Sonia li bb的个人专页

夜晚8點幾，松記已經排哂隊，我地就揀左明師傅。豆腐潤咁細嘅鋪頭，即使超多人，仍然可以超快咁上甜品。一直，松記、友記以及明師傅，都係競爭對手，松記就比較平，明師傅好味D，至於友記...上次去過，服務差！我地要左「芒果奶凍同薑汁芝麻湯丸」個奶凍幾好，奶味好重，芒果亦都好甜。至於個湯丸...友人話好乸喉，好辣。…查看更多

我一直都好想試GODIVA嘅雪糕/野飲。好多時都唔得閒，加上價錢又偏貴...所以一直都冇買嚟飲。今日終於得閒啦！牛奶朱古力凍飲(＄45）講真45蚊一杯真係唔抵...點知杯野又咁細...真係唔抵呀！大佬，成45蚊1杯，應該唔差得去邊掛...點知一飲落去，勁甜！唔緊要...比多次機會你！飲多啖...又凍又甜!!!M_ C_F_都好飲過你啦！不過D Cream都挽回少少分數嘅。。。呢樣真係要讚!!!簡直可以媲美S_AR_U_KS嘅...算係咁啦...不過就真係唔會再比機會你啦！就算係，都淨係會試雪糕。😪😪總結：好差...BTW，佢地D服務真係幾好嘅...尤其是嗰個裝雪糕(筒形)嘅野...真係幾得意。嘻嘻...…查看更多

見到Lab Made今期嘅雪糕好吸引！特別係B.奶醬脆多！原本以為學生證有優惠，可以－$10！點知個優惠完咗！個雪糕有多士粒！不過太多！個醬好鹹！唔太甜！麻麻地！…查看更多

放工返嚟，見到西米布甸好吸引，於是買左返嚟。11蚊嘅西米布甸附送淡奶。西米太＂林＂。完全唔知食緊西米。布甸冇乜吉士味，好淡口。總結：失望！比個樣呃左，原來唔得！…查看更多

買完嘢，去左Starbucks買杯：碎朱古力忌廉星𣲙樂($36)tall(少cream)杯嘢飲好夠凍！忌廉亦都好香滑，朱古力醬更加唔駛講！—超香又唔太甜！星冰樂係冰多，但我飲都D朱古力奶，而且D冰好似加左OREO咁！雖然貴就貴左D，但都幾值得花錢買嚟飲！下次一定會再試！…查看更多

Mango fever 有-芒果雪芭幾好！唔太甜-朱古力圈-芒果熱情果棉花糖淡左D，冇熱情果/芒果味!-自家製脆粒正!絕對唔係消化餅碎!-原味乳酪um…酸左少少!甜返D會好D!-芒果布甸呢個正!真係食到芒果味!-芒果好夠甜!應該用頂級芒果!順帶一提:芒果味絕對唔係假!冇香精…查看更多

入正題漫天彩虹$61有芒果，士多啤梨，朱古力粉，frozen yogurt,粟米片，青蘋果味椰果，藍莓等。芒果：ok甜士多啤梨：可以切大粒dfrozen yogurt：中意佢夠酸！青蘋果椰果：好藥水，麻麻地粟米片：略嫌太多藍莓：太硬！上面好味，下面完全唔得！唔會再來！…查看更多

直入正題！要左珍珠奶茶，小。由於係星期日，超多工人買，等左好耐。嘩!D珍珠唔彈牙不特止，仲要係林到不得了！唯一好味嘅就係奶茶，但都唔及貢x好飲！如果貢x小人D，我一定會揀貢x！無下次！…查看更多

上次經過呢間，見到有「焦糖香橙佛羅倫斯」嘅雪糕，好想試。但係又趕往去奧海城睇戲冇試到，今日終於可以嚟食喇！但係好多人排隊，試咗幾隻味之後，終於決定要「焦糖香橙佛羅倫斯」。話哂之前一直都想試嘛！爭在決定要cone定要杯姐！最後決定要「焦糖香橙佛羅倫斯」丹麥筒($38)。有好香嘅橙味，個味道就好似某牌子嘅朱古力橙餅。而且食到有焦糖粒！有D似橙味嘅焦糖脆餅味雪糕！丹麥筒好脆。唯一美中不足嘅就係個雪糕溶得好快！搞到成手都係！同埋幾難有位。所以決定上樓上foodcourt食！…查看更多

一直都好想試Lab Made.要咗黑糖豆腐（$39）嘩！～一食落口，豆腐味超濃！不過會淡少少。如果加埋黑糖醬嘅話，就甜D。食到底有好多醬同脆米！好味！唔知點解今次送埋Tim Tam 比我！…查看更多

我特登嚟呢度買Macaron嘅原因係因為上次響Paris 試過覺得好味！先講下買咗咩味先！熱情果朱古力：酸酸甜甜咁！熱情果味嘅脆餅，內餡係朱古力混合熱情果！但甜咗D9/10！玫瑰荔枝紅莓：玫瑰味濃香！仲食到紅莓乾添！不過荔枝味唔突出！9/10牛油焦糖：呢個正呀！焦糖味濃郁！牛油味都好香！10/10茉莉花：麻麻地！茉莉味唔濃，較淡！6/10牛奶朱古力榛子脆餅：呢個甜咗D！不過中間有榛子醬！5/10總結：都好味！76/100！…查看更多

由於荃灣間沛公得外賣，於是買咗蜂蜜柚子檸檬果凍，特價$8。好好食！有柚子肉，但檸檬味吾算突出！蜜糖味好重。今次冇試到千層蛋糕。點解我會揀呢個呢？無特別原因，只不過吾係剩返好多味，…查看更多

同朋友行到有D攰，入左去松記。見到咁多甜品，選擇困難症又發作。諗左15分鐘，要左—蜜瓜黑珍珠—芒果益力多綿綿冰 配大西米&oreo.醬就要左焦糖醬。 先講左蜜瓜黑珍珠。佢有得比你揀要唔要奶，我地要左少奶。佢地D黑珍珠好爽。蜜瓜我冇試到。友人話個底好甜。 芒果益力多綿綿冰D焦糖醬冇味。大西米幾煙韌。Oreo幾脆。個綿綿冰真係見到有層次㗎！一片片食好味D。最值得稱讚嘅係唔昜溶!下次會再嚟!!…查看更多

行行下Log—on 發現有呢間野咪入去試下lo ,要左"宇治抹荼牛奶軟雪糕雜錦"$36有抹茶牛奶扭紋雪糕。小丸子，紅豆茸同抹荼啫喱。抹荼牛奶扭紋雪糕：好滑小丸子:好煙韌紅豆茸；好甜!綠茶啫喱:比較無味,拉低分數!整體來說,都正!…查看更多