拖肥糖沙利的个人专页

搭機回港勁疲累，唸住食碗麵，見到呢間有位專人幫忙拍行李車，仲有雲吞麵，水餃麵，門口啲相影得靚靚地，攞位一個人叫我去搭枱，但吉枱仲有一半😒是晚叫咗碗水餃河，姐姐攞碗麵過黎求其放，倒咗啲湯出黎，水餃還可以，皮夠薄，但內𥚃啲涵無味，河粉又太厚，仲要俾茶錢，總結此店只屬一般👎🏻…查看更多

星期一大閒日，唸住和父母來這間開張不久的稻坊中午飲茶，12:00座低叫咗客飯套餐：涼瓜豬頸肉客飯$45，另外加個叉油雞窩米線送油菜餐$98⋯⋯等半個鐘只黎一個白飯，餸都未黎點食飯呀，再等半個鐘先黎一碟涼瓜豬頸肉，咁叫佢換咗個白飯，又等十分鐘，之後先黎一碟細叉油雞和一小碗淨米線，油菜無黎到，一問之下原來佢打錯咗單，話我哋叫嘅一窩米線跟菜餐只落咗一份細叉油雞細米線，話咁大間酒樓廚房只有2個師傅，再轉又要再等，我哋三個人坐低開茶至等到一個白飯已經要一個鐘，無可能再等，結果阿媽唯有再補個白飯撈薑溶，三個都食唔飽，未試過飲茶咁勞氣呀，簡直不知所謂，以後唔會再去😡仲有，呢間集團式酒樓全場得三個女侍應，跟本做唔切，我哋都係自己開茶加水咋😤…查看更多

星期二兩個女仔係鑽石山想試新野,黎到呢間半自助式餐廳面前,被雪柜入面的cheese cake和相片特別的紅米燴飯吸引,就決定入座開飯1. 鮮茄烤雞燴紅米飯 - 將雞肉切成細細粒,燴合雞旦/其他配料和鮮茄味飯,酸甜得而,好開胃2. 海鮮PIZZA - 細細件PIZZA,其實係二人份量,唔多夠熱,應該一早整好再加熱,味道都OK3. 芥辣蜜糖香腸 - 要襯熱食,蜜糖腸配上附有的芥辣醬,感覺特別4. 藍梅熱飲/苿莉花綠茶 - 前者酸酸甜甜較特別...後者只覺一杯茶包飲品...都OK5. (甜品)焦糖芝士餅 - 好少有呢隻味道,真係恰到好處,唔太甜,夠硬身,有餅底,入口即溶,建議留肚ORDER由於入座前係柜位已經俾晒全數$110,係超抵食囉~餐廳本身係半自助式,但服務唔錯,買咗食物之後好快就送到,有慌化櫈坐,環境寧靜,約朋友傾計都可以考慮…查看更多

黎到葵芳行街,由朋友介紹之下去到呢間金潮新舖食晚飯第一次去到呢間餐廳,雖然已經搬咗新舖位,而且我哋6:00已經去到,但原來咁早已經圍住成掤人等位入坐,我哋一共三位,呢日係星期六.結果等咗個半鐘,真係誇張...(咁既市道之下,呢間真係好生意,有排賺)地方感覺上都係有啲迫,但坐位都尚ok呢晚我哋只叫咗三個餸咋,但已經食到好飽...西蘭花枝肉片: 西蘭花好爽口唔會過熟變林,鮮魷和肉片炒得啱啱好,有脆口...應該係分開炒,味道一流!黃金蝦: 出到黎夠晒鍋氣,仲好熱,舖滿咸旦黃的蝦好脆口,就連蝦殼都可以食埋,蝦本身又大隻,確實係店舖首推之選,直頭連xx酒樓都無得比~好食啫啫雞煲: 雞肉好滑好入味,連帶配料蔥頭和草菇都好香口,熱辣辣,恰到好處今次人少少淨係試咗三款小菜,都抵食,其實好多呢類小本餐廳仲好食過那些連鎖酒家但感覺上這間餐廳未正式上軌道,門口等位人龍咁多,但拎咗飛仔都仲要籽細聽住號碼,唔可以走開,搞到門口成掤人已經好亂,希望下次再黎會有更改啦…查看更多

係尖沙咀區想食個壽司lunc，,除咗常吃的元氣壽司，較好食的睇怕只有呢間，地點亦非常就腳，沿著尖東過咗大班馬線就望到...大大個牌扁寫著"壽司正"。已經係第二次來店吃午餐，上次是order雜錦魚生飯套餐$39要加一，細細碗魚生唔多，唔算低食，今次一行7人預早沖入去打算單叫壽司食。芥辣八爪魚：八爪魚口感煙韌，爽口彈牙，切得細細粒容易入口，芥辣亦恰到好處，不會太搶。蛙魚壽司：現$9兩件，依然鮮甜好味，但無咩特別。燒蛙魚壽司：被燒後的蛙魚，比前者淨蛙魚壽司來得好吃，感覺溫暖和入口即溶，值得一讚，以後無須再叫蛙魚吃了。帶子壽司：同元氣一樣水準，厚度及鮮甜都差唔多，可以接受。八爪魚壽司：普普通通，無咩特別。劍魚腩壽司：雖然新鮮，但很淡無晒鮮詌感覺，大失所望，相比元氣的大大件劍魚腩壽司無得比。希靈魚壽司：味道只屬一般，都算新鮮。海鹽左口魚壽司：第一次見呢隻白雪雪既魚，唔怪得要加鹽啦，因為魚本身只覺爽口而無味，有興趣可以試吓既。醃蛙魚壽司：貌似咸牛肉壽司，但食落係熟三文魚，魚本身好咸，再加咗啲沙律醬上面，又咸又甜，怪怪的，唔覺好食。炸蝦反卷+軟殼蟹卷：味道唔錯，同元氣相差唔多。軟殼蟹手卷+炸魚皮手卷：大大件的軟殼蟹/炸魚皮，不油不膩，配上青瓜絲加沙律醬，壽司飯加上脆卜卜紫菜，非常美味，一加再加，推介之選。食物整體來說都ok，價錢都算貴少少，其中以軟殼蟹手卷最令人回味。服務方面，由於中午時段會比較忙，我哋想order的三文魚頭無得吃，幸好店員都回應是因為新鮮魚頭未返貨，至少沒有叫極唔應的情況。有舒適sofa椅，但坐位偏窄，地方又細，人多唔建議來這店，主要是三五知己，食完就走~…查看更多

一個休閒既星期三,係樓下朗豪坊睇完場戲,打算搵嘢食,身邊朋友推薦之下上咗頂樓呢間食牛扒啦...閒日入到去冇咩人,樓下又會傳來音樂伴奏,靜靜地覺得好舒服,朋友好快就揀咗一份牛扒晚餐,我就試咗呢間既石頭煱飯晚餐既餐湯先到,係忌廉湯,味道只屬一般 頭盤有薯仔沙律,清新可口 之後主菜牛扒來到,但朋友orde既係五成熟牛扒,黎到切開見到不妙,完全無血,大約已經有七至八成熟,開口咬一淡更懈 ,於是開聲叫店員過黎睇睇要求更換,服務好好,好快就有份新牛扒來到,五成熟感覺的確唔同,口感煙un,邊邊肥膏部位更有如入口即溶,連我呢個少食牛肉的人都感到讚口不絕,提一提拌碟的牛肉青豆,薯仔,蕃茄都好fresh,兩人挾份食晒 沒有甜品送,朋友叫咗咖啡餐飲, 味道 可以啦!而我自己揀的海鮮石頭煱飯係唔好食,材料不足.蝦雖大隻,但青口肉好細隻,石班就唔知,因為唔食魚關係,飯焗得太林,底亦無焦,跟本就唔似石頭煱,POOR總評餐廳食物質素OK,服務態度好,環境夠舒服寧靜,價錢係貴左少少都值得,係情侶可以談心既選擇,再坐耐d都唔會比人趕,如果下次有機會都會再黎試多次…查看更多

係尖沙咀返新工兩個月,每隔一.兩個星期五就會相約幾個同事黎呢間食LUNCH!第一次唔知呢間好食,只行過見幾低$43-$48,有成十幾款午餐揀喎...仲有最愛既雜錦魚生飯,就開始食第一次啦!我去過幾次已經試咗幾款啦~雜錦魚生飯約$43,係尖沙咀食咗咁多間,真係呢間最最最低食呀,超多款魚生切件,成隻大大甜蝦放中間,魚生佈滿飯面,GOOD銀鱈魚定食約$48,雖然唔算大件,但銀鱈魚厚厚的,加上醬汁和沙律醬,非常好味三文魚籽魚生飯約$36,足足六大片三文魚加大大粒魚籽,價錢又平,超低食海膽三文魚生飯約$48,海膽新鮮鮮甜,三文魚切粒依舊好味午餐時間雖急,但食物落ORDER後好快到,食物新鮮味道好,又多選擇,唸都無唸過去隔離X前壽司食呀!…查看更多

又係朋友生日聚會,今次人多所以選擇咗去食放題呢晚係睇完戲先到,所以10:00先開始落order,但last order係10:40,我哋坐低已經叫咗好多嘢食,食物亦陸續好快就到其實呢班人已經食過寶勒巷嗰間金田好多次,今次想求新,咪試吓呢間,有清酒贈卷,生日仲有壽司旦糕送喎(每位入座仲送一隻熟生蠔)前菜: 蟹籽沙律細細碟,可以叫多幾碟...各類刺身: 甜蝦雖然細隻但鮮甜好味,其他三文魚,劍魚,油金魚,甜旦刺身都好好食。各類壽司: 啲飯太散包得唔夠實。軟殼蟹壽司,鰻魚芝士卷,象拔蚌壽司好味。牛肉同燒三文魚壽司略諧,麻麻地。手卷無咩味麻麻地,紫菜太un,剩番好多。各款熟食: 牛肉火煱,海鮮火煱多料夠味。燒靖魚比較乾身,都ok。大蝦天婦羅、酥炸雞軟骨好味。我最愛既鹽燒牛舌切粒夠厚好味。總結餐廳: 店員友善,上菜快,食物款式較多,適合大班朋友聚會。有長枱唔算好迫,亦唔會吹人交枱,有機會會再去。…查看更多

呢次係三個女仔聚會,選擇咗官塘開飯,成日去APM都經過呢間日本料理,星期六,日排到出門口,但都未去過,朋友話好味咪試吓~呢日係星期一人唔多,入到去可以隨便坐,個場坐位好多,裝潢暗暗都可以!我哋叫咗以下菜式都好快到齊:~蟹籽沙律--- 蟹籽超多唔使錢,青瓜絲清新,蟹柳絲較少嫌有啲唔夠長鰻魚長壽司--- 鰻魚夠味又唔太喊,必食之選長三文魚壽司--- 切得均勻,價錢又平,必叫長劍魚壽司(叫咗2客)--- 魚生新鮮,面滑爽口,我成碟食晒(有朋友唔多鐘意食魚腩,或會感覺肥膩) $35碟,其實低食~長油金魚壽司--- 魚味清甜,夠晒滿足 $35碟,都低食~北寄貝壽司--- $10碟,普普通通燒銀雪魚--- 賣相似但食落魚肉味都唔同,可能用其他魚代替,差炸軟殼蟹卷--- 又係蟹籽好多唔使錢,但軟殼蟹太細隻,啲飯又散,麻麻地串燒拼盤--- 五款不同肉粒,分散食滋味無窮,讚炸豆腐--- 只係面脆豆腐,我一向麻麻,唔覺特別和風海鮮PIZZA--- 海鮮夠晒多,味道亦唔錯,但略嫌沙律醬太多,好肥好濟總結餐廳食品價錢算OK,有時間唔中會掛住啲長長魚生都會唸再去食呢間,希望下次會好啲啦!…查看更多

自細就已經好鐘意食豆腐花,好多時經過呢間轉角位荳品店都會坐低食少少嘢!冬天必食既係熱豆腐花,唔會加糖水,只加入少許黃糖就足夠,真係暖笠笠,滑到不得了夏天就食凍豆腐花,就加入許糖水,當外面烈日當空時,特別感覺身心冰涼呀肚餓時再加碟煎羅白糕,雖然係油啲肥啲,又或者係薄咗,但呢碟真係我既至愛!走既時候會再叫杯凍豆漿,味道清甜,好解渴…查看更多

又係朋友生日飯局,由於又一城地點近火車站,所以決定揀一間比較好既餐廳開飯我哋一行五人,只屬個小聚會,由於大家都收工肚餓...8:30先人齊入座第一次黎到呢間餐廳,裝潢OK,可以望到整個溜冰場,座位都係梳化軟座,幾舒適!我哋好快揀好,落Order後10分鐘差不多全部到齊!(頭盤)西柚海鮮沙律---疏菜感覺清新,配上鮮蝦和西柚肉,有甜有辣泰式小食拼盤---有串肉有蔗蝦有豆腐有墨魚丸,低食之選海鮮+檬粉米紙卷拼盤---五款不同感覺,味道不錯炸軟殼蟹---一層薄薄粉皮包住軟殼蟹,連同附有醬汁,甜甜並不油膩蒜香牛舌---三串九件厚厚的,不會太喊,好味推介大蝦西柚喬麥麵---冷盤主菜,依然清新鱸魚焗飯---魚塊很厚,飯底焗得很乾身,面層仲有啲脆,連同肉汁,非常好味和風鰻魚比薩---鰻魚鮮甜夠厚身,木魚放面中和甜味,推介之選(甜品)芝士餅,炸香蕉,甜品拼盤---各$2X,特色推介,建議留肚Order(飲品)三莓莓---感覺好特別,酸味適中餐廳食品整體味道好,價錢實惠,無論情侣拍拖,朋友聚會,午餐或晚餐都會食得開心!…查看更多

因為試過呢間餐廳,就加入openrice做會員講吓呢間食評啦小妹尋日亦係應個生日老友要求到此餐廳食晚飯,曾聽過呢間好出名食瑞士雞亦和梳乎里...結果一行六人預早book定位好期待去食...星期一都要求我哋book位仲以為會好多人,但其實去到都只坐咗一半人啫...我哋首先叫咗個瑞士雞亦(寫明要等20分鐘): 一碟八隻,雞亦只係普通中翼連翼尖,感覺似係豉油皇雞亦落咗糖,又唔夠入味,個人認為麻麻地之後再叫咗三個套餐有:蝦沙律: 當前菜都OK,不過啲蝦得嗰三粒又真係太少囉瑞士汁炒肉絲河(有人唔食牛改叫): 就好似一碟無鑊氣既乾抄牛河咁,完全唔覺得有瑞士汁甜甜味呀,真係落翠華食仲好過,只係條菜心就幾嫩烚牛舌: 四片牛舌只感覺係烚熟咗放上碟,好在本身牛脷有啲咸味,又無汁燒乳鴿: 乳鴿燒得皮脆肉嫩,又大隻有肉,配埋d醬汁,都唔錯海鮮焗飯: 夠熱,餸比出面多啲,但因為跟餐變咗細碟唔多夠食最後30分鐘前叫咗疏乎里: 一黎到的確有啲驚嘆,好大個,成個生日旦糕咁大...我哋仲影晒相先食都仲KEEP到個型,食落都好味,面層皮薄,入面熱烘烘唔太甜,唔錯!…查看更多