OsmanC的个人专页

又係真實食評既時間呢間值得我寫一篇好長既食評比佢！先講個涼拌米線，一個字「咸」，可能我加左肉醬？完全食唔到，另外個米線係硬，我平時都食開爽麵，佢既感覺係食完會消化唔到個隻。第二碗佢好出名既酸辣？個湯同個麵係完全掛唔到，未去到啲食評講到咁誇張？豬紅有點腥，豬頸肉又無乜味得個肥字。彈完要讚下蘿蔔好甜，小食：魚皮同墨魚嘴好食！環境：好迫好迫衛生程度：正常食物質素：唔好食，3/10推薦菜式：魚皮，墨魚嘴極不推薦菜式：涼拌，豬頸肉總結：收銀姐姐個態度有小小癲！唔知係咪老闆娘定係唔憂無野做，鬧客串個客真係好小見，人地明明態度都好好地。利申：佢唔係鬧我，我只係見到佢無啦啦串個客。…

又係真實食評既時間真係聞名，不如見面，咁大個仔第一次見咁厚嘅多士，重點係個多士好好食！好好食！好好食！叫咗個麵餐，加咗$8要個奶油厚多士，重點上到嚟，一定要第一時間食，真正嘅外脆內軟👍🏻👍🏻講吓講麵，好普通冇特別，就好似屋企煮嘅冇分別，因為只係一個好普通嘅雙蛋一丁，所以應該冇乜嘢可以評分。杯茶就唔係特別好飲，值5分左右環境：啲位唔迫，幾好坐衛生程度：熟食中心嚟講算係乾淨食物質素：/推薦菜式：厚多士極不推薦菜式：/總結：呢個厚多士會令我想再去食多一次，但係真係只限個多士啲姐姐同叔叔嘅態度都非常之好👍🏻…

又係真實食評既時間休閒嘅一天，諗住搵個地方坐低食吓嘢，就求其入咗嚟呢一間野，估唔到啲座位都幾舒適，職員服務態度又好好，呢度嘅冷氣大咗少少。食物質素方面：叫咗兩款食物（如圖），湯麵味道唔夠濃，偏淡，面比較腍。意大利粉：味道算唔錯，但係醬汁偏甜。叫咗即磨咖啡，一熱一凍，咖啡味道都算尚可接受。但係凍個杯就會比較淡啲，就算一嚟到即刻飲都係偏淡。唔關啲冰事環境：舒適衛生程度：非常乾淨食物質素：7/10推薦菜式：/極不推薦菜式：/總結：冷氣比較大，可能入到嚟要着返件外套…

又係真實食評既時間之前係尖沙咀食過，真係唔差，今次食有小小失望，味道同之前都有點出入。環境：正常大排檔格局衛生程度：算乾淨食物質素：正常大排檔水準，但鑊氣又唔夠出面勁推薦菜式：豬手。碌鵝，尖椒極不推薦菜式：荔枝烏龍茶，黃金蝦，生炒骨總結：應該唔會再食多次，有大把更好選擇，價錢睇落唔貴，但啲野食係勁細碟。…

又係真實食評既時間個黑芝麻比我想像中濃味，配埋面頭既「果仁」？成碗野立即再提升左，芋圓勁大粒，好食，質地唔會太硬。但佢地既糖水有點太甜，唔知有無小糖既呢？環境：位有點迫，執枱有點慢衛生程度： 都算乾淨食物質素：👍🏻👍🏻推薦菜式：黑芝麻/芋圓極不推薦菜式：/總結：/…

又係真實食評既時間$158 450g肉真係抵到爛，新開決定一試重點係牛角個紫菜飯，必點。講返個牛先，呢個價錢唔好諗住會食到好高質既牛，但可以話係唔差既，cp值超高。環境：幾好，啲位又夠闊衛生程度：乾淨食物質素：cp值高，但質素唔算話係好好推薦菜式：牛角飯極不推薦菜式：/總結：燒肉呢個價錢真係抵，有機會都會再食既，下次會再試其他款。…

又係真實食評既時間第一次坐底食，味道對比起之前好似有小小出入？味道上好似淡左啲，入之前咁濃味，但整體個口感都係唔差既，麵夠凍。環境：入面啲位小小窄，坐4個都幾辛苦衛生程度：正常食物質素：/推薦菜式：/極不推薦菜式：/總結：有機會會再去食…

又係真實食評既時間一行三人，叫左好多個小食環境：正常發揮衛生程度：差，毛巾勁臭味，抹到張張枱都臭，要自己拎水再抹多次，有啲枱地下有雞翼骨。食物質素：每次食個辣度都係會唔同，究竟個廚係咪唔識睇個份量？個生腸仲要係有「si」味，推薦菜式：無極不推薦菜式：好多野都好難食總結：無咩野應該唔會再幫襯，每次幫襯都係因為斜對面鋪頭無位…

又係真實食評既時間作為一試伏專員，當然要去試下伏。6:00左右去拎飛，大概排左1:30小時左右入座。用餐90分鐘，入面位置都尚算舒適，不過服務態度真係好極端，落完單，傾傾下計，無啦啦有個侍應係個轉角位一野將碟野掉上枱面，未黎得切反應已經搵唔返條友，有2個後生仔都幾有禮貌。衛生程度：見員工抹枱都幾乾淨食物質素：過江龍打折係常識，唔算話特別吸引，同日本差不多，當然款式都小啲推薦菜式：炸物幾好食，大推雞軟骨極不推薦菜式：2杯有氣檸檬酒，可以話係同日本既差天共地，完全係罐裝開出黎既味，一啲都唔好飲（我係為左呢杯酒先食呢間野）總結：整體黎講，唔太差，但食串燒黎計真係好多好多選擇，無論價錢，食物質素，時間，係出面一定大把好過佢，打卡食可以接受，食回憶都可以，要食質素…..　cp值勁低。…

又係真實食評既時間已經唔知第幾次食，整體黎講，每次食既野都差不多，但個味道每次都會有啲唔同，今次去到叫左個餐，佢竟然覆我未解凍？what!? 中午繁忙時間，竟然無預好食物做生意？ANW…唔緊要，叫過第二樣，再食返豬軟骨，幾好味又夠淋，係份量細小小，杯野飲真係「世一」，杯奶茶係可以係無奶味無茶味，好似叫左杯加左冰水既奶水咁，試過3款奶茶都唔好飲，唯一每次去都一定會叫蛋餅，真係幾好食。環境：坐位唔算迫衛生程度：眼見唔污糟食物質素：好食左推薦菜式：蛋餅極不推薦菜式：野飲，好多野都唔好飲總結：價錢算係咁上下，$70-$90一個餐，今次個哥哥服務態度好好。好似同我上次去唔同左人？ …

又係真實食評既時間屯門新墟3間分店都食過哂，卓爾居分店我覺得比較好食啲，3間個問題都係個辣度成日都唔一樣，另外推薦大家試下個銀針粉，個湯底好香，炸大腸超好食👍🏻必點，另外再要試既係豬頸肉。環境：好多時候都要搭枱，要預左迫住坐衛生程度：還好，米線鋪黎計算好乾淨食物質素：數一數二既米線推薦菜式：豬頸肉，蘿蔔，炸大腸極不推薦菜式：小食魚皮…

又係真實食評既時間第一次幫襯呢間泰國嘢，上網睇到好多好評，因為太大生日嘅關係，一早book咗outdoor，因為想帶埋自己的狗仔去。比預約時間提早咗少少到，因為本身book嗰張枱未有，職員都好好咁幫安排坐低咗叫餐先，等張枱一有嘅時候就幫我換位。環境：今次坐出面，相對比較暗，想影相嘅話就有啲困難，張凳比較矮，食嘢嘅時候會比較辛苦，加個咕𠱸喺下面坐住會好少少。衛生程度：眼見嘅都乾淨食物質素：甜食方面比較出色，我只可以話佢係有特色嘅泰國菜，唔可以話係好食嘅泰國菜（但並不是難食）推薦菜式：燒雞，芒果乳酪疊疊冰極不推薦菜式：豬頸肉炒河總結： 今次嗌咗一個$498（2人餐）餸菜唔係唔好食，只係呢個價錢有更好嘅選擇，今次只可以話係佢嘅特色，所有餸菜都好重椰香味，食一兩啖OK，但係如果嘢飲又有，咖喱又有，甜品又有，就覺得有啲too much，食到後期有啲滯嘅感覺。但係整體嚟講我覺得可以接受。但暫時呢一間有得選擇唔會再食住。…

又係真實食評既時間，相比起宜家周圍都係既x園餐廳，我會想食呢間多啲。環境：唔迫，座位夠寬敞。衛生程度：眼見嘅都係乾淨企理食物質素：不過不失，普通嘅一塊扒，對得住呢個價錢，但係個意粉方面真係唔掂，勁油，食到差唔多完，成個碟底都係油，唔建議大家嗌意粉。但係碗紅湯就幾出色下。 推薦菜式：紅湯，凍檸茶極不推薦菜式：意粉總結：而家出邊啲茶餐廳食個扒都話要一舊水，咁我相信呢間冇得輸，會再幫襯👍🏻👍🏻👍🏻👍🏻…

今日嚟到Air side，帶咗狗狗黎，諗住試吓韓國人氣過江龍，上網睇到啲好評，真係好想知道啲好評究竟喺邊度嚟，叫咗杯期間限定嘅橘子咖啡，另外再叫咗一個肉醬韓式年糕，先評價下杯咖啡，勁甜，咖啡味帶點水果香，個底應該係用咗柚子蜜/橘子蜜之類，所以令到杯嘢好甜，如果飲唔到甜嘢嘅人唔建議叫。另外，最值得討論嘅係呢個肉醬韓式年糕，上到嚟用叉拮第一嚿，硬硬地，擺落口仲要又硬又凍，好似煮得唔夠耐，仲要擺咗出嚟吹一陣先上菜，即刻叫職員幫我加返熱，唔知道飲食業係點樣處理呢一啲食物，佢應該成碟攞入去叮返熱，出到嚟碟嘢係熱返，但係個年糕個心依然都係咁硬，算….嗱嗱臨食完之後就走，只可以話唔會再有下一次，亦都唔建議大家去試第一次。店舖環境都算舒適，建議可以飲杯嘢放狗，但係食嘢就唔推薦。職員全部都係後生仔，但係上菜又上錯，拎住我杯咖啡問咗三四張枱先到我手，叫佢攞杯水，叫咗三次都拎唔到俾我，我行入去諗住自己拎，佢又叫我坐低等一陣，都係唔拎俾我🙃價錢方面，偏貴，呢個份量嘅炒年糕，要一舊水，數埋唔知有冇20粒，叫個窩夫都要百零蚊。不值得一試…

幫襯左好多次，直至食到呢個喳喳，決定寫返個食評，好濃厚既兒時味道，佢足料既程度，係成碗都係豆/料咁濟，入面既糖水，濃到好似精華，好似落左個串生粉打茨咁。紅豆馬豆糕都可以一試，感覺唔會好多粉。綠豆沙就不過不失，好食既，基本發揮坐位就迫啲，但都夠坐既，但如果岩岩買完野一袋二袋就有啲煩。…