mcgie的个人专页

金沙餐廳新開張既第一日, 我地夜晚去了試佢既食物。裡面既燈飾同裝修比其他港式餐廳誇張, 估唔到裡面有咁既吊燈。我地點了幾款經典小菜, 加 $8 轉套餐, 有例湯, 白飯, 凍飲或者熱飲, 都幾抵食丫。番茄薯仔湯味道還可以, 有點太鹹, 而且浮一粒粒油, 唔係 that appealing...., 但可接受。京都肉排 ($54):肉排份量幾多, 大大件。酸酸甜甜既醬汁, 幾開胃。菠蘿咕嚕雞球 ($54)咕嚕雞球既味道都唔錯。略嫌雞肉唔係好嫩滑, 但好彩脆皮唔係好厚, 唔會粉粉地。涼瓜炒牛肉 ($54):我平時好少食苦瓜, 但涼瓜唔係好苦, 炒得唔錯, 我都食了好幾件。牛肉鬆軟, 但食落, 唔會覺得放了太多鬆肉粉, 味道唔會過鹹。 紅燒班腩 ($58):呢碟小菜要貴少少, 但無我想像中咁好食。可能因為之前o係第二間餐廳食過用砂煲炆煮既紅燒班腩,魚塊會入味 D, 同有一些 bubbles 煮呀煮呀, 所以難免會覺得金沙既呢碟小菜差少少。…查看更多

*耶* 翠華既奶油豬真係百吃不厭 我好鐘意香脆既豬仔包, 抹上濃濃既奶油同煉奶雖然食得多會有少少熱氣, (+會變小肥妹),不過唔顧得咁多, 享受完美食至算 …查看更多

黎到深井, 我地既飯後甜品, 去了發記。點了焗酥皮芒果, 同巨峰提子雪花冰。啊...熱既芒果真係麻麻地...但勝在捲住熱辣辣又鬆脆既酥皮, 都還可以既!不過 I prefer 以前食過既芒果糯米卷!!!哈哈, 所以雪花冰o個晚順理成章搶了芒果甜品既風頭。雪花冰既巨峰提子味好濃, 而且生果味比朱古力/薄荷既選擇, 更清甜。大熱天時, 食雪花冰真好! 凍冰冰, 入口即融, 可以消暑 發記既甜品適合一班朋友圍埋一齊 share, 可以試多幾款甜品。…查看更多

今次黎到 La Maison du Chocolat, 試佢既朱古力甜品。店鋪出面有一個 sitting area, 環境唔錯, 買完可以即刻享用 點了一款 chocolate and raspberry 既甜品。$60 一件有點貴, 不過 La Maison du Chocolat 既產品係比其他既地方貴少少,所以還可以接受, 畢竟我久仰佢既大名好耐! 而且, 並唔係間間店鋪都有甜品售賣,既然一場黎到, 一定要試一試。呢件蛋糕既造型做成圓筒形, chocolate tube 幾特別。裡面既 chocolate mousse 同 fruit jelly 好冰凍, 食落涼涼地, 好 refreshing。值得一讚既係 chocolate mousse 好滑, 好 rich 既朱古力味道。外面既朱古力漿好濃好黏, 不過偏甜了少少。…查看更多

黎到 IFC, 試了 Amanda S 開既 petite Amanda 點了一款叫 amarina 既蛋糕。唔好見佢咁螢光錄色, 其實味道真係好出色!!我好~~鐘意呢一件開心果蛋糕。外面有一層香濃既開心果粉末, 味道好突出。裡面既 pistachio mousse 好滑, cherry filling 有少少藥水味, 但勝在有一粒粒酸酸甜甜既 cherry bits。開心果配櫻桃, 我都係第一次食 最可愛就係蛋糕上面, 仲放了一件 mini macaron。係一粒 細細 shaped as cherry 既 macaron。看得出 the 心思 put into this amarina cake。…查看更多

初次到訪 Antique Patisserie, 選了一件 Earl Grey Cheesecake。厚厚實實 cheese 既味道, 哈哈, 食完感覺會"重幾磅"? 我鐘意呢一件 cheesecake 夠濃郁, 唔會食落輕飄飄,帶有淡淡既 earl grey 茶味。未食之前會 expect earl grey 既味道濃一點, 層次會豐富一點...,,雖然只係簡簡單單一件蛋糕,但喺香港可以食到呢種 cheesecake 已經好開心。職員好細心, 竟然記起拎錯了我選既蛋糕, 仲走出舖頭叫住我, 然後幫我換了蛋糕 …查看更多

黎到 Patisserie Tony Wong 既另一間 location:試了三款精緻蛋糕。因為買完拎走, 所以職員好細心喺蛋糕盒裡面附上 an ice pack,可以 keep 住溫度凍一點, 如果唔係, 外面既天氣實在太熱, 會影響蛋糕既品質。Mixed Berries Napoleon:上面鋪滿 raspberries, blackberries, 同士多啤梨。一層層酥皮夾住 some custard。Custard 好 thick, 但唔會太甜。Lychee Dome:賣相好靚既蛋糕。雪白色既 dome cake with 一塊玫瑰花瓣。鮮紅色同白色有一個強烈既對比, 仲點上一小片金箔作點綴。切開裡面有香滑既 cream 加上整粒既 raspberry。下面仲有一層餅乾 crust, 不過略嫌唔夠脆身。我認為最具創意係叫 Cardinal 既蛋糕:層次好豐富, 喺第二度無見過咁既蛋糕配搭。間住間住有一條條 lady fingers 同 meringue (脆蛋白)。另有一層苦苦, 幾挺身既 coffee jelly。下面又一層咖啡味道既 buttercream。最特別就係仲有一支好似針筒既 vanilla sauce,喺食之前, 可以淋上去。Pretty impressed with Tony Wong 喺呢一件蛋糕上面所花既心思同創意,但我就覺得雖然食落幾特別, 但味道有點過於複雜...…查看更多

之前飲過幾次貢茶既飲品, 知道佢既招牌係奶蓋紅茶/奶蓋綠茶。當時覺得, 好飲, 不過就未到好鐘意好鐘意既程度。直至, 遇上呢杯: 奶蓋綠森林 而且, 今次先真正知道, 奶蓋之所以受歡迎, 好飲既 "秘訣" 真係要多謝那位服務生細心為我貼上既貼紙!!!我跟住貼紙上面既步驟, 打開蓋, 先飲了一啖上面那一層奶蓋。厚厚既 cream 好滑, 好純既抹茶粉味道, 但鹹鹹地。然後, 插入飲管, 飲到帶有清香既綠茶。清洗了頭先飲到鹹鹹地既口感。之後, 再用飲管將兩層 mix together, 再飲, 的確別有一番風味。珍珠又煮到剛剛好, 唔會太腍 當時既一刻, 真係被貢茶既出品驚艷到! 呢一杯奶蓋綠森林, 真係比之前飲既奶蓋綠茶更出色!!!有較濃既綠茶味, 而且, 奶蓋那一層 foam 真係好特別!難怪係貢茶既招牌之作 依家有點迫不及待再試其他口味 …查看更多

喺大食代 food court 裡面, 選了試食 Pepper Lunch。揀了黑椒牛肉鐵板午餐, 加芝士。熱辣辣又夠香噴噴既 Pepper Lunch, 真係好正! 好貼心有一張紙圍住, 醬汁/油唔會彈到週圍都係。黑椒味夠重, 有點辣, 半生熟牛肉喺鐵板上面慢慢變熟。最好玩就係趁溫度仲熱, 將所有材料拌均勻 Cheese 粘住一粒粒米, 又有少少飯焦味, 特別香口。栗米好脆, 配埋其他材料, 真係一個好好既配搭!牛肉份量唔係好多, 但對我黎講, 算剛剛好。…查看更多

Das Gute 呢一件法式可可真係唔錯, 有驚喜!外層有一層厚厚既 dark chocolate glaze, 仲有一點點閃靈靈既金粉。有一層薄薄既紅莓醬, 唔係好食到 raspberry 既味道, 但勝在有一層粉紅色既 colour, 幾靚。裡面成件蛋糕係好 rich 好 rich 既 chocolate mousse!!! (食了半件就開始覺得有點膩, 但仍然好滿足那濃濃既朱古力味)完全 fulfilled 我嗜甜/嗜朱古力既感覺 裡面仲有一層好 light 既 sponge cake 同埋好綠色既蛋糕 layer。咁深綠色既蛋糕竟然食唔出開心果味, 所以差少少, 有點失望, 但外面都有一粒粒開心果仁碎。整體黎講, $30 一件蛋糕, Das Gute 呢一件算做得好好。…查看更多

終於試到鼎鼎大名 Jean-Paul Hevin 既 macarons 啦!!! 雖然只係細細既 counter, 但 glass display 前面卻堆滿慕名而來既顧客。我好難先擠到埋去點自己想試既 macarons。選了一款開心果, 另一款為紅莓。一件 macaron 賣 $25...., 有點貴, 所以我唔係好捨得買一盒...雖然好想試更多既味道.... 今次淨係買兩件, 先試一試。第一件食開心果味既 macaron。它比較甜, 裡面既朱古力餡濃到蓋過了開心果既味道。但都仍然食到開心果仁既香氣。食落去唔錯!我就比較喜歡食紅莓那個!!! 酸酸甜甜, 味道比較鮮明。紅莓既酸, 同苦苦既朱古力味, 幾夾。兩款 macarons 都比我之前喺其他地方食過既既濃,加上朱古力味特別突出, 所以呢間既 macarons 做得很出色 或者香港天氣實在太熱既關係...,所以 macarons 熱到變腍, 好軟, 一拎起, 好黏, 就快散咁....若果我即場食, 或者會有一個完全不同既體驗。出色既 macarons 既 surface 應該光滑, smooth 一點,唯獨是綠色那個, 有不少 bumps on the macaron....如果賣相可以再嚴謹一點, 會好少少...雖然扣了一點點分 on 外觀上, 但味道沒有影響 我好鐘意每一件 Jean-Paul Hevin 既 macarons,兩面既顏色都唔一樣, 同其他售賣 macarons 既店舖有一個分別。…查看更多

前身係 Italian Tomato, 但呢間 cafe 都有賣它的蛋糕。看宣傳單張, 影就好靚, 但同實物有差少少距離。我試了一件和風草餅紅豆米粉蛋糕。其實米粉蛋糕, 即係用了 rice flour 製作既蛋糕,蛋糕應該係比較鬆軟。食落去, 綠茶忌廉好 light, 得好淡既綠茶味。紅豆忌廉亦都一樣, 沒有什麼味道...好求其抹一些 cream 上去就算?綠茶蛋糕軟腍腍, 食完...都唔覺得邊到黎 "和風草餅"....??呢件蛋糕真係麻麻地.......賣 $30 一件.....我寧願選其他既蛋糕!!!…查看更多

黎到魚米家, 試了它的順德魚腐米線。好大碗, 裡面有好多件魚腐。除了爽滑既米線之外, 仲有少少榨菜, 粟米, 生菜為佐料。我幾鐘意湯裡面既魚腐, 食落好新鮮,口感腍腍地, 比起我之前食過其他既魚腐, 那些係比較硬。那些無咁好食, 應該係冰過, 然後就咁用滾水整返熱。所以 I am pretty impressed with the 魚腐 at 魚米家。雖然不太了解製作過程, 但食落幾好。下午茶我仲點了一些小食。雖然那個墨魚丸既醬食落覺得怪怪地, 但都 okay 既....擺喺貝殼蝶上面, 幾特別。奶茶都好香好滑, 味道唔錯。…查看更多

第一次去德興, 覺得餐牌上既潮州打冷小菜選擇好多樣化。我們點了蠔仔粥, 滷水鵝掌翼, 蒸烏頭魚, 煎蠔餅。滷水鵝掌翼滷到好入味, 唔會太鹹。蒸烏頭有點淡, 魚肉無味, 但沾附上既黃豆醬, 就剛剛好。方魚肉碎蠔仔粥好鮮甜, 蠔仔夠肥美, 但口感有點太腍。我覺得最好食就係潮式煎蠔餅。它半煎炸, 上面有一層好香口既脆粉, 有少少蛋香。沾魚露, 味道更能將蠔既味道帶出來。因為好酥脆, 所以會一件夾完又再想食第二件。不過食得太多, 可能會有少少熱氣。我鐘意細細間茶餐廳 feel 既舖頭,亦有這些好食既潮式打冷小食。給顧客更多既選擇!!!價錢唔會好貴, 夠平民, 但食物都好食。…查看更多

Jasons Food & Living 裡面, 有呢一間 Urban Bakery, 鐘意食新鮮出爐麵包既人, 真係太幸福了。短短兩個禮拜左右, 就已經賣了一萬個牛角包, 真犀利!!! 可見它受歡迎既程度。呢間 bakery 其他既麵包, 都好吸引人。士多啤梨既盆栽甜品, 亦看得出花心思砌既 我特別喜歡那些哈哈笑 cookies, 望住它們, 就已經覺得好開心, 心情變得好好。雖然人龍好長, 排了好多人, 但抱住期待牛角包出爐既那一刻, 所以我又唔會等到唔耐煩。望住一盤一盤牛角包焗好, 聞到牛角包既香味, 已經蠢蠢欲動好想食。但牛角包真係被秒殺...只好再等 25分鐘, 等下一批牛角包。終於出爐啦!!! 見到成盤拎出黎, 好興奮上前揀牛角包。依家 promotion 買二送一, 原味 $12 一個, 其他口味就 $14。因為我好為食, 所以買完牛角包, 喺銅鑼灣地鐵站入閘之前, 就趁熱試食了原味既牛角包。手拎住大大隻既牛角包, 兩眼已經發光, 所以完全顧唔到儀態 or 身邊經過既人群,就企喺角落慢慢享受著鬆軟既牛油牛角包。第一啖咬落去, 層層酥皮慢慢碎開, 輕飄飄咁飛黎飛去。新鮮到咁既地步!!! 好濃郁既牛油香味, 而且牛角包好彈牙, 仲望到裡面一層一層添。當下真係即刻愛上呢個原味牛角包。返到屋企, 試食杏仁味。它外面鋪上大大片金黃色既杏仁片, coat 上糖, 所以比較甜。可能第一個食原味, 太驚喜, 喺心目中已經票選它高分一點。雖然杏仁味都好食, 但對原味既味道, 口感, 依然比較深刻,所以我特別鐘意 the original croissant …查看更多