KARISKamei的个人专页

今日到北角見客路過呢度，見到原先間姨婆瑪麗變左素食店，格局無變，環境都係咁舒適，正好快快手試下新嘢食～我揀左魚豆腐、素蟹柳、香菇貢丸3款餸，配菜超足料，香菇粟米金筍湯底非常香甜！試到個閩南特色小食「福建菜粿」感覺似係煎蘿蔔糕同蝦多士嘅合體，金黃鬆脆，外酥內嫩，蘿蔔無渣清甜老闆好用心介紹菜式，服務好好～芋頭餅我都係第一次食，感覺好似油酥餅夾住一層軟糯甜香的芋頭餡，非常讚！天氣凍來一杯雪梨紅棗茶，原來杯茶佢地日日新鮮自家製的，養生一流😋老闆介紹佢地招牌師傅手打雲吞麵，聽聞啲雲吞粒粒足料彈牙，下次有機會一定試埋～…查看更多

今日係尖沙嘴附近見客，選擇左一間比較體面嘅fine dining，價錢非常相宜，客人食得超級滿意！侍應服務非常細緻，盤碟都係暖的，先來一盤麵包，有原味、香草味等等。接住叫左個前菜，帶子伴牛油果醬，擺盤非常精緻，絕對有法式大餐嘅感覺～緊接住就係主打嘅手工意粉，不得不提佢地嘅意粉真係非常煙韌，好有口感掛汁嘅明太子忌廉醬香濃又唔膩，醬汁味道係一絕，份量亦都岩岩好。另外一個main course 叫左黑松露雞捲，呢度除左主打嘅手工意粉之外仲有法式fusion除左擺盤IGable之外，黑松露醬汁濃郁有口感，岩曬黑松露迷！雞捲嫩滑熟得剛剛好，意料之外地飽肚。好彩甜品仲有另一個胃，見到openrice大推呢個甜品好彩試左，聽聞大廚係個醬汁度落左唔少功夫，一入口有蜜糖伴隨花香味，伯爵茶奶凍啖啖嫩滑，真係一試難忘！三個Signature Cocktail淨係試左兩款但都好有驚喜～第一杯清甜解膩，侍應特登燒過個條草，聞落有清新嘅味道，好易入口！第二杯濃郁Tiramisu加手指餅，咖啡同酒精嘅味道恰到好處，感覺好似食左第二個甜品咁，非常有飽足感～問左侍應話呢度會提供畫碟服務，睇黎慶生週年紀念個啲又可以再黎過了～…查看更多

今日同個妹入屯門探朋友，走個陣勁好彩路過左一間又平又好味嘅漢堡店！因為超級香所以忍唔住想試一試，不過無冷氣所以本身打算外賣攞走。點知好唔爭氣咁就坐左係佢個韆鞦椅上面無走到了🤣我叫左個辣雞漢堡+薯條+汽水套餐，都只係盛惠四十幾蚊。件辣雞超級juice又大份，足足一隻手掌大，辣辣地好頂癮。炸雞拼盤超級大份！居然有兩隻火雞咁大嘅髀、兩件炸雞同兩隻雞翼，件件都炸得外脆內嫩，不過配搭嘅蜜糖芥末醬同將軍醬就唔太好味。我地仲叫左杯招牌貓毛朱古力，非常香濃嘅朱古力，唔會太甜，解渴解膩～最後食唔曬打包帶走，特此紀念😋…查看更多

父親節帶屋企人係屋企附近食大餐，居然食到間超好味嘅泰菜，個個都食到lam lam脷！前菜係必食燒豬頸肉，肉質超級爽滑，配搭醬汁簡直係繼標叔叔之後我會回頭嘅豬頸肉之選！另一個前菜係無骨豬手，煮到非常軟稔，豬皮膠質滿滿入口即化，豬肉住到入曬味，唔會太鹹，點埋個蒜蓉醬汁簡直係人間美味！跟住叫左個青咖哩雞+蒜蓉包，蒜蓉包酥脆熱辣點咖喱汁簡直係無得輸，啲雞肉味道口感一般，但係咖喱汁就很好味，完全唔辣的，岩曬屋企人。之後叫左個冬陰功蝦金邊粉，個湯好濃郁香矛同青檸嘅味道，但完全唔辣，金邊粉掛湯，味道可以。最後來個芒果糯米飯作結，芒果掠嫌青左啲，但糯米飯好味😋居然唔記得左影個椰子沙冰！份量大兩個人share剛剛好，值得一試～似個人埋單都係$641咋，除開每人$160已經飽到捧著肚走❤️…查看更多

好耐無寫食評，食到呢間高質火鍋店真係要Happy Share！新開張人少少，坐得好鬆動，而且裝修好有心思，係忍者主題🥷我地有新張優惠四人同行一人免費，叫左個「中忍」套餐，牛肉非常高質，特別係牛上腦！其他蔬菜同丸類係出面自助，種類都好多！前菜係刺身拼盤，超新鮮厚切三文魚啖啖肉。超多小食可以任食，特別推薦啲炸物，例如天婦羅、芋餅，都係皮薄餡靚，仲有辣酒花螺同清酒花甲都值得一試！叫左個壽喜燒同麻辣湯底，一定要試壽喜燒嘅腐皮！除左係食肉獸嘅盛宴之外，仲好岩一眾海鮮迷！我地可以自己撈海鮮，新鮮鮑魚、瀨尿蝦等等，非常生猛。最後一定要黎滿足下個甜品胃，佢地個雪糕櫃好正好多選擇，最特別嘅就係包裝雪糕球，第一次見！豆腐味一流！總結四個人三個人頭費平均$300up傷害，性價比不錯，好彩係佢為開始大熱嘅時候享受左一翻。…查看更多

上次黎呢度已經好似兩年前，裝修依舊浪漫有Feel。餐廳依然係好有格調嘅暗啡同木紋，好彩早左收工趕得上Happy Hour嘅尾巴。餐廳晚餐時間人幾多，其中一台仲咁啱生日添，全場熄燈一齊唱生日歌，場面好warm!同以前唔同嘅係Catee多左Set Dinner，包埋沙律、餐湯、飲品同甜品，但今次我個friend選擇左更吸引嘅Main DishHappy Hour飲品買一送一，兼且小食半價添！我地Order左一杯Lychee Martini同一杯Dragon Ball.1. Lychee Martini: 巨型Martini杯加上兩粒香滑嘅荔枝，酒味好少，女仔至啱。2. Dragon Ball: 啖啖火龍果籽，健康清新，口感豐富多層次。小食揀左魷魚圈，脆皮略嫌太厚肉太少，但M記魚柳包同款嘅沙律醬非常惹味。Happy Hoir過後叫左兩個Main Course:1. 烤澳洲肉眼扒伴濃燒汁2. 德國脆皮豬手伴蜜糖芥末及德國酸菜德國豬手好大隻，造型好呃like，俾你影完相先再切開。雖然脆皮依舊，但就好似多筋左。肉質粉嫩脆皮香脆，配上perfect match嘅蜜糖芥末，食到lam lam脷！肉眼扒叫左7成熟太熟了稍韌，建議叫5成熟應該肉質會比較軟嫩。牛肉份量十足，點上開胃濃郁嘅BBQ醬，仲有好香濃嘅薯蓉佐碟添。Catee嘅水依舊係好有心思嘅清新青瓜水，係餐廳坐左好耐吹左好多水，店家都無比壓力我地，仲好好服務好好笑容添！…查看更多

一完sem即刻約friend去食宵夜！記起上次深宵同一棟仲有呢間心之食堂，今次終於可以一試！兩個人叫左好多嘢食，率先黎嘅係兩杯飲品：藍蝶花白桃乳酸($48)、青蛙王子($58)。乳酸酸酸甜甜顏色又靚，值得一試！心心三文魚飯造型獨特，非常足料！三文魚不但新鮮仲燒得好香，加上蟹子同飛魚子，口感非常豐富。啖啖白飯加上嫩滑焦香嘅三文魚，淋上壽司豉油加埋wasabi同酸薑，大滿足彩虹卷其實就係蟹子海苔炸蝦卷，同特色嘅三文魚飯比就略顯普通了。心之火焰鐵板牛柳串係打卡必選，店員攞黎插係厚切菠蘿上嘅兩串牛柳之後，倒上酒精搶一搶火，牛柳粒就外層焦香裏面嫩滑，仲有紅燈籠椒。香草羊架大大份，肉質香嫩又唔騷，雖然略嫌多筋，但加上香草香味同黃芥末醬，味道絕配。焦香嘅原條魷魚淋上微甜嘅日式燒汁，宵夜嘅最高享受！埋單每人二百幾蚊，食到好飽！！…查看更多

適逢朋友仔生日，特登入香港仔係佢屋企附近請餐生日飯，結果我地就決定左食新店開張嘅Mee。繼上次已經好耐無食過，食物種類依然咁多，因為唔太餓，兩個人叫左一個喇沙、一條魚同一個甜品就算。喇沙好快就黎到，熱辣辣色彩鮮豔好吸引！湯頭好濃，大蝦好彈牙好新鮮，魚蛋同豆卜索曬啲湯汁好入味，麵嘅份量適中質感都唔會太淋，值得一試。[朋友仔無魚不歡，條魚煎得好脆唔算太多骨，不過我嫌佢油溢味略重，配上酸酸地泰式醬汁就好好多。椰汁糕個玫瑰造型好呃like！椰香再多啲啲會更加好，不過口感好Q彈而且椰汁味都好夠！[新張優惠飲品買一送一，我地兩個食太飽了都未有機會試飲，下次再去一定要試吓隔離檯個碗香濃咖喱同碟好似好清新嘅海南雞飯，實在太過吸引！！！…查看更多

去深水埗買耳機順便食個飯，見到門口招牌有兩隻福娃嘅日本菜未試過，好似幾吸引咁。店面乾淨利落，好彩黎得早入座後都幾多人係門口排隊。首先一定係點一碟壽司當前菜：蔥拖羅軍艦($19)、海膽軍艦($29)、火灸左口魚裙邊壽司($13) x2、鮭壽司($7)x2、鮭腩壽司($9) x2火灸左口魚裙邊壽司：第一次食左口魚，火灸獨有嘅香味加上入口即溶嘅新鮮魚生絕對係呢餐嘅一大驚喜！鮭壽司：三文魚紋理均勻飽滿，鮮嫩味美，不得不讚醋飯酸度黏度比例啱啱好，性價比高！跟住就係手卷嘅時間：蟹膏手卷($19)、軟殼蟹手卷($22)蟹膏手卷：蟹膏份量多，係韓國蟹膏醬嘅味道，味道鮮甜、蟹味濃郁。軟殼蟹手卷：軟殼蟹大大條脆卜卜，加上啖啖沙律醬點綴，一試停唔到口！今晚嘅重點一定係自選三款魚生飯($48)：鮭x2、穴子一本x1穴子一本：啫係超長鰻魚，雖然魚味唔算濃，但口感嫩滑，新鮮香口。鮭：點一個有兩件厚切三文魚，激抵食！入口豐富有口感，三文魚味又濃郁，絕對係首選！不得不提丼飯嘅飯底醋味開胃解膩，加上大量配料口感味道層次豐富，而且份量又多價錢平民，最抵叫之選！仲有配個味增湯架！最後埋單兩個人$272，味覺嘅享受，當聖誕大餐食又唔算貴嘅～…查看更多

天氣開始轉涼，路過樓下見到兩小時任食雞煲放題，即刻上樓一試。點左個招牌雞煲之後就黎夾前菜，主要都係辣辣嘅涼菜，食住等夠曬開胃！招牌雞煲真係無叫錯！一開蓋即刻濃香撲鼻，成鍋熱辣辣加上香辣濃郁嘅醬汁，個人覺得唔算太辣，但就會食到嘴角發麻停唔到口。雞肉嫩滑入味，多肉少骨，啖啖都係香濃嘅醬汁。食到最後就可以到入湯底準備邊爐了！等水滾期間黎佢個食物櫃掃火鍋配料，呢度有超過60種選擇，有瓜菜類、冷凍食品同肉類等等，最多嘅都係丸類。隔離都仲有一櫃特色野飲，例如原味milkis、香蕉味milkis、馬蹄爽同涼粉爽等等。配料方面特別推薦佢嘅新鮮虎蝦、芋頭天婦羅、蟹子丸、響鈴同冬菇。第一次食芋頭天婦羅，感覺就係片頭入面有煮到粉粉嘅芋頭，口感極佳。三秒即食嘅響鈴同越煮越入味嘅冬菇都係必食配料。未試過雙響丸完都值得一試，味道非常濃郁特別。因為係正價時間，主菜點左美國安格斯肥牛、特級豬豚肉片、羊肉片同手打鯪魚滑。肥牛同豚肉片都好新鮮肉味重，不過羊肉就稍嫌騷味啦，但鯪魚滑質感綿滑味道鮮味。食到十級飽過左兩個鐘限時店員都無咁我地走，俾我好好咁坐係度落下夾。咁都只係二百幾蚊食到暖笠笠捧住肚走。下次成班人約雞煲的話一定再黎！…查看更多

次次約尖沙嘴就會唸起Happyland，因為無時限又可以輕鬆吹水。門口依舊又貓店長歡迎我地，已經係老顧客嘅我發現一段時間無黎佢又有新菜式了廚師發板望落好壯觀，可以樣樣都試到，又可以自己題字🤣我地都唔知寫咩好，不過見隔離檯個女仔趁朋友去廁所偷偷地落單寫Happy Birthday，真係又sweet又有趣！除左好多綠色蔬菜之外，店主仲好有心提醒我地趁熱食左熟食（蒜片牛柳粒、牛油檸檬帶子、香煎虎蝦、鵝肝多士）再慢慢試冷盤（煙三文魚刺身、榮螺）。熟食方面要特別一讚爽口結實嘅虎蝦同埋煎到香口唔肥膩嘅鵝肝🤤另外冷盤方面榮螺同刺身都好新鮮，煙三文魚嘅煙香味更加令人食唔停口！食到最後仲有酸酸甜甜嘅烈酒煮布冧解吓膩。食肉獸嘅正餐當然係五成熟牛排。牛扒夠新鮮牛味濃郁，火候啱啱好外香口內粉嫩，加上擺盤又靚，裝飾係麵粉畫嘅貓仔，又一個呃like良物。次次都必食嘅小食拼盤，魚手指一樣熱辣辣又脆又嫩，煎雞翼加泰式甜酸醬係絕配，燒芝士丸更加係必食之選🤤鐘意happyland嘅原因特別係佢好warm嘅氣氛，次次有人生日就會熄燈點蠟燭，大家就算唔識嘅都會全場一齊唱生日歌，仲可以keep翻張即影即有，感覺好溫暖☺️…查看更多

朋友想食泰國菜，係旺角嘅我地search到呢間超多好評嘅餐廳，不過原來泰聚地處內街，如果唔係Openrice都真係會錯過呢間高質餐廳。我地叫左兩杯飲品、一個前菜、一個主菜、一個湯同一個甜品，上菜速度值得一讚！前菜到：小食拼盤有五款，配以梅子醬和泰式甜酸醬。煎雞翼皮脆肉嫩、蝦餅彈牙爽口、春卷皮薄餡多，配上甜酸醬更添風味。而魚餅配合梅子醬更有種梅子清香，值得一試。主菜到：青咖喱香濃微辣，非常開胃，牛腩鬆軟入味，送飯一流，而且份量好足。湯品到：肉碎粉絲湯有多款素菜，足料又新鮮。食完咖喱就應該食呢個湯，一濃一淡，正好中和。甜品到：餐廳推薦嘅椰汁西米糕非常好味！椰汁香滑配上西米糯軟，甜味適中，口感豐富。叫得太多食得太飽添最後埋單每人263蚊泰國菜果然好有風味！…查看更多

次次食西餐實在太悶，講笑話「食分子料理囉」，點知真係俾我地搵到Three Dice！特登黎呢度當然要叫分子料理套餐，每人盛惠$200，包四個小食、一個主菜同一杯飲品，有趣嘅分子料理幾乎都囊括曬，係值得一試嘅套餐。第一道：*晶球化作用*  45個月純種橡果黑毛豬火腿哈密瓜球小食擺盤高級，黑毛豬火腿肥瘦分布平均，入口有好濃嘅豬肉鹹香。而哈密瓜球內嘅哈密瓜蓉非常甜，一咬就爆開，加上火腿嘅鹹味，略為奇怪但又新鮮嘅配搭。第二道：分子雲吞「膠袋」意想不到嘅料理！店員話飲一啖湯再食膠袋再飲多啖湯。雖然我食唔到雲吞嘅感覺，但鮮蝦高湯極鮮香極濃郁，膠袋入面嘅櫻花蝦同肉鬆味道好夾，再飲多次個湯後更加齒頰留香，份量雖少，但值得一試。第三道：黑鹽粟米豆腐又一個意想不到！居然無用黃豆都做得出豆腐嘅質感！粟米豆腐嘅粟米味好突出，加上wasabi味道更加有層次，配上特鹹嘅黑鹽又有另一番風味。第四道：12小時慢煮啤酒惹味牛肉慢煮牛肉軟腍入味，幾乎入口即化，而啤酒居然同牛肉異常地夾，仲有入曬味嘅蘿蔔，份量十足，送飯一流，不過紅米飯略硬。勁好味又抵食！第五道：黑毛豬火腿巴馬芝士混醬63度蛋及炸薯條個人唔太喜歡慢煮嘅薯條，因為無左最愛嘅外脆內軟口感。最後叫左個甜品埋尾係之前成日係FaceBook見到嘅透明果凍啊，好Q彈，加上黃豆粉同黑糖蜜，好有日本麻糬嘅味道，好好味！呢餐大開眼界，原來分子料理係咁嘅，真係值得一試！！…查看更多

臨出發前約reu，咁啱見到久違嘅樂園推廣緊怪獸雪糕，即刻book檯食晚餐！兩個人一人一杯店主推薦嘅朱古力雪芭，味道同價錢都一樣只係topping唔同。仲記得上次黎叫嘅小食好好味，今次一於試吓其他選擇：醬爆雞翼-配泰式甜辣醬，大愛！芝士豬肉釀雞翼-芝士粉濃郁，配雞翼好新穎。明太子泡菜釀雞翼-泡菜味濃，但味道不太夾。絕對要推薦嘅醬燒豬仔骨！豬仔骨由燒烤醬醃製，香濃微酸，開胃而且非常入味。肉骨比例平均，肉質軟嫩，入口即融，絕對推薦！飯後甜品叫左上次好想食嘅打卡必備巨無霸雪糕塔。怪獸雪糕勁足料，最底層係一堆威化餅，上面po左層cream，再有四個雪糕球，兩個波板糖，同三個搭高嘅雪糕雪人。超級壯觀，兩個人食左全部雪糕已經超級飽，睇黎要一台人份量先啱啱好。臨走見到隔離檯叫左廚師發板慶生，多種小食擺盤好靚，下次又可以一試！…查看更多

每次reu指定動作就係放題夜，之前試過好幾間兆萬嘅放題都好高質，今次見到有新餐廳入伙，當然要率先一試。極上帝王水產個名好有霸氣，入面嘅格局同平時食開嘅放題差唔多。終於到大胃王環節-必點推薦-------------(排名有分先後)------------刺身類(A)：手切象拔蚌、北海道帶子、松葉蟹棒、手切八爪魚、日本有頭甜蝦、玉子--壽司手卷類(B-G)：火灸壽司系列、黑松露帶子壽司、牛油果軟殼蟹卷、汁燒A5和牛卷、花之戀--和風小食炸物類(H-N)：天婦羅系列、日本炸牛奶、日本香芋丸--燒烤熟食類(O-R)：汁燒雞肉串、黑毛豚肉生薑燒、香草燒羊架--不推薦：冬陰功、日本可樂餅、手卷系列------------------------------有特色嘅驚喜作為一個Sake迷必須一提嘅當然係佢嘅任飲梅酒！香港好難搵又平又香嘅暖梅酒，冬天小酌一杯尤其適合！總括黎講呢間放題食物質素不錯，食材新鮮，份量適中，食物種類極多，值得一試！放題$229/人，另加一，但新開張有95折，價錢同兆萬其他放題相若，但我唸$40任飲梅酒絕對會係佢地嘅一大賣點！下次酒癮上黎個陣絕對會再黎飲勝一輪…查看更多