同客食business lunch，中環選擇好多，但兜兜轉轉，想搵間環境企理、出品穩定嘅中菜，鏞記依然係top choices之一。時間唔多，我哋點咗幾道精緻小菜。前菜係酸薑皮蛋，皮蛋溏心，配埋酸薑，正好開胃。主菜點咗金華玉樹雞同禮雲子琵琶蝦。玉樹雞滑嫩有雞味，火腿嘅鹹香吊起咗鮮味，清淡得嚟唔會單調。琵琶蝦係手工菜，蝦膠彈牙，上面嘅禮雲子畫龍點睛，鮮味十足。成餐飯上菜節奏掌握得好好，唔會太快亦唔會拖慢，食完仲有時間飲杯嘢再返公司。喺中環，一餐飯唔單止係食味道，仲係食緊效率同體驗。呢度喺各方面都平衡得唔錯，係一個好穩陣嘅商務宴客地點。…查看更多
以上食记乃用户个人意见 , 并不代表OpenRice之观点。
赞好
用餐途径
堂食
