catherine03016的个人专页

估唔到呢間君蘭冰室充滿晒地道香港特色！位於朗豪坊嘅底層，地鐵站C出口直出過咗market place就見到啦！佢瘋狂嘅下午茶餐！唔單止有邪惡嘅西多士，仲要係有開心果口味！最瘋癲嘅菠蘿油！都有唔同口味嘅菠蘿油！我叫咗個菠蘿油蛋塊牛油大嚿到不得了！仲有炒蛋喺入邊！加埋個鬆軟新鮮嘅菠蘿包！好食到黐線！成件事好滿足，發現呢度仲有兩餸飯價錢都幾抵～下次可以喺度買兩餸飯食，呢度空間比較大，又唔擔心冇位坐，服務員態度都好好呀唔怕肥嘅一定要嚟食！邪惡滿滿！…查看更多

今日同朋友去開附近就選擇呢度食午餐，原來都幾滿座，應該係呢區數一數二好食嘅西餐廳，食物嘅選擇比較多，特別係我呢啲鍾意食甜品嘅朋友！甜品呢一part真係好開心！又有疏乎厘又有芭菲！我哋兩個為咗可以有個胃口享受甜品，特登主菜叫少啲一齊食，一個意粉同一個沙律，兩位share，質素都唔錯啊！然後最期待就係甜品環節，叫咗一個芭菲！賣相非常好，真係好味！另外個疏乎厘係叫咗開心果味開心果係大熱嘅口味，疏乎厘又彈又鬆，表示10分滿意，食完真係超飽，餐廳環境氣氛都好好，其實都真係幾多人去…查看更多

好耐未試過香港打邊爐，今次特登試吓呢間鐘爺爺，去到門市竟然真係見到鐘爺爺同佢招牌個公仔一樣樣第一次同阿姨嚟食，兩個人試吓，餐牌好多唔同嘅刺身同海鮮，不過今次我主打想食牛，叫咗碟牛真係好靚，好新鮮，一睇隻色就知道係靚靚牛，湯底係雞湯底，火滾之後放隻雞入去5分鐘，就可以開始打邊爐，另外個生面好特別，只需要滾一陣就食得本身已經煮熟咗，面質非常彈牙，滿意，呢間火鍋店好高質，最緊要係食材新鮮，另外要大贊必點燒鮑魚！好食到喊！…查看更多

之前食過一次金巴利道嗰間，海底撈，感覺都唔錯，新嘅原來轉彎仲有一間新開嘅，個名有少少唔同，多左宴聚，我解釋為盛宴的聚會因為無論環境質素都好似升咗level咁，先講一講環境，私隱度比較高，而且每一張枱空間都好大，真係適合一班朋友，或者見客，比較隆重嘅場合，但係又想打邊爐，感覺比較奢華一點，而且環境高貴一點，另外食材方面，感覺比較優質，份量亦都好多，肉同海鮮嘅新鮮程度，都係高質素，服務就更加唔使講，100分，另外仲有一個超靚嘅水果盤，有埋車厘子提子，整體非常滿意，特別推介：生蠔！又新鮮又大隻…查看更多

圓方頂樓平台其實都有好多唔同嘅餐廳，今日嚟咗呢間食意大利菜，咁岩喺朋友屋企樓下，約埋一邊傾偈，一邊食晚餐，九龍站上就係都好方便，餐廳氣氛都唔錯，唔係太多人，亦都唔係冇人，見到其他客人一係就飲酒傾偈chill下，一係就一大班敘舊慶祝，見到佢哋個Pizza好吸引可惜我朋友怕太肥，所以我哋淨係叫咗個意大利粉，下次一定要試吓佢哋嘅Pizza，差唔多每一台都有叫我哋叫咗一個炸薯條，幾好食～另外叫咗個蟹肉意粉～最後甜品叫咗一個brownie! 呢個甜品我比99分～～有少少意外驚喜，我以為係正方形細細舊嘅，點知原來係一個，而且入邊嘅朱古力溶化了，連埋雪糕一齊食，口感超正！喜愛朱古力嘅朋友就一定要食！…查看更多

咁前竟然係午餐餐去食放題，本身諗住搵吓茶餐廳，食個lunch , 經過以為佢係普通嘅一間大排檔加茶餐廳，竟然原來係食雞煲烤魚放題！！裏面仲有大閘蟹，放題餐牌一共有三個，A餐B餐C餐，A餐竟然係$100都唔使，C餐就係$168，包晒所有嘢食任叫，例如烤魚雞煲，仲有其他好多嘅小食，佢哋個串燒係做得超好！主打一定要叫！串燒外面有蜜糖味！燒得好香，另外都有蟹粉系列嘅小食，不過食完會好快飽，雞煲我加$18要咗個熔岩芝士！同埋怕食辣就叫咗個蕃茄烤魚！勁足料勁好食！加$10醬油費及+1服務費，加錢真係非常合理！推介！…查看更多

如果你真係想食超級有質素高級嘅印度菜，仲要食埋環境，呢間絕對係最好嘅選擇，因為平時去開嘅印度餐廳都冇乜環境，但呢間絕對係非常貴氣，所有餐廳室內設計都係高質素，食物水準當然都好高，如果約會招呼朋友客人，去呢間絕對有睇頭，另外設室外座位，仲有水煙可以order, 另外更加有一個小酒吧，調整不同特色嘅Cocktail！咁chill 印度菜我第一次見超級推介有金箔嘅乳酪雞，我哋都怕食辣，某啲菜係有辣味，我哋都盡量叫小辣，羊肉咖喱，薄餅～另外Desert非常特色，有一個係唔同顏色嘅果醬俾你設計畫碟，打卡一流，而且呢個甜品都係印度特色小食，香港從未食過，再來一個雪糕brownie 超級滿足！價錢當然都唔係平價，但係整體絕對一流！…查看更多

同一班姊妹喺iSquare睇完電影，突然想食印度嘢，就諗起重慶咖喱，因為從來未食過，一入到門口就有人隊張卡片俾我哋，開頭唔知係咩嚟，然之後就有四五個一齊對卡片，結果先到先得，我哋就揀咗呢一間，佢帶咗我哋去3樓，環境唔錯，坐得舒服，然後我哋點咗幾個咖喱，叫佢推介一啲小食，大家都食得好開心，特別係環境真係坐得舒服，下午唔太多人，老闆都好熱情服務，特別推介嘅係芒果乳酪飲，另外嘅咖喱都好香，其實任點一樣都好好食，薄餅唔使講係精華，我哋叫咗原味，蒜蓉，芝士薄餅，超級香，整體成間餐廳令我好滿意環境乾淨，食物有質素，原來呢一間已經係重慶Number one，多年歷史，所以想食正宗咖喱重慶咖喱呢間係唔錯嘅選擇…查看更多

估唔到佐敦沒有間咁特別同高質嘅西班牙菜，約咗朋友去試吓，有室內同室外嘅位置，外面可以食煙飲酒chill下，不過我都係怕熱我坐返室內，餐廳裝修有情調感覺適合約會，或者慶祝生日，今次我點咗蒜香橄欖油慢煮海虎蝦，地中海煎烤智利海鱸魚，西班牙海鮮飯，帕爾馬火腿凍肉拼盤，必點！焗芝士蛋糕配海鹽焦糖汁，開頭我以為係普通一個芝士蛋糕，我仲催佢可唔可以快啲上，大概需時15分鐘，原來佢真係焗酥皮包住個芝士蛋糕，個底仲有超正嘅海鹽焦糖汁，一定要點嘅甜品！！絕對不能錯過！個甜品係我超出意外嘅驚喜！…查看更多

有位中學同學喺台灣返嚟，諗住敘舊食飯就選擇咗呢一間，因為地點方便就喺諾士佛台一上即一樓，本身諗住都係一般嘅串燒店，點知裏面原來係勁熱鬧，所以最好一定要預約 walk in可能都需要排隊，我大概六點到，嘢食出乎意料嘅好味！唔怪得咁多人嚟，我叫咗超多嘢食，一定會食燒生蠔，另外有蒜蓉包好開心仲有我最愛嘅羊架～叫得多都唔會怕食物凍晒，前面就有一個爐比你keep住温度，嘢飲除咗有好多唔同嘅酒類，仲竟然有熱飲～我同朋友叫咗蜜桃烏龍茶～食串燒都帶點健康…查看更多

第一次去啟德行吓街，想坐低飲下咖啡食吓嘢就搵咗呢間啦，唔使排隊，環境裝修都唔錯，店員安排咗我哋去邊位，背後全部都係網球喺埲牆度好特別，兩個人叫咗一個午餐，招牌BBQ豬排骨，再加一個Pizza，韓風甜麵醬煙豬腩肉比薩，每人一杯咖啡，我叫咗一杯骯髒咖啡，完全開頭唔知乜嘢嚟，原來佢係一個凍嘅白咖啡，但係又冇冰，飲落去都幾有濃郁嘅咖啡味，奶味都好重，我幾鍾意，而我朋友就叫咗個橙香氣泡咖啡，佢話直程飲到有少少橙澀味，因為仲有橙皮喺個咖啡入邊都都幾特別，個豬排骨同埋Pizza都真係好大份，我哋兩個食到超級飽，其實仲有少少剩，豬排骨咬落去係啖啖肉，而個Pizza上面嘅豬腩肉都係大大舊，最後再叫多個甜品，有朱古力Oreo 雪糕酥皮~ 好好食，成件事好滿意…查看更多

今日約朋友出time square, 求其想搵個dinner就揀咗呢一間喺登龍街嘅yummy house, 第一因為佢位置好方便，第二就係我哋咩都唔想諗淨係想坐低傾吓偈食得飽，一餐定食啱啱好，結果我哋每人嗌咗一個定食，我朋友食銀鱈魚定食around $120~ 我就叫咗個泡菜豚肉定食around $88~~ 本身諗住食少少少，但係都比我食晒，定食入面有一碗麵豉湯，蒸蛋，主菜加飯，同埋少量酸菜配菜～成set啱啱好遇着咁啱食食吓落大暴雨，六點幾入嚟，結果差唔多九點先走，因為真係大雨到走唔到，店員唔單止冇詐型，臨走之前仲好細心話使唔使坐多陣呀？出邊好大雨！立即+1百分！呢啲先係窩心嘅服務態度不過我哋坐咗咁耐都唔好意思～多謝你哋比我地坐咁耐避雨…查看更多

喺荃灣上完堂就同一個好耐冇見嘅朋友行去荃灣廣場 ，大家都係想食西餐廳，所以就選擇咗呢一間Homeland，環境裝修好特別，好有格調，特別係牆上面嘅畫，環境都係有悉心設計過，坐低就即刻叫嘢食啦，qr code下單，都有好多唔同嘅西餐食品，例如Pizza，意粉，海鮮等等，仲有大量小食，我同一位朋友叫咗個西班牙蒜蓉大蝦配酸種包，呢個真係唔錯，特別係我好鍾意食個包，個包裹鹹味都幾勁，但係我真係覺得好好食，再叫咗個滋味小食拼盤，有炸蠔好正，最後再加多隻火焰桂花啤酒雞，其實食咗上兩款菜都已經有啲飽，所以隻雞打包返去食，我同朋友傾咗好耐偈，喺上甜品嘅時候要求左畫畫，本來想祝福我嘅朋友加隻字上去god bless you,結果佢成個耶穌都畫到出嚟真係好驚訝！非常驚喜～果然師傅好嘢…查看更多

話說幾個姊妹好想食雞，平時都係特登返大陸買，但係真係冇時間，但係食雞癮發作，啱啱朋友推介呢一間試吓，正常應該叫app 比較方便, 但咁啱我喺觀塘就直接上去買，其實地方一啲都唔難搵，觀塘工業大廈第一期，從來未去過真正嘅廚房，可想言之應該都好好食，結果佢真係冇令我失望！！成隻雞錫紙包住，加一蚊仲要有多個糖水(冰粉）我拎到返去仲係熱辣辣！一打開嗰浸香味成屋都係！3個女仔K.O.咗一隻雞！大贊好味，超入味，雞有雞味，又滑又香對於我呢啲鍾意食雞嘅朋友表示非常滿意，之前淨係會諗住返大陸食，但其實唔使咁麻煩都識到咁正既雞！值得推介！…查看更多

午市一個人想坐低慢慢享受午餐，選擇左呢間，因為見係咖哩幾吸引，呢度都有唔同既西式食物，意粉，Pizza, 飯等等，仲有好多好吸引既甜品，芭菲等等，我揀咗好耐，徘徊喺鰻魚鍋飯同咖喱飯之間，結果我選擇了漢堡蛋芝士咖喱飯～成個食晒，分量岩岩好，另外再叫咖啡，以為有餐其實係冇，104一個咖喱飯加$40凍鮮奶咖啡，連埋+1 大概$15x，我可以接受，但可能會有啲朋友會覺得貴，服務態度好良好，而且可以收支付寶，我而家通常都用支付寶付款，最好餐廳係可以收，因為對面嗰間淨係收現金同八達通冇咁方便…查看更多