃石燒牛肉。餐廳是位於荃灣享和街，人氣非常旺盛。 呢度有數款牛的不同部位可供選擇，份量可以選100g、200或300 g。我們點了一份200g 的牛腹心肉和一份200g牛側腹肉，另外加選了可樂、沙律和例湯。 沙律菜非常爽脆，特別的是上面加了蝦乾，所以食落很香口。 例湯是牛肉清湯，原汁原味的牛肉湯很好飲。 兩份石燒牛肉同時出場，右手邊的是腹心牛肉，而左手邊的是牛側腹，送到來時，牛肉是預先燒成一成熟，熱氣騰騰的。然後讓我們按個人喜好，再加燒至滿意熟成度。比較上，腹心肉較腍身一點，而側腹肉就較結實一點。食落兩款肉都很有肉味，而且充滿肉汁。 餐廳更提供兩款特製醬汁，一款是紅酒牛肉汁，另一款是阿根廷青醬。兩款醬汁食落都跟牛肉好夾。如果唔點這兩個醬汁，客人亦可簡簡單單加些海鹽、黑胡椒來吃，味道一樣是極佳。 所以，如果要去吃石燒牛肉，我們肯定會投這間餐廳神聖一票。 …查看更多

今曰去咗坑口東港城行街，去到一間賣床上用品嘅時候，店員落力推介一個超正嘅枕頭，我覺得唔算太貴，就買咗一個，見隔離有間食店叫做謝謝儂嘅店鋪都好多人等位，原來係食京、川、滬菜嘅，等咗一陣，店員俾咗一個門口位置嘅座位，女朋友睇完餐牌後叫咗一個謝謝儂小籠包，一個干貝賽磅蟹，安格斯肥牛上海抄麵，我叫多一個響油鱔糊跟夾餅，小籠包有4粒，每人可以食兩粒，熱辣辣，肉汁又多，跟住到賽螃蟹，好滑，配白飯一流，鱔糊同安格斯肥牛抄麵都嚟到，鱔糊味濃郁，配夾餅食都好正，炒粗麵嘅肥牛都好多肉質好冧，味道唔錯，兩個人食得哂咁多嘢都好飽，下次叫多幾個人一齊嚟，呢度啲嘢食都好多種類，又大碟。…查看更多

休息日同老友飛杌欣去咗旺角朗豪坊睇戲，散場後係付近嘅歐美廣埸一樓嘅滿江紅小甜甜食飯，而家係旺角區食飯都唔使等位，好快侍應就俾咗兩個位同放低餐牌，老友睇完餐牌就叫咗一個蒜蓉生菜，其他問我想食乜，我叫咗侍應埋嚟，問佢有乜好嘢食，佢推介酸菜鯇魚湯，有湯飲又有魚食，特別推介黃酒豬手，我叫佢先來兩支啤酒，黃酒豬手同蒜蓉生菜先到，豬手炆得好香，肥叟適中，入口啖啖肉，生菜抄得好香蒜蓉味濃，跟住湯都上枱，魚肉好滑，酸菜湯好開胃，·配埋白飯更加正，老友覺得呢間飯店餸菜都好味，下次可以約多幾個老友嚟。…查看更多

放工同幾個工友去咗旺角花園街睇魚缸，考慮係屋企養魚，咸水魚係好靚，但好難養，淡水魚易養啲，但冇咁靚，睇咗幾間舖之後決定過幾日先買一個套缸500至1000元，學吓先，睇完魚缸後工友話不如食埋飯先走啦，咁啱隔離街有間寶哥火煱可以任飲任食，啱哂我地幾個大食怪，一去到就係大堂先攞飲品，湯底就揀咗猴頭菇鯊魚骨湯，有一個海鮮拼盤送，包括有聖子皇，鮑魚，蠔，大蜆，海蝦同班片，其他配料揀咗手打三寶丸，鮮蝦雲吞，鳳城水餃，招牌菲菜餃，手切封門柳牛肉，頂級安格斯牛小排，本地新鮮牛脷，白鳝片生菜同西洋菜，飲品就要咗啤酒，有工友就飲大龍鳳可樂，其他飲品可以係大聽自取，好多選擇，先嚟係嗰湯底先，好多料，猴頭菇好大個，跟住就係海鮮拼盤啦，好大盤，賣相同擺位都好靚，先食蠔先，好大隻又肥美，聖子皇放落去數秒就食得，非常鮮味，鮑魚都唔細，同工友一路食一路吹水，其他火煱配料都嚟啦，手切封門柳牛肉，我都係第一次食，牛味濃郁，手打三寶丸好彈牙，幾個人飲吓食吓講吓又夠鐘走人，兩個鐘任飲任食都係啱啱好。…查看更多

下午同朋友經過荃灣楊屋道，係荃新天地一期一樓嘅蝦麵店，環境都幾好，就係度食嗰午餐先去行街，睇完餐牌朋友叫咗咖哩叻沙海鮮麵同凍檸檬茶，我要咗咖哩叻沙蝦肉肉片麵，小食有脆香魚皮，馬來香炸雞翼同生菜一碟小食同飲品先上，脆香魚皮又多又香脆可口，馬來香炸雞翼，外皮炸到金黃色，肉質美味，皮脆肉嫩，跟住兩碗麵都到咗，我嘅蝦肉肉片麵好大碗，蝦肉好鮮甜，配埋叻沙湯更加好味，朋友嘅海鮮麵嘅賣相都唔錯，味道都好正，抵食夾大碗，朋友話下次可以再嚟過。…查看更多

一個人食飯，去了荃灣麗城的太興。原來呢度的晚市套餐特抵食，抵食之處係，一般的分店係需要加19蚊才可以轉套餐，而呢間係逢星期一至五晚都有特別優惠，無需加19蚊就可以轉套餐。套餐係咩意思? 就係小菜加白飯，再加餐飲。 今晚食咗個D38 海皇豆腐煲，跟了白飯一碗和熱奶茶一杯，成惠68蚊，算抵吧。 奶茶先上，茶味一般。 等咗10分鐘左右，個海皇豆腐煲終於出現。奈何，個白飯又要等多5分鐘……人多喎…..搞到杯奶茶凍晒先上齊嘢，下次都係 “叫上” 才上。 個豆腐煲係熱辣辣的，咋咋聲的。材料尚算豐富，有蝦、魷魚、魚塊、西蘭花和豆腐，味道都不差，啲汁仲可以用來撈飯。…查看更多

今早上班前去了金鳳食個靚早餐，呢度有好多款早餐可以選擇，最平的三文治餐唔使三十蚊有交易。想食豐富啲可以選擇麵餐或扒餐。呢度啲質素好過大家樂、大快活、美心嗰啲，價錢很公道。 我要咗個沙爹牛肉麵，跟牛油多士、炒蛋和熱咖啡，36蚊。 炒蛋係3.6牛乳，可以選擇原味或選配料蘑菇和番茄，我就選擇咗番茄。 咖啡夠濃，飲咗好醒神。炒蛋好滑，加咗番茄的炒蛋就多咗分鮮甜感。沙爹牛好腍，啲沙爹汁味道都幾惹味。而麵底質地都OK。食到好飽，充滿力量去返工。…查看更多

好耐都未試過咁得行，可以約埋啲老友去食飯，朋友揀咗一間位於銅鑼灣謝菲島嘅熊本食燒肉放題，一行4人係七点半就上到食店，好在一早訂咗枱，唔使等位，侍應同時放低個点菜机，可以係部机裏面選擇所需食物及啤酒，朋友已經点咗先食刺身，包括有三文魚，甜蝦，帶子，頭盤嘅刺身都好有水準，跟住到海鮮拼盤，包括有海蝦，鮑魚，蠔同蟹蓋，海蝦好大隻又鮮甜，啖啖肉，但蟹蓋梗加好味，鮑魚都大隻，跟住到主角啦，安格斯牛肉眼，牛里肌肉，厚切牛舌，岩燒雞翼，大聰雞肉串，明太子雞翼，厚切五花肉，日式骨付腸，多春魚，三文魚鮫，先放岩燒雞翼同明太子雞翼係兩边，等佢慢慢燒，再放安格斯牛肉眼同牛里肌肉，熟後再擺係岩鹽上面，再放入口，味道一流，牛味濃郁，到食明太子雞翼啦，有少少辣，但好惹味，岩燒雞翼就燒得金黃色，皮脆肉質鮮嫩，多春魚同三文魚鮫都好肥美，幾個人不停咁食，話咁快就兩小時，又夠鐘埋單。…查看更多

今日無所事事，約咗女朋友去咗西區行街，唔知係咪太耐無去，感覺煥然一新，完全脱離咗舊城市咁，好先進，環境又好，座立於地鉄站斜對面有間叫阿元菜市場嘅食店，人頭湧湧，好不熱鬧，就排隊等位，入座後，睇完餐牌，女友叫咗一個沙朗牛肉現炒石頭火鍋，我就要咗頂級牛小排配十全藥膳湯，發覺原來大廳啲配料可以任食，菜嘅選擇好多，飲品要咗珍珠奶茶和茉莉綠茶，侍應先將洋葱放落石頭火鍋慢炒，跟住再放沙朗牛肉，混合炒咗一陣就食得，牛肉好冧，洋葱香甜，跟住放上湯就可以加菜落去淥，可以慢慢嘆，我嘅牛小排就等個十全藥膳湯滾，跟住放小排落去，一陣就食得，牛味濃，又夠冧，配埋碗魯肉飯梗加冇得頂，飲埋杯珍珠奶茶，簡值完美，飽擦一頓後，就搭地鉄返女友回家。…查看更多

由於成日都要行街，所以攪到对鞋都爛咗，放工就去咗旺角行波鞋街，係波鞋街行咗成個鐘，終於買咗一對靚波鞋，雖然價錢貴咗少少，但係買到心頭好都係值得嘅，跟住行多一陣，見到付近一間食店 叫美味小鮮肉，一坐低就叫咗一碗豬肉餅湯麵，小食叫揀咗炸春卷，飲品揀咗百事可樂，可樂係最快嚟嘅，跟住到碗麵，肉餅都大件又多，麵都好爽，冇皂水味，加少少辣椒油梗加好食，春卷炸得香脆，入口脆卜卜，一個簡單嘅麵餐好快俾我食哂，跟住帶埋戰利品回家。…查看更多

牛陣係我成日去嘅食店之一，今日又約咗朋友去食放題，貪佢可以任飲任食，放工七点半係銅鑼灣行一陣，會合朋友上到去牛陣都係八点零鐘，坐低叫咗一個冬陰公湯底，再叫牛肉，豚肉，同海鮮，另外又係大堂攞咗啲菜，肉丸，粟米同腸仔，先試啲牛肉，好冧，冇渣，同冬陰公湯底都好夾，飲品都有好多選擇，我地要咗兩罐生啤，跟住再試豚肉同海鮮，蠔同魷魚都好鮮甜，我地再係個冬陰公湯內放多幾隻辣椒，等佢可以辣啲，朋友再放牛肉落去，食嘅時候覺得又香又辣，味道唔錯，牛肉好快俾我地食哂，叫侍應嚟多兩盤，食咗兩個鐘，大家都覺得抵食，話下次叫多幾個嚟。…查看更多

食韓燒梗係去尖沙咀麼地道帝國中心嘅韓珍啦，上次同朋友食過，今日同女朋友嚟食，叫咗一個韓牛西冷牛扒（300g）同埋一個部隊鍋，飲品要咗啤酒同奇異果汽水，韓牛好大件，侍應幫我地燒，見佢好熟手咁燒完兩邊之後，又剪開一舊舊再燒，跟住就熄爐，等我地可以慢慢嘆，韓牛入口好冧，配埋嗰汁更加好味，（300g) 韓牛好快比我地食哂，女友讚口不絕，跟住部隊鍋上檯，好多料，味道有少少辣，好在有杯啤酒解渴，女友杯奇異果汽水好大杯，真係食到走人都未飲哂，女友覺得今餐韓牛好抵食，前菜都好好食下次又嚟過。…查看更多

今日又約咗朋友去食好嘢，老友介紹係尖沙咀廣東道82號流尚坊8樓間餐廳叫AminaModernEuropean，入到裡面，覺得好似一間酒吧咁，好多酒類飲品同各式各样嘅酒杯，侍應放咗幾個餐牌我倆，我地揀咗一個芝士拼盤，主菜揀咗炭燒日本宮崎A4和牛佐花棷菜及辣根瑪莎拉酒醬汁，又叫波士頓龍蝦配橙花蜜桃及鱘魚子雲呢拿奶油醬，先嚟係芝士拼盤，有幾款不同口味嘅芝士，各有特色，跟住就係炭燒日本宮崎A4和牛，侍應介紹我地飲 AUNTSFIELD呢款酒，食一啖A4和牛再飲一啖紅酒，真係冇得頂，再嚟嘅係波士頓龍蝦橙花蜜桃及鱘魚子雲呢拿奶油醬侍應又介紹我地飲PARKER，飲落又幾好味，跟住再食埋個甜品就大滿足啦。…查看更多

放咗工約埋太太去咗深水埗行街同食飯，行到有啲肚餓，就係附近揀咗一間係福榮街叫一福嘅日式食堂，太太叫咗一個洋風香草汁原個醬茄冷拉麵，碗麵勁多番茄，賣相好靚，太太食到停不了口，我就叫咗一福刺身盛同鰻魚飯，刺身都好鮮甜，又有我至愛海胆，海胆味道超正，鰻魚做都好大碗，鰻魚肥美非常，我又追加咗玉子同叉燒，叉燒非常之冧，飲品叫咗蘋果梳打汽水同蘋果酒梳打，兩杯飲品嘅蘋果味都好濃郁，太太都贊口不絕，話下次可以再來。…查看更多

今日係女朋友生日，同佢去咗橫浜水產食呢個美國牛肩肉火鍋放題十刺身套餐，先嚟係刺身，包括有三文魚，北寄貝，甜蝦同帶子，幾款刺身都好新鮮，食咗幾次先食火鍋，又可以係出面攞啲火煱配料，放係出面嘅配料都有二十幾款，飲品又多選擇，先試牛肉，味濃，跟住到雞肉同黑豚肉，黑豚肉切得好薄，好快孰，配埋嗰自己調制嘅醬汁，味道唔錯，女朋友自己行咗出去攞咗啲火鍋配料，包括有粟米，芝心丸，冬菇，豆卜，生根同金菇，我就不停咁叫牛肩肉同雞肉，牛肩肉真係超正，又薄，只要淥幾秒就食得，女朋友好滿意呢餐，話下次可以再來。…查看更多