wooyuen的个人专页

因為疫情關係好耐冇係出面食tea，趁今日星期五，約咗閨蜜去灣仔一間樓上Cafe食下午茶！上網搵到依間以黑白風格為主題嘅餐廳，原來牆身全部都係人手繪畫嘅圖案好有心思，餐廳內仲有好多網紅打卡位。今次我哋主要嗌左一個afternoon tea set，$338包兩杯飲品，主要係甜品，玫瑰奶凍幾出色好香玫瑰味而且口感香滑，柚子蛋糕味道清新又唔漏。而朱古力溫室外觀好特別，係朱古力餅碎，包住d朱古力mousse。而鹹點就有兩款包括吉列炸蝦同埋泰式炸魚蛋，不過不失。飲品方面有驚喜，我地分別嗌左熱嘅Tiramisu 咖啡同埋玫瑰茶，朋友覺得成餐最鐘意係個咖啡！而玫瑰茶都好香甜。有埋英式鬆餅就仲好😭😭另外可能最夠人手不足，落左order後大概等左一個鐘tea set先送到，不過同友人吹水時間都算快過…查看更多

一直都想試吓金鶴拉麵，尋日咁啱去開土瓜灣就去咗試。鋪頭近街市，本身諗住係一入門口得幾個位嘅拉麵小店，但一入到鋪頭嗰陣成個環境同出面條街嗰種舊區嘅感覺好唔同。喺出面睇只係一間平平無奇嘅拉麵店但係一入到去就開始有驚喜：鋪頭以黑色為主調，一入去右邊就見到師傅喺吧枱前面整緊拉麵，行前多幾步店員安排左我哋喺上幾級樓梯嘅位置度坐低，環境十分幽靜。店員問我同朋友去咗洗手間未，我馬上好奇並且去咗參觀，唔知係咪新開關係，廁所大得嚟非常清潔整齊，而且好有日式風格。 早已經聽過呢度嘅鰻魚飯要盡早order，如果唔係就要等好耐，所以一坐低就已經即刻點左極濃雞白湯拉麵同鰻魚飯。雞白湯拉麵同極濃版本差$40左右，店員話極濃版本係普通雞白湯大概兩倍濃度，果然嚟到真係有驚喜，雞白湯超鮮甜兼且打到起晒泡，比我之前喺另一間主打做雞白湯拉麵店食嘅湯底更加濃郁。順帶一提，雞白湯拉麵入面已經有好多叉燒同雞肉，我最後係食唔晒嘅😝鰻魚飯亦都令我喜出望外，魚質彈牙而且個汁好入味，最重要係師傅已經將鰻魚去晒骨，唔使擔心食食吓會有好細嘅魚骨。我同朋友都非常滿意今晚餐飯，唔知道其他分店係唔係都一樣水準呢？一定會再回頭食佢個拉麵！！…查看更多

舖頭裝修感覺好清新好乾淨，第一次黎火炭呢邊，諗住求其搵間舖頭填肚一坐低已經見到餐廳既心思，個碗唔單止係雞公碗仲印埋舖頭名，有心思！先試今期優惠龍蝦喇沙，超級抵，叫一碗已經足夠二人分量！最大驚喜係原隻龍蝦，食落啲肉都幾彈牙，喇沙湯底好入味，豆卜絕對可以等佢吸多啲湯既精華先再食，連湯底都飲左一兩碗，好好味紅豆冰最特別係泰國維他奶，甜度都高，但男朋友表示好鐘意👍🏻 通常其他地方都用椰奶，維他奶真係第一次小食方面，軟殼蟹推介春卷加左蔬果落去，唔膩同有淡淡蔬果味又保持到炸軟殻蟹既香串燒當然係Must Have item, 最讚係個汁最後加埋個甜品，完美…查看更多

一黎到即刻要Order 湯底我諗都唔洗諗👉🏻酸菜白肉而朋友就叫左👉🏻胡椒豬肚呢個除左好食，最好就係坐既位置好寬敞唔會成班人逼埋一齊個湯底終於黎左唔好睇佢望落咁清淡，其實好野味，鐘意食酸菜既我，最後一條不漏食晒湯底既酸菜淨係湯底已可以令我encore ，加分位係肉通常放題邊爐除非加貴個餐如果唔係肉質都唔係特別吸引但呢到大家一定要留肚食肉因為真係好好食，肉味夠每次唔會俾太多你，可以慢慢食呢個質素百幾蚊位超值…查看更多

放題食上癮，早收工趁未人多就捉埋朋友去食舖頭名就聽得多但成日想試都冇去食到今日就一於試試佢食放題刺身真係必睇一部分我最鐘意食既刺身呢到有齊晒真心好爽我將所有蝦刺身叫左3 Round 都仲想再食呢到每次叫既野食都係細細碟個人覺得咁樣好好，可以叫多啲試多啲又唔會大大碟食唔晒串燒好特別，咁樣望落好吸引同埋佢個串燒豬肉係超級好食啲醬汁好好食仲有心太軟首先佢細細粒，一啖食晒個流心好香好正又唔會太甜依家講起好想食😍😍…查看更多

屋企人突然想食拉麵，行過就入左去食雖然拉麵麵質唔係特別好味但係個湯同餃子絕對推介餃子好香，肉汁好Juicy本身拉麵覺得加檸檬，會好怪，但係竟然一試愛上左個湯底 一定要試…查看更多

長沙灣食好啲其實食左幾次，但佢一直可以保持水準，不得不讚首先佢既石鍋飯係冇得彈，夠香夠熱，朋友話覺得有入口即溶既感覺我個人推介牛肉，配埋芝士好好食！一定要親身黎試下仲有Burger，個漢堡包好香好軟熟，配料好香配埋紅豆冰一流…查看更多

同事突然話發現有間日本野好抵食最後大家試完都覺得冇介紹錯環境乾淨、寬敞同同事一個叫左鰻魚一個叫左炸雞個人比較鐘意食炸雞鰻魚略嫌太多骨成個餐一定要食既係呢個蛋好香好滑 配菜仲有沙律不過午餐時間比較多人排隊，黎食就要預小小時間…查看更多

是的，又去食放題食咁多餐放題，呢間都冇失望😆刺身是重點，真係好怕啲蝦唔新鮮，呢間又鮮又甜，仲有帶子是必食個人覺得粉紅色好飲啲，好少放題會有咁靚飲品，見到梗係叫返杯試下！呢3樣都係我同朋友推介：1. 蟹粥- 隻蟹有鮮味，雖然粥既蟹味唔濃，但粥底夠綿2. 芝麻雞翼- 香口唔膩，唔記得同朋友encore 左幾多次3. 煮蜆呢個冷面，爽口，口感好特別叫左3碗都唔夠！第一次放題食到呢個，好有驚喜值得一提，呢到服務唔錯，唔會甩單，侍應就算忙服務態度依然好好，讚…查看更多

同朋友經過旺角最煩惱莫過於係諗唔到食啲乜嘢，每次面對呢樣難題第一個反應就係幫襯放題餐廳，朋友就話好介紹同我去咗旺角兆萬中心8樓一間叫做神戶屋嘅放題餐廳。入座嘅時間大概七點半左右已經係好多人等緊位，不過侍應嘅安排其實都真係幾快速我諗等左10分鐘左右就已經可以入座，餐廳係以打橫卡位形式座位其實都幾鬆動坐得係舒服嘅。侍應話俾我哋聽有一張菜單紙仔係頭一輪order特別話俾我地聽會第一時間出左嘢食俾我哋先，咁頭一輪食物就一定係叫日本刺身先嘅，刺身上左台之後發覺數量其實都真係比足嘅，三文魚厚度非常之口油脂香滑色澤鮮艷光澤最緊要係一啲都唔腥，帶子鮮甜仲有一樣野係要讚一讚嘅就係佢完全冇切開既厚度保持住非常之完美嘅口感，泰式生蝦咬口爽脆，以刺身嘅質素來講我覺得其實都算係非常之好嘅貨色某程度上絕對唔會比出名貴嘅放題餐廳質素差嘅，我個人就非常之滿意。之後就要講講佢哋嘅韓式食物，有樣嘢特別嘅食物叫做韓式醬汁豬頸肉，醬汁嘅味道偏向有少少辣同海鮮嘅甜味，味道配合豬頸肉嘅彈性咬口又出奇咁夾。之後就要講講佢哋嘅壽司，上枱嘅賣相鍾意影相打卡嘅朋友啱晒你地啦，火燒三文魚壽司唔止做到入口即溶表面上燒到有浸焦面食落口香噴噴，芒果炸蝦壽司個味道好趣怪因為芒果嘅甜味同埋炸蝦嘅口感有一種好特別嘅化學作用令你好想再食多一舊。其他熱食方面我比較推薦佢哋嘅炒通菜唔好因為佢係日放題餐廳你會覺得一定唔夠泰式嘅餐廳好食啦，食落口真係有鑊氣同埋有蝦醬嘅香味。仲有炒蜆肉紅酒牛樓粒我覺得絕對做得到小廚餐廳嘅級數！之後就到到甜品雪櫃裏面嘅甜品全部都係韓國嘅雪糕同埋雪條，講緊亦都係貴價嘅款式絕對唔會敷衍大家。有一樣野係令我幾窩心嘅係一路食嘅時間發現全部侍應服務員都幾後生，可能因為咁樣佢哋大多數都好主動同食客傾計，大家好似朋友一樣溝通所以成個氣氛都好融洽感覺得到佢哋係有心嘅熱誠服務我哋！…查看更多

The Stadium 次次都係飲野，今次第1次食晚餐，果然有驚喜同朋友叫左2個main 同1個拼盤最初係俾buffalo wings 吸引，最後成個拼盤都好好食！有個入面係粒粒粟米，食落好甜又唔會好厚粉（呢個好重要）仲有個炸芝士條，但唔夠熱，芝士冇拉絲之後有Mac double cheese (唔肯定個名haha呢個芝士真係有拉絲啦，但通粉有小小硬不過個汁香濃補救返仲有我點嘅黑松露寬條麵好多汁不過略嫌寬條麵有啲碎最後，叫左兩杯mocktail 我叫左杯Night In Stadium , 我覺得比較甜朋友叫左rose hip rose 反而唔錯，有blended tea 飲落冇咁濃又有淡淡玫瑰味…查看更多

識食一定食韓燒同朋友行左好耐都諗唔到食咩好，搵open rice 見到呢間韓燒，性價比幾高！選舉方面都幾多，唔會話揀黎揀去都冇野食！個沙律好好食，同朋友不斷order ! 食韓燒肉煩一定係重要，呢個每次都黎得足，最重要係好味，燒完咬落去個陣好香濃嘅肉味！海鮮一樣係必試，係蠔！唔係好多地方會有得燒蠔，呢個係其中一個推介地方，扇貝鮮甜，海鮮有驚喜最後想推介一下熟食，水冷面同埋年糕，個人覺得韓國年糕味比較濃，但朋友就超級鍾意！水冷面係不斷order ，韓燒比較熱氣，食一啖清甜水冷面，好正…查看更多

舖頭細細但午市時候去都唔算坐得太逼有試業menu ，都抵食唔配餸淨係烏冬$50 以下有交易我叫左個掛鍋烏冬配雞批烏冬湯底好清，要配埋細油食但烏冬好彈牙，好鍾意再要讚下個雞批，大大隻好入味好香口朋友叫左鰹魚湯底，好香濃如果鍾意濃味小小，個人十分推介…查看更多

又到左OT 時節，開完OT同同事傾計發現呢間囍之前未試過，決定想試一試食過之後發現果然冇黎錯座位好闊落，坐得好舒服已經係第一讚邊爐湯底有4-5 款，因為一入去已經聞到濃濃椰子雞湯香味，所以我哋都簡左椰子雞佢啲雞係另上，可以到想食先落但我覺得啲雞肉真係好嫩滑不過本身個湯已經好香椰子味我哋叫左個set 有牛、豬、牛脷同海鮮同事同我最鍾意食豬，好香肉味同埋小小爽口設有自助餐區可以出去自己整醬料同埋選擇其他鍾意食既野總括黎講，性價比十分高，百幾蚊食Lamlam 脷我哋最後真係加call 左好多豬肉😂我哋都話會再返黎食過…查看更多

識我既朋友都知道我無生蠔不歡所以帶左我黎呢間試新野蠔款唔係特別多但係勝在基本食開都會有有平有貴，任君選擇今次淨係叫左兩款試下 ： Yellow Stone 同埋我每次必點既Gillardeau 首先個人覺到呢間舖頭處理得好好，唔會成咀蠔殼，仲保留到蠔既咸甜味牛肝菌意大利飯呢個意大利飯比一般硬啲，但我鍾意有香濃芝士同牛肝菌，食唔停口！牛柳比較厚身，但可以整到外面唔會overlook 入面岩岩好，唔會太生唔會太熟 肉味好濃個汁係士多啤梨醬，甜甜地碗埋牛柳食，令牛柳食落冇咁膩冷盤-磯煮鮑魚四個字形容到：爽口彈牙見到餐牌寫，定時會有生蠔優惠決定下次再食埋其他生蠔…查看更多