fourman88的個人專頁

好耐無去韓國😭…好掛住韓國炸雞同豬手..想搵下韓國餐廳，解下我相思之苦。星期六約了朋友聚會兼慶祝生日，今次搵左大叔..黎試下🤣🤣。中午時間不是很多人，前菜小食有泡菜，大豆芽菜，酸蘿蔔十分開胃。我們點了海鮮煎餅，炸雞，豬手水冷麵及非常特別的（椰漿柚子年糕）。先講下炸雞，店員提議醬汁可另外分上，若添了醬汁便會另到雞皮淋了不脆👍🏻👍🏻非常細心。另外（椰漿柚子年糕）是我未曾試過的口味，好特別而且好食..可能我自己偏愛柚子味道😍，還點了荔枝燒酒梳打👍🏻。因訂座有折扣，相比其他韓式餐廳價錢方面比較經濟，而且大叔還有醬油蟹，但我們今次沒有試到。整體大叔的表現不錯，下次會再光顧。…查看更多

今年其中一餐生日飯..實在太不快，雖然食物好味，但若果有什麼興祝活動真是不要選擇這間店。先講約了朋友3人來這店食羊腩煲，我和朋友在6:50分到達，由於有一位朋友未到，但限時2小時，店員說由7點開始也可以先入座。店員安排了一張小檯，趕客情況展開序幕，過了數分鐘店員便開始過來我檯，將洗碗盤熱水由個電磁爐搬到檯面，過了一會另一店員走來問要唔要落個鍋先，點一些小食？我回答我還有朋友未到，不用叫野食住，當我同朋友傾計時，另一店員再過來問要叫個鍋先啦！若果叫羊腩煲要煮下，支竹先會淋d。那好我便叫了羊腩煲，小食兩個，一楂竹蓆茅根，之後我和朋友繼續傾計，當時另一朋友還未到，之後送鍋來，小食及飲品過來，開爐後因朋友未到我們便關上爐先再等一下，在這其間已有2個店員過黎話我地關左個爐，還追問我的朋友為何未到，我心唸關你鬼事咩？店員係咁追我們要快食快走，限時2小時，到8:10已last order,8:20便要我們埋單，最後我的生日蛋糕未切，8:30我們3人便離開，總結環境嘈吵，店員騷擾不能傾計，未夠鐘便趕客埋單就算好食也不會再去。…查看更多

星期六12點預約了酒店半自助午餐，準時到達並預早要求了架座或窗邊位置。當日沒有架座，窗邊2人位太窄，所以我要求可否轉換另一張3-4人檯，因為我們有個大背囊和一個中型手袋，我問侍應今天是否滿座，他回應說2人檯係安排坐呢種款式，2人檯款是密麻麻隔版的。其實我的另一邊有張2人檯是無人，但不知道是否有預約, 所以我沒有放袋在隔離座位，只好叫他們提供一張櫈放在路邊，給我們放好背囊和手袋。其實我都不好意思，其他客人行過我個位有時都不小心踢到張櫈，因為突出在路口。事實成間餐廳食客不夠一半，疏疏落落，為何要客人坐得不舒適….如果這不是酒店….並且是全場滿座，我要求轉檯，你們不能轉或安排，我也理解，但成場座位多的是，我真不明白為何這間餐廳要這樣安排。到了1:30有位侍應對我說，叫我將背囊和手袋可放係我隔離的坐位，要收返張櫈…我問她…你們點解唔一早叫我放….搞到要另外搬張櫈出路邊..她回應話張檯有預約…我真心覺得他們腦筋是有問題…這麼多的檯，如有客人預約為何不可以安排其他座位，一定要坐這張檯…..我無言了😖食物方面牛扒唔好食….好鞋…豬肋骨一般，甜品可以…查看更多

3/3平日放假周圍遊，經朋友介紹呢間越南粉，午餐時間12點左右，因知道店鋪較細，去既時候都擔心撞正lunch time 要排長龍，外觀看店鋪都好細間，分兩邊坐位，望入去得20個位都唔知有無，點知好好彩去到，剛好安排左個單邊位俾我可放手袋。👍🏻之前問朋友去灣仔有咩好介紹，我只想食粉麵之類既野，朋友第一時間推介呢間，原來真有原因...我係香港都食過好多越南粉...但呢間暫時係我食過既最好食的一間，我叫左一碗牛肉粉+春卷+橙紅茶...碗麵既份量夠...粒牛丸真係好好食，咬落去好多肉汁，牛肉都好食重牛味，碟春卷好脆同夠熱，有誠意，杯橙紅茶就無咩特別驚喜。其實一個女子食咁多野都幾跨張....😂…查看更多

今天晚餐想食拉麵，行經千色匯發現之前舊鋪位x 府，原來已經轉左一間拉麵店，呢間一生懸麵係荃灣開左分店，之前已經想去試，點知今日俾我無意中遇上，太好了。今日到達時間太約晚上6:15左右，唔駛等位，我選擇了沾麵...辛辣味道，原來沾麵係分開湯同麵，一碗沾麵可以加配菜...半熟旦..紫菜...椰菜...木耳...等等，沾麵可揀軟身，硬身，又可揀走青...可以任由自己選擇。點知辛辣沾麵來到我面前，咦竟然有咁多椰菜呢....明明我係剔左加紫菜，跟著我問店員是否我剔錯左，睇返張點菜單，原來我剔錯隔離😅，咁唯有照食啦！點知店員轉頭攞左碗紫菜俾我，話老闆照送俾我地食...開心哂（仲有4塊咁多😱）講返碗麵，真係好味...湯夠熱，味道濃，麵份量夠，叉燒夠淋，如果多一塊叉燒就完美了（本身碗麵有半隻旦，2塊叉燒）可自行再加叉燒，因為未食過，所以唔知份量，下次再去要加...加...加最後再講下收費，平時食開既拉麵店，2碗拉麵+餃子+飲品，都要3xx埋單，今日2碗麵+餃子+1支綠茶可樂，埋單只係$204，抵食啊⋯⋯大家去支持一下啦💛💛💪🏻…查看更多

已經到這餐廳3次，過去2次對食物的味道，都算不錯，但今次再去，經歷就差很多了。先講我訂坐了10位，但只拍2張4人檯給我，我見隔離有檯，再問侍應可以拍多一張2人檯時，她說俾唔到我地，我回應她，那我們坐得很迫，她回答其他檯都係咁，但見隔離張檯過了15分鐘也沒有人坐下，而我們要5人坐在梳化位置，坐得很唔舒服。預訂了10人坐位，但都係坐8人檯，另一人就坐路邊。食物方面，大至上都可以，但我杯餐飲檸檬茶，就太少檸檬，可能檸檬真係好貴。應該唔會再黎呢間餐廳…查看更多

期待的船P, 今天在雨中進行，雖然有一陣陣的雨勢，但都無阻我們一班人興致，大家都玩得好開心，玩完後去左呢間天天好酒家，沒有預早訂位，4點打去訂位，老闆都可以安排30幾人能夠坐的位置，照顧我們大大小小，安排得妥當。至於食物方面，我們沒有買海鮮去加工，只叫了小菜，小菜夠鑊氣，椒鹽鮮魷，京都骨，鹽水雞都好食....之後再叫多次沙拉骨，真係好食，我個朋友食左3碗飯..太驚人最後埋單前還有生果送俾我地，多謝老闆...…查看更多

連續兩個星期六食八一蕃烤魚，第一次是試酸菜魽魚，第二次食香辣烤魚第一次酸菜魚味道不錯，渴了幾啖魚湯也很鮮甜，至於配菜方面叫了肥牛，金菇，鮮淮山，加一串雞軟骨。先講肥牛，太細碟了，60元得6片還要是普通肥牛，少到沒有影相片，金菇和淮山份量尚可，而雞軟骨味道都不錯。飲品方面叫要伯爵水果茶，沒有侍應講得咁好飲，太多果實。由於第一次沒有試到香辣烤魚，所以便再去，香辣烤魚沒有酸菜味咁入味，只有辣不夠香，今次叫了雞絲粉皮，金菇和墨魚滑配菜，整體食兩次的烤魚，還是覺的酸菜魚好味一點！…查看更多

期待一試高級酒店的自助餐，環境及員工的接待很好，而食物方面，冷凍海鮮既長腳蟹，蝦，不夠新鮮，熱盤和甜品款式不多，所以沒有影太多相另外沒有信用卡優惠，消費比其他酒店貴，但食物款式少，總結不會再來…查看更多

昨晚終可食到花膠雞鍋，因訂位比較困難，預早大約一個月訂檯，總算沒有失望！我們二人叫了一個小花膠湯底，花膠食到尾聲都仍然仲有，夠哂足料，未開始落火鍋配料前，先飲了一碗雞湯，味道不錯，之後點了食評推介的花膠雲吞和蝦丸，超乎預期的美味，大大粒味道也好！由於不是大班人食飯，未能試試海鮮，下次再來食過，值得推介！…查看更多

星期六晚約一大班朋友食生日飯, 叫了兩個鍋, 一個係招牌牛雜鍋, 另下個是椰子鍋, 牛雜鍋味道不錯, 滿滿都是牛雜, 好豐富好似街邊的牛雜風味, 還有蘿蔔都夠味道，本人喜歡重味的所以椰子鍋只要淺嘗，味道清新打牛肉餃幾好。火鍋配料不是很多款式，手切牛沒有特別，竹笙和響鈴一般, 牛肉餃子味道似山竹牛肉比較特別，九菜餃不夠香, 貢丸都幾好食。服務上欠佳, 侍應好像發夢中，送食物時將碟上的水, 倒到枱上, 叫他們抺枱, 他們回答得閒先，又倒瀉啤酒, 經理都算有善，但仍需改進。…查看更多

我們一家都比較喜歡素食, 難得搵到一間新開的半自助的齋鋪, 所以點都去試一試。首先介紹一下是好似西式的晚餐,有前菜,餐湯, 主菜和甜品, 每天一款, 一定夠飽。半自助是一些涼菜, 齋老味, 炸物,  素翅湯, 3款配料來打火鍋，炒面, 還有3款汽水任飲。我們訂了的時間比較晏了，所以半自助的食物已大部份已無哂, 但老闆好照顧我們遲來的客人，他不停問我們要唔要D小菜, 立即吩咐廚房煮小菜給我們，例如生菜素鮑片，蓮偶素肉，炸曼頭, 炸雲吞，都好新鮮。食完老闆安排的小菜, 就上西式的晚餐, 羅宋湯和炸素蝦係前菜, 主菜是葡汁或茄汁魚扒，甜品是日本紅豆麻糬，日本紅豆麻糬是炸咖, 好好味, 熱而且軟綿綿。這間素食店真是很好, 無論食物, 服務都好好。侍應好有心咁接待。埋單時老闆都給了我一個會員價。…查看更多

星期六同男友去食雞煲，今次已光顧第二次了。因為太愛食雞煲了, HAHA這間雞煲是任食和自助形式, 我們一去到, 侍應便問大中小辣, 因為雞煲要20分鐘先送到，我們便去自助BAR到攞野食。自助BAR內的熟食味道好食, 沙律,炸物, 炆朱軟骨, 薯角, 好多好多都幾好味道, 咸菜朱肚湯就欠佳，自助BAR 內還有甜品, 每位一款, 連即做的PAN CAKE 都有咖, 還有兩位阿姐係到即場包水餃, 可以用來打火鍋，第一次試過, 味道不夠咸, 今次沒有試了, 因好多野食, 熟食款式都會不時轉。講返雞煲, 味道尚可, 火鍋配料好多款式, 芝士丸, 響鈴，連花膠都有啊!最後甜品食了香蕉 PAN CAKE 和蕉糖燉旦(因為第一次食唔到, 所以一去到便甜品部侍應, 今日多唔多燉旦)HAHA…查看更多

星期日媽咪生日, 在11月頭已經預早訂位, 我訂了9位並通知了有小朋友，侍應說沒有問題, 隔一星期我再致電查詢可否留旦糕，當時侍應說當晚要2個鐘頭後交枱, 我回答她我有小朋友, 未必可以咁快交枱,她說有需要就要交。當日7:00晚上去到, 鋪頭上仍然好多吉位, 直到我埋單9:30仍然未FULL，我覺得可能是例行公事,必定要講交枱時間。講回食物, 我覺得只有餃子, 面包焗飯好食, 其餘的都很普通，比較差的是脆鱔，是淋的, 不是脆，南瓜煲太稀。服務方面, 我們9個人, 早時來了4位, 打算叫侍應開多壺茶, 她回答要等齊人先開給我，真的俾佢吹脹。…查看更多