carmanChanC的个人专页

前前後後食過喱間糖水舖三次，但每次食都顛覆左我對甜品嘅印象。第一次係幾年前，當時好多人都大推喱間甜品鋪，所以就把心一橫試下。個陣叫左個心太軟，食完覺得唔難食，亦唔算好好食，純粹正正常常，係好多甜品鋪都做到嘅水準，亦因為咁black list左喱間甜品鋪。第二次係因為同啲親戚行完街，佢地冇啦啦想食甜品，咁岩係天西附近，佢地話未食過就拉大隊走左去食一糖。因為第一次係食西式甜品，所以今次就揀中式甜品，諗住可能會好食啲。個陣嗌左碗芝麻糊，親戚們叫左啲西式甜品同腸粉魚蛋燒賣，只可以話 真 係 好 難 食 ！芝麻糊完全係溝得太多水嘅感覺，完全冇芝麻味！自己買粉整仲濃味過佢。價錢咁上下食翠苑甜品好過，再唔係比多少少錢食甜姨姨。至於腸粉就唔滑之餘仲有啲怪味，質感都麻麻。直到今日係第三次食，因為媽咪食完飯口痕想食野，兩間甜品鋪比較下就揀左一糖。今次諗住比多次機會，就嗌多次西式甜品(百利甜酒朱古力waffle)，屋企人叫左芒果waffle同椰皇燉蛋白，不過今次係Keeta 叫番黎，所以我都冇要求好多，但好肯定啲野食唔好食完全唔關外賣因素，今次食完亦都好肯定唔會再有第三次。唔知點解百利甜酒朱古力變左阿華田味😂😂，椰皇燉蛋白一啲都唔滑，芒果waffle算係正常，起碼啲芒果係甜嘅😂😂。唯一可以讚嘅位係叫外賣啲雪糕冇溶到😂😂😂。…查看更多

第一次比評價，估唔到就係比負評。喱間餐廳係男朋友話想試，佢話openrice好似有好多好評，平時尖沙咀經過成日見到，今日放工終於去左銅鑼灣分店試下。眼見啲裝修都幾有心，我地滿心期待咁入去，望住個餐牌都覺得啲野食好吸引。我叫左酸菜魚湯米線，男朋友叫魚腐川香麻辣湯米線(中辣)。另外再叫左個小食(香噴噴奶黃金沙咪走雞)。兩個米線食落都勁普通，甚至可以話係難食，尤其係米線嘅質地勁差，佢係好硬身嘅米線，完全唔索湯個種質地，啲米線一啲味道都冇。酸菜魚米線送上枱個賣相好hea(餐牌同實物真係差好遠)食落魚肉好鬆散，霉霉地，酸菜魚湯得麻辣味，一啲酸菜嘅味都冇，完全唔balance。而魚腐川香麻辣湯米線，魚腐完全唔似魚腐，食落似鯪魚球多啲。可能啲米線實在太難食嘅關係，小食算係好食，有咸蛋味，又唔太老，屬於正常發揮。最後淨係食曬啲酸菜魚，米線食左幾啖，就冇食到，侍應汁野見到淨番咁多，都有問係份量太多定味道問題？最後都好婉轉咁講左句係口味問題，係個人口味唔岩姐。唯一要讚係服務態度，全程都好有禮貌同好誠懇，點餐個陣佢知我唔算食得好辣，侍都好細心話可以幫我麻辣油另上。但都唔會因為咁再去食，無謂辛苦自己個胃。…查看更多