reneewaiwai的个人专页

星期日專登早起去幫襯，原本睇OpenRice寫11:00開門，點知等到11:30先正式開舖…等開門時見到一位男店員（感覺似係店長？），不過態度就唔算太友善⋯⋯可能朝早未瞓醒？😅 雖然如此，但為咗試佢哋嘅招牌飲品，都決定俾次機會。講吓環境部份先，店門口有張迷你長椅，大概夠坐到兩或三個人，不過如果多人排隊就要企啦。本來想飲木瓜椰奶，但職員話今日冇，於是轉咗杯鮮椰・貓山王——點知有驚喜！一入口係超濃郁嘅榴槤味，仲食到一絲絲真實榴槤肉，搭配椰子凍同椰果，口感好豐富。榴槤同椰子味出奇地夾，但榴槤控會更開心，因為味道始終以榴槤為主導～要留意嘅係，我點咗全糖（店員冇問甜度，直接落單），如果唔係好似我咁鍾意食甜，一開始可能會覺得偏甜。不過隨住冰溶，甜度會慢慢變淡，我自己就接受到，飲到尾都係滿足的！總結：飲品質素確實高，真材實料，值得為呢杯榴槤飲品再嚟！但希望下次開舖時間準啲，店員態度友善啲就完美啦～（溫馨提示：怕甜嘅記得出聲問甜度呀！）…查看更多

今日專程來試呢杯班蘭芒果椰香庫可冰，果然無令人失望！我用Apps嘅會員優惠券落單，性價比即刻高咗好多，抵飲！叫咗半糖，甜度啱啱好，完全唔會膩。最驚喜係班蘭同芒果呢個配搭，出奇地夾！班蘭嘅獨特清香同芒果嘅甜香平衡得好好，仲有好突出嘅椰香，飲落好有層次。最緊要係芒果味自然，完全唔係假假嘅香精味。另外要讚一讚上環分店嘅店員，態度好nice，服務好親切。整體來講真心推薦，係一杯會令人想再encore嘅特飲！…查看更多

靜岡縣紅茶芭菲 $108(日本甜番薯、紅茶醬）店員有教點樣食將紅茶醬倒在白朱古力殼上因為紅茶醬係熱嘅，會溶化朱古力然後跌入杯中，再撈埋一齊食但係感覺紅茶醬唔夠熱，倒係上面都冇用根本冇溶…最後我用匙羹自己打爛佢跟返店員教落全部混合一齊食味道比想像中好味白朱古力同紅茶味道好夾紅茶雪糕加上紅茶醬食落好濃郁嘅紅茶味道底層好多脆脆成件事就好似食緊脆脆嘅紅茶雪糕咁令到成個芭菲口感更豐富味道幾乎冇得挑剔唯一嘅缺點係份量太少兩三啖食曬加上價錢唔平！所以cp值唔高！P.S. 店家小心思！因為臨近情人節，所以加咗平時係冇嘅玫瑰花造型係芭菲內 因為全部撈埋左一齊食，所以冇特別留意玫瑰花係咩味道 但口感類似棉花糖一樣軟綿綿 …查看更多

首先，強烈建議大家唔好放過夜，因為店家製作外皮係無油少糖嘅關係，外皮係會變硬！我估就算唔隔日食口感都唔會好似一般大福一樣軟糯，始終冇油，健康你仲想點！ 加上我放咗雪櫃隔日先食，硬到飛天😅 同內餡係分離嘅狀態 期望越大失望越大嘅係「日本草莓紅豆大福」因為紅豆沙口感好乾唔夠濕潤，食落唔似一般豆沙味道同口感，我估應該又係無油少糖健康製作嘅關係，而且食落豆沙蓉配士多啤梨唔太夾，唔融合既感覺。店家使用日本福崗士多啤梨，雖然食落唔算超甜，但新鮮多汁！比較好食係開心果，唔會好甜，仲食到開心果碎粒。鍾意大福外皮頂層擺設裝飾嘅開心果白朱古力！最底層塊開心果脆餅底好脆好香，中層係豆腐忌廉芝士，類似奶凍口感，最有驚喜係呢件！每一啖都食到好濃郁嘅開心果味👍🏻脆皮朱古力提子啫喱大福，四款之中，呢款最甜，但相比起市面一般大福差不多甜度。佢底層嘅提子啫喱係用蒟蒻製成，比較健康低卡路里。因為我本身鍾意食朱古力，整體呢款味道都OK！宇治抹茶紅豆大福 抺茶味道微苦，紅豆蓉口感一樣都係偏乾，整體嚟講，樣貌精緻，味道非常平平無奇有失望、冇驚喜$30-$40/件 呢個味道呢個價錢CP值好低 又或者我揀嘅口味唔係佢熱賣嘅款式？但係！！！呢間主要係sale健康無油少甜，所以買之前要考慮清楚，食落就唔會有好邪惡嘅體驗！睇你想要健康定味道！講句難聽啲 如果味道上比較 確實街邊大大件長形嘅長洲芒果糯米糍仲好食過佢😅 即係咁講，烚西蘭花同炸雞，有冇可能烚西蘭花會好食過炸雞？ 根本冇可比性！…查看更多

我可以用清新脫俗嚟形容佢嘅每一件蛋糕， 我覺得店主本身應該都係好鍾意食蛋糕嘅人，好欣賞店主對於製作蛋糕口味上有自己嘅創意同想法，先講一講佢每一件都係咁，一開頭食覺得味道有啲奇怪，因為佢大部分款式都唔係用我哋食開嘅whipping cream 所以啲忌廉嘅味道同我哋食開嘅味道唔太一樣，奶味唔會好重！ 但食食下又覺得幾好食！呢個係我最大嘅感受😂 問咗店員賣得比較好既口味係草莓、芋泥同原味，價錢係58蚊一件，但我覺得仍然算合理，雖然喺南豐中心呢個地段嚟講，亦只提供外賣，但製作上睇到每件用料質量絕對係唔差！而且好大件！單係一粒草莓已經又大粒又甜又新鮮，呢一點已經係非常值得一讚！長崎縣糖蜜草莓配海鹽芝士奶蓋提拉米蘇你唔好想像佢同一般嘅草莓忌廉蛋糕味道一樣，其實係完全唔同，呢款因為海鹽芝士奶蓋，帶點鹹香，應該有加cream cheese，面層嘅忌廉完全就係exactly芝士奶蓋， 平時飲奶茶嗰隻，中間嗰層混合草莓果醬嘅忌廉，味道酸酸甜甜，仲有啲草莓粒嘅咬口，唔錯！ 經典原味提拉米蘇，兩層手指餅乾×兩層忌廉有咖啡苦味我鍾意，但手指餅乾浸咖啡浸得太濕出曬水！ 呢一點要扣分！雖然有咖啡味但冇蛋味， 同傳統提拉米蘇冇可比性！北海道豆乳丸子提拉米蘇，中間有年糕夾心做得相當出色，非常之拉絲軟糯，放過一晚都唔會變硬！厚手工芋泥提拉米蘇芋泥佔比唔係好多，所以食落芋泥味道唔會好濃！海鹽焦糖蜜栗子提拉米蘇呢款係我最期待嘅口味， 因為我本身勁鍾意食蒙布朗，食落都係同其他口味一樣有同樣問題，忌廉份量太多而且加咗vanilla oil嘅cream？所以食落第一啖栗子嘅味道唔係最突出！但中間嗰層混合栗子蓉嘅忌廉係好味嘅！老實講，鍾意食忌廉嘅人一定會好鍾意， 因為佢每一件款式嘅忌廉比例都超級多，可能有人會覺得應該忌廉減少佔比，多番一層手指餅乾，但我覺得呢點係睇返個人口味，有啲人鍾意食cream就會好鍾意！但我著重係佢喺甜度嘅把控，欣賞佢係用零卡糖，好彩佢係用零卡糖製作所以食落先唔會太膩，而且我本身鍾意食甜品，所以一口氣食曬成件都冇咩問題！ 我睇網上有人講佢嘅忌廉係用mascarpone 加vanilla oil， 確實味道真係有啲似！Btw其實我覺得佢可以比例上落番多啲whipping cream 令整體奶味更加香濃會更好！ 依家佢稱唔上係一件提拉米蘇只可以話係一件精緻奪目嘅蛋糕，靚到發射心心眼嘅程度😍 因為佢只喺部分製作上參考咗提拉米蘇嘅做法，使用手指餅乾代替一般嘅蛋糕胚，但味道上有缺少咗提拉米蘇應有嘅蛋香濃郁風味！但整體上都好欣賞呢間小店嘅心思同風格，有關注店家平台都知道成日出新款式，完全感受到佢用心製作同埋對甜品嘅熱愛，相信店主日後亦都會慢慢改良蛋糕嘅口味，支持小店！之後經過會再試下其他口味，店員都好熱烈推薦「芋治金時配年糕夾心」佢話有同事一口氣買咗4件食，有機會再試下！…查看更多

唔知幾時開始鴻福堂都有賣貝果、歐包咁啱某日經過地鐵站俾我見到好似已經賣咗有一段時間🤔可能係我無知啩…😂上網查證原來係鴻福堂旗下嘅一間手作麵包店而有賣麵包既鴻福堂分店並不多兩隻手數得曬所以有幸經過見到都幾好彩😂其實第一次經過見到冇買因為唔知咩來頭🤣 上網check過後再次見到先儘管trytry佢兩次經過見到賣既麵包款式都係一樣好似都係得呢幾種🤔100%湯種吐司、全麥湯種吐司、伯爵紅莓軟歐、藍莓貝果，仲有一款唔記得係咩嘅紅莓軟歐😂·因為睇到係手作麵包先好想試🤤而且係「真」手作！見到每個麵包表面既焦香顏色深淺程度都唔同😂 揀咗兩款 - 藍莓貝果& 伯爵紅莓軟歐·✨ 藍莓貝果🫐🥯💰價錢：$18貝果淨係得一種口味揀Size 大小正常一個大約90-95克重我用蒸嘅方法翻熱 冇焗口感外皮煙韌，內裡鬆軟如果10分我俾7分味道唔錯 但唔係超好食嗰隻✨ 伯爵紅莓軟歐💰價錢：$22翻熱方法同貝果一樣係蒸口感鬆軟中帶少少煙韌口感食落口感同貝果好似味道上我略嫌伯爵茶味太重🥺如果你係伯爵茶控就應該會好鍾意或者係咁講 伯爵茶味同紅莓唔夾🧐所以食落去怪怪地…試咗兩款麵包個人口味比較鍾意藍莓貝果唔太甜之餘，帶少許嘅煙韌口感就算牙力差D都食到貝果😂比較啱大眾口感…查看更多

黑芝麻巴斯克芝士蛋糕𝐁𝐥𝐚𝐜𝐤 𝐒𝐞𝐬𝐚𝐦𝐞 𝐁𝐚𝐬𝐪𝐮𝐞 𝐁𝐮𝐫𝐧𝐭 𝐂𝐡𝐞𝐞𝐬𝐞𝐜𝐚𝐤𝐞 感謝店家好有心，除咗拎蛋糕嗰陣仲好細心同我講埋蛋糕儲存方法，仲附上手寫卡，卡上面有標示食用方法👍🏻要室溫擺放！唔好放雪櫃！最好當日食晒，如果真係食唔晒先放雪櫃，但係就冇咗軟心效果。雖然我有跟指示拎到返到屋企即刻食，可惜切開後都冇我想像加上店家形容既爆軟心效果，有啲失望🥺(唔知點解… 如果你買到切開後有超軟心效果，一定係我有問題🙃)但味道嚟講，呢款巴斯克既cream cheese 味唔濃，反而重奶香，我鐘意😍。唔似好多巴斯克蛋糕都係酸味較重，而當中帶有既黑芝麻味屬於中上既濃度，如果5分係超級無敵濃，佢有3.5分左右，我又覺得唔錯啵😙，因為好怕濃到發苦既黑芝麻味🥲 口感亦好幼滑，甜度適中！另外我見menu有好多口味同size選擇，最特別係有CBD(大麻二酚) 口味😍😍，真係好有特色！如果怕唔知啱唔啱自己口味或者怕太大食唔哂既朋友仔，亦可以買個迷你size 四寸！…查看更多

平時好少食炸野，咁岩經過有機會食到呢間台式炸物，試咗三款小食三款都驚喜級好食😆 所以一定要分享下！✨胖果雞排 💰價錢：$35/份呢間炸雞排都有好幾款，有芝心雞排、拍手雞排(炸粉)、多力滋雞排(粟米粉)、台灣大雞排(地瓜粉)…全部都好台式既名😂而我就隨心揀咗胖果雞排，係用麵包糠裹外層炸，可以自由選擇調味粉，我就由老闆幫我配搭，落咗海苔粉、孜然粉、胡椒粉。本來我好怕孜然味，但估唔到呢個配搭一啲都唔會令我討厭反感，仲要覺得超好食😋👍🏻 口感上，可以做到外脆內嫩，肉質唔乾柴，size勁大件，超級抵食😄！✨脆炸甜不辣 💰價錢：$28/份坦白講係我人生第一次食甜不辣😂，嗌咗唔辣既蒜香口味，原來甜不辣食落味道似魚蛋，但就冇魚蛋咁彈牙(好廢既一句…)，但驚喜點在於老闆落蒜完全唔手軟！超濃郁既蒜味😍，蒜控一定會愛上🤤💕✨甘梅地瓜條💰價錢：$28/份因為落咗甘梅粉，所以食落味道酸酸甜甜，好開胃😆 外層唔只有甘梅粉咁簡單，仲有粗粒砂糖，令口感味道更有層次感更豐富。拍得上我最愛嗰間素年既番薯條。整體上呢間，每款食物味道好食之餘，份量勁多size勁大件，所以價錢相比起份量絕對抵食，cp值爆燈‼️而且全部食物都係店員即叫即整，拎上手全部熱辣辣💯，店員態度都好好👍🏻，值得一試‼️…查看更多

好耐冇食到咁好食既古早味蛋糕口感超濕潤綿密，勁濃蛋香🥰一啲都唔會太甜👍🏻一人一口氣食哂成件絕對無難度💯榮登心目中No.1❤️‍🔥推薦👏🏻推薦👏🏻P.S.買完放室溫隔日食口感依然咁正😝戴返頂頭盔先🪖 原味真心正 其他口味就唔知啦🤣 …查看更多

收到$𝟐𝟎𝟎𝟎佳民既𝐯𝐨𝐮𝐜𝐡𝐞𝐫，可以選擇旗下餐廳使用，問咗好多網友意見，都推薦我食過呢一間😆𝐏𝐡𝐚𝐝 𝐓𝐡𝐚𝐢 泰式炒金邊粉炒得好香，可惜麵質過淋，口感差咗啲，但味道嚟講係好食既😋。𝐌𝐨𝐨 𝐏𝐢𝐧𝐠烤醃豬肉串配青瓜及醋漬薑沙律一份有四串，豬肉口感un咗少少，味道偏甜，似照燒口味，配羅望子醬，最有驚喜係佢既青瓜沙律，雖然份量少，但酸酸甜甜，好開胃👍🏻𝐆𝐚𝐢 𝐘𝐮𝐧𝐠 泰北烤雞腿外皮烤得好香脆，但坦白講，雞肉味道偏淡，而且口感唔夠嫩滑😢𝐏𝐥𝐚 𝐏𝐡𝐚𝐨 𝐆𝐥𝐮𝐚鹽焗爐魚比較失望既一道菜😔 份量嚟講，好大一條，賣相滿分，但食落口感帶少許腥，如果唔蘸醬係冇味道… 條魚係上枱後店員先會幫你揭開魚皮⚠️要小心唔好食到魚皮，因為我食到興起唔覺意將魚皮既鹽粒當脆皮咁食，結果…🤮😂𝐊𝐡𝐚𝐨 𝐏𝐚𝐝蟹肉炒飯份量相對其他菜式算多，炒得好香，夠鑊氣👍🏻𝐒𝐚𝐦 𝐂𝐡𝐚𝐧 𝐓𝐨𝐫𝐭 𝐆𝐥𝐮𝐚 脆五花腩 配羅望子蘸汁炸得好香脆，雖然係炸，但食落一D都唔肥膩，係店家推薦 p.s.太高脂，食咗一件咋🤣 𝐊𝐚𝐢 𝐉𝐢𝐚𝐰 蟹肉奄列好奇怪🤔超多蟹肉，但食唔出蟹肉味😂 反而蛋味較重。𝐒𝐨𝐦 𝐃𝐭𝐮𝐦 𝐆𝐨𝐨𝐧𝐠 青木瓜沙律第一道上既菜，作為開胃菜份量唔多，但味道唔錯👍🏻，配有炸香既花生，有少少偏重口味既醬油，醬汁味道鹹中帶酸，睇返menu寫係用羅望子醬汁。𝐊𝐡𝐚𝐨 𝐍𝐥𝐚𝐰 𝐌𝐚𝐦𝐮𝐚𝐧𝐠芒果糯米飯芒果香甜，唔酸，椰漿份量唔多唔少，配合埋糯米飯啱啱好，整體正正常常不過不失。𝐈𝐜𝐞 𝐜𝐫𝐞𝐚𝐦 𝐆𝐮𝐭𝐢 椰子雪糕一份兩球，口感幼滑，兩球size都算大球，仲有粟米、椰子肉，呢個好食，推薦👍🏻𝐓𝐡𝐚𝐢 𝐈𝐜𝐞𝐝 𝐌𝐢𝐥𝐤 𝐓𝐞𝐚 𝐰𝐢𝐭𝐡 𝐩𝐞𝐚𝐫𝐥𝐬 泰式珍珠奶茶超香濃泰奶味😍，其實係好飲架，可惜太甜😔，可以既話記得一定要叫少糖！p.s.珍珠要額外+$5，珍珠份量唔算多，口感冇咩特別。𝐓𝐡𝐚𝐢 𝐌𝐢𝐥𝐤 𝐓𝐞𝐚 𝐁𝐢𝐧𝐠𝐮𝐬泰式珍珠奶茶刨冰味道同泰式珍珠奶茶一模一樣😂，只係冇齋飲咁甜，因為多咗冰溝淡咗😂😂 而且溶得好快，溶得快過雪糕。𝐊𝐚𝐧𝐨𝐦 𝐃𝐭𝐨𝐦香滑椰漿配湯圓一碗有四粒，湯圓餡係甜甜既椰絲，可惜口感硬咗D，味道上比較特別既係椰漿湯底係鹹既，配搭上係一甜一鹹，每人口味都唔同，但我又幾鐘意又甜又鹹既配搭😚𝐋𝐚𝐫𝐩 𝐌𝐨𝐨泰式肉碎生菜包因為怕辣，嗌咗少辣，好香濃泰式風味既肉碎，肉碎肥瘦各半，仲有炸香既豬皮，生菜好爽好新鮮，包埋一齊食，味道唔錯。𝐘𝐮𝐦 𝐒𝐨𝐦 𝐎泰式柚子沙律同青木瓜沙律唔同，柚子沙律整體偏甜，冇咁重口味，柚子好甜多汁☺️，加埋紫蔥頭、炸香既腰果、芫荽，勁香勁好食😋，推薦👍🏻最後實在食得太飽嗌咗既肉碎生菜包同柚子沙律係外賣帶走！服務態度非常好👍🏻 同店員都有傾有講，店員都會根據食飯既速度上菜，食完一道菜再上另一道，好有食西餐feel 😂，同九龍城食既泰國菜感覺好唔同。呢間大部分菜式都可以走辣或少辣，所以啱晒怕辣又想食泰國菜嘅你，整體感覺上係配合返香港人既口味。雖然大部分菜式味道上冇想像中驚喜，但都係一次好好既泰北菜體驗☺️。…查看更多

紀錄返前兩日Staycation，入住「翠雅山房」，然後食咗個coffeeflow 既brunch😚今次有啲失望係當日落大雨☹️冇得係門口打卡影相📸️ 只能選擇喺餐廳內用餐😢 但餐廳內部比想像中大，座位都好多。嗌咗兩份主食配兩杯嘢飲！✨秘製龍蝦包配沙律🦞🥗係一般熱狗包既包身，口感鬆軟。麵包應該係塗咗牛油，食出牛油味🤔 龍蝦係用秘製醬汁調過，唔係沙律醬咁簡單！沙律新鮮，但份量只有極少，純粹裝飾為主🤣 龍蝦包睇相好似好大一條，但實際唔算大條整體係好食既，可惜份量唔多，好似我咁大胃就食唔飽🙈 ✨招牌龍蝦仔白汁意粉🦞🍝份量適中，一般胃口男女都可以食飽。白汁好多，味道以濃郁既鹹香芝士味為主，意粉口感剛好，感覺醬汁太多，所以食落略為鹹咗少少，適合重口味人士！✨蜜糖薑鮮奶🍯🥛第一啖飲落奶味唔會好重，反而感覺似飲番薯糖水😂，溫度調控得啱啱好，暖暖地，暖胃嘅感覺，我幾鐘意😆✨抺茶荳奶🍵本身係抺茶鮮奶，我轉咗荳奶，估唔到抺茶同荳奶既味都幾夾😙。飲落抺茶味唔會太濃太苦澀，因為有落糖調味，但唔知可唔可以要求整無糖既口味🤔整體嚟講，嘢飲比嘢食更好味！服務都好好，雖然落單後會比感應器自取食物，但餐廳職員都有為我哋送上嘢飲、餐具👍🏻 可惜如果唔係落雨，可以加埋門口位打卡影相，體驗應該更好。…查看更多

🚩娘惹咖喱牛筋腩乾撈麵💰價錢：$58相比起乾撈麵，呢碗更似濕撈麵😂😂我望到第一反應都嚇咗一嚇，點解咁多汁？？但當你撈勻哂就發現，啱啱好！醬汁不多亦不少👍🏻。因為撈麵最重要係醬汁既份量，呢間既咖哩汁份量真心夠晒多😍，絕對夠撈勻成碗麵，所以每啖入口都食到濃厚既咖哩味💯，佢呢隻咖哩一啲都唔辣👍🏻，個人口味我好鐘意😆，但客觀啲嚟講對於重口味人士可能覺得差少少🤏🏻🤔。用上粗麵掛汁效果一流👍🏻，麵質口感頗彈牙，麵既份量一啲都唔少，無論男女食都一定夠。記憶中，牛筋腩起碼有成7、8件以上，牛腩比例更多，size大小不一，有大舊有細舊，口感炆得亦夠軟腍，只有一兩舊稍為韌咗少少🤏🏻，但整體嚟講，完全可以滿足到我想食咖哩嗰一刻嘅慾望☺️，值得一試👍🏻。P.S. 竟然漏咗我張外賣單😠，但店員上菜速度非常快，發現後即時補單，5分鐘就搞掂有得拎👍🏻。…查看更多

機緣巧合之下，俾我搵到呢間賣平價又好食既牛乳卷😍，絕對要推薦一下！【初訪】原味北海道牛乳卷，門店現售價係$45/條，價錢上而言，都幾抵食👍🏻。味道上可揀原味、抹茶紅豆、瀨戶內海檸檬、青森縣蘋果，大大隻字寫住北海道3.6牛乳製造，唔知究竟係用係蛋糕體上定忌廉上🤔，就連檸檬、蘋果都要標明用邊個產地😂，真係精明嘅商家，我一下就俾蛋糕名吸引住，其實檸檬同蘋果我都有興趣試吓，但我個人口味上堅持點都要試咗原味先😤一條長18.5cm😲約重360克，Size比一般既卷蛋長，蛋糕體非常靚仔光滑，冇裂痕 冇甩皮😂。蛋糕體口感偏乾身，味道同一般瑞士卷冇分別。忌廉餡份量中等，食得出忌廉既質感應該係用植脂忌廉，但忌廉奶味香濃，係我杯茶🤤啱我口味😌。整體甜度適中，平平地 不坊一試！牛乳撻($10)同芝士撻($11 )一樣都係曲奇皮，蛋液同餅底比例適中，甜度適中，兩款餡料口感一樣嫩滑。芝士撻既忌廉芝士味好濃。雖然食落冇牛乳卷咁有驚喜，但味道都唔錯既，正常水準！【二訪】試埋抹茶紅豆($45)&青森縣蘋果牛乳卷($48)。青森縣蘋果一條重457克，蘋果味主要嚟自忌廉中間夾有既蘋果醬同蘋果粒，可惜蘋果粒份量真係唔夠多，成條卷得中心部分有少量蘋果餡，如果係咁其實食返原味更好🤔，而且原味價錢仲平啲。抹茶紅豆一條重464克，抺茶味濃郁，紅豆份量都唔少架，就算我唔係抺茶控都覺得唔錯啵😚，值得一試！整體嚟講，蛋撻王既蛋糕卷絕對食得過，特別推薦原味&抺茶紅豆，價錢又平又夠大條，抵食之選👍🏻…查看更多

🚩芝士焗波士頓龍蝦海鮮飯💰價錢：$79勁抵食既海鮮飯估唔到海鮮咁足料😆除咗眼見大大隻既波士頓龍蝦仲有魚柳、蠔、蟹柳...材料就係平時食開既海鮮雜綿🤣因為即叫即焗既關係起碼都要等廿分鐘😲其實食得出店家既用心製作用炒飯底但整體上味道食落略嫌未夠香仲覺得唔夠惹味🤔我認為係醬汁唔夠面頭既芝士太少😓唔夠撈飯☹️所以口感幾乾下焗方面可以焗得再香少少。總括嚟講 一份$79呢個價好抵食😆但味道上還有待改善。…查看更多

行經荔枝角 想飲杯野揀咗呢間心事如塵茶食亭原因就係呢間賣既野以健康養生為主啱晒我呢啲健康撚😏揀咗杯紅豆紫薯米奶($36)唔想飲米奶，可以轉牛奶/豆奶因為想飲健康野先嚟呢間可惜係我嗌走糖 但飲落好L甜🙁究竟有冇走糖？咁岩我去個陣好多客定佢太忙唔記得走，或是其實已經走咗糖都係咁甜呢？🧐飲一啖我奇怪了，唔係紅豆紫薯咩？得紫薯味？紅豆呢？原來紅豆唔係打成奶，只係一粒粒既紅豆粒。食落唔係一咬就溶，仲硬硬地。整體味道正正常常，冇咩特別。比較想講既係佢熱飲size真係好細杯😫仔細睇返menu熱飲同凍飲一樣價錢，但凍飲份量多一倍？🤨一樣$36 但凍飲有24oz 熱飲得12oz？Why？真心奇怪？如果係咁熱飲真係好唔抵飲☹️！…查看更多