cymchow的个人专页

一行12人去到酒樓飲下午茶，唔需要等位，因為入面唔滿，原因係無店員做野，樓面既人唔收野，放到成台都係，送點心既又話佢唔執，放到個轉台都無位都唔會理你，總之放低就算，最好笑，有位呀姐送點心，問張卡係邊，佢話有野係上面點吸印，仲同啲客嘈，你攞開我咪可以快啲吸到印，真好笑，你地酒樓分工得咁仔細，呢個唔做呢樣，個個又話唔係佢地負責，係唔夠人就唔好開鋪啦！咁樣對啲客，都幾難有人會想再幫襯你地囉，野食又唔係特別好食，又唔係特別平，唔值得我比咁既錢去食佢！…查看更多

又到銅鑼灣覓食嘅時候，每次我都慎重選擇，免得浪費左自己個胃！今次又揀到好野啦！雖然我唔係個個年代！但對冰室都有一種特別既情懷，香港既特色！一入到去已經見到好有特色既裝修，好似一個黑板上畫左一幅畫咁！我好鐘意！冰室特色食物每間都唔同！今次我就揀左焗飯！焗飯多數都係蕃茄，但呢間有唔同選擇！我就揀左咖哩，平時比較少食到！焗咖哩薯仔雞扒飯，睇個樣已經覺得佢好好味！咖啡味好香，食落帶有少少辣味，仲有好香既香料味！表面仲有少少椰汁，一齊食好香，好好味！重點雞扒黎啦！本身會覺得佢好似出面既雞扒咁！又少又鞋，點知好驚喜，有成6-7件雞，每件都好滑，仲要好入味，雞皮仲要焗到有少少脆脆地！我真係好愛呢個雞扒！個炒飯底一樣咁出色，粒粒分明，水份唔會流失左，重點唔會因爲面頭有汁會令到個飯底淋哂，呢個焗飯真係好好味！貴少少都值！冰室唔少得既特色飲品，平時去餐廳好少叫既凍檸七，唔知點解係冰室飲佢特別好feel，呢一餐好滿足！…查看更多

每星期最開心既星期五又黎啦！辛苦完當然要食餐好既！熱辣辣食泰國野就岩啦！前菜當然要食個沙律啦！泰國沙律款式好多，仲有唔同配搭，我就揀左個泰式鳳爪沙律，份量好夠，鳳爪係無骨的，好爽脆，醬汁酸味同辣味平衡得岩岩好！加埋配菜好清爽！金沙咸蛋軟殻蟹米紙卷-第一眼望到擺盆就已經好吸引，醬汁帶有少少芒果味，一卷都唔細，一口咬落去有不同口感，夾埋一齊好Flesh!唔係炒嘅街頭泰北生菜包-見到個名咁得意叫黎試吓，一嚟到已經好香，肉粒分明一啲都唔乾身，仍保留有醬汁，用生菜包住黎食，帶有酸辣味道，我鍾意！沙嗲串燒拼盤-雞肉串燒好滑，好入味，牛肉串燒肉質淋身，牛肉味亦好香，豬頸肉串燒，肉質爽口，分別有沙嗲汁同甜辣汁，沙嗲汁好野味，甜辣汁好舒服！招牌菠蘿炒飯配大頭蝦-幾乎每張枱都有叫，黎到時俾佢外型嚇親因為真係好大個，大頭蝦炸到好香脆，肉質都幾新鮮，菠蘿串好好食！燒過既菠蘿比較甜，無左澀味，重點個炒飯炒到粒粒分明，保留足夠水份，仲有肉鬆加埋一齊，完美配搭！唔好睇佢個菠蘿細細，但飯量都幾多下！馬拉盞炒通菜-通菜夠嫩口保留爽脆道，鹹香味好足夠，仲好有鑊氣！飲埋呢到既特色飲品真係一個大滿足呀！…查看更多

又黎搵食啦！每次係銅鑼灣搵食都有一個煩惱，邊到都咁多人，好難搵位，又逼，好難選擇到又坐得舒服，又可以靜靜地傾下計既地方！今次揀左個有驚喜既地方呀！佢個logo設計好靚呀！門口既裝修比人既感覺好舒服，唔似係銅鑼灣鬧市中！第一感覺已經好好！同朋友二個人黎，可以慢慢食野仲可以暢談暢談！生熟牛肉河-都幾大碗下！份量都好足！第一啖當然試下個湯底先啦，清甜好有肉味既湯底！無味精，河粉質感係我鐘意既，牛肉質素亦好高！加上芽菜同生洋蔥，口感豐富，有多層次既口感同味道，全部放埋一齊好夾！牛肉決無hea你，就咁睇都知質素好！仲有二款不一樣既牛肉！老闆娘炒米-好野味，味道濃郁，炒得乾爽，仲有彩椒，豬頸肉，蔥，好香口，唔會太油，旁邊既酸蘿蔔都好好味呀！我地仲加左個越南春卷，熱辣辣，好脆味，入面既料好豐富，唔乾身，有汁家，加上佢既醬汁，酸酸甜甜咁！仲好味，早知叫多條食啦！…查看更多

新開食過一次，係幾好食！沙律選擇多，生果沙律仲算新鮮，試過食蛋沙律好大份，夠食二餐，牛角包係熱既，脆的！連埋飲品都幾抵食！佢既魚湯米線亦有水準，湯係好飲，份量即算多，算抵食！但可惜，再食時叫外賣可以等足超過一個鐘，打電話問可以用好差既態度同你講出左啦！等多陣啦！知你耐都已經早好多叫！但都可以等咁耐！一間態度唔好，等咁耐既餐廳，幾好食都唔會再敢叫！明白食飯時間多單，但多單到要等超過一個鐘就唔多合理，希望佢可以改善下！…查看更多

係香港要食到好味又接近台灣味既唔係咁易搵！一向愛台灣翁年去幾次，但係香港仍然會掛住台灣既我！都會留意下台灣餐廳！係呢附近返工！有新台灣餐廳既我又點可以唔試呢！今日揀左返工前黎食！一入門口就見到大大隻字寫住古早味！說真的！我真係分唔出點先算係古早味！只係識分好食同唔好食！午市套餐，價錢唔算好貴！包一杯飲品同有二款小食！牛肉麵，先講賣相，好吸引，牛肉睇落厚度十足，仲有蘿蔔，菜同酸菜，賣相已經贏左！第一口當然飲湯先啦！顏色濃度都十足！飲落好香五香牛肉既味道，無味精，唔口渴，佢既湯仲有少少厚度，麵係寬麵，麵身有少少厚度但唔會係覺得食緊舊粉，軟硬度剛剛好，我鍾意佢既麵既口感，重點牛肉要黎啦，前面都咁滿意，到牛肉一樣咁滿意，唔需要用咩力就咬到好淋既牛肉，但絕對唔係去到爛，留有粉少口感，佢地揀既肉好好，肉同脂肪既比例岩岩好，仲有正大舊，份量足夠！雖然係小食，但一啲都唔hea你，一個係麻辣豬肚，帶有少少酸，麻辣味道岩岩好，唔會太過份，點到即止，高麗菜好清甜，凍食都咁好食！貪心既我，一碗麵滿足唔到我！要叫多一個刈包先滿意，賣相同台灣一樣，包身鬆軟，見到嗎，佢舊肉有將咁舊身呀，入面仲有香菜同酸菜，以咁鍾意食刈包既我黎講，佢算合格，佢肉質唔係好淋，係有咬口的，佢個豬皮部分一啲都唔油，有q度，口感好豐富，純粹個人喜好，佢爲一缺少左花生粉，如果加埋就完美啦！午市包肉品當然要飲珍珠奶茶啦，茶味唔算濃，無苦澀味，糖度我揀左半糖，我覺得岩岩好，飲到佢啲珍珠係用黑糖整，好好味！呢餐我好滿足亦好滿意！我愛台灣美食，又好掛住啦！…查看更多

好耐都冇嚟過和氣食堂食嘢啦，之前有段時間住喺附近酒店，每晚都會同屋企人過嚟食，因為佢哋啲嘢食真係抵食夾大件，佢哋雖然鋪仔細細，但係一到夜晚食飯時間嗰陣時都會排長龍，今晚見咁岩行開喺附近，所以就過嚟食下啦。今晚同朋友兩個人食，之前就試咗佢哋好出名嘅大阪丼，今次我就叫咗個燒牛肉肩丼，個飯嘅份量都唔細，佢個飯仲送埋個小泡菜，啲牛肉好淋，同埋好香，再配埋佢哋嘅燒汁，雖然份量唔少，但都會好想繼續添飯，我食過咁多個燒牛肉飯當中，佢呢間嘅燒牛肉飯係做得相當唔錯嘅。我朋友就叫咗個魚生飯，佢都話呢度啲嘢食唔錯，抵食夾大件，呢個價錢咁嘅質素絕對抵啦。…查看更多

返正前唔夠時間，諗住買啲野食就趕返工啦！呢間魚尚！表面睇都幾好！仲諗住應該比爭鮮好啲！點知係一個伏，我買左二個飯團食！加埋19蚊！一個牛，一個明太子！牛個個味道無問題！係啲飯唔夠鬆，但明太子真係唔可以接受，個飯係硬家！好明顯雪左好耐！個時已經係三點，都仲可以賣隔夜貨！離哂譜！真係唔會再去買！衰過爭鮮！第一啖都已經頂唔順啦！成個掉左佢！…查看更多

黎開銅鑼灣點可以唔搵新野食！一早已經聽過呢頭有好多韓國野食！一於就試下新野啦！今次揀左炸雞黎試！一去到都幾有韓風家！電視都只係播韓國電視節目！接待亦都係韓國人！感覺好似去左韓國咁！小食同水都係自助式，有泡菜同炒韓式粉絲，泡菜好岩我口味！味道唔會太重！菜仍保存脆口！韓式粉絲超好味！麻油味好香，料亦好多！忍唔住一攞再攞！主菜出場啦！呢個係lunch set ，韓式甜豉油炸雞，呢到有7件雞！份量好多！配有沙律，每件雞既醬汁都好足夠，好滑身及肉汁豐富，甜豉油味道亦唔會太過重口味，沙律岩岩好可以解膩！仲有一樣係我係韓國最鍾意食同炸雞一家會有的酸蘿蔔，夾埋炸雞一齊食，口感有不一樣！雖然lunch就食咁多肉好有罪惡感！但隔唔中一次都幾滿足！呢間韓式食品都幾正宗！份量即好夠！佢仲有其他lunch set，比大家參考下！…查看更多

拉麵既款式好多！我自己會鍾情於沾麵！係日本試過後一試難忘！但香港好多都係湯麵！同係香港食一碗好食既一啲都唔平！今日揀左一間係港島區既！心理感覺應該會好食啲！一入門口感覺好日本！好有氣氛！連字體都好日本！有感覺係日本到！只要唔望窗口！佢最吸引既地方係用石鍋燒黎試上個湯底！一黎到已經好吸引！個湯底係滾住咁上！麵量可以選擇唔同份量！我為左可以試下其他野！我揀左最少量既麵！但有啲後悔！早個揀多少少！佢個湯可以keep到好耐都仲好熱！麵佢都可以揀涼定溫！將麵放入湯到好快變熱！個湯底好濃郁！唔油，叉燒肥瘦好明顯！但咬落一啲都唔會覺佢係肥肉！（好邪惡☺）一路食一路覺得好好食！佢好甜心會準備定檸檬比你！就係因為佢食少左麵！唐揚炸雞！好好食呀！熱辣辣，感覺唔到佢有油！好脆身，但入面又好滑身，呢個真係好好食！仲有檸檬比你！加埋係好夾！檸檬真係要加！飲埋桃梳打好滿足！好香桃味！但唔太甜！岩岩好！…查看更多

路德圍出名多野食！米線都有好多選擇！今晚揀間特別啲既黎食！入到鋪頭，環境好舒服，燈光柔和，好有越南既感覺！坐位有足夠空間！生牛肉河，唔好睇佢細細碗，但好有好多粉，牛肉亦好多，湯頭鮮甜，無味精味，加上生洋蔥及牙菜，有唔同層次味！蝦餅撈檬，蝦餅即叫即炸，熱辣辣，彈牙，爽口，佢既配菜亦好多，青瓜絲，酸蘿蔔，生菜，炸蔥，加上佢既醬汁！好夾，口感亦好豐富，撈檬係我既最愛！扎肉蒸粉卷，叫呢個有少少冒險，因為唔係間間都好食！呢間有驚喜，即叫即蒸，好多料係入面，肉碎，粉絲，木耳，口感好豐富，最重要佢個粉皮有岩岩好，有口感，我愛呢個粉卷！蒜蓉牛油雞翼，呢個係好推介，即叫即炸，上台時好香，好熱，就咁睇好肉好熱氣，但食落唔會，咬落去肉汁超多！牛油香同蒜蓉香都好特出！呢個真係好推介！一定要試！薏米水，好清，好健康，甜度岩岩好！椰青沙冰，好解喝，第一次飲好得意，但有少少甜！唔係就完美！呢價cp價都幾高！有下次！…查看更多

黎到大喜屋食放題，就梗係要食呢度嘅刺身啦，呢度啲刺身大件又新鮮，食落口鮮嫩同埋好濃郁嘅魚生味。我最鍾意食嘅三文魚超厚，長腳蟹鮮甜好味。我哋好快食完第一輪之後，就即刻再點第二輪，佢嘅刺身黎得好快熟食有我最鍾意食嘅芝麻雞翼，勁香同埋個皮好薄好脆，啲肉好嫩滑多汁。海蜇沙律酸酸甜甜好好味，加埋啲菜中和返個酸妹，一流！牛肉望落去紅噹噹咁，好似唔係好熟，但咬落去啱啱好又夠淋。壽司類別就冇太大嘅特別，不過我覺得佢好貼心，佢啲壽司嘅飯唔係好大舊，咁樣客人就可以食多啲唔同款嚟嘅壽司。牛肉煲都冇太特別，佢啲牛肉都幾林同埋啲豆腐都幾入味，我哋差唔多走嘅時候會特登叫番一鍋食飽佢。仲有好多其他嘅款式我覺得都好好食，同埋每日都會有一杯Haagen-Dazs嘅雪糕俾你揀，我覺得超抵食，下次會再嚟encore一次。…查看更多

好耐好耐無食過放題！早幾年好興時成日都食，但當太多店鋪都做時，質素就會下降，依家好難搵到一間價錢合理，質素較高的放題！耐無食朋友提意就食下啦！就咁睇紙都有好耐唔同選擇，第一輪太家都係亂叫！但經驗話我知要小心叫！唔係好快飽！刺身係放題既重點！聰明既我地叫少少試下先！三文魚新鮮，仲要厚切，蝦鮮甜，肉身爽，貝爽口鮮甜！第一輪好滿意，要加單！壽司種類多，揀想食的，有人會話見到舊飯都覺飽，但呢到好貼心，每件都細細舊，一口過，食多二件都唔怕呀，壽司質素高，飯唔會死實實，鬆軟的，刺身亦唔hea你，海膽手必食！鮮甜新鮮！熟食本來我就麻麻地，揀左自己最想食個幾款，牛舌爽口，青魚好滑身，唔係乾爭爭，牛柳粒合格，炒雜菜好好味，爽口，味道我好喜意，清清地但又唔會無味，炸物少食，但蕃薯仔係必食，因為係我最愛！飲品款超多，多到有選揀困難，呢到既飲品係每個人都會揀一陣先諗到飲咩！同其他放題唔同既係佢有mini bar，有好多小食，自己揀，自己攞，仲有清酒飲，連小朋友都滿足埋，爆谷，綿花糖！應有盡有！食食下有店員行埋黎送上甜品，我估會每天不同款！是日精選係南瓜西米露！呢一餐好滿足，好耐無試過一餐放題質素有咁高！有下次！…查看更多

又到港島區搵食啦！好耐無試新野！見到有冰室！門口個滑蛋好吸引，一於試佢！款式都唔算多！但有特式同有質素，同其他冰室一樣有香港人最愛既茶餐，揀下揀下都係滑蛋啦！自家製叉燒日本蛋飯，睇到啲蛋汁嗎！睇個樣都覺得佢好滑，蛋味好香，識食一定連埋蔥食，賣相已經得到我既歡心，第一口當然要試下個蛋先啦！同個樣一樣！好滑，好香蛋味，加埋蛋花仲香口！叉燒睇樣都唔係乾個啲！食落一啲都柴口，有肉汁跑出黎！飯粒分明，軟硬岩岩好，加上甜豉油，夾到一個點，將所有野一口食既時候有幸福既感覺！雖然係茶餐廳好普通既飯！但係呢到食即刻升左一個層次！重點灣仔區黎講佢既價錢係值家！呢間有下次呀！…查看更多

一年一度好朋友生日又黎啦！每年都諗到頭大！今年就揀左呢間，咩都有得揀既黎食！唔怕唔岩食！去前做左資料守集，都幾蛋好評，有啲期望！餐前小食，薄脆片，本身都有啲胡椒味！加上個醬，更辣，更好味，岩無辣不歡既我！吞拿魚沙律，由餐廳員工推介，厚身既吞拿魚，占上黑白支麻，好香，唔會太生，加上醋汁沙律醬，酸酸地好開胃，沙律菜有好多款，最愛青瓜，爽口！炸蝦餅，熱辣辣，大大舊，蝦肉彈牙，加上二款唔同醬汁，別有一番風味！最期待既羊肉卡巴，其實我一直都好鐘意食卡巴，但唔係好多地方有得食同好味，佢都唔平，同份量唔少野，薄薄既皮，加上生菜，洋蔥，燒香羊肉同醬汁，好正，要一口咬哂咁多樣先係最好味！羊肉唔蘇，夠香，夠淋，好彩二個人分享，唔係都唔知點食得哂！呢間餐廳好貼心會推介食物比客人！好多唔同款式菜式選擇！…查看更多