w2014的个人专页

9Jan2025, 5pm兩人去食下午茶，餐牌寫明送熱飲，店員居然話熱飲暫停，只好叫凍奶茶和凍華田，之後先知中伏，凍奶茶/凍華田不是由熱水沖再加冰嗎？試過一次算，食物一般，最差係唔老實，之後更見到有自助熱水任斟！簡直火上加油、晴天霹靂！當我黑仔唔好彩，永不再光顧！估唔到食個下午茶，都俾人昆$3！經一事、長一智，以後出街食野都係要打醒十二分精神、保持頭腦清醒先得，無理由咁大間餐廳會無熱水供應，除非制水或壞爐都有些可能，大家請小心這間不老實的食店！…查看更多

衰在羊群心理，試買所謂舊式餅店的蛋撻，排隊見人多早已準備隨時拍八達通付款，我同店員講要4件蛋撻，店員聽到後隨即呼喝「俾錢先啦！」，去買嘢食都受氣！試過都不外如是，味道仲衰過屋村餅店，貴又貴過人！到第二次，陪同事去買袋裝蛋糕仔，同事放在收銀向店員說「唔該」，收銀員一直沒出聲、又無手勢，只見八達通機顯示蛋糕仔價錢，同事見狀便拍八達通付款，收銀員全程無出聲，又木無表情、甚至目中無人，幫襯你連基本一句「多謝」都無，仲要睇你面色，真係無下次！去幫襯其他小店好過。…查看更多