WingShanwws的个人专页

啱啱去咗御滿屋食咗個套餐A，真係覺得性價比！地點又超方便，就喺旺角雅蘭中心對面，地鐵站一出就到，懶人恩物～食物選擇好多😍刺身有松葉蟹、三文魚、帶子、象拔蚌，款款都新鮮到震，入口即化～壽司都有成30種，但建議留肚食熟食，因為羊鞍同一口牛柳粒真係無得頂！仲有芝麻雞翼，香脆爆汁，encore咗三次！飲品櫃簡直係選擇困難症，仲有清酒同啤酒任飲，啱晒一班朋友吹水劈酒～最癲係甜品有榴槤同榴槤千層蛋糕！榴槤味濃到癲，所以飽都一定要叫嚟食呀🫣最後一定仲要食雪糕🍦有我最愛嘅movenpick雪糕，仲有薄荷朱古力口味👍🏻👍🏻食多幾個雪糕都抵返晒整體CP值爆燈，一定會再訪！👍…查看更多

今日同班friend行完街，熱辣辣想搵啲開胃嘢食，就入咗「有間茶記響附近」試新菜式。冷氣夠凍，坐低即刻舒服晒！🍛 咖喱牛腩煲一上枱就聞到陣陣咖喱香！牛腩炆到淋滑入味，筋位膠質豐富，薯仔吸盡咖喱精華。最正係可以按自己口味加辣，我哋叫咗小辣，香濃得嚟唔會太刺激，送飯一流！🧆 一口黃金豆腐外層炸到金黃酥脆，入面豆腐滑溜到不得了！點埋甜辣醬，開胃又醒神。細細粒容易share，我哋叫咗兩碟都唔夠喉～🍶 清酒鹽焗花螺呢個fusion菜有驚喜！花螺用清酒同海鹽焗製，上枱時酒香撲鼻。螺肉鮮甜彈牙，蘸少少附送嘅wasabi豉油，味道層次即刻豐富晒。用附送嘅小叉挑螺肉，食得優雅又過癮！環境方面，雖然係茶記但乾淨企理，座位唔會太逼。伙記哥哥好有禮貌，見我哋食得開心仲送多碟黃金豆腐俾我哋試，真係好有人情味！三個人食到飽飽都係$400有找，已經約定下次要再嚟試佢哋其他招牌菜～…查看更多

今日又又又又食泰菜，呢間好似係新開既餐廳，但食物水準勁有驚喜🤣平時食泰國野一定會叫冬陰功，但原來係佢地既酸辣海鮮湯都好正，湯底夠酸夠香加埋巨量海鮮，勁正。🐷炸豬肉條有少少似越南嘅香茅豬扒，惹味之餘係切好晒一粒粒，冇骨，啖啖肉。🦀黃咖哩軟殼蟹，軟殼蟹本身炸得好酥脆，浸住係香濃嘅咖喱醬入面仲可以保留到個口感，最正嘅係佢個麵包盎，比咖喱浸完之後勁香濃。最後仲有辣醬炒青口，呢個係小編呢餐既最愛，青口新鮮，配埋個招牌辣醬真係勁出😍…查看更多

喺銅鑼灣行街經過估唔到外表以為係咪凍肉嘅舖頭，裏面竟然有賣韓食😍韓食選擇仲有好多👍🏻有飯卷、炸雞、粉絲、炒年糕等等🈵🈵我就買咗🐮烤牛肉紫菜飯卷飯捲係預先切好一大盒 飯卷材料好豐富🈵牛肉份量多，仲帶有芝麻油香味，食落質感厚實味道豐富韓式炒粉絲配料好豐富有🥕🥬冬菇紅蘿蔔洋蔥木耳菠菜，粉絲口感煙韌又唔會太油膩👍🏻仲叫咗兩個小食，韓式炒魚糕🐟涼拌菠菜🥬以為S size好細，點知原來都幾多🤭我最鍾意炒魚糕🍥味道啱啱好，好香好有咬口…查看更多

見到呢間新開既係一間可能大家都未試過既餐廳，性價比仲幾高🤣忍唔住要叫多幾個菜黎試一入到去職員就即刻同我講「歡迎回家」有返屋企食飯嘅感覺🙊我同朋友叫咗最鍾意食嘅酸菜魚，魚肉都幾嫩同埋有咬口，湯底好香，不過我鍾意食酸啲嘅湯底。🥔酸辣土豆絲，質地爽口，酸辣開胃。🐓口水雞個醬勁香勁惹味，雞肉都嫩。🥒手拍青瓜夠爽口，又唔算好辣，好開胃。🥚最後仲有擂辣椒皮蛋，呢個係小編呢餐既最愛，皮蛋本身已經好香加埋青椒一齊入口，雖然比較辣，但真係停唔到口！…查看更多

係銅鑼灣行完街想食酸菜魚，見到呢間未試過嘅酸菜魚，所以就入咗去試🙊今日試左佢地既招牌金湯酸菜魚，D魚肉勁嫩滑，份量又多，魚肉下面仲有好多寬粉、芽菜同埋萵筍😋金湯湯底夠晒酸，湯底整體好濃厚，送白飯勁正。重點係咁大碗先係二百幾蚊🫣另外仲試左大盆花菜，香口得嚟仲有好多半肥瘦肉，又送飯一流！😚食完辣野，再食埋個熊貓冰粉，外表非常之可愛🥰黑糖味好出解辣一流，唔洗再去食糖水🤣🤣除咗酸菜魚之外，我仲見到佢有烤鍋都好似好正，下次要再去食👍🏻👍🏻…查看更多

去開上環唱錢，順便食埋飯先翻屋企，之前上網見到呢間中菜環境好靚，所以即刻同男朋友去試試😍原來呢間餐廳就係上環E3出口行2分鐘，如果泊車，仲可以泊林士街停車場🅿️OR永安中心停車場 🅿️一入到去職員好禮貌招呼我地，安排咗坐喺窗邊位置，環境好舒服好靚，燈光都好有情調🥂我哋叫咗個二人套餐有暖胃湯，上湯非常有儀式感🙊然後前菜都好吸晴👀青芥末海蜇頭 -芥末唔會太刺激，配搭得好好👍🏻香橙白玉蝴蝶-呢個令我另眼相看，好香橙味🍊食落去清新開胃桂花蜜餞鮮冬菇-桂花味好香，再加埋脆卜卜嘅外皮，有啲似食緊天婦羅🙊夏威夷果蘆筍炒鮮菌🥗菇炒得好入味，蘆筍冇渣配埋夏威夷果仁，成個菜有唔同口感，好食又健康主食有黑松露和牛崧炒飯🍚炒飯非常香口，裏面仲有好多牛肉😋😋我最愛呢個最後仲有個甜品叫紅粉玉露職員話以往係楊枝甘露，今期就加入番石榴，味道好有驚喜🩷食落好清新唔會好滯，推薦推薦！賣單嘅時候，職員仲同我哋講Join 會籍會比較划算，鍾意食中菜嘅都可以join🙊…查看更多

天氣太熱🥵行完大館經過呢間輕時光，見到擺滿新鮮嘅水果就沖咗入去睇吓有咩飲，原來佢係主打果昔、乳酪奶蓋同埋水果茶🍎🍐🍊🍋🍇🍓選擇困難症嘅我叫咗杯🥭芒果熱情果優格蓋茶，可能自己揀茶底（桂花烏龍/茉莉綠茶）我要左桂花烏龍茶底，面頭嗰層乳酪蓋同平時嘅乳酪味道差唔多 ，飲嘅時候飲到芒果同熱情果蓉，好fresh ，好啱夏天🌞朋友叫咗杯🍓草莓優格果昔外表好靚👍🏻粉紅色加白色嘅間距，飲落士多啤梨同乳酪嘅味道都好夾，好滑走嘅時候見到人哋杯水果茶都好吸引好大杯，決定下次要試😋…查看更多

每次提起滿記就會諗起白雪黑糯米⚫️⚪️超級好味又軟糯😋再配埋一球雲呢拿雪糕撈埋一齊好配搭，記得好耐之前食係得一球黑糯米，而家有兩球黑糯米非常之滿足，食完飯之後自己一個食一碗真係食唔晒🤣另外朋友叫咗白雪仙草芋圓🙊份量睇相都見到好十足，好足料都幾好味…查看更多

happy Lemon真係中學嘅回憶，嗰陣成日都會買，今日經過買咗杯招牌檸檬菠蘿對對碰，叫咗少冰少甜，點知飲落有少少酸😂😂習慣咗平時飲其他廢水都係少冰微糖，好彩今次係叫咗少甜，如果唔係應該會酸到飲唔到🙊不過整體嚟講都幾好味，裏面仲有椰果，有咬口👍🏻👍🏻…查看更多

今日經過見到茗茶外賣做緊買一送一，即刻就買黎試試😋因為平時$48 一杯就有點貴當我疑惑餐單喺邊嘅時候，店員好快俾咗張餐單俾我，原來佢有好多款唔同口味嘅茶，店員都好好咁同我介紹，最後我揀咗一杯伯爵普洱茶同埋皇家婚禮茶🍵🫖等左一陣就有，見到包裝好靚，好打卡able🙊兩杯茶味都好香👍🏻👍🏻而皇家婚禮茶就有好香嘅熱情果味，我比較鍾意果味嘅茶😍😍另外買茶會額外比支糖棒你，可以自行調校甜味，都幾貼心🩷…查看更多

之前夜晚食過成日都滿座又排長龍，所以平時食飯時間，如果趕時間就盡量不要選擇這一間，今次下午經過見到冇人排隊就即刻入去食翻一次🙊🙊🙊朋友叫咗咖喱牛柏葉、墨魚丸同埋豬大腸油麵，仲額外加咗咖喱醬，我偷偷地試過一啖佢嘅湯底，我就覺得咖喱醬有啲辣🤪🤪🤪但係餸菜上面都入味😙😙😙另一碗就叫咗滷水雞翼，白蘿蔔配河粉，佢個湯非常之濃郁，好啱重口味嘅我，不過我覺得可分份量太少，唔知係咪車仔麵嘅特色，份量都係偏少😂😂…查看更多

被蟹肉帶子意粉吸引而黎，呢間舖頭都有少少難搵，去到之後仲有好多人排緊隊今次叫咗🍝龍蝦濃湯蟹肉帶子麵🍟+$20 炸薯條配黑松露蛋黃醬🥚🥪秘製流心蛋治 ☕️梳乎厘泡沫咖啡個龍蝦濃湯蟹肉帶子麵整得出色！蟹肉份量足夠，帶子都幾好不過意粉嘅份量有啲少，如果可以再加多啲就更好🙊蛋治份量都好足夠，擺咗一陣都仲係脆卜卜👍🏻👍🏻…查看更多

要掃街即刻諗起葵廣，之前上網見到好多人推介食呢間嘅炸雞，所以我都慕名而來😍佢有好多唔同嘅選擇，我今次就揀咗黑白松露醬炸雞🍗買完之後都要等10至15分鐘先有，雖然等咗一陣，但係新鮮滾熱辣，食落真係非常之香脆，裏面啲雞仲好嫩滑，值得一等呀👍🏻👍🏻下次我仲想試佢嘅酸忌廉洋蔥同埋邪惡芝士肉醬😋😋…查看更多

夏天熱辣辣，經過喜茶就會忍唔住要買佢嘅芒芒甘露，就好似楊枝甘露咁有好多料喺裏面，少不得有芒果、西柚、椰汁😍口感非常之豐富，我每次嚟都會必飲少冰少少少甜👍🏻而朋友就叫咗多肉芒芒，我試飲咗一啖就覺得有少少普通，都係比較鍾意有多啲口感嘅芒芒甘露☕️…查看更多