Whatelse的个人专页

之前去過食晚飯，感覺員工友善地方整潔，而且食物都唔錯，今日星期六經過諗住入去飲杯咖啡，但係入到一眼見到以為入錯餐廳．．環境非常污糟，滿地垃圾及食物碎，同之前有好大分別。老實講，食物質素唔錯嘅，不過服務同清潔環境似乎越嚟越差。 …查看更多

想食日本嘢，見到呢一間個門面同價錢諗住都應該有返咁上下質素，於是走入試吓，結果相當失望！！先講食物叫咗一個辣吞拿魚卷、加州卷、三文魚壽司、同其他食物。首先個三文魚壽司我個人覺得有啲腥，不過尚可接受，然之後個吞拿魚卷食落口我以為係我問題，好似有啲嘢黐住喉嚨，後來食咗幾舊都係咁樣，再睇清楚原來係魚鱗！重要係唔只一兩片！ 試問一間高級壽司店竟然可以食吞拿魚食到魚鱗，到底要幾馬虎先可以做到？然後再講服務，我淨係想叫侍應幫忙加茶（當時餐廳只有大概三分之一客人 ）當中有位男侍應，望下我行咗去，唔知佢聽到定聽唔到，結果我要叫第三次先由另一位女侍應加茶俾。因為唔係想R着數，所以選擇喺埋單嘅時候先同經理講個吞拿魚卷有魚鱗，結果經理竟然扮到好錯愕咁行咗去冇再返嚟！講真，咁樣嘅服務態度加食物質素完全唔應該收呢個價錢，不過是但啦反正我都唔會再去。銅鑼灣要食靚嘅日本嘢有大把選擇！…查看更多

呢間餐廳係我平時開飯首選。佢日頭係賣餃子及麵食而夜晚就係酒吧同pizza等西野。佢啲餃子係自己做自己包，好新鮮 又唔貴。推薦大家可以試吓佢個梅菜豬肉餃，味道唔太咸又有梅菜的爽口同香味。另外餐廳養咗一隻好嗲人嘅雞叫波波，睇吓大家會唔會有缘見到佢😂…查看更多

野食完全冇味，得個樣靚。叫個椰汁酸雞湯，完全酸都唔酸下 乜味都冇，啲雞根本就係海南雞掉落去煲湯。一個餸係咁都算，叫咗三個餸全部都係乜嘢味都冇，完全唔係泰國菜嘅味道。真係可以用難食嚟形容，建議唔好去！…查看更多

試過幾次買佢嘅面包，都係硬到冇朋友。無論方包、腸仔包、吞拿魚包等。不過蛋撻味道唔錯，只係個皮比較薄 拎喺手就有啲軟淋淋。以前舊嗰間喺度時 ，因為地點方便，我都會經常去買，但紅豆真係反轉咗我對新鮮出爐面包的認知，就算幾就腳我都唔想再去買。…查看更多

星期六夜晚同屋企人去呢度食飯，眼見旁邊的餐廳排晒隊，但呢間店可能因為門面唔多吸引，老細又佛系的關係吧．．竟然一個客都冇😅。不過其實野食唔錯㗎，薄餅 意粉 意大利飯 甚至餃子都有，入面重有隻貓貓招呼你😂，個人覺得佢嘅薄餅最好味。如果想同朋友靜靜地傾吓計，呢度都唔錯，可以一試。…查看更多

唔知係咪成本高咗呢，以前買一份鹽酥雞會去到袋口咁高，依家有差唔多三份之一係空氣（薯片的概念？）。而且一早炸定晒放喺度搞到又凍又硬。一係就翻炸再翻炸。真係越做越差…查看更多

同附近嘅車仔比較，呢間味道算唔錯。不過餸嘅份量就少D，午餐肉8蚊得半塊重要薄。都唔梗要啦，但外賣三次，三次都出錯⋯⋯第一次俾漏餸（後來第二次時補返），第二次俾錯湯（叫腩汁俾麻辣），第三次叫秘製辣汁俾清湯）。所我決定放棄唔再去了，費事失望（個人口味問題）推薦：豬腸同豬紅不推薦：蘿蔔（完全冇味）同豆卜（乾爭爭又冇味）…查看更多

之前喺附近返工，好多時都會去呢度食，價錢唔貴，份量足夠，味道亦唔錯。呢度我最鍾意係佢既三寳飯（唔係燒味三寶），係燒雞中翼丶燒豬頸肉同埋扎肉，佢既雞中翼同豬頸肉都入味，扎肉係越南扎肉（有啲彈牙果種）。另外重有海南雞喇沙都係不二之選。大家如果經過可以一試👍…查看更多

當初開張冇耐無論食物新鮮度同服務都好好。雖然都明白大部份香港食肆越做得耐就越差，但呢度好似差得比其他快⋯ 牛肉薄到透明（夾起就爛）⋯ 自助區D野食冇哂，行咗幾轉都冇refilled ⋯ 雪糕機出嚟果D唔係雪糕，係奶昔⋯雖然佢唔係貴，但其實差唔多價錢都有好多其他呢類選擇。…查看更多

行過諗住求其揀D野食坐下，叫咗個酸辣粉，本身冇乜期待，不過食落好好味，薯粉軟硬剛好，個湯香料味唔會過濃，味道啱啱好。而且下午茶餐份量亦唔細，35蚊重有豆漿或一罐汽水送。不防一試…查看更多

約朋友食飯又唔知食乜好，諗起有間新開串燒店，於是即管過黎試下。坐位都算舒服，未算太貼近隔離枱。坐底咗之後先發覺呢度唔會一陣油煙味，環境清潔乾淨本來以為同一般串燒店一樣：都係求其燒熟再加D味粉就俾你。點知唔係喎，呢度D燒物絕對唔會over cooked, 熟度剛剛好，食物外層唔會燒到好燶 𥚃面亦鎖住肉汁，外脆內嫩又入味，有heart之作。個人推薦：辣酒煑螺（個汁好好味）丶慢燒無骨乳鴿（皮脆肉嫩）丶羊架（入味）…查看更多

之前黎過呢間餐廳幾次，食物都算ok, 服務亦可以。但今次之後，我一定唔會再嚟，食物完全冇味唔在講，叫了個招牌菜＂意式香草燒雞＂，完全同煲湯雞冇分別，本來面頭應有嘅番茄醬變咗蕃茄水。服務真心譚仔好過佢，大哎叫左起碼六七次先有人行埋黎好悔氣咁講：要咩！？面包大力擺上台就行左去。其實我唔要求有D乜服務，但最起碼唔好當我嚟乞食好冇，你收得咁上下價錢，食物差，服務差，唔怪得人地間間都排晒隊，而你重有大把吉枱…查看更多