albeehmy的个人专页

今日同朋友講唔想食咁heavy朋友即刻推薦呢間Cafe 比我😙😙😙個menu 即刻見到B區勁多健康餐😆最後冇食到B區，食左A區，再加多$38 升級套餐～1. 是日餐湯- 南瓜湯好好飲🥹🥹Feel到好健康冇落太多調味～南瓜味濃！超級creamy ！個碗望落好細，但飲落又啱啱好✨💖2. A3 青醬雞肉扁意粉呢個都好好食！淡淡嘅青醬味～調味剛剛好✨唔會好死咸！重點係個雞肉唔柴，竟然仲彈牙！3. A9 香煎牛扒配薯蓉呢個牛扒叫左7成🤣覺得下次叫5成好似好啲呢個牛扒有少少乾😛😛同埋又要食意粉又要食牛，佢好快凍左好彩凍左都唔算變得超級韌4. 棉花糖奶蓋窩夫開頭都怕會好甜，不過都還可以✨✨奶蓋中和左棉花糖隻甜味，變得啱啱好！仲有麻薯同雪糕😙😙窩夫就唔算好大份，不過2個女仔share 啱啱好5. 雜莓沙冰唔記得咗影相，都幾大杯✨同埋個感覺都完全唔甜，好似好健康😛總括然而我都會比5星呢間餐廳🥹💦有encore 機會！！！…查看更多

見到Cafe 關注組推薦，專程黎試下☕️🫶🏻1. 四川醬大蝦意大利粉 $138見好多人大推呢個四川醬意粉，即刻想試！中式醬+意粉好特別嘅配搭🥰黎到個樣都靚靚仔仔，先試左個大蝦，應該有炸過，同埋好彈牙新鮮！個意粉有少少微辣，食到四川撈麵醬嘅味道，以為會好重口味，但又唔算好濃，如果個醬再厚身啲就正！☺️2. 泰式香茅椰汁雞肉意大利粉 $88 （Lunch Set）Lunch Set試左呢個意粉，黎到平平無奇，個賣相都普通，結果有驚喜🥹🥹🫶🏻個辣啱啱好，椰汁味濃，香茅味重！每一條意粉都掛住椰汁🥥3. 香蕉🍌拿破崙（Lunch Set +$25 是日甜品）個拿破崙好脆皮😋個醬都唔會好甜香蕉有脆脆焦糖，好食！4. Flat White / Iced Americano 整體都推薦，主食好食，甜品都正，啡都okay☺️🫶🏻 …查看更多

今日幫朋友慶生黎到銅鑼灣嘅Old book📚環境好vintage～有塊落地大玻璃加埋Vintage 佈置，都幾有氣氛！1. 蒜香咸蛋黃少少辣粟米 $78蒜香唔係好feel 到，咸蛋黃就痴哂係條粟米～粟米唔係好甜，辣粉就有少少刺激！重點係🥵🥵佢會醬住個嘴成條脷都好乾好乾，好似d咪精痴住哂係條脷！2. 九層塔肉鬆椰菜花 $108開頭以為係沙律爽脆feel，點知係中菜感覺🤣用水滾嘅椰菜飯⋯⋯⋯加肉鬆⋯⋯就係咁！九層塔都冇咩feel🥹 3. 脆炸香薯（避風塘） $78薯條份量好多，炸得好脆～不過係幼身薯條！如果撈埋d避風塘碎碎一齊食都ok～但如果單食薯條就冇咩避風塘feel！4. 明太子蟹肉蟹籽意大利粉 $148意粉唔算好濃味，啱淡口味人士蟹肉同蟹籽份量唔算好多好多！每啖入口都有少少～意粉就幾有咬口，整體都還可以！5. 西班牙伊比利亞豬鞍配青蘋果醬 $218啱啱好偏熟嘅口感～又未係好硬，但又唔算好Juicy！但個青蘋果醬唔伏，都okay！感覺好清爽同有新鮮感～叫左幾杯野飲，冇影到相，不過杯焦糖蘋果乳酪沙冰幾好飲🧃可以try！另外係到切餅比左$80費用🍰埋單整體用左$1008～ 講真都幾貴，但野食就唔算好值🤑🤑但如果食環境都可以試一次～！！…查看更多

平日2點黎食大圍雞飯，都係坐無虛席！一坐低即刻叫左個雞飯要雞胸炒底，再試多個椒鹽豬扒飯炒底1. 雞飯（雞胸）炒底碟上 我自己鍾意啖啖肉，所以叫左雞胸，雞胸都完全唔鞋（當然冇得同雞髀肉比較），但我自己都好滿意！另外隻雞都好入味👍🏻👍🏻👍🏻雞肉份量都好多。另外加左$12 轉炒底，我就覺得好失色，個炒底完全唔香，當食白飯咁都冇乜分別，加左咁貴轉炒底，同期望嘅太大落差。2. 椒鹽豬扒飯炒飯碟上豬扒份量唔多但都大大件，椒鹽就唔係好見，亦唔見乾爽蒜粒，同時亦唔見椒絲，但講真味道就唔差嘅，入味兼辣辣地，我本人都過關，可惜都係個炒底麻麻，拉低左分數。整體而言，雞飯抵食，炒底可試，下次再去，會叫白飯.😜…查看更多

今次係二訪E for Egg Cafe ☕️上次星期日黎要等好耐，今日平日Lunch hour黎唔洗等有好多位😜落左單等左20分鐘都未黎，以為慢工出細貨所以冇催佢地🧏🏻‍♀️點知原來店員發現漏左單～即刻出比我地，10分鐘後即刻有野食🥳1. 開心果鮮奶咖啡 $52 上到黎個顏色超奇異🫢🫢有少少驚未攪勻之前試下個開心果奶同開心果奶蓋，都幾香開心果味～！可惜攪勻埋d咖啡就比咖啡味遮蓋哂d開心果味🤨 2. 金沙軟殼蟹三文魚籽海鮮沙律盒子吐司 $108上次試左蝦吐司，今次試下軟殼蟹🦀推薦🌟🌟🌟🌟🌟炸得好香脆，同埋軟殼蟹仲有蟹膏，正！吐司外表都煎得微微脆，內軟香，仲有蛋同魷魚粒😛3. 吉列魚柳撈烏冬 $98 + 櫻花蝦明太子醬 $8魚柳比我想像中份量多（兩塊）～炸得好香脆😜配埋沙律醬好食！另外烏冬加左$8轉櫻花蝦明太子醬（原本+$0配胡麻醬），覺得個醬都好濃好多，每條烏冬都可以顧及到✨不過烏冬可能稍為煮耐左少少，好多一夾就斷😬 呢間Cafe 整體都好推薦，特別係久唔久黎試下佢嘅招牌吐司🍞！！！試過兩次，都係野食勝於飲啡～如果想黎真係嘆啡就唔建議🧏🏻‍♀️…查看更多

香港咁多好食點心，真係未輪到食添好運今日咁啱經過，敗比好奇心，試一試佢！1. 酥皮焗叉燒包 $35聽聞係經典必食！落單後唔洗2分鐘即黎，內餡爆汁又唔會太甜～整體合格但又未去到好香口～2. 洛神花米網紅米蝦腸 $48呢個幾特別，跟埋一碟仔洛神花醬，腸粉滑，似掃左好多油！不過米網都幾脆，整體都有驚喜！3. 添好運蜜汁叉燒飯（送蛋）$74蜜汁叉燒都鬆軟，但醬汁唔算好濃，配左個半熟蛋，但淋完醬油之後都係唔香。價錢唔平，唔建議試😬4. 晶瑩鮮蝦餃 $44呢個係成餐最好食嘅點心！皮薄蝦爽！ 每粒都飽滿唔黐皮～熱辣上枱好加分！5. 賽螃蟹蝦春卷 $38呢個又係好特別！香脆唔膩！ 外皮炸得剛好。不過我好努力想試下賽螃蟹嘅特別之處，就唔係好感受到😝整體都OK，但呢個價錢再食就唔會了，相信會有更好嘅選擇～…查看更多

專程黎石蔭試下米線關注組大推嘅石蔭米線！平日13:20 黎到見到好多人，但竟然唔洗等都可以入，不過好快就全場爆Full！1. 小鍋米線（紅腸、雞絲、雞翼）小小辣 $64紅腸有煎香，幾好食！ 雞絲好碎好吸味！雞翼就普通，瘦左啲～2. 小鍋米線（腩肉、蘿蔔、響鈴）$64 腩肉有醃過都幾入味好食！蘿蔔就擺涼左，要浸一陣湯先暖！響鈴就普通啦，主要其實個湯唔係話超級熱，所以就做唔到一浸就索哂嘅感覺😛因為開頭睇menu話個佢地個辣都好勁，所以我地唔敢亂叫，叫左小小辣就算，本身唔算好食得辣都覺得可接受！同埋個湯底好多肉碎～超正！！不過食完超口渴🤣🤣 整體都推薦！！！…查看更多

睇OpenRice 見到呢間Cafe 好多好評⚡️咁啱去到係4:30，佢4:30-5:30係員工食飯時間，係附近行左陣～環境行懷舊風，不過坐入d近廁所嘅話就勁臭，所以即刻轉位坐出少少靠牆位，但抬頭一睇，見到勁多塵，勁驚佢跌落黎🤣1. 香水檸檬忌廉麻薯窩夫（$78）外脆內煙韌，咬落去 in in un un，口感有驚喜。不過香水檸檬忌廉假香感幾重，有啲似香精，稍為扣分。叫咗兩杯咖啡，Ice Latte 酸澀得嚟有啲卡喉，Ice Mocha 就中規中矩，飲完冇乜火花。最搞笑係個staff 拎咖啡個陣勁小心，但最後都倒左出黎，冇幫我抹返連紙巾都唔比張🧏🏻‍♀️埋單前望到隔離枱啲咸食，好似幾吸引……下次大家嚟可以直攻咸食線，我本人就不回頭🧏🏻‍♀️…查看更多

今次喺新蒲崗廣場搵到間好唔起眼嘅泰國餐廳，食物有驚喜！1. 香葉肉碎飯（$59 + 煎蛋 $8）一上枱已經聞到香葉嘅香氣，肉碎炒得夠乾身、唔油膩，由細辣到大辣任揀，我揀咗中辣，啱啱好又唔會搶味。煎蛋煎到外脆內流心，撈埋飯一齊食超正，辣香撲鼻，一啖接一啖。2. 泰式豬頸肉飯（$61）豬頸肉炭香味突出，外脆內嫩，咬落仲有啲肉汁，加埋酸酸辣辣嘅醬汁，解膩又惹味。白飯好香，整體份量啱啱好，配菜都算有心思。整體嚟講，環境舒服、裝修有泰式風味，價錢親民，值得再嚟試下其他小炒同甜品！…查看更多

星期日黎到元朗，諗住搵間Cafe慢慢嘆下啡～見到呢間文青Cafe門口有食客帶住狗狗🦮係一間Pet friendly嘅餐廳🐶星期日嘅2點半，等左10分鐘左右就入到去坐低1. 虎蝦蟹棒蟹籽煙肉粉紅汁卡邦尼手打意大利麵 $108手打意大利麵都幾彈牙！但除此之外呢個麵都係冇咩優點🤣完全係冇味，亦唔算超級粉紅以打卡嘅角度黎睇都唔係吸睛2. 柚子Latte（熱） $40、Coconut Dirty（凍）$50柚子Latte有淡淡嘅柚子味！鍾意柚子嘅可以一試～但我自己就麻麻柚子+咖啡嘅組合🤣🙏🏻Coconut Dirty係正常發揮！市面都好多呢兩種嘅Combination，唔伏嘅🫶🏻🫶🏻總括然而，可以一試，但不會再試😜😜😜環境都唔算係超級舒服門口都幾靚，可惜對正馬路，空氣都唔好個日仲要剩係收Cash，臨急要去㩒錢🥲推薦指數：⭐️⭐️…查看更多

食左好多似次嘅錦麗！分店好多，但每間質素都維持到水準👍🏻1. 霸氣牛總裁湯底好飲唔會好稀，重點係好多料！細食女仔未必食得哂🤣推薦指數：⭐️⭐️⭐️⭐️2. 蟹餅蕃茄湯檬粉雖然佢話係蟹餅，但落左湯都分散哂！但個蕃茄湯真係好濃🥺👍🏻推薦指數：⭐️⭐️⭐️⭐️3. 蒜蓉牛油雞翼佢黎到嘅時候仲有少少牛油未溶🤩不過食落口唔係真係好重蒜同牛油味，但都係一隻好食嘅雞翼😂推薦指數：⭐️⭐️⭐️總括而言，多分店，而且唔伏，諗唔到食咩入黎實冇死～整體推薦：⭐️⭐️⭐️⭐️…查看更多

夜晚9點零10點石門好多餐廳都收左門～陳根記開到11點，10點截單！所以就入左黎陳根記啦😜1. 椒鹽鮮魷坦白講都幾好食的！佢炸得好酥脆！！但佢真係純炸炸，唔係椒鹽嘅感覺～推薦指數：⭐️⭐️⭐️⭐️2. 椒鹽牛仔柳炸左就一定冇咁嫩口架啦，不過勝在夠香口送下飯😜推薦指數：⭐️⭐️⭐️3. 菜心炒牛肉好食嘅芡汁！！ 個芡打得靚都冇得輸😋🤩推薦指數：⭐️⭐️⭐️⭐️總括而言，普普通通嘅質數！不過夜媽媽想食下有鑊氣，可以飲下酒大聲講下野同朋友傾下計嘅都係一個選擇！整體推薦：⭐️⭐️⭐️…查看更多

Apm 周圍嘅餐廳都好多人排隊～肚仔餓餓又唔想排隊，呢間啱哂😂1. D04 藥膳燉排骨湯麵（蛋拉麵） $92湯底方面係淡淡嘅藥膳味，唔係好濃～至於麵質硬硬的～本人麻麻地！中規中矩嘅湯麵！推薦指數：⭐️⭐️2. D11 私房烤雞髀雞油香飯配溏心蛋 $88雞髀好食，但好乾！雞油飯都好食，但都好乾！🤣要加少少湯麵嘅湯汁整濕返少少先入得口🥺推薦指數：⭐️⭐️⭐️總括而言，呢間係普通餐廳，90幾蚊有前菜、主食、野飲、小甜品，抵唔抵就見人見志🫢整體推薦：⭐️⭐️⭐️…查看更多

有幾間分店嘅蘇媽蘇媽！🤩💛沙田店菜式豐富，味道依然維持水準！1. 808 蝦米醬炒鮮魷通菜 $96好食！單食唔會咸！不過以$96 黎講覺得可以多幾舊鮮魷🤣推薦指數：🌟🌟🌟🌟2. 406 馬拉沙嗲串燒6串 $98揀左雞肉～唔柴👍🏻不過就冇「燒」得好香嘅感覺～沙嗲汁好好食🤙🏻推薦指數：🌟🌟🌟🌟3. 甲必丹咖哩炸雞球配薄餅 $86呢到嘅咖喱係偏酸！但佢嘅薄餅好鬆脆！同埋超級讚佢地個雞球🥹🥹👍🏻超好食！！！！推薦指數：🌟🌟🌟🌟🌟整體而言，好食！諗唔到食咩就入去！整體指數：🌟🌟🌟🌟…查看更多

位於啟德新商場Airside 的泰國餐廳🇹🇭其實呢個商場都唔少野食！不過今日想食泰國風味就入左黎啦🥳1. 啖啖蟹肉炒飯 $138一上枱好驚喜！因為份量都算幾大😜蟹肉都多👍🏻👍🏻不過味道略淡，但本人好鍾意！始終泰菜其他dishes 都係比較濃味，個飯清清地都唔錯～推薦指數：🌟🌟🌟🌟2. 即燒豬頸肉 $88好好食～～！真係有燒嘅味道😛個汁都好惹味！而且都唔會好多肥豬肉推薦指數：🌟🌟🌟🌟🌟3. 飛天炒通菜 $78原本上碟時陣陣燶味，發現佢炒燶左🥹即刻問個店員，佢好快即刻幫我地處理～仲要事後店長專程黎解釋返，亦願意幫我地處理，非常有禮貌嘅，服務態度好好👍🏻👍🏻👍🏻講返碟冇燶嘅通菜先，本人覺得佢接近中菜炒法法嘅通菜多啲😜 如果你唔mind 又想食下菜都可以，佢份量都唔錯架！推薦指數：🌟🌟🌟整體而言，作為剛開幕嘅餐廳水準都唔錯，想食泰菜入黎都唔會伏😋整體推薦指數：🌟🌟🌟…查看更多