Chungpuishan47的个人专页

今日去咗元朗探朋友呢一間係佢成日嚟食嘅飯堂唔係太想諗食啲乜嘢佢就建議嚟呢度食個二人餐留意個餐牌其實真係好多選擇我自己最欣賞就係碗老火湯同埋啲雞真係超級滑我朋友就超級鍾意佢個金錢肚同埋佢個滷水鵝片事關佢屋企人都唔食所以喺屋企冇得煮唯有就係出街食滷水鵝片切得好靚同埋佢唔會太鹹麻辣金錢肚麻得黎唔會太辣同埋非常之彈牙好啱香港人口味呢度啲小菜都真係好好食我見啲顧客通常都係附近嘅街坊所以同啲職員都非常之熟絡今日有機會試到元朗街坊推薦嘅舖頭都非常之開心…查看更多

朋友叫我一定要黎試下呢一間fusion菜個Menu有個slogan 好吸引我 「當9唔搭8變原來好夾」我諗呢一個就係特色卡邦尼意粉嘅一個總結佢個英文名叫做 Carbonara Chinese Style With Chinese Jinhua dried ham（金華火腿）& local cured meat（臘肉）其實個配搭都真係好九唔搭八但係食落去又係非常之好味侍應拎出嚟嘅時候係非常之香同埋個擺盤係好靚香煎章魚鬚，個highlight一定係佢下面有羽衣甘藍加嘅醬，超級香 。21天熟成厚切豬扒，我好想知道佢有咩秘訣可以一塊咁厚嘅豬扒都咁juicy Very yummy night! …查看更多

呢間餐廳真係值得一試！我同屋企人嚟到，選咗特選四人前料理，食得開心又滿足。首先，豚肉沙律清新可口，唔會太膩，正好開胃。刺身四品就更唔使講，油甘魚、赤蝦、三文魚、仲有磯煮鮑魚，每一口都好鮮甜，令人讚不絕口。海膽卷入口即化，牛舌鹽燒兩串嫩滑可口，免治雞肉亦都非常美味。鯛魚野菜石鍋湯，湯底清淡又鮮甜，啱啱好唔會太濃味，非常適合一家人一齊享用。而且，鐵板 A4 和牛薄燒煮得剛好，肉質軟嫩，搭配鐵板蟹肉炒飯，香氣四溢，絕對係餐中亮點！最後甘味亦清新，不會過甜，為整餐畫上完美句號。總之，呢度真係一家人聚餐嘅好地方，大家都讚好好味！…查看更多

朋友就嚟移民，難得約到再見一面 ，問佢想食乜嘢菜式，佢好想去食一啲小籠包生煎鍋貼 。所以就揀咗呢一間。餐廳提供中英文菜單，方便外國朋友了解本地美食，這有助於推廣香港的小食文化。特別的是，客人可以看到師傅現場製作的過程，這樣的體驗令人印象深刻。成件事好似我哋都變咗遊客咁感覺非常之得意 。呢度主打生煎鍋貼，套餐中每個餐都有這個選擇，滿足晒朋友既渴望 。 我地仲叫左雲吞麵、小籠包、紅油抄手仲有豆漿 。我會好想念個朋友 。期待下次再相聚既時光 。…查看更多

第一次喺黃竹坑熟食市場食嘢經過呢一間餐廳店員非常之熱情跟住我見到有喇沙食即刻深深眼決定食呢一間我揀咗喇沙海鮮再加凍華田喺嘅過程之中，見到隔籬枱嗰個叫煙三文魚蟹籽意粉個擺盤超靚令到我多咗啲期望碗喇沙比我預期之中高質好多 （本身喺熟食市場覓食，都只係諗住食個快lunch就算，冇乜期望）佢海鮮係會有彈牙魚蛋、炸魚、同埋食極都仲有嘅蜆，非常之惹味 。隻蛋吸埋喇沙湯底真係正到暈，我好鍾意佢有好多炸蒜，超級好味始終熟食市場冇冷氣，杯凍華田真係好重要另外我特別欣賞店員對送外賣嘅人超級有禮貌同埋友善，包括同佢哋講辛苦晒，小心揸車，超級溫馨 ，送外賣個個都呆左一呆 。原來意外地食到碗咁正嘅喇沙，已經係可以好開心…查看更多

今日同朋友慶祝生日當然梗係要食好啲啦第一次試銅鑼灣呢一間分店餐廳裝修係非常之高檔好鍾意佢有唔同嘅屏風營造咗好多空間比客人好好傾偈最鍾意就係佢個大判燒！黑毛和牛西冷，從來都唔會令人失望 。另外店員推介我哋試鹿兒島和牛他他，係熱門嘅小食，仲好細心教我哋正確步驟撈，真係超級好食 ，同埋好開胃 。第一次叫厚切黑毛和牛肉眼扒，啲油脂分佈非常之均勻，真係差不多有入口即溶嘅效果 。而石燒肉泡菜鍋飯（免治雞肉）係會有飯焦，好惹味呀！…查看更多

天氣終於冇咁熱事關今晚話會打八號風球所以今日終於都有啲風喺呢個時候就最啱去大排檔食嘢第一次去文哥廚房問職員有咩推介佢哋話籠仔飯同埋蒸魚飯套餐最抵食紅衫魚飯，我哋轉左蕃茄汁真係超級鮮甜$55呢個價錢真係平過兩餸飯 （兩餸飯嗰啲餐廳如果你揀蒸魚嘅話，可以去到成$80）籠仔飯我哋就揀咗惹味田雞飯實在太特別啦已經記唔到有幾多年係冇食過田雞仲要係用籠仔蒸好有心思全程聽到師傅勁有鑊氣咁樣炒餸真係好正冬天可以再嚟過…查看更多

深水埗真係好多嘢食揀今日天氣好熱 （其實明明都立左秋）其實都冇乜胃口食嘢咁啱經過呢間舖頭見到有人喺度食西多士就吸引咗我入去望吓其他食客食啲乜嘢感覺上去個韭菜餃都係出名嘅所以就決定叫佢哋嚟試吓兩款都係比較煎炸嘅食物為咗減低罪惡感我叫咗碟蒜蓉菜心食最正就係碟菜可以走汁（蒜蓉）店員見我走汁佢話佢平時都係咁食啲菜咁樣食比較甜原汁原味我非常之認同感覺上呢度都多熟客係我入座嗰半個鐘入邊已經有兩個中年男士嘅落單叫做「照舊」深水埗區真係好有人情味…查看更多

呢度真係好受歡迎，成日坐爆滿。我都排左一陣隊先有得入座 。天氣咁熱，飲番杯免費既豆漿真係100分！！！!！！！!！！！!叫左兩份小食+菜飯，雖然個名叫做小食，但份量係超級大 。糖醋炸排骨加咗芝麻，香味十足，酸甜得來又多咗一份香脆，原來師傅已經改左個調味兩次，順便問埋我既意見真係好有誠意 。香煎豬排真係勁Juicy，肉質鮮嫩，咬落去好滿足。最後，上海菜飯亦好味，飯粒鬆軟，配料恰到好處。Very good! :) …查看更多

為咗展開一個星期呢個新開始專登約埋三五知己嚟個happy Monday 最欣賞一遊呢間日式餐廳嘅壽司拼盤，壽司鮮甜又肥美，令人回味無窮。中吞拿魚腩、金木鯛、赤蝦、魷魚，帶子、海膽軍吞拿魚蓉，太好吃了😋炸海膽配綠茶海鹽炸得金黃香脆，海膽嘅鮮味搭配綠茶海鹽，味道正！炸八爪魚外脆內嫩，燒黃魚滑嫩可口，配上檸檬食正！軟殼蟹沙律清新，仲有啲脆口嘅蔬菜，食落好舒服。串燒拼盤入面有燒活鰻魚、燒番茄等，多種味道唔悶。鰻魚炒飯香濃，粒粒分明。最後，海鮮茶碗湯湯底鮮美，真係好滿足！…查看更多

今次約咗朋友一齊食燒肉，傾下佢呢三年創業嘅故事，聽佢分享開心同煩惱，仲有神賜俾佢嘅恩典，令呢頓飯變得特別。我哋叫咗 黑毛和牛大判燒盛合，入面有 鹿兒島A4和牛西冷、裏腹小排同埋背末脊肉。A4和牛西冷肉質超柔嫩，入口即化；而裏腹小排滑嫩多汁，背末脊肉嘅油花豐富，燒熟後香氣四溢，令人垂涎。另一個套餐係 黑毛和牛大判燒拼 US 牛板腱肉，裡面一樣有 #鹿兒島A4和牛西冷，仲有牛板腱肉。牛板腱肉質地結實，肉香濃郁，食得過癮。最後，甜品有杏仁豆腐同雲呢嗱糯米糍，兩者口感都好出色，為呢頓飯劃上完美句號！…查看更多

星期六嘅下晝難得有me time決定要再去食阿木台灣麵天氣太熱，即時叫咗杯凍冰冰嘅金鑚鳳梨汁，一飲落去，清新又解渴，果香十足，特別適合炎熱的日子。得一個人其實好難叫到好多嘢食，但我今日勁想食蛋餅，所以碗蕃茄牛肉牛筋麵，我專登叫咗少啲麵 。真係不得了，湯底濃郁，牛肉軟綿，牛筋彈牙，配上麵條，真係好味！肉鬆蛋餅從來都唔會令我失望，真係超開心，份量實在勁大，肉鬆香氣四溢，好彩頭先忍住手冇加芝士，如果唔係真係冇乜可能食得晒！…查看更多

呢間分店位於佐敦好近九龍公園所以感覺上佢比其他分店更加多遊客嚟食而每一枱都係有叫小籠包之前試過佢嘅小籠包所以今次就決定試吓其他嘢食叫咗豆沙鍋貼同埋麻醬雞絲粉皮豆沙鍋貼外脆內軟，餡料香甜，豆沙味道都幾好，適合鍾意食甜嘢嘅人。麻醬雞絲粉皮清爽可口，粉皮滑嫩，搭配麻醬，味道和諧，雞絲又鮮嫩。兩道菜各有特色，適合唔同口味嘅食客，值得一試。最鍾意就係買食滿$60 ，就可以豆漿任飲：）真係好鬼正 。我已經諗定下一次嚟食會好想試吓佢嘅炸排骨菜飯…查看更多

Book mark咗呢間北斗好耐朋友推介佢既廚師發辦我哋揀咗平日lunch 嚟Andy 超熱情地歡迎我地佢好細心同有耐性介紹今日《北》既菜式然之後就每一款慢慢上菜每一道菜都好似藝術品咁靚同Andy傾開偈，佢就係講廚師發辦可以慢慢整靚再比客人打客講中晒我嘅心聲前菜有牛蒡漬、蒜頭漬海膽蟹子豆腐鯛魚清湯串揚（炸粉比較少同埋薄） 包括奈良千両茄子金鯛魚鮑魚魚子沙錐魚葡萄豚肉串主食包括日本和牛/明太子龍蝦 茶漬飯甜品是靜崗蜜瓜配雪糕 （我哋揀咗水蜜桃同埋芒果味）大推呢一間餐廳，除咗食物質素好高之外Andy 既熱情好客有禮真係勁加分！！！Ps. 間餐廳細心到會係廁所提供埋個人衞生用品（例如獨立包裝嘅牙縫刷），真係睇得出佢地係由客人角度出發！…查看更多

今個weekend入咗馬灣短短10幾分鐘嘅車程就已經嚟到一個世外桃源地方餐廳可以揀坐戶外嘅地方，隔離就係沙灘同埋望到青馬大橋仲有挪亞方舟超級寫意我哋最初揀坐喺戶外因為吹住海風食嘢傾偈真係特別之chill 超級有氣氛奈何雨越嚟越勁店員好細心馬上安排我哋坐返餐廳入邊坐喺餐廳入邊又係另外一個感覺有個落地大玻璃望住街外嘅沙灘景同埋聽住落雨聲都十分之寫意同店員傾傾吓偈，發現餐廳北角都仲有分店下次可以去幫襯吓先食物方面，每款食物個份量係超級大叫咗個二人餐，有雞胸沙律、越式春卷、ribs、卡邦尼海鮮意粉，我哋覺得女仔三至四人食都足夠…查看更多